Rödd skynseminnar.

Vilhjálmur Bjarnason á heiður skilinn fyrir trúverðugar og réttmætar aðfinnslur, um margt af því sem miður hefur farið í fjármálahruni lýðveldisins. Einfaldar aðfinnslur hans í gegnum góðærisfyllerí þjóðarinnar voru einatt kveðnar í kútinn, því það hentaði ekki að heyra þær. Aðallega fyrir þá sem hér réðu öllu og sáu til þess að allur gróði, hvernig svo sem hann var tilkominn, rynni óskiptur í gírug gin sín, en létu síðan mér og þér, aumkunnarverðum meðaljónunum eftir að borga fyrir allt sem hét tap. Í góðærisbrjálæðinu borgaði þessi þjóð milljarða vegna taps hjá "Heimsins mestu fjármálasnillingum". Þjóðin vissi hins vegar lítið af þessu, enda séð til þess að hún væri  "mötuð" á "réttum" upplýsingum, sem hentuðu eigendum best á hverjum tíma. Kauphallar Íslands verður í sögunni sennilega skipað á stól með þeirri nígerísku og allt þetta djöfulsins kjaftæði um "hagkvæmni stærðarinnar", í þjóðfélagi sem telur rétt rúmlega þrjú hundruð þúsund einstaklinga, sennilega getið í sögubókum sem einhvers barnalegasta bulls, sem nokkurn tímann leit dagsins ljós á fjármálamörkuðum heimsins.

Við þurfum fleiri menn eins og Vilhjálm. Við þurfum ENGAN kauphallartrúð. 

Kauphöllin leysir ekki vandann

Þingsköp Andskotans?

Það er ofboðsleg huggun harmi gegn, að vita til þess, að í öllu ruglinu sem nú hellist yfir landslýð, skuli rifrildi um niðurröðun umræðu, vald fundarstjóru, forsetu Ölþingis (án Zetu), eða önnur, akkúrat einskis nýt umræða, skipa stærstan sessinn á Ölþingi Íslands. Þar sem þingmenn, með litlum staf, fullir eða edrú, skuli leyfa sér að eyða tímanum í bull og þvætting, skot og skæting, þú gerðir, nei þú gerðir, þú varst í stjórn, þegar þú gerðir ver en ég, svo vertu ekkert að bulla um minn auma skítaárangur, því þinn er ekkert betri........... ER EITTHVERT ÞESSARA 63 KVIKYNDA SEM GETUR STÆRT SIG AF EINHVERJU?

Bara spyr og krefst ÞJÓÐSTJÓRNAR, eða bara einhvers annars en þessara KJÁNA.

Deildu um þingsköp

Takmarkalaus endaleysa?

