Fyrirmyndarvélhjólamenn.

 Flottir,  áræðnir og tókust ekki á við einfaldar leiðir. Fallegt af þeim að gera það sem þeir gerðu. Breytir ekki heiminum, en vonandi að þeirra framlag sparki í einhverja, sem eru "alltaf á leiðinni", þar með talinn ég. Flott framtak. Hvetjandi og uppvekjandi. Hver veit.....

 Góðar stundir, með kveðju að sunnan.

Mótorhjólakappar komu færandi hendi

"Who gives a shit?"

 "Who gives a shit."

Heilsu Barböru Bush hrakar

"Who gives a shit."

"Who gives a shit."

Af hverju elskarðu þig ekki?

Betra að bíða með dellufund.

 Það er tilgangslaust að ræsa út utanríkismálanefnd Alþingis á sunnudagskvöldi, til að ræða afstöðu Íslands. Afstaðan liggur fyrir. Framkvæmdastjóri NATO hefur lýst því yfir að allar aðildarþjóðir NATO séu samþykkar loftárásunum. Betra hefði verið að leyfa Gulla að sullast til útlanda í hvaða tilgangi sem það nú er og taka á þessu þegar guttinn kemur aftur. Ekki nokkur skaði skeður. Niðurstaða fundarins skiptir nákvæmlega engu máli. Afstaða hérlendra stjórnvalda liggur fyrir.: Ríkisstjórn Íslands styður loftárásirnar. 

 Amlóðar í ráðherraembættum, sama hvaða tignarheiti kallast, geta ekki með nokkrum fagurgala, undanvikningum, eða fundum um helgar, kjaftað sig út úr því. 

 Ríkisstjórn Íslands, sem samanstendur af merkilegri grútarflóru andstæðinga, hefur gefið sitt álit, sem er það að hún styður árásirnar. Til hvers að halda fund á sunnudagskvöldi? Kjararáð hlýtur að úthluta sérstökum sporslum í svona dellu, þá næst það ákveður þrautarlaunin fyrir þessar gufur, sem aldrei nokkurntíma geta gefið svör við þeim spurningum sem til þeirra er beint, fyrr en svo seint að svarið skiptir engu máli lengur.

 Góðar stundir, með kveðju að sunnan.

Ræða afstöðu Íslands í kvöld

"Highly classified"

 Saddam Hussein var talinn ráða yfir eiturvopnum "of mass destruction"" Ekkert fannst.

 Lagerhúsnæði vopnaframleiðenda heimsins er yfirfullt. Vopnum skal komið á markað. Stríð skulu háð. "Fuck the reason" Fjölmiðlar keyptir og fáviti settur í Hvíta Húsið. Lagerinn tæmist. Nýjar pantanir streyma inn. Allir "happy" í Rockefeller og Rotschild familíunum, ásamt öðrum sambærilegum mannlegum úrgangi.

 "2018 virðist ætla að verða gott ár fyrir okkur börnin góð. Í stað gullsalla, verður súkkulaðið hjúpað demöntum þetta árið. Fyrir alla muni fáið ykkur bita börnin góð, en munið hvaðan sallinn kemur. Þá uppsprettu má aldrei þrjóta, nema þið ætlið að leggjast svo lágt að éta súkkulaðið óhjúpað. Þó börn verði drepin, gamalmenni og farlama fólk, ekki gleyma hvaðan sallinn kemur, erfingjar góðir, ...aldrei, aldrei, aldrei."

 Góðar stundir, með kveðju að sunnan.

 

Bandaríkin telja sig hafa nægar sannanir

Nokkuð þéttur, Elliði.

 Gott útspil hjá Elliða. "Viljið þig mig, eða ekki" og verður spennandi að fylgjast með. Gangi Elliða allt í haginn, sem og öllum Eyjamönnum. Vestmannaeyingar eiga völina, sem og kvölina, eftir því hvernig á það er litið.

 Svona fréttir kveikja í kjósendum og gera þá virka í umræðum, fyrir komandi sveitarstjórnarkosningar. Í þessu máli skipta skoðanakannanir (sá andskotans dragbýtur) engu máli. Hér er tekist á um menn og málefni, sem er gott. Núverandi fulltrúi og leiðtogi setur tóninn. Bæjarbúar fá að reyna á hugarafl sitt og geta sagt.: Fari allar skoðanakannanir og ömurlegir fjölmiðlar  til fjandans! 

 Nú skal tekist á um málefni, frammistöðu og verk þeirra, sem haft hafa umsjón með samfélagi okkar. Líkar okkur það og viljum áfram treysta sama fólki, eða skal stokkað upp og gefið á ný?

