Loftbóluprinsar Andskotans.

 Að "eiga" flugfélag, en eiga enga flugvél, hefur tuðarinn aldrei skilið. Er virkilega nóg að eiga Skóda og fimmtíu þúsund kall á reikningnum, til að geta talist eigandi að "flugfélagi" eða ferðaskrifstofu? Getur verið að þetta kallist "Pálmasyndróm"? Ekki spyrja mig, en þetta er rosalega "Iceland Expresslegt".

 Renna sér síðan gegnum gjaldþrotið og "kaupa" allt sem áður fylgdi "flugfélaginu" og tengdum félögum með aðstoð Arion Bankans? 

 Auðvirðilegar fígúrur viðskiptalífsins kristallast sennilega hvergi betur en í Andra karlinum. Bakhjarl hans er Arion Banki. Þar hafa jú einhverjir mestu "fjármálaspekúlantar" þjóðarinnar og klárustu fjármálamenn veraldar, valdið meira tjóni en gróða, nema fyrir þá sjálfa. Áfram heldur andskotans endaleysan. Fjölmiðlar gapa eins og ungi á hreiðri og taka hvaða tuggu sem er, því lífið er jú matur, numer eitt, tvö og þrjú, þegar maður er ungi í hreiðri. Hvað sem er, er nógu gott, þegar selja þarf nákvæmlega ekki neitt. Svona eins og utanlandsferðir í júní á næsta ári, til Tel Aviv. Fyrirtækið rekið á lánsfé frá væntanlegum fórnarlömbum.

 Innistæðureikningar hjá Arion Banka eru ekki ríkistryggðar og því hvet ég alla, sem eiga þar innistæður til að færa allt sitt fjármagn frá þeim skelfilega banka. WOW er nefnilega þar líka!

 Einungis spurning hvenær það "flugfélag", sem er sama merki brennt og andvana andradæmið, fer á hausinn. Ferðaskrifstofa sem á enga flugvél og rekur sig á lánsfé, sem fengið er með loforðum um ferðir fyrir ekki neitt, fram í tímann, eru ekkert annað en glæpafyrirtæki, sem sennilega eiga ekki einu sinni Skóda, þegar að uppgjörinu kemur og skellurinn lendir á almenningi, eins og fyrri daginn.

 Hvernig væri að vakna og slá þessa draumhuga í kaf, áður en skaðinn verður meiri?

 Tuðarinn bara spyr.

 Góðar stundir, með kveðju að sunnan.

4,6 milljónir og einn bíll í búinu

"Hvarflar ekki einu sinni að mér"

 Hvað er að gerast innan forystu Sjálfstæðisflokksins, á almennur Sjálfstæðismaður erfitt með að skilja. Hvoru megin borðs situr Kristján Þór, sem ég taldi eitt sinn með hæfileikaríkustu og heilustu mönnum innan flokksins míns? Hvaða eiturpillu er búið byrla forystunni, sem fær menn til að ganga svona hrapalega úr skaftinu, við stefnu flokksins? 

 Hverju er búið að lofa mönnum eins og Kristjáni Þór, eða forystunni í heild? Forystu sem algerlega hefur tapað fylgi stórs hluta Sjálfstæðismanna og mun í næstu kosningum þurfa að horfa upp á fylgishrun á pari, eða jafnvel neðar en samfylkingarniðursturtið, sem frægt er orðið. Sigmundur bíður.

 Hvert er forystan að fara? Væri ekki tilhlýðilegt að hún gerði hreint fyrir sínum dyrum?

 Bara spyr.

 Góðar stundir, með kveðju að sunnan.

EES-samningurinn ekki til endurskoðunar

Yfirstjórnin situr sem fastast, undirsátarnir taka pokann sinn.

 Fjármálaóreiða, bruðl og hreinn og beinn fíflagangur Borgarstjórnar Reykjavíkur hefur náð nýjum hæðum. Áfram belgja helstu stjórnendur sig og þykjast ábyrgðarlausir, en fagna á sama tíma því að undirsátar þeirra skuli sjá sóma sinn í því að hverfa af vettvangi, fyrir afglapasakir, sem yfirstjórninni sást yfir í útópíudraumi sínum um hagfellda eiginhagsmunagæslu sína. Gjörsamlega ónothæfur ruslaralýður.

 Væri þetta fyrirtæki, væri búið að reka allt heila helvítis slektið í yfirstjórninni, sem í valdhroka sínum fagnar því að einhver annar þau sjálf sjái sér ekki annað fært en að hætta.

 Manni liggur við uppsölu, niðurgangi, ef ekki barasta eilífðar drullu, að hlusta á fáránelgar útskýringar meirihlutans á embættisafglöpum sínum.

 Á sama tíma koma börn vannærð af leikskólum borgarinnar og rónar frjósa í hel. Svei þessu hyski.