Það kemur sífellt betur og betur í ljós hverslags óöld þessi ömurlegasta, allra ömurlegra ríkisstjórna, virðist staðráðin í að koma þjóðinni í á næstu mánuðum, árum og áratugum. Engu er líkara en þessu fólki hafi verið byrluð einhver ólyfjan, sem hefur þá verkun eina, að slátra samfélaginu með öllum tiltækum ráðum, undir vökulum augum ríkisins. Undirlægjuháttur, aumingjaskapur og innanflokkaterrorismi stjórnarflokkanna gegn heilsteyptum stjórnarflokkameðlimum sem vilja standa á meiningu og sannfæringu sinni, er svo skelfilegur, að einna helst er hægt að líkja vinnubrögðunum við einræðis og skelfingarstjórnir lengst til hægri og vinstri. Þekking á hagfræði og skynsamlegum kreppumeðulum er eitthvað sem enginn virðist vera að velta neitt sérlega mikið fyrir sér á stjórnarheimilinu. Það er einfaldlega ekki heil brú í neinu sem þetta fólk er að boða að muni leysa úr eða létta á því ástandi sem nú ríkir. Öll þjóðin skal með góðu eða illu gerð að meðalaumingjum undir handleiðslu ríkisins og þegar þar að kemur, algjörum aumingjum undir stjórn skrifræðisskrímslis í Brussel. Kúvendingnum úr Þistilfirðinum og Jóku "minn tími mun koma" munu í sögubókum verða talin einhver ótrúlegustu ólíkindatól sem vermt hafa stóla Ölþingis við Austurvöll. Hvað ætli núverandi fjármálaráðherra hafi tekið við miklum styrkjum og sporslum frá ríkinu sem bóndi? Varla verið settur niður einn andskotans girðingarstaur án styrkja, sem einhver hefur greitt, annar en sá sem girti. Það má vel vera að einhver undrist þennan útblástur Tuðarans gegn þessum blessuðu manneskjum, en það er ástæða fyrir því að kvikyndinu er heitt í hamsi. Sem sjómaður frá árinu 1977 og fram á þessa öld, greiddi ég mína skatta og skyldur til samfélagsins. Fékk notið smá skattfríðinda í formi sjómannaafsláttar. Sjómannaafsláttur hefur verið þyrnir í augum margra gegnum árin og það var ekki spurning um hvort, heldur hvenær, hann yrði afnuminn, eftir að ljóst var hvaða óbermi veldust til stjórnar ríkisins eftir síðustu kosningar. Tuðarinn er á engan hátt hlynntur skattaafslætti, þannig lagað séð, EN.: Það er eitt sem gleymist algerlega í umræðunni um sjómannaafsláttinn. Af hverjum fjórum fiskum sem sjómaður á þátt í að veiða, fær hann ekki greitt nema fyrir þrjá. Ástæðan.: Jú, fjórðungur af hlut sjómanna er dreginn af þeim og engin laun greidd fyrir, því einn fiskur af fjórum fer í að greiða fyrir eldsneytið á skipið. Áður en hlutur er reiknaður til áhafnar, er semsagt um fjórðungur tekinn frá skiptum, til að dekka kostnað útgerðarinnar. Þetta er svona svipað og flugmenn fengju bara þrjá tíma greidda fyrir fjögurra stunda flug til að greiða fyrir steinolíuna á flugvélina, eða kassadaman í Hagkaup, Bónus eða Krónunni fengi þrjá tíma af fjórum greidda, því kassin notaði svo mikið rafmagn og eigandanum þyrfti því að hjálpa til að láta enda ná saman. Tuðarinn tók þátt í því á sínum tíma að af honum voru dregin laun frá óskiptum afla, til að greiða í Verðjöfnunarsjóð Sjávarútvegarins. Sjóði sem ætlað var, eins og nafnið benti til, að jafna út sveiflur á verði afurða og tryggja þeim sem greiddu í sjóðinn, mannsæmandi laun og rekstrarafkomu í harðæri. Sjóði þessum var STOLIÐ eins og hann lagði sig, á sínum tíma og úr honum búið til fyrirbæri sem kallað var "Fjárfestingabanki Atvinnulífsins". Yfir þennan banka var síðan settur strákbjálfi sem gjarnan saumar út í fristundum og átti, er fram liðu stundir, eftir að verða einn helsti arkitektinn að hruni Íslands, þrátt fyrir barnslega góðlegt útlit og skítsæmilega söngrödd. Sú stjórn er nú situr er verndari þessa strákbjálfa og annara hans líka, en það eru ég og þú, skattgreiðandi góður, sem borgum brúsann.  

Fari þessi ríkisstjórn Norður og niður. ( Með þessu er ég ekki á nokkurn hátt að gera lítið úr þeirri átt) Megi bölvun hvíla á þeim sem á undan henni ríktu, en megi ÍSLAND og þjóðin sem hér býr komast úr hremmingum þessum ÁN svona andskotans vitleysinga.

ÞJÓÐSTJÓRN STRAX..........eða bara eitthvað annað en þetta lið, sem nú á dögum telst heita ríkisstjórn. Eru virkilega engir pottar til, sem virka gegn þessari óáran?       

Boðar afnám sjómannaafsláttar

"Endanleg niðurstaða á næstu dögum"

