Vanhæft fólk!

Það er engu líkara en að ríkisstjórn Íslands og stjórnarandstaðan séu kominn í keppni, um hvor aðilinn geti nú skaðað þjóðina sem allra mest. Það er varla að maður trúi orðið dellunni sem fram fer í sölum þingsins. Þessi frétt af birtingu álits lögmannsstofunnar, er ekkert annað en sárgrætileg og undirstrikar enn á ný, að á Alþingi Íslands situr nú að allt of stórum hluta, vanhæft fólk, bæði í stjórn sem og í stjórnarandstöðu.   

Vöruðu við því að birta álitið

Útrásarhugsunargangurinn endurtekinn af sósíalistum!

Það er undarlegt að lesa þessi ummæli Þistilfjarðarbóndans og sósíalistans, Steingríms J. Sigfússonar. Nákvæmlega þessi þankagangur setti hér allt til fjandans. Ekki nema 10% líkur á að allt fari í kaldakol, en "What the heck," tökum samt sénsinn. 10% líkur á að fara á hausinn og komast í þrot, er þegar allt kemur til alls, ekki svo slæm tilhugsun fyrir fararstjóra núverandi ríkisstjórnar. Þokkaleg sending, svona rétt fyrir jólin, eða hitt þó heldur. Ef "Djóku" og "Denna" þykja 10% léttvæg, er ekki að undra að standi á gegnsæi, heiðarleika, samvinnu og skynsemi í þeim Hrunadansi sem Íslandi er nú dröslað í, með góðu eða illu. Gleðileg jól, landsmenn allir og til hamingju með "Skjaldborg Heimilanna". 

Forsendur IFS-álits svartsýnar

Íslenskt stjórnkerfi í hnotskurn?

Rannsóknarnefnd Alþingis er að vinna skýrslu þessa fyrir okkur, þegnana sem höfum fólk í vinnu á Alþingi. Það erum við sem komum til með að bera hitann og þungan af misgjörðum, afglöpum, stjórnleysi, spillingu og öllu því sem "tilbehörer"í einu stykki efnahagshruni. Ef þingheimur svo mikið sem lætur sér detta í hug, eina einustu mínútu, að hægt sé að læðast með veggjum, með niðurstöðu nefndarinnar, er hætt við að "búsáhaldabyltingin" blikni í samanburði við þau viðbrögð sem hætt er við að þjóðin sýni, við þess lags háttalagi. Það er lýðum ljóst hvað olli þessari óáran sem yfir okkur gengur nú um stundir. Pukur og tilraunir til að halda niðurstöðu nefndarinnar frá sjónum almennings gæti ekki á nokurn hátt verið túlkuð öðruvísi en samsæri gegn þjóðinni. Þar sem tæpast er hægt að ætla, að þingmenn séu allir kjánar, er rétt að ætla sem svo, að jafnsjálfsögð krafa og sú, að við fáum að berja skýrsluna augum jafnharðan og hún kemur fyrir augu starfsfólks okkar á Alþingi, sé nú ekki til of mikils ætlast. Fróðlegt verður að sjá og fylgjast með framvindu þessa eldfima máls næstu dægur, vikur og jafnvel mánuði. Okkur hefur þegar verið tilkynnt að hluta niðurstöðunnar muni verða erfitt að kyngja, en við getum kyngt orðið flestu sem matreitt er ofan í okkur. Spurningin er aðeins hvort við náum að halda því niðri  og til að koma í veg fyrir varanlegt iðrafruss og ælupest, er óskandi að þingheimur ALLUR geri sér grein fyrir að þjóðinni er þegar orðið flökurt, svo það má lítið út af bera, svo ekki bresti hér á almenn flensa og þá mun svínflensan blikna í samanburði, er Tuðarinn hræddur um.

Fjölluðu um rannsóknarskýrslu

Stjórnarandstaðan situr hjá, en ekki hvað?

Þar sem stærstur hluti stjórnarandstöðunnar, ásamt helmingi, 50%,  NÚVERANDI ríkisstjórnar ÍSLANDS, setti hér allt til andskotans í umboði meirihluta þjóðarinnar á sínum tíma, "NOTA BENE", er vel við hæfi að þetta fólk sitji hjá. Varla við öðru að búast hjá þeim, sem vonandi hafa nú gert sér grein fyrir afleiðingum gjörða sinna. Ef hins vegar þetta sama fólk ætlast til þess seinna meir, að það geti hvítþvegið sig af ósómanum, skulu þau hin sömu hugsa sig tvisvar um. Þögn er sama og samþykki og þar með teljast þessi peningalög gild með 63 atkvæðum duglauss þings, hvort heldur talin er stjórn eða stjórnarandstaða, þeir sem mættu, eða mættu ekki.

