Enn kúvendast menn til hins verra.

 Framsóknarflokkurinn var lengi vel talinn allt að því kexruglaður, í ættjarðarást sinni. Ungmennafélagsandinn sveif yfir vötnum og allir sem einn hrópuðu framsóknarmenn, Íslandi Allt!

 Núverandi formaður þessa fyrrum þjóðrækna flokks hefur nú kúvenst á stefnunni og hrópar sem eymingi, Ísland er Falt!

 Pólitískum kúvendingum hefur áskotnast enn eitt fyrirbærið í safn sitt. Svei sé formanni framsóknarflokksins, fyrir sinn viðsnúning. Með degi hverjum veltir almenningur því æ meir fyrir sér hvað valdi. 

 Hvað er búið að bjóða svona kúvendingum, sem snúast 180 gráður á punktinum, allt að því?

 Allir formenn ríkisstjórnarflokkanna hafa nú kúvenst frá fyrri afstöðu sinna flokka, landsfundarályktunum og jafnvel stenuskrá eigin flokka. Í stefnuskrá allra almennilegra stjórnmálaflokka á Íslandi er lögð áhersla á fullveldi Íslands og sjálfsákvörðunarrétt okkar yfir auðlindunum. Grasrót stjórmálaflokkanna kraumar af bræði, en samt veður þetta lið áfram, sem enginn sé morgundagurinn.

 Á hliðarlínunni situr fullveldisafsalpakkið og kætist djöfullega, yfir hnignun Lýðveldisins Íslands. Um það lið er aðeins til eitt orð.: Landráðapakk!

 Það er ekki fallegt að hrakyrða fólk. Tækifærissinnað hyski, telur tuðarinn mjög mildilega til orða tekið um þetta hugsjónagelda lið, sem sennilega lifir aldrei að sjá afleiðingar gjörða sinna. Spurning hvort ekki eigi að láta Barnaverndarstofu vita.

 Formaður framsóknar hefur gelt sjálfan sig í þetta skiptið, en ekki folann. Spurning er aðeins hver stjórnaði klippunum.

 Góðar stundir, með kveðju að sunnan.

„Þér er ekki boðið“

Að finna til ´´Steingrímsábyrgðar´´.

 Ratast nú ekki úr munni eins ábyrgðalausasta manns eftirhrunsáranna, orð að sönnu. Mikið hefði verið gott, ef hann sjálfur hefði haft þessi orð að leiðarljósi, þá er hann kyssti þúsundir eigin landsmanna dauðakossinum, í fylgispekt sinni við valdelsku, fjármagnið og splundruð loforð. Grána gamla, hans heitasta ´´idol´´ og hann sjálfur, riðu röftum á skuldugum samlöndum sínum árum saman, án þess svo mikið sem roðna, eða sýna ábyrgð. Grána gamla hafði þó vit á að láta sig hverfa, en áfram djöflast Þistilfjarðarkúvendingurinn, eins og fortíð hans sé á pari við Jesú Krist, eða önnur meiri eða minni góðmenni mannkynssögunnar.

 Nú rís þetta kúvendingsgerpi upp á afturlappirnar og telur sig hæft til hirtingar þeim, sem áfram vilja ráða sér sjálfum. Þjóðin á betra skilið en svo, að svona afturkreistingur ríði hásæti Alþingis Íslendinga! 

 Alþýðan hefur  fengið nóg af vinstri sinnuðum tækifærissinnum og kerfisrottum andskotans, sem flestar eiga það sameiginlegt að vera ekkert, gera ekkert, vinna ekkert, sjá ekkert, skilja ekkert, vilja ekkert, finna ekkert, annað en hentar þeim sjálfum. Helst með styrkjum frá einhverjum öðrum. Sósíalismi andskotans í hnotskurn. 

 Góðar stundir, með kveðju að sunnan.

 

Stólar á að þingmenn finni til ábyrgðar

Vanskilaskussar hins opinbera.

