Atkvæði hafi frelsi til að eiga ekki bíl.

 Gott og vel. Hver á að koma krakkakvikyndinum á leikskólann, skólann, unglingsfjandanum í sportið og síðan sækja allt helvítis draslið aftur og koma því heim í háttinn, ef aðeins reiðhjól, stræ-dó eða labba er einungis í boði? 

 Er þetta fólk á lyfjum eða án barna?

 Spyr sá sem ekki veit.

Vilja draga úr fjölda bílferða

Táknræn mynd.

 Fremst sitja krakkar í tölvuleik, aftar situr einn og annar stendur, áhyggjufullir á svip, enda full ástæða til. Vel má vera að tilskipunin skapi okkur almenningi rétt og vernd, en það er dómsstigið sem skarast á við lýðræðið. Komi upp vafamál sem leysa þarf, verður hérlent réttarkerfi ekki einu sinni spurt. Brussel sker úr um og dæmir! Evrópusmbandið hefur tekið yfir dómskerfið á Íslandi. Til hamingju forysta Sjálfstæðisflokksins á hundrað ára afmæli fullveldisins. Ömurlegri úlfar í sauðagæru hafa aldrei á þingpalla vora stigið. Þetta hljóta að vera ömurlegustu svik nokkurrar forystu, fyrr og síðar, að Þistilfjarðarkúvendingsumpóluninni meðtalinni. Stétt með stétt, þol ei órétt.

 Engar kveðjur að sunnan. Sjálfstæðisflokkurinn er dauður!

Frumvarp um persónuvernd samþykkt

Þrír af fimm í símanum.

 Það er bannað að tala í síma undir stýri. Það er bannað senda sms undir stýri. Það er ekki vel séð að hanga á fésbókinni í vinnutímanum.

 Þykir það í lagi að gera þetta allt á næturfundi Alþingis, rétt fyrir þinglok, þar sem málum er mokað í gegn án mikillar ígrundunar? 

 Er nema von að þessir amlóðar séu alveg við það rýra lýðveldið sjálfstæði sínu með aumingjahætti sínum?

 Ömurleg er myndin með greininni, hvenær svosem hún var tekin. 

 Góðar stundir, með kveðju að sunnan.

Búnir að fá sitt og loka því sjoppunni.

 Enn eru ótal mál óafgreidd hjá Kjara(ó)ráði. Þingheimur gefur skít í það, enda búinn að fá sitt og því óhætt að loka sjoppunni, með innan við þriggja vikna fyrirvara. Pírataómyndin sem ætlaði í mál sat hjá, sem er óskiljanlegt, en það eru jú píratar flestir, svo það kemur svosem ekkert á óvart. Eftir því sem best er vitað hefur enginn þeirra skilað, eða lagt til hliðar, krónu af hækkuninni frá Kjararáði svo þeir hljóta að vera sáttir og gúffa í sig lífsins unaðssemdum, í boði Kjararáðs til jafns við aðra þingmenn og ráðherra annara flokka.

 Þessi ríkisstjórn lyktar illa, svo ekki sé meira sagt. Yfirklór, vandræðagangur og valdaafsal lýðveldisins virðist vera hennar helsta markmið. Ekki merkilegur pappír, frekar en stjórnarandstaða síst minni eiginhagsmunaseggja.

 Virðing Alþingis þverr með degi hverjum, öllum þeim er þar sitja til háðungar og skammar.

 Góðar stundir, með kveðju að sunnan.

 

Kjararáð lagt niður

Margt smátt gerir helling.

 Ægir Þór á stóra fjölskyldu. Hann á okkur öll að og það er dásamlegt að sjá hve allir taka vel á með stráknum. Það er helst að sjá að ömurleg stjórnvöld og enn verri stjórnmálamenn og konur séu ekki að kveikja á perunni, enda meira og minna á perunni í sjálfshagsmunaframapoti sínu á pólitíska sviðinu. Þar kemst ekkert annað að en ég, ég, ég. Svei því auma liði sem neitar lítilli hetju um sjálfsagðan rétt sinn til lífsins, því aurana skortir! Aurarnir eru nægir.

 Þúsundum milljóna er sóað í bruðl og vitleysu ár hvert, af mis og oft á tíðum fávísum stjórnmálamönnum, engum til gagns. Þegar líf liggur við bregst þolinmæði almennings og nú skal skella á súðum pólitískra amlóða, sem sem best ættu að hysja upp um sig brækurnar og gegna sínu starfi, sem þeir voru kosnir til. Þeir eru jú í vinnu fyrir okkur, en ekki öfugt, hafi það farið framhjá þeim. 

 Almenningur er kominn með upp í kok af bruðli og rugli stjórnmálamanna, sem sumir hverjir virðast varla vita hvar þeir vinna, eða fyrir hvern.

 Ægir Þór skal fá það sem hann þarf! Leggjumst öll á árarnar, svo það megi verða.

 Góðar stundir, með kveðju að sunnan.

„Margt smátt gerir eitt stórt“

Fíflagangur, fíflagangur, fíflagangur.

