Sigmar saltaður.

Tuðarinn hefur akkúrat enga skoðun á þessu "Ég hefði átt að vanda mig betur" máli Hannesar. Tuðarinn lætur heldur ekki tíaur af hendi rakna í samskotið handa honum. Ekki að það sé gert af einhverri illkvittni eða andúð á Hannesi, heldur því að málið er Tuðaranum með öllu óviðkomandi, auk þess sem búið er að taka tíaurinn úr umferð. Það sem hins vegar vakti gríðarlega furðu Tuðarans yfir "viðtali" í Kastljósinu í  kvöld við HHG var auðmýktin og "látið bara eins og ég sé barsata alls ekki á svæðinu" taktíkin sem Sigmar "grimmi" spyrill lék í þessum einleik. Sigmar veit sjálfsagt sem er, að einleikur er bara fyrir einn og því óhætt að segja að hann hafi staðið sig hreint frábærlega svona til hlés við fréttatilkynninguna sem rutt var yfir landslýð "í sjónvarpi allra landsmanna" í kvöld. Ekki dónalegt að geta bara rúllað upp í RÚV og fengið svona drottningarviðtal þegar hentar. "Viðtal" kvöldsins var drottningarviðtal drottningarviðtalanna. Svo mikið er víst.

Sigmar.: Æ, æ..... 

„Ég hefði átt að vanda mig betur"

Athugasemdir

[Brattur, 3.4.2008 kl. 23:41]

... nú kem ég bara af fjöllum... enda sjá ég ekkert sjónvarp í kvöld... ég fæ pínulítinn hroll þegar ég sé HHG í sjónvarpi... má ég þá heldur biðja um Bachelor...

[Marta B Helgadóttir, 3.4.2008 kl. 23:49]

Tek undir hvert orð þarna hjá þér. Gott tuð að vanda

[Ásdís Sigurðardóttir, 3.4.2008 kl. 23:54]

Sá þetta ekki, ætla að kíkja á endursýninguna .

[Marta B Helgadóttir, 4.4.2008 kl. 23:31]

Sigmar var eins og hann væri tunguskorinn

[LKS - hvunndagshetja, 5.4.2008 kl. 09:53]

Ég segi sama Ásdís, verð að kikka á þetta