Atkvæðin hefðu reyndar alltaf fallið eins, enda  "Fólk á þingi" bara kosið eins og samviskan bauð kjósendum en .....,  að ef einhver er í útlöndum úr mínum flokki, slærð þú einn af í þínum flokki, kusum við ekki um, en á móti hefði sennilega komið að Sif skipti út fyrir Helga Hjörvar og ..........til að "halda valdahlutföllum" og so videre og ICESAVE rúllaði í gegn á varaþingmönnum og öðru undanskotskjaftæði. Gallharðir andstæðingar urðu skyndilega mjög þreyttir. Atli Gíslason þó sýnu þreyttastur og annað fáránlega vitlaust var fram dregið, til að taka EKKI afstöðu, nema með flokkselítunni. FÓLKIÐ sem VIÐ kusum er í einni andrá orðið minna virði en hundakúkur undir skó. Það finnst varla sá pottur sem laminn hefur verið á AUSTURVELLI sem ekki er misboðið. 

Síðan ætlast þetta fólk að borin sé virðing fyrir þeim?

 Álfheiður Ingadóttir í glugganum, nú ráðherfa,  formaður Framsóknarflokksins eða Bjarni Ben í Makao? Er einhver munur á þessu fólki? Trauðla.

 Það býr ekki sama þenkjandi fólkið í þessu landi og gerði, meðan öllu var hér fleytt að feigðarósi á sínum tíma, vona ég. Ef þjóðin lærir ekki á þessum skollaleik öllum saman, á hún sennilega ekki betra skilið en að "þjást" á efnahagslegum grundvelli, eða eitthvað í þá veruna. "Margur verður af aurum api", en að heil þjóð verði alger apaköttur, hefur sett litla Ísland á kort mannkynssögunnar sem fordæmi, sem engin önnur þjóð ætti, EÐA VILL fylgja. Litla Ísland, sem varla nokkur maður hafði heyrt getið um hér áður fyrr, úti í heimi, er nú nefnt í öðru hverju orði um allan heim, er ræddar eru ófarir í efnahagsmálum. Hér hefur verið sett heimsmet í heimsku. Þar fer ekkert á milli mála. Meira að segja sá helmingur núverandi stjórnar, sem fram á daginn í dag taldi sig málsvara lítilmagnans og einn af máttarstólpum "skjaldborgar heimilanna" ætti að hafa hægt um sig næstu daga, mánuði og jafnvel ár.  Annar eins kúvendingur hefur tæpast sést í samtímasögunni. ALLIR þingmenn lands vors ættu að sjá sóma sinn í því að segja af sér, en ganga þannig frá málum, áður en riðið er úr söðli að þinglokum, að  tryggja að hér eftir sitji fólk ALDREI lengur en tvö til þrjú kjörtímabil á þingi, sem er um það bil sá tími sem meðaljóninn þarf til að gera líf sitt bærilegt, undir venjulegum kringumstæðum. Eignast heimili og allt það..........  Takist það ekki, eru aðrir settir inn á. Þannig er lífið og pólitíkina ætti ekki að undanskilja. Pólitík er ég og þú.! Flest það fólk er nú vermir stóla Ölþingis Íslendinga ætti að reka og ráða nýtt í staðinn. Þar kjósum við, ég og þú, um framtíð vora. Vandinn í fámenninu er hins vegar sá að varla finnst eitt einasta kvikyndi sem ekki á einhverra hagsmuna að gæta eða gjalda á einhvern hátt, frá einhverjum sem velst á þing og sennilega mun þetta vandamál loða við okkur um ókomin ár. Tímabundin ráðning stjórnmálamanna með hámarksviðveru á ALÞINGI ætti að festa í lög. Stjórnmálamenn sem setið hafa hvað lengst, eru þegar upp er staðið, undirrót allra okkar meina og settu okkur á hausinn.

 

 

 

 

 

 

Steingrímur: Vel sloppið

Herbragð fullveldisafsalssinna.

Það skal með kjafti og klóm, keyra þessa þjóð í Evrópubandalagið. Að þynna út þau ráðuneyti sem hafa með helstu atvinnuvegi landsins að gera, er einn liður í þessari baráttu þeirra, sem ekkert sjá annað en inngöngu í Brusselklúbbinn. Er það ef til vill svo, að nú þegar sé búið að ganga frá inngöngu á bak við tjöldin af hálfu þeirra sem nú sitja í stjórn og engin leið að bakka með það? Kæmi ekki á óvart, ef miðað er við ummæli Ögmundar Jónassonar um Icesafe málið.

Mótmæla sameiningu ráðuneyta

Fjárfestingabanki Atvinnulífsins-endurtekið efni!