 Í árslok ársins 2020 á svokallaðri urðun að vera lokið í Álfsnesi, fyrir höfuðborgarsvæðið. Urðun telst það, þegar eitthvað er grafið niður. Svona svipað og jarðarför. Í Álfsnesi hefur hinsvegar verið staflað upp, en ekki urðað, árum saman. Hluti Álfsnessins er í dag orðinn svo hár, að ekki sér lengur til Snæfellsness úr neðstu byggðum Mosfellsbæjar og fnykurinn eykst í sama hlutfalli. Svona álíka aðlaðandi og kirkjugarður, þar sem kistunum er staflað, hverri ofan á aðra og síðan mokað yfir, þegar allt er við það að velta á hliðina.

 Í dag er árið 2019. Ekki nokkurn skapaðan hlut hafa tossar opinberra fyrirtækja, eða amlóðar og druslur kerfisins hugað að því að finna annan urðunarstað eða úrræði til að taka á móti sorpi höfuðborgarsvæðisins. Ekkert! Ekki svo mikið sem ´´tæní shit´´! Ekkert! Í alvöru, ekkert!

 Kemur svo sem ekki á óvart varðandi bjálfana, sem ráðið hafa höfuðstaðnum undanfarin kjörtímabil, en maður hefði haldið að meira púður væri að finna í nágrannasveitarfélögunum, varðandi þessi mál. Ekki síst þeim þar sem ódauninn leggur yfir hvað mestan. Íbúar Mosfellsbæjar þar fremstir meðal fórnarlamba. Af einhverjum algerlega óútskýrðum ástæðum fram að þessu, sáu bæjaryfirvöld þar í bæ meiri ástæðu til að deiliskipuleggja nýja byggð, einn og hálfan kílómetra norðan við bæinn, í næsta nágrenni við ósómann og fnykinn, í stað þess að halda áfram skynsamlegri uppbyggingu umhverfis þá þegar reists byggðarkjarna. Sennilega eitthvað haft með hverjir áttu landið og fengu bestu lóðirnar, eða þannig, en það er allt önnur saga, sem sögð verður mjög vel seinna í smáatriðum.

 Það tekur ár og daga að finna annað, eða önnur svæði fyrir eitt stykki ruslahaug. Ofan á ruslahaugum er engin leið að byggja hús í árhundruð!  Þar af leiðandi eru bæði Gufuneshaugurinn og nú Álfsnes óbyggileg svæði. Þar má, ef vel er á málum haldið, koma upp metan og gasvinnslu en síðan ekki söguna meir. Metan er fínn orkugjafi og vonandi tekst að ná sem mestri orku úr úrgangi okkar um ókomin ár. Sorpbrennslustöðvar, sem framleiða jafnframt rafmagn er eina skynsamlega framtíðarsýnin. Með hreinsibúnaði af bestu gerð eru þær framtíðin. Þetta sjá að sjálfsögðu ekki fíflin í höfuðstaðnum, frekar en bæjar og sveitastjórnendur annara sveitarfélaga, ásamt undirsátum sínum og blýantsnagandi möppudýrum, því það fer svo mikill tími í að halda völdum og stöðum sínum. Gera sig breiða og bla bla bla bla. 

 Meðan þetta lið hverfist um sjálft sig, hleðst skíturinn upp og mun að lokum drepa börnin þeirra, en ekki þau sjálf, því þau verða löngu dauð. Flest úr ofgnógt og fullvissu eigin ágætis og óskeikulleika.

 Þokkalegir foreldrar, eða hitt þó heldur!

 Góðar stundir, með kveðju að sunnan.

 

 

Sorpurðun í uppnámi

Hvar er formaður Sjálfstæðisflokksins?

 Spurning sem vaknar óhjákvæmilega í umræðunni um op3. Ekki svo mikið sem orð frá manninum, dögum saman. Vonandi á hann ekki við nein heilsufarsvandræði að stríða, sem varna honum framgöngu á opinberum vettvangi, til útskýringar algerrar umpólunnar sinnar gagnvart yfirgengilegri orku og valdagræðgi viðbjóðsins esb. Sé hann slakur heilsu eða á einhvern hátt veill fyrir á svellinu, óska ég honum góðs bata og betri tíma, með blóm í haga. Skelfing væri þó gott að fá að heyra a.m.k. af því hvort hann telji sig enn verðugan og sannan Sjálfstæðismann og fylgjanda stefnu flokksins og landsfundarsamþykktum.

