Múgsefjun og mótmæli.

Það er átakanlegt að horfa upp á það sem gerst hefur í dag við Rauðavatn. Mótmælendur sem ekki virðast einu sinni vita hverju þeir eru að mótmæla lengur, dimmiterandi unglingspjakkar og ruddaskríll sem grenjar eins og stungnir grísir ef ýtt er við þeim. Til hliðar stendur svo upptjúnað og  æst fjölmiðlaliðið og dramatíserar allan pakkan oní liðið í beinni útsendingu og hefur að því er best verður séð, kveðið upp þann dóm að lögreglunni sé allt um að kenna. Þvílíkur bölvaður skrípaleikur þetta er að verða. Í fyrsta sinn í íslenskri verkalýðsbaráttu fara menn í mótmælaaðgerðir og krefjast MINNI hvíldar!!! Ruglið slíkt að ekki gat endað öðru vísi en með einhverri vitleysu. Vissulega er eldsneytisverð hátt hér á landi, en það er einnig svipað í Portúgal til dæmis, svo rökin um kaupmátt eru fallin um sjálf sig. Held að trukkabílstjórar ættu að halda sig til hlés næstu daga og krakkaormarnir í skólanum, en ekki gargandi á götum úti um eitthvað sem þeir vita ekki einu sinni hvað eða hvar er eða af hverju eða bara af því bara .........ja það held ég nú. Öllu skellt á lögregluna sem illa fer. Þvílík forheimska og barbarismi. Er kaos það sem þetta fólk vill? Mætti halda það, þ.e. þar til það sjálft þarf á aðstoð lögreglunnar að halda. Ömurlegt að horfa uppá þetta.  

Mótmælin virtust stjórnlaus

Þú ert orðin/n gamall/gömul þegar.....

25 vísbendingar um að þú ert að verða gamall.

 

Þú veist hvenær þú ert að verða gamall þegar...

 

Þú ert sofandi en allir halda að þú sért dáinn.Þú ert með partí og nágrannarnir verða þess ekki varir.Þú getur verið án kynlífs en ekki án gleraugna.Þú ferð oftar í bakinu en þú ferð út.Þú ert hættur að draga inn magann sama hver kemur inn.Þú kaupir áttavita í bílinn.Þú ert stoltur eigandi sláttuvélar.Besti vinnur þinn er með stúlku sem er helmingi yngri... og er ekki að brjóta nein lög.Handleggirnir á þér eru of litlir til að fletta blaðinu.Þú syngur með laginu í lyftunni.Þú vilt frekar fara í vinnu en að vera heima lasinn.Þér finnst gaman að hlusta á aðra tala um spítaladvöl.Þér finnst kaffi vera besti drykkur í heimi.Fólk hringir í þig kl. 9 og spyr "var ég að vekja þig "?"Þú svarar spurningu svona: "vegna þess að ég sagði það!"Endinn á bindinu hjá þér kemur hvergi nálægt buxnaröndinni.Þú ferð með málmleitartæki á ströndina.Þú ert í svörtum sokkum þegar þú ert í sandölum.Þú manst ekki eftir því hvenær þú lást á gólfinu til að horfa á sjónvarpið.Þú ert með meira hár í eyrunum en á höfðinu.Þú talar um "gott gras" en þú ert að tala um blettinn hjá nágrannanum.Þú verður vondur þegar talað er um ellilífeyrinn.Þú fékkst þér gervihnattadisk til að sjá veðurstöðina.Þú getur farið í keilu án þess að drekka.

 

Enn og aftur af stjörnuspám fyrir Steingeitur.

 Steingeit.:"Breyting í útliti þínu endurspeglar innri breytingar sem hafa orðið á þér nýlega. Þáðu boð. Þú munt hitta einhvern sem getur hjálpað þér varðandi vinnu."