Saga FBA endurspeglast í þessari "syndaaflausn" Bjarna Ármannssonar. Fyrir þá sem EKKI MUNA, lánaði Bjarni sjálfum sér, þá sem nýsettur bankastjóri FBA,  ómældar fúlgur fjár til hlutabréfakaupa í FBA á sínum tíma, á lágmarks eða/og upprunalegu verði. Tæpast keypti hann þau bréf á undirverði, enda undirverð óþekkt fyrirbæri á þeim tíma á Íslandi og markaðurinn hér eins og hvert annað opið sár, sem bara beið eftir sýkingu. Hann vann síðan að því með kjafti og klóm að hífa, rífa,neyða og keyra upp markaðsverðmæti bankans, eftir því sem tímar liðu, hvað sem það kostaði og seldi síðan bréfin sem hann "átti" (keyptum með fengnum lánum til sjálfs sín úr bankanum) þegar virðið hafði stigið það mikið að stórhagnaður varð af, án þess að hann legði svo mikið sem eina krónu í púkkið. Um leið og aðrir áttuðu sig á því að þetta væri hægt, vegna aumingjaskapar ríkisvaldsins og einkavinavæðingar ríkisfyrirtækja, hófst einn ógurlegasti gjörningur Íslandssögunnar.Uppgangur efnahagslífs Íslands snérist síðan að mestu leyti um að haga sér svona næstu árin, með afleiðingum, sem ég og þú, skattgreiðandi góður, súpum nú seyðið af. Með réttu ætti að keyra eignasafn Bjarna til núvirðis eigna hans og miða við þann tímapunkt, er hann "tók að sér" bankastjórastöðu Fjárfestingabanka Atvinnulífsins, áður en hann lánaði sjálfum sér fúlgur fjár í nafni stöðu sinnar og sekta hann síðan, ásamt öllum er fylgdu fordæmi hans, UM ALLT SEM ÞEIR EIGA!. 

Bjarni endurgreiðir Glitni

Verðlaun fyrir að standa frammi fyrir vanda?

Það er hálf undarlegt, þegar fólk fær viðurkenningar, hvaða nafni svo sem þær nefnast, fyrir það eitt að standa frammi fyrir vandamálum. Hingað til hefur fólki yfirleitt verið veitt viðurkenning fyrir að leysa vandamál eða erfiðar þrautir og það verður að segjast eins og er, að þar á Jóhanna langt í land, þó hún njóti fulltyngis kúvendings úr Þistilfirði. Hver ætli eigi annars Nýtt Líf?

Jóhanna valin kona ársins

31 þingmann!

Það getur varla velkst fyrir neinum lengur að á Ölþingi Íslands sitja orðið tómar landeyður og eftirgefanlegt sjálfshagsmunalið, sem gegnir ÖLLU sem Jóhanna "MINN TÍMI MUN KOMA" og "KÚVENDINGURINN ÚR ÞISTILFIRÐINUM", leggja fyrir þau. Meira að segja Atli Gíslason, sem hinn eitilharði  sjálfstæðismaður Tuðarinn, hefur borið mikla virðingu fyrir hingað til, er orðinn ómerkur orða sinna og tæpast meira virði sem pólitíkus, en skítur undir skó. Þar fór góður biti í hundskjaft. Íslendingar eiga að bera ábyrgð á ICESAVE, en aðeins að þeim hluta sem lög og reglur kveða á um. Skuldaklafinn sem núverandi ríkisstjórn virðist svo óskaplega tilbúin að leggja á almúgan, auk afsals fullveldisins, með inngöngu í EB virðist ekki hrjá einn einasta þingmann stjórnarinnar lengur. Var virkilega ekki nóg að þurfa að horfa uppá Davíð, Hrein Lofts ( Skil ekki af hverju hann er ekki á forsíðunni í Köben), Geir Haarde ( oft sagður Liinke) og allt þeirra lið drulla hér yfir allt og alla, árum saman? Þarf síðan að taka þjóðina AFTUR í hinn endann með því að þeir sem mitt í pottaglamrinu lofuðu lausn og betrun, ef þeir kæmust til valda, taki síðan þjóðina TVÖFALT..........hinum megin frá?

Bið ekki lengur um þjóðstjórn. Það er ENGINN eftir á þingi sem hægt er að treysta. Leggjum niður ALÞINGI! um stundarsakir. Fáum erlenda, óháða reiknimeistara til að reikna út hvað þjóðarbúið þolir. Verst að það er engum lengur treystandi til að finna neinn til neins. Greiðum það sem við getum, ekki krónu meir og losum okkur við helming þingmanna er að kosningum kemur. Landið eitt kjördæmi, einn kjósandi-eitt atkvæði, þrjátíu og einn þingmann!

 Fari þetta fjandans volaða flokkafyrirkomulag fjandans til og helst lengra ef hægt er.  

Ágreiningurinn leystur

Ekki sama Jón eða Jón Ásgeir.

Ef skuldir Tuðarans næmu 58 földum nettóárstekjum hans, væri búið að knésetja kvikyndið og gera hann gjaldþrota. Fengi ekki undir neinum kringumstæðum aðra úrlausn minna mála. 365 er gjaldþrota fyrirtæki og hefur verið um árabil. Það er ekki fræðilegur möguleiki að hægt sé að rétta þetta óbermi af. Það er greinilega ekki sama hvor er, Jón eða Jón Ásgeir. 

Hátt skuldahlutfall hjá 365

Ég tárast..fyrir hönd Bratts.

Kom að því að strákarnir stæðu sig!. Vona bara að fagnaðarlætin í Borgarnesi nái lágmarki fyrir morguninn, sem senn mun renna upp. Þessir Manjú menn eru nú ekkert slor að leika sér að!

Ferguson: Frábær afgreiðsla hjá Gibson