 Góðar stundir, með kveðju að sunnan.

Öðruvísi staðið að framkvæmdum núna

Sex ára umferðarteppa framundan.

 Í dag gengur erfiðlega að manna heilbrigðiskerfið. Þar kemur margt til. Lélegt skipulag, lág laun og að því er virðist engin heildstæð áætlun, um nokkurn skapaðan hlut til framtíðar. Reddingar sem duga skulu til næsta árs, er sennilega það besta sem kerfið hefur upp á að bjóða. Endalaust að éta úr afturendanum á sér og hefur varla séð bjartan dag í áratugi. 

 Nú skal hinsvegar spýtt í lófana og byggð bygging. Nafnið á henni er "hátæknisjúkrahús". Staðsett við einhverja mestu umferðargötu Íslands, Hringbrautina. Einhver æðisgengilega endurreisn hérlends heilbrigðiskerfis, er semsagt hafin. Aumkunnarverðir "stjórnmálamenn" sveifla stunguskóflum og brosa saman, einn eftirmiðdag og fjölmiðlar slefa, eins og hýenur. Allt alveg hreint æðislega "kúl" og "happy". Meðan á framkvæmdinni stendur, munu sjúklingar á "lágtæknisjúkrahúsinu" hinum megin við götuna, þurfa að hlusta á höggbora, sprengingar og annað ónæði, enda bara á "lágtæknisjúkrahúsi".

 Að auki mun Hringbrautin verða nánast ófær, af mannavöldum, því hana mun þurfa að þrengja, færa til, af og til og annað, sem fylgir framkvæmd sem þessari. Hélt sannast sagna að fíflagangur borgarstjórnar Reykjavíkur í þrengingar og heftibrjálæði sínu væri einsdæmi. Nú hefur hins vegar komið í ljós að "holukrullisminn" hefur smitast inn á Alþingi, með afleiðingum sem hverjum hugsandi manni hlýtur að hrjósa hugur við.

 Góðar stundir, með kveðju að sunnan.

Tímamót í sögu Landspítala

"Braskarar og glæpamenn".

 Frekar léttvæg er söguskýring Heiðrúnar, þar sem hún þvertekur fyrir að bankakerfinu hafi verið stjórnað af bröskurum. Glæpi sína fengu sumir hverjir dóma fyrir og geta því varla talist annað en glæpamenn, auk þess sem brask á ekki heima í góðri stjórnun banka.

 Man ekki til þess að hafa séð margar myndir af Björgúlfi Thor, á leið í réttarsal, en það hvítþvær hann hinsvegar ekki af sínum þætti í brjálæðinu.

 Góðar stundir, með kveðju að sunnan.

 

Heiðrún svarar Björgólfi

Hið ljúfa líf báknsins og hrunverjanna, á okkar kostnað.

 Peningar gufa ekki upp. Þeir færast stað úr stað og gera með því mögulegt að viðhalda hagkerfum heimsins, verslun og viðskiptum. Hagkerfi heimsins byggir á flutningi fjármagns, vöruskiptum og greiðslum fyrir þau. Ekkert voðalega flókið. Jafnvægi er þó ætíð nausynlegt. Það geta t.a.m. aldrei allir grætt. Eitthvað sem vinstri hjörðin virðist aldrei skilja.

 Áttatíu þúsund milljónir til Kaupþings gufuðu ekki upp. Þeim var stolið og þeir sem þjófnaðinn frömdu eru frjálsir menn í dag, ásamt öðrum sem stálu, hægri vinstri, leynt og augljóst, þar til spilaborgin að lokum hrundi. Endalaust fjármagn að utan, þó mest frá Þýska Bankanum, flóði inn í hagkerfið og nokkrir óprúttnir aðilar sáu sér leik á borði í vaxtahagnaði og innherjaviðskiptum með eigin bréf. Allt að láni. Gekk vel um tíma, en allar bólur springa að lokum. Þjóðin ætti ekki einungis að þakka fyrir sig og gleyma, heldur vera ógeðslega "kúl" og ekkert að elta ólar, yfir "smá" þjófnaði sem átti sér stað fyrir áratug. Hún hefur það svo ógeðslega gott í dag. "Fuck the robbers, forget the past"?

 Ekki beint skemmtilegt upphaf á færslu, en vonandi eru einhverjir sammála aumum tuðara um skilgreininguna.

 Það "hurfu" ekki einungis áttatíu þúsund milljónir í bankaráni aldarinnar. Ráni, sem bankastjórarnir frömdu, en kostnaðurinn féll á viðskiptavinina. Það "hurfu" þúsundir milljarða! 1.000.000.000.000.- eru eitt þúsund milljarðar, velkist einhver í vafa um stærðirnar og vilji velta fyrir sér stjarnfræðilegum stærðum hrunsins, í tölum. Mannlegur harmleikur verður ekki reiknaður á  neinum mælikvarða, því miður.

