Tragíkómískt hvarf jökuls.

 Það er allt að því sorglegt, að fylgjast með fréttaflutningi fjölmiðla af hvarfi Oks. Hver mannvitsbrekkan af annari röltir nú upp hlíðina, þar sem skaflinn eitt sinn var.  Ekki nokkurt einasta þessara viðriðna hefur komið þarna áður, svo vitað sé. Sé það rangt, beiðist ég velvirðingar.

 Nú skal negldur skjöldur í stein, með áritun Andra snowball, þess fjöllynda tækifærissinna og styrkþega úr ´´dúbíus´´ blóði drifnum sjóðum.

 Sem ósköp venjulegur Íslendingur, lýsi ég yfir algeru frati á þessi fífl . Ok var tekinn af jöklaskrá árið 1960, enda uppfyllti þessi skafl aldrei neina skilgreiningu um það að vera jökull. Var aldrei meira en fimmtiu metra þykkur og því aldrei jökull.

 Vilja þessi fífl ekki næst leggja skjöld á stein í hlíðum Skjaldbreiðar? Fljúga þangað ´´umhverfisvernadarsinnum´´ og sérfræðingum um lofthjúp jarðar, eða sigla stelpukjána frá Svíþjóð yfir hafið á ný, skítandi í fötu, um borð í skútu?

 Forsætisráðherra Íslands, umhverfisráðherra sem enginn kaus og allt það slekti, sem grét jökul í gær og boraði málmplötu í stein, er annað tveggja stórlega þvingað, eða alvarlega greindarskert, raunveruleikafyrrt hælisfóður.

 Minnkum mengun, minnkum sóun, minnkum plast, en fyrir alla muni ekki falla fyrir kjaftæðinu sem vellur úr munnvikum heilaþveginna bjálfa, sem sjá þá einu lausn að skattleggja út yfir gröf og dauða hinn vinnandi mann, því hitinn sé að hækka.

 Góðar stundir, með kveðju að sunnan.

  

Ok, tragikómískt hvarf

Sprengir Framsókn ríkisstjórnina?

 Þegar Skagfirska Efnahagssvæðið (SKES), urrar á forystu Framsóknarflokksins, er eins gott fyrir forystuna að hlusta og taka vel eftir. Mikið er gott að sjá, að óánægja með flokksforystuna í op3 málinu skuli ekki einungis eiga við í Sjálfstæðisflokknum mínum.

 Nú vantar aðeins að grasrót VG láti í sér heyra, með afgerandi og ögrandi hætti, svo forysta þeirra fái hressilegt urr á sig, nema náttúrulega það sé bannað í þeirra röðum.

 Sennilega getur ekkert mál sameinað grasrót allra ríkisstjórnarflokkanna betur, en andstaðan og óvissan varðandi op3. Óvissan sennilega mest. 

 Ef eitthvað er svo ómerkilegt, að það taki því varla að nefna það, en bráðnauðsynlegt að keyra það í gegnum Alþingi, helst fyrir einhverja ákveðna dagsetningu í Noregi, er eitthvað ekki eins og það á að vera.

 Leyfum þjóðinni að njóta vafans og stöðvum samþykkt op3!

 Boltinn er hjá grasrót VG! Koma svo!

 Það hefur áhrif að urra pínulítið!

 Góðar stundir,með kveðju að sunnan.

Vill undanþágu frá orkupakkanum

Til hvers þarf borgarstjóra?

 Góður almannatengill og klár, fær vel greitt, sem aðstoðarmaður ´´borgarstjóra´´ fyrir að hylja axarsköptin.

 Hvað er ´´burgermeisterinn´´ í Reykjavík eiginlega með í laun, ef aðstoðarmaðurinn kostar þessa upphæð?

 Getur verið að samtals sé verið að greiða burgermeisternum í Reykjavík og aðstoðarmanni hans, með launatengdum gjöldum, hátt í 50.000.000.- króna, (fimmtíu milljónum króna00/100) í árslaun úr sjóðum höfuðstaðarins? 

