Styrmir Gunnarsson og dagurinn eftir þennan dag.

 Bloggpistill Styrmis Gunnarssonar 21/5 um það hvort dagur sé eftir þennan dag, fyrir nústarfandi fólk á Alþingi Íslands er magnaður. Vonandi verða sem flestir starfandi þingmenn og konur, sjálfstæðisflokks, framsóknarflokks og vinstri grænna vansvefta vegna hans. Verðugt umhugsunarefni pistilsins ristir vonandi upp einhver viðbrögð í hjarta þeirra, sem vita betur en svo, að fylgja beri ónýtum forystusauðum fram af björgum, sjálfum sér og hugsjónum fjölda félaga sinna til ævarandi tjóns, á kostnað þjóðarinnar. Vonandi vakna einhverjir, en miðað við doðann og aumingjaskapinn undanfarið, eru sennilega litlar líkur til þess. Endalausar sporslur í formi byggðastyrkja, aksturspeninga og flugferða á saga class sjá líklega um áframhaldandi hugsjónageldingu lítilsvirðra þingmannaaula, sem virðast meira að segja sumir hafa gleymt því í hvaða flokki þeir eru.

 Góðar stundir, með kveðju að sunnan.

Hátt í 40% hækkun til doktorsnema!

 "Konur sem hafna móðurhlutverkinu. 

 Íþyngjandi dagsyfja.

 Norræn melankonia í Artúrsbókmenntum.

 Rafeindafræðileg ammóníaksmyndun hvataða með málmsúlfíryfirborðum."

 Allt eru þetta merkileg fyrirbæri, sem veröldin getur sennilegast ekki verið án. Svo mun að minnsta kosti þeim þykja, sem styrkina hljóta. Hvað þau varða hinn almenna borgara, sem borgar jú brúsann og þar með talinn hinn almenna launamann er hinsvegar erfitt að koma auga á. Það sem þessi áðurnefndu fyrirbæri eiga hinsvegar sameiginlegt er það, að til þeirra er veitt meira fjármagni í prósentum talið, en sanngjarnt þykir til að brauðfæða hinn almenna verkamann í launum til sinna handa. 

 Í háskólasamfélagi nútímans velkjast allskonar amlóðar og eyða ómældu fjármagni í akkúrat ekki nokkur skapaðan hlut annan en að horfa upp í rassgatið á sjálfum sér og velta fyrir sér hlutum og fyrirbærum, sem minna en engu máli skipta. Pöpullinn borgar, en hefur ekkert um neitt að segja, meðan rasshverfurnar líða áfram í vissu eigin ágætis, litlu til gagns öðru en eigin egói. Vísindi ber jú að styrkja flestum ráðum...en...

 "Íþyngjandi dagsyfja" .....þarf doktorsitgerð til þess að átta sig á því að sá sem sefur of lítið einn dag eða fleiri, er íþyngjandi syfjaður daginn eftir. Konur sem vilja ekki eiga börn eru bara fínar konur. Þarf eitthvað að skilgreina það eitthvað frekar? Sumir borða ekki fisk!

 Þetta með melankoníuna í litteratúr Artúrs gamla og ammóníakið í hvataða málmsúlfírverkinu setur tuðarann hinsvegar alveg gersamlega á gat og hættir hann sér ekki til frekari gagnrýni á þessa pósta að öðru leyti en því, að til þessara verkefna þykir honum fullfjálglega farið með almannafé að ætla þessu margfalt meiri hærri hækkun, en almennt launafólk má sætta sig við, í vinnu sem svo sannarlega sér á hendi.

 Lái tuðaranum hver sem vill, fyrirlitningu sína á fíflaganginum.

 Mennt er vissulega máttur, en dagsyfjumelankónískur yfirborðsantímömmumálmsúlfírsartúrsháttur, er ekki mennt.

 Þetta er komið út í skurð og hver borgar?

 Góðar stundir, með kveðju að sunnan.

Doktorsnemar fá 425.000 krónur á mánuði

Engin tímamörk?

 Ef rétt er eftir haft, er ekki laust við að setji að manni skelfingarhroll við lestur þessarar fréttar, af ummælum forsætisráðherra um svokallad þungunarrof (fóstureyðingu). Skv. hennar áliti mætti eyða fóstri á hvaða tíma meðgöngunnar sem er!

Veit ekki hvad öðrum þykir, en miðaldra vitleysingurinn ég, á varla orð.

 Hvad næst? Henda þeim í ruslid, ef þau þykja ljót?

 Gódar stundir, med kvedju ad sunnan.

Hefði sjálf viljað ganga lengra

Algerlega óvirkt eftirlit?