 Tíminn einn, leiðir það í ljós.

 Góðar stundir, með kveðju að sunnan.

Elliði skipar fimmta sæti í Eyjum

Reiknið út sjálf!

 Tuðarakvikyndið er nú ekki mikill reiknihaus. Eftir lestur þessarar "fréttar" og samlagningu á þeim tölum, sem í henni eru á borð borin, get ég ekki með nokkru móti fengið þetta til að stemma og á ég þó fimmtán stafa reiknivél. Vel má vera að þar sé fákunnáttu minni um að kenna, en reiknivélin mín getur með engu móti fengið sömu tölur út úr tilkynningunni og getið er um í þessari falsfrétt. Falsfrétt segi ég, því þetta er fréttatilkynning! Þetta er fréttatilkynning frá Landsvirkjun. Amlóðarnir, sem telja sig fréttamenn á mbl.is eru ekkifréttamenn. Þeir eru ..tja, ég veit ekki hvað. Hélt að ritstjórinn, sem er snilldarlega máli farinn og stórkostlegur penni, gerði meiri kröfur til undirsáta sinna. Þetta er jú Morgunblaðið, ekki satt?

 Arðgreiðslugeta æ semsagt að aukast um þvílíkar stjarnfræðilegar upphæðir fram til ársins 2026, að nánast engin dæmi séu fyrir slíku uppgripi í hérlendri sögu. Ekki ein einasta vetrarvertíð, í sögu hérlends sjávarútvegs, hefur skilað þvílíkum arðgreiðslum, eða uppgripi, á svo skömmum tíma.

 Landsvirkjun greiðir u.þ.b. 1,5 milljarða í arð á ári til Okkar, síðastliðin þrjú ár. Hún lofar hinsvegar að  þessar greiðslur muni allt að því HUNDRAÐFALDAST! á árunum 2020 til 2026! þar sem fjárhagslegur styrkur fyrirtækisins hefur aukist svo mikið, undanfarin ár?

 Ekkert er getið um í hverju sá styrkur felst.

 Niðurstaða auðvirðilegs tuðara og nöldurseggs er sú, að nú þegar hafi verið samið um sæstreng, með vitund stjórnvalda og að núverandi ríkisstjórn muni veita þriðja draslinu brautargengi, með aumingjaskap sínum! Þetta veit ríkisstjórnin, en enginn segir bofs.

 Svei ykkur landsölufjöndum!

 Engar kveðjur, með fýlu að sunna.

 

Arðgreiðslur Landsvirkjunar standa í stað

Hálfvitalegt nafn á Íslensku flugfélagi.

 "Air Iceland Connect" er eitthvert hálfvitalegasta nafn, sem gefið hefur verið Flugfélagi Íslands. Hallgerður Langbrók myndi fyrr drulla í langbrókina, láta taka sig fasta og varpa sér í dyflissu, en að láta neyða sig um borð í fararskjóta þessa vitleysisnafnsfélags. Útsýnið er stórkostlegt á öllum flugleiðum Flugfélags Íslands, þegar skyggnið er gott. Að ösla yfir það með þessu nafnsóbermi, er ekkert annað en léleg landkynning, útþynnt túristakjaftæðisbull og yfirgengileg móðgun við Hallgerði Langbrók!

 Með réttu ætti að svipta fyrirtækið rétti til allra nafngifta, sem tengjast Íslandi yfir höfuð, svo ömurlegt er þetta fáránlega nafn félagsins í dag. 

 Datt engum í "ónefnubrainlognsdeildinni" að halda sig við Faxana? 

 Þvílikt og annað eins klúður í nafngift er vandfundið og lýsir ótrúlega litlu hugmynda"flugi" hjá flugfélagi. Flugfélag án hugmyndaflugs, flýgur hvorki langt, né lengi.

 Góðar stundir, með kveðju að sunnan.

Heillandi útsýni með Hallgerði

Fálkaorður.

 Hvers vegna er manni, eins og Lárusi Sigfússyni, ekki veitt Fálkaorðan, þó ekki væri nema fyrir ótrúlegt æviskeið og jákvæða réttsýni á lífið??  Engin vinna, ekkert kaup. Ekkert kaup, ekkert líf. Dugandi manni, sem í sveita síns andlits er hundrað og þriggja ára, án þess svo mikils sem að að hafa aldrei kvartað?. Kvörtunarstaðall aumingjakynslóðar nútímans er kominn út í horn. 