Þetta mátti maður þola í dag á Mbl. Varla á heilum mér tekið frá því snemma í morgun. Alltaf inni á baði að leita að nýjum lýtum í smettinu, blettaskalla, fleiri hrukkum, geðveikislegu augnaráði eða bara einhverju sem sennilega kemur allt að innan, en ekki séð neitt ennþá. Maður sér sennilega ekkert athugavert við sjálfan sig frekar en fyrri daginn, þannig lagað séð . Ekki séð svo mikið sem misfellu, hrukku eða aðra óværu sem ekki mætti mér í speglinum í gær. Svei mér ef nefhárin eru barasta ekki jafnlöng og í gær og skallin á sínum stað. Getur verið að snöggt, en jafnframt örstutt "himnaferð" um daginn hafi skilið eftir ummerki sem ég sé ekki sjálfur? Kunna samferðamenn mínir ekki við að segja mér að ég hafi breyst? Er breytingin kannski bara að innan? Kemur ekki allt að innan? Hvurn fjandann veit Tuðarinn annars svosem um það? Jæja, skiptir ekki máli, þetta er bara stjörnuspá. "Þáðu boð". Halló, er ekki verið að tala til einnar persónu hérna? Heimur versnandi fer og málfarið á Mbl þar fremst í flokki."Þú munt hitta einhvern sem getur hjálpað þér varðandi vinnu". Andskotann veit Mogginn um það hvort mig vantar vinnu? Hvaða fjandans hnýsni er þetta eiginlega, ha. Ég bara spyr.

Dulbúin hótun?

Það var undarlegt að fylgjast með Kastljósi kvöldsins í "Sjónvarpi Allra Landsmanna" sem allir EIGA að borga af. Viðtal við ætlaðan erlendan glæpamann, sem sakaður hefur verið um óhæfuverk í heimalandi sínu. Að sjálfsögðu hélt maðurinn fram sakleysi sínu og fannst illa að sér vegið að ásaka sig um eitt eða neitt. Vonandi er hann saklaus, blessaður maðurinn. Bar einnig af sér að hafa nokkurn tíma komist í kast við lögin á Íslandi. Sjálfur lögreglustjóri höfuðborgarsvæðisins skaut þá yfirlýsingu í kaf örfáum mínútum síðar í sama þætti. Ekki virtist sem umsjónarmenn/konur "KASTLJÓSS" settu þetta í neitt samhengi. Það þarf jú að selja "lookið" og "exclusivið" Að loknu viðtalinu við ætlaða brotamanninn, sem virðist eftir kvöldið vera orðinn "brotaþoli" með vorkunnarstuðul upp á 15,4 af 16 mögulegum velti Tuðarinn því fyrir sér örlitla stund hvaða forréttindum ætlaðir erlendir afbrotamenn eiga að njóta umfram innlenda. Aldrei fá Annþór handrukkari eða Lalli Jóns að bera af sér sakir í Kastljósi ef einhverju er "klínt" á þá. Hvaða eiginlega dómadags della er þetta eiginlega að verða hér á landi þegar fjölmiðla vantar "sparstl" í gúrkutíðinni? Duga ekki bankarnir eða gengdarlaus flutningur fjármagns úr landi? Tuðarinn hefur ekki hugmynd um hvort þessi tiltekni erlendi maður er tengdur erlendum glæpaklíkum eða ekki, eða tengist "Mafíunni". Orðið Mafia er orðið að einhverri dulúðlegri mýtu í íslenskri "fréttamannastétt" sem veit varla hvað snýr fram eða aftur á íslenskri belju, hvað þá erlendri. Hvort speninn er undir kvið eða uppi á hrygg. Tuðarinn efast reyndar um að að þessir krakkar sem velja fréttirnar viti hvað lífið er yfir höfuð, annað en "uppgangur". "Niðurgangur" hugnast þessu nýja setti fréttamannastéttar alla vega illa. Hvað olli því að þessi tiltekni ætlaði glæpamaður hlaut þessa líka umfjöllunina í "Kastljósi allra landsmanna" liggur hins vegar nokkurn veginn ljóst fyrir Tuðaranum. : HANN komst í "KASTLJÓS" á "prime time". Getur áhrifamáttur hræðslu"terrorismans" orðið meiri? REIKNA MENN ANNARS MEÐ EINHVERJUM KÆRUM FRÁ SAMLÖNDUM HANS, gegn glæpahyskinu, eftir "Kastljós" kvöldsins? 

" Fréttamenn" RÚV og aðrir krakkaormar.: Eru engin takmörk fyrir því hvað hægt er að teyma ykkur á ASNAEYRUNUM?

 

Efirlýstur maður handtekinn

Auglýsingar í áskriftarsjónvarpi.