 Það gengur vel. Það gengur svo vel að við ætlum að tala saman til eilífðarnóns um allt sem er æðislegt og alveg "obboslega" spennandi og gaman. Það gengur svo vel að það gengur ekki rassgat. Fyrrverandi meirihluti er kexruglaður og við vitum hreinlega ekki hvurn fjandann við eigum að segja borgarbúum. OK "we fucked up" en allt er svo djöfull "gúddí".

 Viðreisn er búin að drulla upp á bak. Við blasir minnihlutasrjórn í höfuðstaðnum, studd af Viðreisnarómyndinni.

 Góðar stundir, með kveðju að sunnan. 

Áfram fundað um helgina

Glannaskapur.

 Það skiptir engu máli hvort vegir eru góðir eða slæmir, þegar glæfraakstur á í hlut. Þetta slys skrifast á þann sem fórst. Hann var valdur að eigin dauða og hörmungum þeirra sem hann hitti fyrir í eigin vitleysisgangi. Vegurinn skiptir engu máli í þessu tilviki. Hann er ekkert verri en hver annar.

 Góðar stundir, með kveðju að sunnan.

Þarf að fara að ræsa gröfurnar

Leikskólar eða " stjörnuver"?

 Forgangsröðun núverandi borgarstjórnarmeirihluta kemur sífellt betur í ljós. Þarf eiginlega engu að bæta við þessa dellu. Borgarstjóri hefur undirritað því til staðfestingar um "stjörnuver". Foreldrar ungra barna munu sitja á hakanum með leikskólapláss næstu árin, því "Krulli" er kominn út í geim, innan í tanki í Öskjuhlíð. Á meðan fæst enginn peningur i neitt annað af viti. Guttinn þarf jú aðeins að svífa meðal stjarnanna eins og hann hefur svo lengi dreymt um. Nú fær hann heilan tank til þess. Á meðan, "Do not desturb"

 Góðar stundir, með kveðju að sunnan.

Tankurinn breytist í stjörnuver

Betri gangur í að koma þeim út, en inn.

 Glæpamenn á Íslandi komast upp með ýmislegt, eins og gengur. Ræna samfélagið í hinum ýmsu myndum og sleppa jafnvel án refsingar. Þeir sem nást, eru dæmdir og settir í afplánun og fá betri meðferð en öryrkjar gamalmenni og annað úrkast samfélagsins sem stjórnmálastéttin hefur gleymt fyrir margt löngu. Til eru dæmdir glæpamenn á Íslandi sem hafa heimtað rauðvín með steikinni meðan á afplánun þeirra stóð. Hugsið ykkur barasta!

 Nú virðist sem glæpamönnum gangi ansi vel, jafnvel enn betur en áður að koma sér undan réttvísinni. Panta sér flugmiða á netinu og borga með eigin korti, beint úr steininum, fá einhvern til að pikka sig upp fyrir utan jeilið og ferðast síðan með forsætisráðherra á Sagaclass til útlanda! 

 Enginn er að sjálfsögðu ábyrgur fyrir þessari andskotans vitleysu, enda emættismenn þessa lands ósnertanlegir andskotans amlóðar upp til hópa sem enga ábyrgð bera, frekar en fyrri daginn.

 Þetta er skandall og það á að reka fangelsismálastjóra samstundis! Tollstjórinn á Keflavíkurflugvelli mætti fylgja með, því jafnvel morðingjar hafa sloppið framhjá gerfiöryggiskerfinu á vellinum sem virðist ekki miklu skila miðað við þetta síðasta niðurlægingardæmi. Geta embættismenn endalaust yppt öxlum og sagt æ æ okkur urðu á mistök en haldið stöðum sínum. Á almennum markaði væri svona svona aulum vikið samstundis úr starfi. 

 Ekki að furða að öryggisgæsla á KEF sé lágt metin.

 Goðar stundir, með kveðju að sunnan.

Minnir á borgaralega handtöku

Tuttugu og eitt þúsund og sjö hundruð milljón krónur 00/100

 Einhvern veginn svona hefði upphæðin verið tilgreind á ávísun hér í "den". Ávísunin annaðhvort stíluð á handhafa, eða nafn. Í báðum tilfellum þurfti sá er skipti ávísuninni að ábyrgjast hana með undirskrift sinni. Sá sem gaf hana út slapp svo lengi sem viðtakandinn staðfesti tékkann með undirskrift sinni. Væri ekki innistæða var viðtakandinn sá sem tapaði, hafandi skipt bleðlinum í banka með eigin vottun aftan á verðlausa pappírnum.

 Hvers vegna tuðar tuðari um þetta? Jú, honum þykir það í meira lagi ótrúlegt að einhver geti gefið út ávísun með innistæðu fyrir þessari upphæð á innan við mánuði. Ekki síst í ljósi þess að sá sem ætlar að greiða tuttugu og eitt þúsund og sjö hundruð milljónir fyrir hlutina, er einn þeirra sem fremstir ganga gegn launauppbótum skrílsins, sem hjá honum vinnur.

 Ekki laust við að óþægilegur hrollur fari um tuðarakvikyndið. Vona bara að Kristján framselji ekki tékkann, fyrr en hafa gengið fullkomlega úr skugga um að innistæðan sé næg. Veit hann gerir það og vonandi nær hann að skjóta sem flesta hvali í sumar. Ekki veitir af.

 Góðar stundir, með kveðju að sunnan.

„Kom gott tilboð sem við samþykktum“