Fullyrðingagleði.

 Þórarinn rekur fyrirtæki í eigin húsnæði, sem sennilega var byggt fyrir fé frá móðurfyrirtækinu. IKEA á Íslandi greiðir þar af leiðandi enga leigu, geri ég ráð fyrir.

 Kokteilsósa í dollu getur vel kostað tíkall, ef efniskostnaður einn og sér er tekinn fyrir. Hver hrærði í kokteilsósuna, hver er leigan, rafmagnskostnaðurinn, launatengd gjöld og allur pakkinn á bak við kokteilsósuskrattann? Þórarinn er orðinn helst til IKEASTUR þega hann bullar svona þvælu, eins annars ágætur og hann er, enda af afbragðsfólki kominn.

 Góðar stundir, með kveðju að aunnan.

Okrað á kokteilsósu og rauðlauk

130 stundum meira myrkur?

 Klukkan hefur sinn gang. Við sem sofnum seint, vöknum seinna en aðrir. Ekkert athugavert við það. Þeir sem sofna fyrr, vakna fyrr en ég. Ekkert athugavert við það. Þjóðfélagið hefur ákveðnu skipulagi á að standa. Skólar hefjast á ákveðnum tíma, fyrirtæki opna á ákveðnum tíma. Svona bara "melló" dæmi um príðisgóðar tímasetningar. Hvers vegna umturna þessu öllu, fyrir ósönnuð vísindi eða dellu, er með öllu óskiljanlegt. Látið klukkuna í friði! Það er nægt myrkur, þó ekki sé bætt í hítina af einhverjum ótímasettum bjálfum.

 Góðar stundir, með kveðju að sunnan.

Birt­u­stund­um myndi fækka um 130 á ári

Hælisleitendur komnir í verkfall?

 Nú er hún "Snorrabúð stekkur". Svokallaðir "hælisleitendur" sem flestir virðast við þokkalega heilsu og gott ef ekki aðeins yfir kjörvikt eru að setja OKKUR reglurnar, með tilstilli einskisnýtra þjóðfélagsþegna, sem ávallt finna tíma til óhæfuverka og fíflagngs á Austurvelli.

 Á ekki orð, en góðar stundir, með kveðju að sunnan.

Hyggjast gista á Austurvelli

Myglað menntakerfi í boði slugsa.

 Ekki er nóg með það að stjórnmála og embættismannaelítan sé svo upptekin af eigin rassgati, að sorglega margt sem þetta fólk á að hafa yfirumsjón með, sé að sökkva í myglu og aðra óværu í húsnæðismálum, heldur virðist einnig sem menntakerfið sjálft sé að fótum komið.

 Endalausum fjármunum virðist raðað í dellu og vitleysu og gæluverkefni misgáfuleg, meðan húsnæði rotnar yfir höfðum barna okkar og "menntakerfið" skilar af sér nemendum án nokkurs árangurs eða réttbærrar menntunar, samanber brottfall drengja úr forarvilpu endalausra tilraunaverkefna sjálfsánægðrar "vér einir vitum best" hrokagikkjanna.

 Varla getur nokkurt sveitarfélag talist leggjast lægra en Reykjavíkurborg í þessum málum. Niðurlæging borgarstjórnar Reykjavíkur og þeirra burgeisa, sem þar hafa setið skælbrosandi og í algerri vissu um eigið ágæti og óskeikulleik undanfarin ár, er alger. Að sjálfsögðu sér þetta lið ekki eigin afglöp réttu ljósi, nú frekar en fyrr og áfram mun dellan kosta fúlgur fjár í formi afskiptaleysis, hugmyndaleysis, kæruleysis og allt að því óseðjandi ánægju með eigin störf og ágæti, þrátt fyrir minni árángur en engan.

 "Að kunna ekki að skammast sín" hefur náð áður óþekktum hæðum hjá yfirstjórn Reykjavíkurborgar, en áfram heldur bruninn. Allt skal brennt til andskotans, svo fremi náist mynd af skóflustungum, "fyrirhuguðum lausnum á glæruformi" og öðru déskotans rugli.