 Það er undarlegur andskoti, ef hringja þarf í, eða öllu verra lesa Fréttablaðið til að heyra hvað formaður Sjálfstæðisflokksins er að bardúsa eða hugsa þessa dagana, á nítíu ára afmæli flokksins.  

 Það ætti enginn að undrast, þó kraumi í grasrótinni.

 Góðar stundir, með kveðju að sunnan.

Er minni aukning samdráttur?

 Það er allt að því grátbroslegt að fylgjast með umræðunni um túrismann á Íslandi. Isminn sá hefur sannarlega fleytt þessu skeri yfir fylgifiska einna verstu hremminga sem  að því hafa steðjað í langan tíma. Brúað þá ógn og vonleysi og bætt sem að hagkerfinu steðjaði, eftir algert og skefjalaust fjármálafyllerí fyrirhrunsáranna í boði esb og ekki síst ees, auk þjóðfélagssvíðinga sem engu eyrðu í græðgi sinni. 

 Staðan í dag er sú að ef ekki er sífelldur vöxtur í greininni, telst það samdráttur og afturför. Milljarðar tapaðir sem aldrei voru í húsi. Jafnvel borið saman við margfaldan aflabrest á miðum Íslands.  Atvinnuvegur sem eitt sinn starfaði án virðisaukaskatts og bað ´´ríkið´´ um að láta sig í friði, rís nú upp á afturlappirnar, þegar aukningin  minnkar og krefst aðgerða, af hálfu sama ´´ríkis´´. 

 Atvinnuvegur sem byggir hótel langt umfram þarfir, tekur endalaus lán fyrir væntanlegum vaxandi gróða, samkvæmt reynslu undanfarinna ára, ætti að halda aðeins að sér höndum. Fólk sem skilur ekki að því aðeins fáist fjárfestingin til baka, hafi það góð plön og raunverulegar markaðsáætlanir,  en ekki hugaróra að leiðarljósi, ætti alls ekki að vera í ferðaþjónustu.

 Það er bara fint að Delta skuli ekki fljúga til Íslands í vetur. Það verður þá sennilega skitið í færri görðum og öðrum stöðum þetta árið.

 Góðar stundir, með kveðju að sunnan. 

Vonir sem virðast bresta

Enginn ætti að vanmeta sauðkindina.

 Fjallafálur voru þær í einhvern tíma kallaðar, kindur þær sem gegndu ekki göngumönnum sínum og hlupu til ólíklegustu staða, er þeirra var vænst af fjalli í fylgd manna. Þessi blessaða fála verður örugglega dæmd til dauða af Matvælastofnun, því hún fór ekki eftir regluverki mannanna.

 Hennar dauðadómur byggist á því, að hennar óður til lífsins og sjálfsbjargar, er bannaður í mannanna regluverki nútíma bjúrókratíu. MAST incorporate, esb, ees og allt heila helvítis klabbið sér um að kála öllum fjallafálum, mennskum sem öðrum. Ef ekki með góðu, þá illu. 

 Gildir þar einu hvort villuráfandi sauður finnst utan alfaraleiðar, eða sem lítil þjóð í aungstræti allsnægta auðlinda sinna.

 Góðar stundir, með kveðju að sunnan.

„Þetta er gjörsamlega ótrúlegt“

Hverjum er ekki andskotans sama?

 Púff! Karadasían þetta og kardasían hitt. Í alvöru? Þessi kona sem líkist mest hormónasprengdu kvígukvikyndi á landbúnaðarsýningu holdanauta, telst ásamt sínum heittelskaða eiga eldhús í óversæs. Jú gotta bí jóking!

 Er fólk virkilega að fara á límingunni yfir eldhúsinu þeirra? Hú givs a shit?

 Goðar stundir, með kveðju að sunnan.

Svona er eldhúsið hjá Kim og Kanye

Augljóst markmið.

 Það er orðið deginum ljósara að full ástæða er fyrir Vilhjálm og reyndar þjóðina alla að hafa miklar áhyggjur af sínu fólki. Það er svo greinilega einhver flétta í gangi af hálfu fjármagnsaflanna og Landsvirkjunar, að það ætti ekki að dyljast neinum. Íslendingar hafa ekki orku að neinu gagni, til að flytja erlendis um sæstreng, eins og staðan er í dag.