Hvernig er það með auglýsingar og áskriftarsjónvarp. Eru engin takmörk fyrir því hve miklu má demba yfir áhorfendur í áskriftarsjónvarpi? Má vel vera að Tuðarinn sé að misskilja eitthvað en ég hefði haldið að með því að kaupa áskrift að einhverri sjónvarpsstöð losnaði fólk við auglýsingar í miðjum þáttum trekk í trekk! Hélt ég fengi nóg af þessum andskota í skylduáskriftinni á RÚV og ókeypis rásunum sem nást á skjánum. Tilefni umkvörtunar þessarar er þáttur sem ég sá í kvöld um merkilega konu sem lést nýlega eftir langa baráttu eftir hræðilegt slys. Mitt í þættinum kynnir umsjónarmaður að þátturinn haldi áfram eftir stutt "skilaboð" (Auglýsingar eru Auglýsingar ef daufdumbir þáttarstjórnendur hafi ekki enn komist að því. Skilaboð er allt annar hlutur) Í skilaboðahléi þessu mátti meðal annars líta Örn Árnason veðra vömbina í einni leiðinlegustu auglýsingu sem sést hefur lengi og hin og þessi fyrirtæki sem þarna auglýstu einnig. Þátturinn um konuna varð einhvernveginn slitinn í tætlur með þessum "skilaboðum" og þar sem Tuðarinn horfði ekki á þetta heima sér (þar sem engin er stöð tvö) varð hann ólýsanlega feginn að hafa sagt upp áskriftinni að þessari draslstöð á sínum tíma.

Sigmar saltaður.

Tuðarinn hefur akkúrat enga skoðun á þessu "Ég hefði átt að vanda mig betur" máli Hannesar. Tuðarinn lætur heldur ekki tíaur af hendi rakna í samskotið handa honum. Ekki að það sé gert af einhverri illkvittni eða andúð á Hannesi, heldur því að málið er Tuðaranum með öllu óviðkomandi, auk þess sem búið er að taka tíaurinn úr umferð. Það sem hins vegar vakti gríðarlega furðu Tuðarans yfir "viðtali" í Kastljósinu í  kvöld við HHG var auðmýktin og "látið bara eins og ég sé barsata alls ekki á svæðinu" taktíkin sem Sigmar "grimmi" spyrill lék í þessum einleik. Sigmar veit sjálfsagt sem er, að einleikur er bara fyrir einn og því óhætt að segja að hann hafi staðið sig hreint frábærlega svona til hlés við fréttatilkynninguna sem rutt var yfir landslýð "í sjónvarpi allra landsmanna" í kvöld. Ekki dónalegt að geta bara rúllað upp í RÚV og fengið svona drottningarviðtal þegar hentar. "Viðtal" kvöldsins var drottningarviðtal drottningarviðtalanna. Svo mikið er víst.

Sigmar.: Æ, æ..... 

„Ég hefði átt að vanda mig betur"

Eldsneytismótmæli í rugli.

Íslendingar eru heimsins vitlausustu mótmælendur. Til að mótmæla hækkandi eldsneytisverði leyfa þeir trukkatröllum að tefja sig á leið til vinnu eða á slysó með særð börn sín. Já gott ef þeir láta þá ekki líka stöðva sig eða seinka í því að ná flugi til útlanda á réttum tíma. Þvílík og ekkisens andskotans della hefur sennilega ekki litið dagsins ljós neins staðar í Evrópu á þessari öld, hvað þá þeirri fyrri. Er bílabensín og olía sú dýrasta í heimi á Íslandi? Ó nei. Það er langt í frá. Er skattheimta ríkisins sú hæsta í heimi? Nei langt í frá! Hver andskotinn veldur því að það er svona auðvelt að gera íslendinga hálfvitlausa yfir einhverju sem þeir hafa ekki einu sinni haft rænu á að kynna sér til mergjar? Trukkaeigendur hafa vissulega orðið fyrir búsifjum undanfarið, en er einhver sem getur bent á að við "hin" höfum ekki greitt fyrir það í formi hækkandi vöruverðs, vegna hækkandi flutningskostnaðar?  "þetta er geggjað hjá þeim", styð þá 100%"....BLA BLA BLA BLA BLA. Kjánahrollurinn sígur sífellt neðar og sennilega verður komið að alkuli (tvöhundruðsextíuog eitthvað stiga frost) áður en Tuðarinn nær á sig hita á ný.