 Vann sína vinnu, stóð sína plikt, skilaði sínu, en er nú hornreka í samfélagi æskudýrkunnar og reynsluleysi nútímans. Fólks, sem af einhverjum  óskiljanlegum ástæðum  hefur gefið skít í forfeður sína, sem byggðu þetta land. Forfeður sem gerðu þeim kleift að eignast börn og fara síðan í frí "á svörtum" í heilt ár, sem "einhver annar borgar".

 Aumingjavæðing nútímans sést best í því, að í dag getur fólk ekki einu sinni eignast börn, öðru vísi en verða að aumingjum og greiðslumunstri, sem aðrir borga. 

 Af því samfélagi, sem blasir við okkur í dag, skilur Lárus hvorki upp né niður í, sökum aumingjaskapar  Íslenaku þjóðarinnar og lái honum hver sem vill. Annað eins aulalið hefur ekki setið þetta land síðan 1662.

 Góðar stundir, með kveðju að sunnan.

Man frostaveturinn mikla

Ekki batnar endaleysan!

 Þegar smíði nýrrar Vestmannaeyjaferju er langt komin, kemur allt í einu beiðni um breytingu á orkugjafa hennar! Eru menn gjörsamlega búnir að tapa vitinu í þessu rugli öllu saman!? 

 Hvers vegna heyrist ekkert af þessu fyrr?

 Hvað kostar þetta aukalega og hversu mikið tefur þessi nýjasta della afhendingu ferjunnar? Svona skip þarf a.m.k. 20tonn af rafgeymun, ef eitthvað vit á að vera í þessu. Þeir geymar hafa áhrif á stöðugleika og siglingarhæfni. Siglingarhæfni þar sem ekkert svona andskotans rugl var með í myndinni í upphafi, þegar skipið var hannað. Það þurfti meira að,segja ábendingu frá skipasmíðastöðinni til að benda "sérfræðingunum" á Íslandi á það, að ef ferjan væri lengd um xmetra, minnkaði djúpristan! Ekki var það nú mikið rætt, enda óþægilegt fyrir alla "snillingana" hér heima, sem ávallt telja sig vita best í heimi.

 Hvers vegna taka svokallaðir fréttamenn við svona tilkynningum, án þess að spyrja einnar einustu spurningar?. Svarið er einfalt.: þeir eru ekki starfi sínu vaxnir og hafa ekki hundsvit á flestu því sem þeir fjalla um. "Copy paste" "Copy paste" aular.

 Það er almenningur í landinu sem greiðir fyrir þvæluna, með skattfé sínu, í sveita síns andlits. Kerfisamlóðunum virðist slétt sama um það, enda leiða þeir sjaldnast hugann að því hvaðan fjármagnið kemur. Amlóðar sem fá  launatékkann, óháð öllu.

 Landeyjahafnarskrípaleiksbruðlið á eftir að reynast dýrara en jafnvel svartsýnustu afturhaldspúkum, eins og mér, hefði nokkurn tíma dottið í hug. Fáránleg staðsetning hafnarinnar er kapítuli út af fyrir sig og tæpast þörf á að fara yfir það mál allt saman. Þeir sem skitu í buxurnar með staðarvalinu eru hinsvegar ennþá innvinklaðir í óskapnaðinn!

 Hvað gerir ferjan þegar ekki er fært í Landeyjahöfn og sigla þarf til Þorlákshafnar, eða jafnvel snúa þarf við, á skipi sem eftirá var í pakkað tuttugu tonnum af rafhlöðum og sennilega tvöfaldri þeirri þyngd í mótorum?. Það er verið að tala um sextíu tonn af aukabúnaði, sem ekki var ráð fyrir gert í upphafi. Þvílík djöfulsins þvæla sem þetta er verða!.

 Þeim sem þykir þetta allt í lagi er vorkunn. Þeir skilja ekki samhengið sem felst í því að laun þeirra eru greidd af stéttum sem framleiða verðmæti. Engin verðmæti eru framleidd í opinberum rekstri. Ekki nokkur. Opinber rekstur, er kostnaður og skilar engum, engum verðmætum! Aðeins kostnaði fyrir hinn almenna launamann og fyrirtækin í landinu, eins og svo vel sést af þessari dauðans dellu, sem Landeyjahöfn er, frá A til Ö.

 Landeyjahafnarþvælan mun á endanum kosta skattborgar þessa lands þvílíka fjármuni, að sagnfræðingar framtíðarinnar munu ekki skilja rassgat í því, hvað mönnum eða réttara sagt mannleysum, gekk eiginlega til með þessu hörmulega fjármagnsbruðli og þvæluákvörðunum.

 Góðar stundir, með kveðju að sunnan.

 

Mun spara hundruð milljóna