 Samkeppnisstofnun getur tekid upp hjá sjálfri sér ad athuga mál, sem samkeppnislagabrotafnyk leggur af. Hvers vegna stofnunin gerir, eda gerdi thad ekki vardandi samskipti Isavia og Wow er med öllu óskiljanlegt. Fnykinn af theim samskiptum leggur enn yfir vídan völl. Med adgerdarleysi sínu í thessu máli hefur Samkeppniseftirlitid skipad sér á bekk med Isavia og Samgöngustofu. Stofnana sem ekki hafa stadid sig i stykkinu og thví aettu forstjórar theirra allra ad vera reknir, ekki seinna en strax. Búid er ad reka forstjóra Isavia, sem kyrrsetti smávél fyrir tittlingaskít, en gaf Wow opinn tékka upp á tvo milljarda og nú er bara ad sjá hvort fleiri verdi ekki látnir taka pokann sinn. Svona aulahátt á ekki ad lída!

 Gódar stundir, med kvedju ad sunnan. 

Samkeppniseftirlitið skoðar ekki Isavia

"Frávikastjórinn" í Reykjavík.

 Orðagjálfur, útúrsnúningar og hrokafullur málflutningur "Frávikastjórans" í Reykjavík ríður ekki við einteyming. Það virðist engu máli skipta hve langt er skitið upp á bak, í meðferð fjármuna borgaranna. Aldrei stendur á allt að því vísindaskáldsögulegum útskýringum framúrkeyrslukóngsins. Að Bragginn hafi verið "frávik" segir þessi mannvitsbrekka upp í opið geðið á samborgurum sínum og ætlast sennilega til þess að sú útskýring sé kokgleypt af atvinnurekendum sínum!. Ef IQ er einhversstaðar í algeru lágmarki og veruleikafirringin alger í ofanálag, er það í hausnum á útópískum framúrkeyrslubjálfum meirihluta Borgarstjórnar Reykjavíkur.

 Þar er svo sannarlega hægt að tala um frávik af alverstu gerð. Ekkert orðagjálfur nær að taka á því meini, eða útskýra með nokkrum hætti. Frávikið er svo slæmt, að lækningar er tæpast að vænta fyrr en á næstu öld, ef ekki þeirri þarnæstu. 

 Góðar stundir, með kveðju að sunnan.

„Sýnir að Bragginn var frávik“

Forstjórar Samgöngustofu og Isavía víkji nú þegar!.

 Aumingjagangur forstjóra þeirra stofnana sem falið hefur verið vald yfir því að leikreglur séu haldnar í flugrekstri, hér á landi, hafa svo gjörsamlega skitið upp á bak, að vandséð er hvernig þessum spjátrungum er stætt í starfi sínu áfram.

 Nánast allt sem þeim var falið að hafa umsjón með, gerðu þeir ekki. Góð laun eiga menn og konur að fá fyrir að sinna skyldu sinni. Því fólki sem bregst í vel launuðum störfum sínum, á vegum hins "opinbera" (mér og þér) en drullar upp á bak, á umsvifalaust að víkja úr strafi! 

 Forstjórar Samgöngustofu og Isavia eru ekki starfi sínu vaxnir og þeim ber að víkja úr störfum sínum ekki seinna en strax! Skúli er kræfur karl og slóttugur, en viðriðnin í eftirlitinu voru og eru ekkert annað en skattborgarapeningasóun. Þvílíkir andskotans ekkisinnalaunaverðir aular! WOW var gjaldþrota í fyrra, samkvæmt öllum kennitölum. Hefðu þessir aumkunnarverðu forstjórar sinnt sinni vinnu, hefði mátt "dempa" höggið. Þar sem þeir bera enga ábyrgð, vita ekkert og gera enn minna, var þvælunni leyft að halda áfram. Vel má vera að starfsandinn hja WOW hafi verið "æðislegur" en það var aldrei innistæða fyrir ruglinu. Það sem kostar þúsund kall, en selt er á fimmhundruðkall skilar einungis einni niðurstöðu. Þetta eru engin geimvísindi.

 Lendingargjaldaskuldin að nálgast annan milljarðinn?

 Þriggja mánuða fjárhagslega sjálfbærnivottorðið ekki einu sinni skoðað?

 Aulaforstjórar í aulastofnunum eiga ekki að sleppa, frekar en Skúli "partyboy".

 Burtu með þessa aula, sem hafa staðið sig afspyrnuilla í störfum sínum!. Farið hefur fé betra. Að afborganir og höfuðsóll af lánum manns skuli fylgja afleikjum fávita er allt að því grátlegt, svo ekki sé nú nefnt hækkað verð á gallabuxum eða útsölulok!. Hversu klikkað getur eitt þjóðfélag eiginlega orðið?