 Vonandi er þessi frétt alger della, en sé hún það ekki, er undarlegur andskoti að svelta  þurfi börn á leikskólum borgarinnar, vegna ´´fjárskorts´´.

 Góðar stundir, með kveðju að sunnan.

Aðstoðarmaður Dags kostar 20 milljónir

Að kúka í fötu fyrir málstaðinn.

 Það verður fróðlegt að fylgjast með ferðalagi þessa barns, sem heimurinn hefur höndum tekið og umvafið fyrir umhverfisvitund sína. Hreint ótrúlega sjón og næmni þess fyrir ósýnilegum ögnum andrúmsloftsins og öllum þeim ómetanlegu skilaboðum sem það hefur látið hnjóta af vörum sínum til heimsbyggðarinnar, um væntanleg Ragnarrök.

 Mannskepnan má svo sannarlega fara að vara sig í sóðaskap sínum, svo mikið er víst og hefði mátt taka við sér mun fyrr í þeim efnum. Það ætti að vera keppikefli allra jarðarbúa að ganga vel um umhverfi sitt og sjálfa sig í leiðinni. Til að ná sátt um hvernig það sé best útfært og framkvæmt þarf vitræna umræðu, en ekki svona skrípaleik. Táknrænt á þetta sennilega að teljast, en hvar eru núna verndarar barna og mannréttindasamtök? 

 Má hvað sem er í hverju sem er í dag? Telst það eðlilegt að senda barnunga stúlkukind út á sextíu feta skútu yfir Atlantshafið, inn í haustlægðirnar og láta hana kúka í fötu alla leiðina innan um fullorðna, til þess eins að halda ræðu hinum megin hafsins? Er þetta ekki alvarlegt brot gegn ólögráða barni? Eru foreldrarnir með? Er búið að tryggja að áhöfnin sé í lagi? Eru jafnmargir karlmenn og konur um borð og svo framvegis jarí, jarí, jarí.

 Hvort svo barnið fer til baka sömu leið og það kom, verður athyglisvert að fylgjast með. Það er nefnilega ekki vænlegt til árangurs að fara bara aðra leiðina, kúkandi í fötu í nafni málstaðarins, ef flogið er hina leiðina með fullri þjónustu og vacumtoiletti. Vilji fólk láta taka sig alvarlega í baráttunni gegn mengun, er þetta sennilega aumlegasta tilraunin hingað til, til slíks. Hvort kalla beri þetta hræsni, eða hreinan fíflagang læt ég aðra um að dæma.

 Er ekki veröldin annars dásamleg?

 Góðar stundir, með kveðju að sunnan.

Mun ekki láta sjóveikina á sig fá

Að kunna ekki að skammast sín.

 Skúli var svo duglegur, Skúli var svo rosalega´´cool´´. Skúli var og er eflaust alveg æðislegur, þannig lagað séð frá hans sjónarhorni.

 120.000.000.000.- Iskr. tapaðir fjármunir eða meir , er ´´kúlið ´´ hans.  Meira en Ísland ætlar ´´sennilega´´ að nota í samgöngubætur næsta áratuginn! Viðskiptahrappur af verstu gerð og hreint með ólíkindum hve mörgum honum tókst að vefja um fingur sér, með hæðnisglotti sínu og algerlega gölnu viðskiptaáætlunum og hreinræktuðu þvælu. Sumir fengu jú ódýrt að ferðast um stund, en næstu ár verða okkur dýr í ferðum, þökk sé Skúla. Eitt hundrað og tuttugu þúsund milljónir, landsmenn góðir, er soraslóði þessa snillings, í þessari umferð. Fréttamenn og fjölmiðlar méu nánast þar sem þeir stóðu, þegar þessi mannvitsbrekka opnaði munninn, eða kynnti nýtt ´´trix´´.

 Mestu landeyður þessa gjaldþrots eru íslenskir embættismenn, í ömurlegum ríkisstofnunum og opinberum fyrirtækjum. Látum Skúla liggja milli hluta, enda búinn að vera, en refsum rolum og aumkunnarverðum embættismönnum, sem hleyptu þessu skoffíni svona langt.