 Nú skal börnum ekið í önnur sveitarfélög, til að forða þeim frá heilsuspillandi umhverfi höfuðborgarinnar.

 Það er sorglegt að horfa upp á ömurleik stjórnenda höfuðborgarinnar.

 Góðar stundir, með kveðju að sunnan.

Fossvogsbörnin í Kópavoginn

Góð fjárfesting?

 Á aðeins sex mánuðum hafa fjárfestar tapað að minnsta kosti helmingi "fjárfestingar" sinnar. Fá ekki einu sinni vextina greidda í fyrstu atrennu. Allt útlit fyrir að stofnandinn og aðalgæinn hafi haft af þeim milljarða. Ulli síðan framan í þá og gefi þeim puttann. Skuldabréfaútboðinu var aldrei ætlað að bjarga öðru en eigandanum. Skúli á ekki bót fyrir boruna á sér. Það er staðreynd. WOW Air er í raun gjaldþrota fyrir löngu síðan og rekið á lánum væntanlegra farþega, með fyrirframgreiddum fargjöldum, þó þau borgi ekki einu sinni fyrir hreinsun á klósettum flugvélanna.

 Enn heldur félagið áfram að bjóða ferðir á minna en ekki neitt, áfram sér Íslenska Ríkið í gegnum fingur sér með lögbundin gjöld og enn er ekki staðið á því að rukka lendingargjöld af hálfu Isavia! Hvurskonar andskotans endaleysa er þetta eiginlega að verða?  Ef Icelandair, British Airways, Lufthanza eða önnur flugfélög höguðu sér svona, hver yrðu viðbrögðin af hálfu hérlendra stjórnvalda og eftirlitsaðila? 

 Getur verið að hérlendir lífeyrissjóðir og bankar hafi "fjárfest" svo mikið í þessu óbermi að allir innan "kerfisins" keppist um að fela slóðina og "treina" þetta eins lengi og hægt er?

 Aumur tuðari bara spyr.

 Góðar stundir, með kveðju að sunnan.

Hyggjast ekki greiða vextina

Að hlakka til verkfalla!

 Sólveig Anna hefur gert sig seka um að ganga úr takti við þenkjandi verkalýðsleiðtoga. Ragnar Þór er þenkjandi, Sólveig Anna Jóns Múla er skemmd plóma í verkalýðsbaráttunni. Skemmda eplið sem uppsker ekkert annað en áframhaldandi kjaftæði án neinna lausna. Ástæðan er einföld. Sólveig festist í afturábakgír fyrir þrjátíu árum síðan og enn hefur engin smurning fundist til að hrökkva henni úr gírnum, frekar en átrúnaðargoðum hennar.

 "Að hlakka til verkfalla"  getur trauðla ratast af vörum annara en algerra fábjána.

 Góðar stundir, með kveðju að sunnan.

Ragnar hlakkar ekki til verkfalla

Ómar og Lára.

 Í kvöld horfði ég á einhvern fallegasta þátt sem ég hef séð í sjónvarpi. Þátt Láru Ómarsdóttur og föður hennar, Ómars Ragnarssonar um Hornstrandir. Frábært myndefni af strönd sem tilheyrir okkur öllum, en fáir hafa séð, mannlíf sem var, en sárafáir vita einu sinni að hafi nokkru sinni verið til, en enn lifir fólk sem man tímana tvenna. Alger snilldarþáttur.  

 Unninn í samstarfi og með vilja fólks, þeirra fáu sem enn lifa, til að lýsa fyrir okkur sem allt höfum, hve harðneðskjulegt lífið gat verið, fyrir svo ótrúlega stuttum tíma síðan. Við erum að tala um áratugi, ekki aldir, gott fólk. 