 Fari Skúli Mogensen norður og niður, ásamt forstjórunum tveimur sem áttu að passa hann. Hvers vegna komst hann svona langt, hver bauð honum svona langt og ekki síst, hvað bauð hann þeim sem áttu að " passa" hann sem gerði það að verkum að nú sitja á þriðja þúsund Íslendinga uppi atvinnulausir og almenningur og fyrirtæki sitja uppi með svínaríið, því þetta var aldrei neitt annað en djöfullegt svínarí. Andskotinn bara!!!

 Góðar stundir, með kveðju að sunnan.

 

 

 

 

Skattfé í áhætturekstur?

 Hvursu miklu af skattfé almennings hefur nú þegar verið varið (sóað) í WOW, í formi eftirgjafa gjalda, sem ekkert annað flugfélag, nú til dags, hefur fengið?. Það skiptir engu þó settar séu upp lonníettur, röksemdafærsla BB er svo gjörsamlega galin að furðu sætir að þessi maður skuli gína yfir Sjálfstæðisflokknum, sem formaður. Er ekki umræðan um WOW kærkomin, þá lauma skal orkupakka númer þrjú gegnum Alþingi? Ísmeygileg framkoma forystu Sjlfstæðisflokksins í "WOWinu", með fulltyngi Kötu sætu og Þistilfjarðarkúvendingsins að hennar baki, er ekkert minna en ömurlegt upp á að horfa. Gulli jafnlaunavottunartrúður og ráðherfan með nöfnin svo mörgu að maður nennir ekki að heyra þau til enda, dansa eins og fábjánar með í fullveldisafsalsdraumi formannsins, enda stórkostlegir hagsmunir í húfi, fyrir rétta fólkið.

 Hverra hagsmuna er hann að gæta, með samningi sem "engu máli skiptir", en er svo algerlega nauðsynlegt að undirrita?

 Hvað er eiginlega að gerast innan forystu Sjálfstæðisflokksins?. Hvernig gat þetta farið svona framhjá okkur fíflunum, sem naglhreinsuðum timbrið í byggingu Valhallar? Gústi í Tollvörugeymslunni og fleiri góðir hugsjónamenn sem þar grófu grunn og reistu byggingu yfir hugsjónir sínar, myndu nú klóra í kistulokin og engjast yfir aumingjaskap forystu flokksins. Hugsjónageldara lið, hefur trauðla rekið á fjörur Íslands. Að Sjálfstæðisflokkurinn skuli vera orðinn afsjálfstæðisflokkur, er svo sárt upp á að horfa að tárin eiga meira að segja erfitt með að falla á hvarm!

 Forysta án flokks, segja sumir. Aðrir segja að forystan hafi gleymt tilgangi sínum og sjái nú ekkert annað en eigið rassgat, takandi við skipunum frá undirsátum sínum, kerfisrottunum og embættismannaelítunni. Það er ekki að vera Sjálfstæðismaður. Það heitir að hafa eigið rassgat að leiðarljósi, sé manni veitt nógu vel fyrir og leiðbeint af "yes minister" hagsmunaaðilum, sem sjá í hyllingum sínum feita skattfrjálsa tékka og feit eftirlaun, suður í brussel.

 Svei rassgatinu. Undarlegt hve langt fólk er reiðubúið að ganga örna sinna, á kostnað samborgara sinna.

 Góðar stundir, með kveðju að sunnan.

Réttlætir ekki skattfé í áhætturekstur

Fáránlegir "frasar".

 Orðskrúð og gömul slagorð kommúnismans vefjast ekki um tungu forkonu Eflingar. "Verkalýðsbarátta snýst um að tryggja vinnuaflinu mannsæmandi afkomu sama hvað kapítalísk fyrirtæki gera". Er forkona Eflingar svo gegnsýrð af sósíalismanum að hún viti ekki einu sinni við hverja hún er að semja, fyrir hönd umbjóðenda sinna? "Sama hvað kapítalísk fyrirtæki gera". Almenn fyrirtæki eru ekki rekin til að tapa á þeim. Þau eru rekin til að skapa hagnað fyrir eigendur sína. Endalaust má deila um hvað þykir "tilhlýðilegur hagnaður" og sýnist þar sitt hverjum. Hvers vegna bauð þessi mannvitsbrekka sig ekki fram til formanns BSRB? Hún er eins fjarri hinum almenna launamanni á almenna markaðnum og hugsast getur! Hún er gersamlega úti í skurði!

 Allir ættu að geta verið sammála um að laun þeirra lægst launuðu eru of lág í dag. Meginþorri launþega hefur það hinsvegar alveg ágætt. Aldrei virðist vera hægt að hefja þessar kjaraviðræður og að lokum ljúka þeim, sem ávallt gerist að lokum, öðruvísi en blessað fólkið í lægstu launaþrepumum sitji eftir sem áður með sárt ennið og áframhaldandi óásættanleg kjör.  

