Útrásarhugsunargangurinn endurtekinn af sósíalistum!

Það er undarlegt að lesa þessi ummæli Þistilfjarðarbóndans og sósíalistans, Steingríms J. Sigfússonar. Nákvæmlega þessi þankagangur setti hér allt til fjandans. Ekki nema 10% líkur á að allt fari í kaldakol, en "What the heck," tökum samt sénsinn. 10% líkur á að fara á hausinn og komast í þrot, er þegar allt kemur til alls, ekki svo slæm tilhugsun fyrir fararstjóra núverandi ríkisstjórnar. Þokkaleg sending, svona rétt fyrir jólin, eða hitt þó heldur. Ef "Djóku" og "Denna" þykja 10% léttvæg, er ekki að undra að standi á gegnsæi, heiðarleika, samvinnu og skynsemi í þeim Hrunadansi sem Íslandi er nú dröslað í, með góðu eða illu. Gleðileg jól, landsmenn allir og til hamingju með "Skjaldborg Heimilanna". 

Forsendur IFS-álits svartsýnar

Athugasemdir

[Sigurður Þórðarson, 24.12.2009 kl. 03:32]

Steingrímur er ekki illa gefinn, þvert á móti en hann getur bara ekki verið með öllum mjalla. "Allt í lagi að taka séns á því að Ísland fari á hausinn"

"Það lafir meðan ég lifi"  sagði Loðvík 14. þegar hann skuldsetti franska ríkið.

[Karl Tómasson, 27.12.2009 kl. 01:07]

Útrásar- og frelsisúrganginn þarf að hreinsa út.

Jafnvel fer Þistilfjarðarbóndinn of hratt í það kæri Halldór, ég skal ekki segja til um það nú á þessari stundu kæri góði vinur og félagi.

Það þarf samt að hreinsa út. Það veit ég vel að þú stendur klár á.

Treystir þú einhverjum betur til þess að moka flórinn en hreinræktuðum bóndasyninum.

Bestu kveðjur frá K. Tomm.

[Halldór Egill Guðnason, 28.12.2009 kl. 14:29]

Það þarf svo sannarlega að hreinsa út, það er satt Karl. Ég treysti bara ENGUM þeirra sem setið hafa á ölþingi Íslands undanfarin 5-6 ár til þess! Þeir eru allir meira og minna samsekir, með einum eða öðrum hætti. Burtu með hvern einasta þeirra!