 Það eitt að Isavia leggi fram mörg þúsund milljóna kröfu á WOW, fyrir gjöld sem átti jafnvel að greiða fyrir einhverjum árum síðan, sýnir svo ekki verður um villst, að mútur voru greiddar! Engin önnur skýring er á rolugangi Samgöngustofu, Isavia og forstjóra þeirra stofnana, svo talað sé mannamál!

 Ekkert, ekki nokkurt einasta fyrirtæki í samgöngugeiranum, ekki einu sinni sjoppurekstri, komst upp með neitt í líkingu við WOWið, innan kerfisins. Ekkert flugfélag, samanber Ernir með skítaskuld en nýjustu vélina kyrrsetta, engin bílaleiga, enginn!

 Áfram hélt WOWið, eins og enginn væri morgundagurinn.

 Hverjir voru ráðherrar samgöngumála á þessum árum og með hverjum ferðuðust þeir?

 Mun það gerast að þetta verði rannsakað? Ó nei. Einskisverði og handónýti embættismaðurinn og duglausi stjórnmálamaðurinn komast ávallt undan ásamt hrappnum. Meira að segja bankastjóraómyndin, sem lagði til lansféð, sveik og prettaði viðskiptavini kortafyrirtækjanna og gerði bara dómssáttir um lögbrot sín árum saman, upp á milljarða króna(sem að sjálfsögðu voru rukkaðir til baka af kortahöfum) fékk 150.000.000.-iskr starfslokasamning!!

 Á meðan viðbjóðurinn deyr rólega út í fréttaflutningi fávísra google translate fjölmiðlabjálfa, af sænskri stúlku, sem ætlar að kúka í fötu á leið sinni yfir Atlantashafið í skútu, munu svívirðilega ömurlegir embættismenn, með 120.000.000.000.- ( Eitt hundrað og tuttugu þúsund milljónir 00/100) klúður á ferilskránni, settir í nýjar stöður innan sama kerfis. 

 Gott ef þeim verður ekki hampað í þeim sömu fjölmiðlum, sem fyrrum méu þar sem þeir stóðu ef Skúli opnaði kjaftinn og þannig boðnir velkomnir til starfa á ný. Fjölmiðlar nenna jú ekkert svo miklu lengur, ekki satt?

 Viljið þið veðja?

 Er nema von að þjóðin kúgist? 

 Góðar stundir, með kveðju að sunnan.

Skúli gerir 3,8 milljarða kröfur í WOW

Endilega látið hvalina vita af því.

 Vel má vera að ágangur hafi ráðið því að þessi hvalagrey enduðu líf sitt í fjörunni. Á móti má segja að enginn viti neitt um ástæðu þess að dýrin syndi upp í fjöru og nánast neiti að snúa til baka til hafs.

 Varla voru eltihrellar ferðaþjónustunnar á ferð fyrir utan Löngufjörur?

 Hvað sem veldur, mun engin sameiginleg ályktun fræðimanna og hvalaskoðunarfyrirtækja hafa nokkurn skapaðan hlut um þetta fyrirbæri að segja. Þetta gerist reglulega um heim allan og hefur gert um ómunatíð. Allar sameiginlegar ályktanir hafa þar ekkert vægi. Hvalir fara þangað sem þeir fara, hvað sem öllu öðru líður.

 Á öldum áður var þetta talið til hlunninda og jók matarforða þeirra er fyrstir uppdöguðu. Í dag er hvalspik og kjöt bannvara, enda stríðalin, sílspikuð, ofalin, ofvernduð, snakk og flatbökuétandi, tölvuleikjagegnsýrð og veruleikafyrrt nútímamanneskjan komin út í skurð í allsnægtum, sóðaskap og veruleikafyrringu þeirra sem allt rétt vita og smita út frá sér eins og Svarti Dauði.

 Er lífið ekki annars dásamlegt?

 Góðar stundir, með kveðju að sunnan.

Sammála að tengja strandið ekki hvalaskoðun

Hvað nú, Bjarni Benediktsson?