 Allir vilja jú meira, en ekki allir þurfa mikið meira. Hvers vegna er ekki hægt að nálgast umræðuna með þeim hætti að þeir lægst launuðu séu teknir út fyrir svigann og þeim rétt það sem þeim ber, án þess það þurfi að strauja upp allan skalann? Hvað veldur?

 Getur verið að vanhæfir, sjálflægir og sósíalismagegnsýrðir, verkfallselskandi verkalýðsleiðtogar, sem skilja ekki hagfræði 101 vinnumarkaðarins séu verstu óvinir vinnuaflsins? "Kapítalistar í sósíalismagæru"?

 Spyr sá sem fátt veit. Ekki er hægt að spyrja Stalín, né Cheves því báðir eru dauðir. Hringja í Maduro eða Gunnar Smára? "You tell me". Sólveig Anna verður greinilega á tali um ókomna tíð.

 Góðar stundir, með kveðju að sunnan.

Barátta óháð kapítalískum fyrirtækjum

Ef árangur í starfi réði launum?

 Ef laun núverandi bankastjóra Seðlabanka Íslands væru árangurstengd, hefði hann sennilega aðeins brotabrot af þeim launum sem hann hefur. Aðeins eitt dæmi nægði til að geta staðið við þá fullyrðingu.: 

 Meðferð Seðlabanka Íslands á veðinu sem lagt var fram til lúkningar neyðarláninu til Kaupþings, eina mínútu í Hrun. Veð sem, ef rétt hefði verið á spilunum haldið, hefði ekki einungis dugað fyrir láninu, heldur skilað Ríkissjóði hagnaði af þeirri stærðargráðu að jafnvel kostnaður við "hátæknisjúkrahús" yrði talin skiptimynt. 

 Góðar stundir, með kveðju að sunnan.

Laun seðlabankastjóra hafa setið eftir

Vanvirðing í boði Dagsholuhjálmarsbraggaruslsins og co.

 Þá liggur það ljóst fyrir! Borgarstjórn Reykjavíkur gaf leyfi fyrir tjaldi og mótmælum svokallaðra hælisleytenda á Austurvelli. Sennilega hefur innan þess leyfis verið gefið grænt ljós fyrir pappaspjöldum á styttunni af Jóni Sigurðssyni, þvag og saurlátum eftir þörfum, ef Dómkirkjudollan var of þéttsetin og biskupinn og Dómkirkjupresturinn fjarverandi.

 Þykir fólki þetta virkilega í lagi? Hvar voru fjölmiðlar? Þorðu þeir ekki að fylgja þessari smán eftir, eða eru þeir orðnir gegnsýrðir og "passívir"? Enginn þorir að segja neitt!

 Er hægt að ætlast til þess að venjulegt fólk bara snúi sér á hina hliðina og álíti sem svo að þetta hafi verið réttur skítbuxanna, sem fótum tróðu einn virðingarmesta stað þjóðarinnar, en snéru síðan eins og barðir hundar aftur í sérdeilis ágæta aðstöðu sína, greidda af þeim sem þeir snérust gegn og lögðust í drulluna?

 Hver bauð í skítapartíið?

 Jú, aumkunnarverður meirihluti borgarstjórnar Reykjavíkur, sem getur ekki einu sinni tryggt borgarbúum öruggt húsnæði til menntunar ungviðis síns, hvað þá mannsæmandi næringu, samkvæmt lögum. Mygla og vannæring, hirðuleysi og alger sjálfhverfa er að drepa þetta lið, en það sér ekkert athugavert við eigin gjörðir, frekar en áður fyrr. 

 Er ekki kominn tími til að Dagsholuhjálmarsbraggaruslinu sé hent út í hafsauga? (Kosningasvindlið eitt og sér væri nóg í flestum lýðræðisríkjum)

 Þvílíkir og aðrir eins déskotans kjánar hafa aldrei haft svona mikil völd. Leyfum þessu mótmælendaliði að skíta í garðinum hjá "burgermeisternum" næst. Hann gæti jafnvel "flippað" pönnukökum ofan í óhroðann, verandi gestgjafinn.

 Djöfullinn sjálfur að horfa upp á þetta.

 Á meðan þvælast afvegaleiddir samlandar okkar í alls kyns ástandi um götur höfuðstaðarins, sem og um allt land og eiga hvergi höfði sínu að halla! Fá lítinn sem engan stuðning!

 Góðar stundir, með sorgarkveðju að sunnan.

Mótmælin farin að bitna á heilsunni