 Íslenskur almenningur hefur síðan eftir hrun þurft að greiða fyrir þjófnaðinn, í sveita síns andlits. Ýmist með glötuðum eignum, eða undir allt að því nauðgunartiilburðum fjármálakerfisins. Kerfis sem hefur lengst af verið í eigu Ríkissjóðs Íslands, hefur slitið nánast hverja einustu krónu af alþýðu þessa lands, því hjá stjórnvaldinu sitja eiginhagsmunaseggir og stólasjúklingar, sem aldrei fyrr. Husjónalaust skítapakk sem hikaði ekki við að framselja landa sína erlendum vogunarsjóðum, því stóllinn yljaði svo helvíti vel. Fólk sem eitt sinn gekk Keflavíkurgöngur, gegn erlendu valdi, gerðist portkonur og aumar druslur, á götuhornum stólalöngunarinnar og seldi sig eins og ódýrar mellur, í skiptum fyrir stól.

 "Skjaldborg heimilanna" hljómaði býsna "kúl" árið 2009, en í dag sjá flestir hve grunnt það helvítis "fokking fokk" kom út fyrir heimilin. Nóg um það.

 Í dag, tíu árum eftir hrunið, hefur risið upp tvennskonar ófögnuður, sem líkja má við "banksterana". Ófögnuðr sem rænir alþýðuna launum sínum.

 Embættis og stjórnmálamenn sem telja sig geta sólundað skatttekjum samborgara sinna í nánast hvaða andskotans endaleysu, sem þeim dettur í hug, án nokkurra skýringa. Jarðgöng á röngum  stað, eða bragga í Nauthólsvík. Gjálífisferðir á Saga Class og fimm stjörnu hótel um allan heim og alþýðan borgar.

 Hinn ófögnuðurinn eru stjórnendur lífeyrissjóða þessa lands. Sjóða, sem á sínum tíma voru hugsaðir til þess að "tryggja öldruðum áhyggjulaust ævikvöld". Sjóðir sem velta ógreiddum skatttekjum Ríkisins í fallvöltum heimi fjármálanna, undir stjórn bitlinga og bónussækinna einstaklinga, sem "gambla" með eftirlaun mín og þín, launþegi góður! 

 Ef staðgreiðslan af lífeyrissjóðsgreiðslum landsmanna væri innheimt nú þegar, mættti endurbyggja samgöngukerfið og koma hér á fullkominni heilsugæslu og þjónustu á mjög skömmum tíma og samt eiga afgang. Hvers vegna það er ekki gert, skilur kvikyndið ég ekki með nokkru móti.

 Þar hljóta einhverjir sameiginlegir hagsmunir hugsjónageldra stólelskenda, bónussækinna fjárglæframanna og fjármagnsþjófa að spila stóra rullu og því ber að varast þá og véfengja í öllum þeirra verkum. 

 Góðar stundir, með kveðju að sunnan.

 

 

 

 

Rúvið og "Skrækur Skellibjalla"

 Að horfa á vikulokin með Gísla skræk í kvöld, fyllti mig viðbjóði. Þetta skrækróma skellibjöllufyrirbæri skeit svo rækilega upp á bak í kvöld, að sjaldan hefur nauðungaráskrift minni verið boðið upp á annað eins andskotans rugl. Fjórir gestir á setti og einn þeirra augljóslega til þess eins fenginn að vera skotspónn, sem nota átti til niðurlægingar. Tættur  sundur og saman, en tók ekki eftir því, enda mun "gáfaðra og fallegra fólk" í hinum þremur stólunum, auk skræksins í forsvari, sem skeit feitt í brók í kvöld. Ég neita hreinlega, sem þrjúhundruð og þrjátíu þúsundasti hluthafi í RÚV að láta bjóða mér upp á svona andskotans vitleysu! Gott ef maður krefst ekki stjórnarfundar! (Sennilega of smár til að beyðast slíks, enda ekkert og verð ávallt ekkert, hvort sem mér líkar betur eða ver. Mun ávallt líka ver.)

 Fíflagangurinn í þessum þætti, auk vanvirðingar við viðmælendur sína, ætti að nægja til að henda þessu skrækróma, nánast óþolandi fyrirbæri, sem Gísli er, út í hafsauga og hlífa þjóðinni við því að horfa upp á það hve illa fjármunum hennar er varið í svona þvæluþætti "rétthugsandi fólksins". Fólks sem telur sína lífssýn vera þá einu réttu og þar með skotleyfi gefið á alla, sem hugsa, eða haga sér öðruvísi en þetta sjálfumglaða "vér einir vitum" pakk.