Þetta fer nú að verða ansi þreyttur frasi úr munni Þistilfjarðarkúvendingsins, sem nú gegnir embætti skattpíningarmeistara ríkisins í nafni "Ríkisstjórnar fólksins", nýja Íslands og "skjalborgarvarða" heimilanna. "Endanlegrar niðurstöðu á næstu dögum", hefur nefnilega verið að vænta í ansi mörgum málum, frá því þessi óbermisstjórn tók við völdum, eftir að fyrri vitleysisstjórn hraktist frá völdum. Endanleg niðurstaða hefur reyndar fengist í afar fáum málum fram að þessu, svo hugtakið "Á næstu dögum" virðist vera mælikvarði á einhverja tímaeiningu sem enginn skilur nema ráðherran. Í samfloti með helmingi fyrri vitleysisstjórnar, er svosem ekki við því að búast að niðurstaða fáist í nokkurn skapaðan hlut, en það virðist ekki plaga kúvendinginn, svo lengi sem hann situr í stóli ráðherra. Embættið ofar öllu, skítt með allt annað. Hugsjónir ekki meira virði en prump út í loftið, svo lengi sem hægt er að halda skrípaleiknum áfram og sitja sem fastast, enda miklir hagsmunir í húfi í formi eftirlauna og annara bitlinga sem ráðherrum hlotnast, sama hversu vel eða illa þeir standa sig. Þar sem sauðburður hefst væntanlega´"Á næstu dögum" samkvæmt tímatali ráðherrans, held ég að hann ætti að fara að gera sig kláran í það og slá þessa stjórn út af borðinu. Það er eini leikur hans í stöðunni, ef hann ætlar að halda áfram í pólitík. Það er hægt að svívirða þjóðina með öðrum hætti en bara stela af henni peningum, en það virðist núverandi stjórn lítið kippa sér upp við. Nú skal kné látið fylgja kviði, skríllinn skattpíndur og sjálfstæðinu fórnað fyrir EB aðild. Þetta er þokkalegt samansafn sem við höfum í vinnu, landsmenn góðir!  ÞJÓÐSTJÓRN STRAX!

Steingrímur: Ágæt samstaða um skattamál

250.000 kjotbollur.

Thad er nu aldeilis gaman ad kvikyndid skuli vera svona mikid a ferdinni. Thad vaeri sennilega efni i enn meiri frett ef hann taeki nu upp a thvi ad snarstoppa og hreyfast ekki sponn fra rassi, blessadur. Aetli se ekki haegt ad fa svona bunad til ad fylgjast med ferdum storgrosseranna sem settu allt a hausinn? Undarlegt hve litid er fjallad um tha alla saman thessa dagana. Annars varla nema von, their eiga flestalla fjolmidlana enntha og geta thvi dreift athyglinni fra sjalfum ser med omerkilegu prumpi um hvalkjot a ferd um hofin bla og annad sem skiptir akkurat ekki nokkru mali. Vona annars ad blessadur hvalurinn svamli afram spraekur um sundin bla, ahyggjulaus eins og utrasarvikingur eftir bankahrun. Thad ma ef til vill kroppa nokkrar kronur af turistabjalfum i skodunarferdum a medan. Ef ekki, ma alltaf gera ur svona skrokk um thad bil 250.000 kjotbollur. Thad kaemi ser an efa vel einhversstadar i theirri oaran sem nu gengur yfir landslyd. 

Kvedja fra Sudurskautinu, svona "sirkabout". 

Hnúfubakurinn heldur áfram för sinni

Að svelgjast á skyndibitanum.

Davíð opnaði Mc Donalds með pompi og prakt hér um árið. Síðan þá hefur hann verið margt í flestu, sem síðan varð til þess að loka sjoppunni aftur. Getur verið að hann hafi tekið of stórt "uppí sig" við opnunina? Maður bara spyr. Enn er ekki búið að loka Mc Donalds í Tíbet, svo staðan á Íslandi hlýtur að vera fjandi slæm. Skyndibitar vara aldrei lengi, enda hétu þeir þá ekki skyndibitar, en það er hins vegar allt annað mál. Hér í Argentínu er hins vegar nóg af Mc Donalds og öðru óæti, svo varla getur landinn lengur talað um að ástandið á Íslandi sé svipað eða álíka slæmt og í Suður Ameríku. Hér suður frá er ástandið miklu betra en á Íslandi, ef velmegun er mæld í skyndibita, það er að segja. Íslendingar geta hins vegar vel lifað án Mc Donalds. 

Frétt af hvarfi McDonalds frá landinu vekur athygli

Móðuharðindi hin nýju.

Þar hafið þið það landsmenn góðir. AGS stokkið fram á sjónarsviðið í sinni tærustu mynd.: Til fjandans með almenning á Íslandi. Hann er ekkert of góður að éta skít og í besta falli það sem úti frýs næstu árin eða áratugina, svo lengi sem tekst að kroppa upp í skuldina. Kúvendingurinn úr Þistilfirðinum og Silfurskottan hljóta að sofa vært þessa dagana. Hvernig er það annars, er rauð málning uppseld í bænum eða hvað, eða tollir hún bara á sumum húsum?