 Evrópusambandið hefur stefnt Belgíu, nafla Evrópusambandsins, fyrir að hlýða ekki tilskipunum sínum. Orkupakka þrjú hefur ekki verið fylgt eftir og nú skal Belgía, af ölllum þjóðum, skríða og engjast eins og regluverkið segir til um! 

 Á Íslandi situr ofdekrað stjórnvald í óútskýranlegri kúvendingu, með rassgatið upp í handarkrika sínum og ætlar samþykkja að undirgangast þennan fullveldisafsalssamning.

 Það er búið að stefna Belgíu fyrir óhlýðni. Halda ömurlegir fullveldisafsalssinnar að mjúkum höndum verði tekið á fámenninu hér fyrir norðan? 

 Hvað fær fólk á Íslandi til að laðast að þessum óskapnaði?

 Góðar stundir, með kveðju að sunnan.

Stefnir Belgíu vegna þriðja orkupakkans

Til hamingju, en ekki vænta of mikils.

 Vonandi verður besti gamli Herjólfur í höfninni, þá er hinn nýi kemur, til samanburðar. Vestmannaeyingum óska ég velfarnaðar og til innilegrar hamingju með nýju flatbyttnuna, sem ætlað er að koma þeim á fastalandið og heim aftur, hvenær sem hentar. Sú verður reyndar aldrei raunin, því bæði nýjasti Herjólfur og höfnin sem hann á að umfaðma og veita skjól, hafa algerlega gleymt því að tala við móður Náttúru. 

 Útgerð og áhöfn óska ég góðs gengis og megi Guðs blessun vaka yfir allra þeirra gjörðum.

 Góðar stundir, með kveðju að sunnan.

 

Formleg móttökuathöfn vegna Herjólfs

´´Rokkfokking´´ Björn Leví.

 ´´Rokkfokkingstig´´ til Albertínu sem svaraði ekki andsvari Gunnari Braga´´.

 Þingmaður sem trauðla virðist geta talað móðurmálið, hvað þá fallbeygt nöfn, hlýtur annað tveggja að vera algjör asni, eða greindarskertur fáráður, sagði maður við mig. Ég sagði þetta ekki, heldur var mér sagt þetta. Ég get svo svarið það!

 Góðar stundir, með kveðju að sunnan.

Afsalaði sér rétti til andsvars

Þar sem engir eru vegir, skal óútmáanlegum rutt upp.

 Furðulegt hlýtur að teljast að það fáa fólk sem enn byggir norðvestustu byggð landsins, skuli ætla sér að slátra sérstöðu sinni. Falla í gírug gin virkjanasinna og gefa land sitt í skítlega samkeppni á raforkumarkaði. Það hlýtur jú að vera markmiðið. Þarna hafa um sveitir riðið steingeldir ´´fjárfestar´´ og áróðursmaskína. Annað getur trauðla hafa valdið auðsveipu afsali þessa fámenna hrepps, á sinni helstu auðlind. Auðlind sem allt of fáir kunna að meta, nefnilega status Q. Algerlega ósnortin náttúran er ómetanleg auðlind, en nú hefur hún verið seld.

 Hvernig ætlar sveitarstjórinn að moka yfir vegi, sem þarf til greiningarinnar, jafnvel langt inn á heiðar, ef ekki verður virkjað? 

 Oddviti Árneshrepps er algerlega úr takti við raunveruleikann, ef hún telur að ´´könnun fyrir virkjun´´ sé afturkræfanleg. Með könnunarleyfinu verður ruðst yfir ósnortið land og að lokum virkjað! 

 Ætlar hún með sína hrífu á vegina sem ruddir verða við matið, ef ekki verður virkjað?  Jarðýta hefur ávallt betur í viðureign sinni við hrífu. Hætt við að einn daginn spyrji hún sig, hvurn andskotann hún var eiginlega að hugsa. 

 Þetta er sorgleg frétt, svo ekki sé fastar að orði kveðið.

 Goðar stundir, með kveðju að sunnan.

Grænt ljós á framkvæmd við Hvalárvirkjun