 Nógu er nú sóað á degi hverjum af skattpeningum okkar í andskotans dellu, svo ekki bætist í ofanálag þáttur eins og þessi. Þáttur fullur af virðingarleysi gagnvart ólíkum skoðunum, en jafnframt nánast dólgslegri framkomu við andstæðar skoðanir, gjörsamlega óþolandi þáttarstjórnanda.

 "Hlutlaus miðill?" Hoppið upp í ....gatið á ykkur!

 Góðar stundir, með kveðju að sunnan.

 

Braggaúthlutun og barnaúthlutun.

 Fjörtíu milljóna salerni í uppgerðum bragga frá stríðsárunum vefst ekki fyrir burgermeisternum. Ekki frekar en tæpur hálfur MILLJARÐUR, í þá þvælu alla.

 Hvert ætli dagurinn telji þá umræðu vera komna? Byrjunarstig eða lokaumræðu? Nefnd eða starfshóp? Samráðshóp um stríðsmynjar, sem nýst geta borgarbúum til salernisferða og salaútleigu? Kostar ekki nema 500.000.000.- úr vösum samborgara hans. Á hvaða stigi ætli sú umræða sé?

 Aumingja Reykvíkingar að þurfa að líða þetta skoffín næstu árin, ásamt fylgifé, já og hellings glötuðu fé, í tóma þvælu.

 Góðar stundir, með kveðju að sunnan.

Sakar borgarstjóra um „hrútskýringar“

Allir vita, en enginn gerir neitt!

 Allir vita að þetta skammarlega ástand hefur varað árum saman. Hófst af fullum þunga með framkvæmdunum við Kárahnjúka og hefur í dag náð slíkum hæðum, að undrun sætir. Stjórnvöld þykjast ekkert vita, yppa öxlum og munu sennilega setja nefnd, eða jafnvel starfshóp í málið. Taka bara Dag á þetta. Svæfa eins og ómálga krakka og vona að þetta "feidi" út í umræðunni. Allt samfélagið veit af þessu og hefur vitað lengi. Duglausir og allt að því óhæfir bjálfar í stjórnmálamannastétt vita þetta jafnvel og allir aðrir og hafa vitað lengi. Allir vita, en enginn gerir neitt! Enginn! 

 Það vantar ekki reglugerðakjaftæðið og lagaþvæluna alla. Valdlausa og allt að því gagnslausa eftirlitsmenn valdlausra stofnana, sem eiga að koma í veg fyrir svona ósvinnu. Það vantar hinsvegar manndóm og dug til að stinga á kýlum sem þessum. Íslensk stjórnvöld og embættismannakraðakið, sem hugsar aðeins um að viðhalda sjálfu sér, verður sennilega síðast allra til að bregðast við þessu hneykslanlega máli.

 Ekki frekar en þegar þessum amlóðum, með ónefndan kúvending að norðan og afdankaða gránu gömlu, þóttust verja samlanda sína í eftirmála bankahrunsins, með vel þekktum afleiðingum.  

 Farandverkamenn komast tæplega á blað hjá þessu hyski, miðað við "trakteringarnar" gegn eigin þjóð. Með dansa síðan vafningar og lausgyrtar madömmur á útsölu, eins og útslitinar portkonur á götuhornum. 

 Kveikur hrærir vonandi upp í afturendanum á þessu liði og hrekur það upp úr stólum sínum, til sýnilegra gjörða, sem þau eru ráðin til, í stað slugsina alls og fullveldisafsalsdraumanna, með von um feitan tékka í ellinni.

 Skammist ykkar öll sem eitt, sem gerðuð og eruð enn að gera þetta mögulegt! Ömurlegra rusl hefur ekki dregið andann í vegferð Lýðveldisins Íslands!

 Góðar stundir, með kveðju að sunnan.

 

„Í sömu gildru og hundruð annarra“

Framsóknarmaddömmubullið.

 Samkvæmt samgönguáætlun er hrossahreðjaklippirinn að tala um tvöþúsund og þrjátíu! 

 Kaupir fólk virkilega þessa þvælu?

 Vandséð orðið, hvorir eru verri, fréttamenn sem ekkert geta, eða falsstjórnmálamenn sem lofa út um eyrun á sér, nánast að endilokum lífdaga sinna, eða þannig.

 Sennilega löngu komnir í "kósí"umhverfi feitra eftirlauna. "Smæla svo bara og ganga af fundi" og telja hann vel heppnaða samkomu, sér í hag. Fjölmiðlar fylgja, eins og hvert annað drasl, með myndatökum og halelúja. "Case closed".

 Nei takk! Sauðsvartur almúginn er vaknaður! Gætið ykkar, fagurgalar!

 Góðar stundir, með kveðju að sunnan.

 

Ráðherra ræðir göng um Reynisfjall