 Myndvinnsla, persónuleg nálgun Láru og sögum hennar óborganlega föðurs, Ómars Ragnarssonar fékk mig til að beygja af, þá fegurð þessa landssvæðis var mér sýnt með allt að því ólýsanlegri fegurð, sem mér hefði sennilega aldrei hlotnast, nema fyrir tilstuðlan þessara dásamlegu feðgina.

 Lára og Ómar.: Þúsund þakkir.

 Góðar stundir, með kveðju að sunnan.

Orkuskiptin tekin með stæl.

 Að gleyma potti á hellu getur kallað á aðstoð slökkviliðsins. Að gleyma bíl í hleðslu gerir það sama. Ofhleðsla er orsökin og allt brennur til helvítis.

 "Orkuskiptin" taka á sig skrautlega mynd, við lestur þessarar fréttar, svo ekki sé meira sagt. Á Vesturlöndum virðist fólk halda að ef bifreiðin sem það kaupir eyðir litlu sem engu eldsneyti, sé mengunarvandinn leystur. Það geti smælað framan í heiminn og sagt sem svo að "ég" menga varla nokkurn skapaðan hlut. Að koma þessari sjálfsánægðu manneskju í þetta nýja ökutæki sitt hefur hinsvegar kostað mannslíf og ómælda mengun hjá öðrum, en það skiptir að sjálfsögðu engu máli. 

 Þó einhver drepist við það að ég líti vel út, er það bara "gúddí gúddí". Kolefnismarkmiðum MÍNUM er náð. Fjörtíuþúsundfíflin kætast sem aldrei fyrr.

 Góðar stundir, með kveðju að sunnan.

Alelda rafmagnsbíll við Samskip

Furðuleg fordæming.

 Það er hálf nöturlegt að fylgjast með fordæmingu æðstu stjórnenda landsins á launahækkunum annara en þeirra sjálfra og helstu embættismenna Íslands.

 Um þá hækkun er lítið rætt, enda engin sjáanleg ástæða til þess að mati sjálftökuliðsins og fullveldisafsalsamlóðanna. Aumkunnarvert yfirklór og vandlæting ráðherra á launahækkunum til handa öðrum en þeim sjálfum, sem margar hverjar voru með fullri vitund ráðherrana, er nöturleg sjón og grefur enn meir undan hverju einasta orði sem þessar hugsjónageldu, sjálfhverfu og embættismannastýrðu rolum ratst á munn. Það er ekki að marka eitt einasta orð sem þetta lið segir. Öll þeirra orð eru þeim í munn lögð af eitraðri embættismannaelítu andskotans, sem dreymir um fínar stöður og feita tjékka í regluverkshelvíti andskotans suður í Brussel.

 Íslandi hefur aldrei verið stýrt af meiri rolum en í dag. Embættismennq stýra landinu og ráðherrar eru sem leiksoppar og aular á flestöllum sviðum. Skiptir þar engu hvort um er rætt afsal fullveldis, launahækkanir eða bara "júneimit".

 Góðar stundir, með kveðju að sunnan.

„Trúnaðarbrestur“ verði tilmæli hunsuð

Hverjir koma að fjárlagafrumvarpi?

 Það er í meira lagi undarlegt að einn af ráðherrum í Ríkisstjórn Íslands, skuli koma fram eins og álfur út úr hól, þegar einni stofnun sem undir hann heyrir, er gert að skera svo niður í rekstri sínum að varla er hægt að halda úti lágmarksstarfssemi. Kom ráðherrann ekkert að þessari fjárlagagerð, eða hefur hann ekki meira vit á þeim málaflokki, sem undir hann heyrir?. Að koma fram með svona hvítþvottarþvælu er ekkert annað en pínlegt. Í besta falli grátbroslegt yfirklór. Hvar var sjávarútvegsráðherra, meðan á gerð fjárlaga ríkisins stóð?

 Tuðari spyr, en fær að sjálfsögðu engin svör.

 Góðar stundir, með kveðju að sunnan.

Stóð alltaf til að finna leiðir