Ekki einum trukki verið lagt fyrir framan fjármálaráðuneytið, ekki einum trukki verið lagt fyrir framan höfuðstöðvar olíusamráðsræningjafyrirtækjanna eða eldsneytisstöðvum þeirra gert erfitt um vik. Bara ríkið, ríkið, ríkið,....Síðan gefur eitt þessara samráðskompanía afslátt í einn dag og neytendur halda varla vatni yfir hetjudáðinni. Að bíða í biðröð eins og sveltur þurfalingur vegna þess að olían á bílinn kostar "bara" 138,40 pr/liter, lætur manni finnast sem hafi vaxið á mann asnaeyru! Djöfullinn sjálfur bara. Sálartetrinu til upphafningar, telur maður sjálfum sér trú um að Skeljungur HF sé þó aumasta hrak dagsins. Lækkuðu ekki verðin á sínum eldsneytisstöðvum og vonandi að þeir sem einhvern minnsta hnoðra eiga eftir milli eyrna sinna hafi vit á því að fylla ekki tankinn á þeim bænum á næstunni. 

Mótmæla við bensínstöðvar líka!!!

Mótmæli vöru og flutningabílstjóra í gær og í dag hafa mælst misvel fyrir hjá fólki. Þeir eru ekki eingöngu að mótmæla háu eldsneytisverði, heldur einnig því að ríkið stendur ekki við sinn hluta er kemur að hvíldarstöðvum og öðru vítt og breitt um landið. Það er vel til fundið að mínu mati að vekja athygli á þessu með þessum hætti, þó sjálfsagt fari þetta í taugarnar á mörgum. Það sem ég myndi hins vegar vilja sjá í framhaldinu eru mótmæli við eldsneytis og höfuðstöðvar olíufélaganna. Eru allir búnir að gleyma samráði þessara félaga eða hvað??? Þessi félög hækka bara og hækka verðið, en það mótmælir enginn við þau!!!!! Hvernig væri að velgja þeim aðeins undir uggum, bílstjórar góðir með mótmælasamráði? Eiga olíusamráðsfélögin kannski bara að fá að fljóta þegjandi og hljóðalaust í gegnum þessa krísu, eins og stjórnmálamennirnir, sem komast upp með allan fjandan, án nokkurra eftirmála.

Vegi lokað við Rauðavatn

Mótmæla við bensínstöðvar næst!!!!

Mótmæli vöru og flutningabílstjóra í gær og í dag hafa mælst misvel fyrir hjá fólki. Þeir eru ekki eingöngu að mótmæla háu eldsneytisverði, heldur einnig því að ríkið stendur ekki við sinn hluta er kemur að hvíldarstöðvum og öðru vítt og breitt um landið. Það er vel til fundið að mínu mati að vekja athygli á þessu með þessum hætti, þó sjálfsagt fari þetta í taugarnar á mörgum. Það sem ég myndi hins vegar vilja sjá í framhaldinu eru mótmæli við eldsneytis og höfuðstöðvar olíufélaganna. Eru allir búnir að gleyma samráði þessara félaga eða hvað??? Þessi félög hækka bara og hækka verðið, en það mótmælir enginn við þau!!!!! Hvernig væri að velgja þeim aðeins undir uggum, bílstjórar góðir með mótmælasamráði? Eiga olíusamráðsfélögin kannski bara að fá að fljóta þegjandi og hljóðalaust í gegnum þessa krísu, eins og stjórnmálamennirnir, sem komast upp með allan fjandan, án nokkurra eftirmála.

N1 hækkar verð á bensíni og díselolíu

Kynbundin stjörnuspá fyrir Steingeitur!

Hér að neðan er stjörnuspá dagsins í Morgunblaðinu fyrir steingeitur.:

"Steingeit: Þú ert á ferð og flugu, tilbúin að kynnast nýjum stöðum og nýju fólki. Vertu viss um að ferðafélaginn hafi einnig áhuga á ferðin."

Þessi stjörnuspá er greinilega eingöngu fyrir konur og finnst undirrituðum sem jafnréttisbaráttan sé komin helst til langt í þessum efnum. Tuðarinn má gjöra svo vel að sætta sig við stjörnuspárlausan dag, sem er kannski eins gott. Einnig er það áhyggjuefni að svo virðist sem prófarkalestur sé með öllu aflagður á Morgunblaðinu. Í þessari stuttu stjörnuspá eru tvær stafsetningavillur og þar að auki þekki ég engan sem ferðast til nýrra staða á flugu. Ekki nema átt sé við svifflugu, en það held ég að sé hæpið.