 Til að draumur og áætlanir forstjóra Landsvirkjunar og gírugra fjármagnseigenda, sem bíða spenntir eftir því að yfirtaka sameign þjóðarinnar verði að veruleika þarf að bregðast hratt við. Fljótlegast er að setja stóriðjuna út í horn og hrekja úr landi sökum stórhækkaðs orkuverðs. Fjármagnseigendum og pólitískum einkvinavæðingaraumingjum er andskotans sama um afleiðingarnar. Það þarf ekki að fara lengra en áratug aftur í tímann til sjá það.

 Verkalýðsforystan á öll að rísa upp og mótmæla kröftuglega öllum tilraunum pólitískra amlóða og gagnslítilla embættismannamöppudýra til að gera það mögulegt að enn ein sameign þjóðarinnar lendi í höndum miskunnarlausra þjóðfélagsníðinga og fjárplógsfyrirtækja í þeirra eigu.

 Góðar stundir, með kveðju að sunnan.

 

 

Fyrirtækjum „slátrað“ fyrir sæstreng?

Hvað varð um veðið?

 Á síðustu dögunum fyrir hið algera Hrun fjármálakerfis Íslands, hefur eflaust margt verið gert, sem illa þolir dagsljósið og seint mun upplýsast.

 Allt fram á þennan dag hefur nánast ekkert verið fjallað um afdrif veðsins, sem veitt var fyrir þrautavaraláni Kaupþings og hvernig Seðlabankinn varð af óheyrilegum fjármunum, með slælegri frammistöðu sinni. Lítið virðist "pressan" svokallaða hafa pumpað Má um þessi herfilegu mistök. Ástæðan fyrir því að ekki fékkst full lúkning veðsins var nefnilega sú að Már og co tóku Svavar Gestsson á allt heila helvítis draslið og ákváðu að þeir "nenntu ekki" að standa í þessu lengur og létu "lagó". Seldu bara draslið hæstbjóðenda, sem síðar seldi aftur þúsundfallt! Full lúkning skuldarinnar og eins og nýtt háskólasjúkrahús og gott ef ekki stór hluti borgarlínudellunnar fuku út um gluggann, með sofandahætti Más og co. 

 Hvers vegna það er aldrei rætt, er fávísum tuðara í suðurhöfum hulin ráðgáta.

 Góðar stundir, með kveðju að sunnan.

Ekki óskiljanlegt í ljósi aðstæðna

Sjáum hvað setur.

 Mikið vildi ég að röflið og tuðið í mér, undanfarin ár, varðandi þessa allt að því fáránlegu höfn og nú loks nýja ferju, reyndist eintómt rugl gamals þverhauss. Með tilkomu lengdu, rafhlöðufylltu, langt fram úr kostnaðaráætlunum, innanskerjaflatbytnunnar nýju, muni íbúar Vestmannaeyja, auk allra þeirra sem njóta vilja Eyjanna, getað ferðast að vild þessa stuttu vegalengd á skömmum tíma, árið um kring.

 Öll rök hnýga hinsvegar til hins gagnstæða, en til að drepa nú ekki alveg niður stemminguna, vil ég óska Vegagerðinni til "hamingju" með þennan óskapnað. Bæði höfn og ekki síður fleytuómyndina, sem tæpast á skilið að bera nafnið Herjólfur. Fyrri Herjólfar hafa dugað og reynst vel, en hræddur er ég um að óbermið nýsmíðaða muni ekki bera nafn með réttu. Reynast bæði duglítið og illa til þess fallið að sinna sínum skildum. Ekki mun hafnarómyndin hjálpa til. 

 Heillaóskir til íbúa Vestmannaeyja læt ég bíða betri tíma, en legg til að hvorki verði gamli Herjólfur seldur, né aðstaðan í Þorlákshöfn lögð niður í að minnsta kosti tvö ár. Sá gamli á nóg eftir og alveg kristalklárt að löngu eftir að Landeyjahöfn hefur verið gerð að sjálffylltri sandylströnd eða lífrænum sorphaug, mun skipum áfram vel fært í Þorlákshöfn, með menn og vörur.

 Góðar stundir, með kveðju að sunnan.

Geta loks hlakkað til nýs Herjólfs