BURT MEÐ AGS, BURT MEÐ ÞESSA RÍKISSTJÓRN!

ÞJÓÐSTJÓRN STRAX og ekkert kjaftæði um hver gerði Gerði grikk í sumar. Nú þarf að snúast til varnar gegn þessari vá sem AGS er. AGS er ekkert minna en fjárhagslegur terrorismi fyrir þessa þjóð. Sjóðurinn er að taka öll völd hér á landi og það er engu líkara en núverandi stjórn ætli að kyngja þeim köggli og dansa eins og strengjabrúður eftir skipunum frá AGS. Andskotinn bara, þetta má barasta ekki gerast!

ÞJÓÐSTJÓRN STRAX, STRAX, STRAX!

Ef þingheimur allur kemur sér ekki sameiginlega saman um næstu skref, er hver einasta manneskja sem þar starfar ómerk orðin og heigull stimplaður ævilangt, hvar svo sem í flokki þetta fólk er.

Vill varkárni í vaxtalækkun

Bjargvættur Íslands!

Mikið er þjóðin "rík" að eiga ráðherra á borð við þann sem nú gegnir embætti félags og tryggingamálaráðherra. Annað eins mannvit hefur tæpast verið á borð borið fyrir okkur sauðsvartan almúgan frá stofnun lýðveldisins, sem nú rambar reyndar á barmi gjaldþrots. Það er dásamlegt að geta sofið rólegur, vitandi það að heljarmenni og "ofurvitsmunaverur" á borð við fyrrnefndan ráðherra vaka yfir landslýð og verja hann með kjafti og klóm, "vitsmunum", ótrúlegri kænsku, ráðsnilld og einhverjum "djúphugsuðustu" efnahagsaðgerðum seinni tíma. Hvaða hest sem við veðjum á, er nokkuð ljóst að ráðherra þessi hefur aldrei svo mikið sem stígið á bak neinum þeirra. Veit hvorki hvað snýr fram eða aftur, eða hvorum endanum étið er með eða hvorum skitið. Hvernig er það annars, eru engin inntökuskilyrði í pólitík? Greindarpróf, könnun á reiknikunnáttu, eða eitthvað sambærilegt? Það þarf stúdentspróf og hreint sakavottorð ef einhver vill gerast flugliði, svo lítið dæmi sé tekið. Er nema von að hér sé allt í kaldakoli?

Veðja á réttan hest?

Hverjir eru í skilanefndinni?

Hvernig á annað að vera en að hægt gangi að upplýsa um sukkið þegar sama fólki,sem að hluta til tók þátt í því, er falið að finna féð sem horfið er, eða reyna að gera sem mest úr því sem eftir stendur? Hvernig má þetta vera? Hvurn fjárann eru t.a.m. menn eins og Árni Tómasson að gera í skilanefnd banka? Er nema von að heilt ár sé liðið og lítið orðið ljósara um ástandið, eða hvernig hinir og þessir höguðu sér, þegar hinir sömu og rannsaka og eiga að sjá um "skil" bankanna, eru þeir sömu og áttu stóran þátt í fallinu? Er nema von að erlendir bankar gefi skít í þennan farsa sem hér hefur átt sér stað undanfarið ár?

Skilanefnd rannsakar mörg mál

Hvað er verðmætið?

Það er engu líklegra en að vel "sjóaður" stjórnmálamaður hafi skrifað þessa frétt. Það má endalaust buna út upplýsingum um prósentur og aukið magn. Þær tölur skipta hins vegar ekki nokkru einasta máli, nema með fylgi hvort meira eða minna fékkst fyrir aflann. Grunar að krónurnar séu fleiri, en að um "jafnstöðu" eða jafnvel talsverða lækkun sé að ræða ef dæmið er borið saman við erlendan gjaldeyri. Væri til dæmis athyglisvert að heyra hvort verðmætið væri nægt, í dollurum talið, til að kaupa íbúðina hans Jóns Ásgeirs á Manhattan og ef svo væri meira en nóg, hve oft.

Afli og verðmæti aukast