Umsögn er ekki það sama og frétt.

 "Umsögn" getur verið bæði umsögn um einhvern, eitthvað, eða hvað sem helst. "Umsögn" getur líka merkt umsögn úr erlendu máli, þ.e. sá sem "segir  frá" er ekki að segja frá, frá sínum bæjarhóli, hlutlaust eins og honum ætti að vera skylt,  heldur hafa eftir öðrum og umsegja á einfaldan hátt. Engin hugsun, ekkert skoðað, bara rúllað út úr "Google translate". Þessi frétt og fyrirsögn hennar er enn einn skítabletturinn á ömurlega blaðamennsku á Íslandi, í öllu tilliti. 

 Þvílíkt og annað eins metnaðarleysi.

 Er hlutverk ritstjórans það eitt að vera, að því er virðist, eina manneskjan sem getur tjáð sig á mbl, án þess að lepja eftir öðrum og það aðeins einu sinni í viku?

 Spyr sá sem ekkert veit.

 Góðar stundir, með kveðju að sunnan.

Einn dyggasti þjónn Trumps hættur

Þessi frétt er ekki rétt.

 Það er alrangt að Chile yrði fyrsta ríki Suður-Ameríku til að banna plastpoka í verslunum, ef til þess kemur. Argentína hefur þegar sett á plastpokabann og hefur svo verið í meira en þrjú ár. Það var gert með einu pennastriki og með mjög skömmum fyrirvara. Rétt skal vera rétt.

 Góðar stundir, með kveðju úr plastpokalausu suðrinu.

Mega banna plastpoka með lögum

Að fara annað?

 Alveg er þetta furðuleg fyrirsögn. Er þetta virkilega að gerast? Kona sem komin er að fæðingu barns síns kemur að lokuðum dyrum......skrensssssss!

 Hér hlýtur einhver að vera að grínast. Barnið er á leiðinni! Blaðamaður eða viðmælandi að bulla?

 Ljósmæður eins og allar stéttir þessa lands, eiga skilið sanngjörn laun fyrir erfiði sinna handa eða hugar. Það er t.a.m. fáránlegt að hjúkrunarfræðingur, sem bætir við sig tveggja ára námi til að gerast ljósmóðir að auki við fyrra starf, skuli lækka í launum að því námi loknu. Handberi einhverrar fallegustu stöðu sem til er. Að líkna og taka á móti lífi. Báðir endar mannlegrar tilveru og ávallt á vaktinni. Orðið ljósmóðir er fegurst orða Íslenskrar tunga að mínu mati.

 Að sjálftökulið, samsett  opinberum embættismönnum og aumkunnarverðu öryggiseftirlaunapakki stjórnar  "Ríkisins" skuli voga sér að skella skollaeyrum við þessu óréttlæti er ólíðandi. Embættismenn, þingmenn og undirsátar þeirra, sem sjaldnast virðast bera ábyrgð á gerðum sínum ættu að drullast til að skammast sín, en það mun sennilega seint gerast. Þetta lið er einungis ég, ég, ég.

 Hafandi þegið óheyrilegar launahækkanir úr kjöltu Kjararáðs, sammælist þetta lið um að leggja það niður. Tilgangnum er jú náð. Þau hafa fengið sitt. "Fuck the rest"

 Góðar stundir, með kveðju að sunnan.

 

Útskrifa fyrr og mæðrum beint annað

Er minni aukning samdráttur?

 Furðulegur fréttaflutningur hlýtur það að teljast að segja að minni aukning sé samdráttur. Er hægt að gerast öllu vitlausari?

 Það verður ekki af landanum skafið vitleysisgangurinn í græðgisvæðingunni. 

 Ef minni aukning er samdráttur er ekki að undra að hér fór allt til helvítis fyrir tíu árum. 

 Hvernig getur aukning verið samdráttur?

 Spyr sá sem ekkert veit.

 Góðar stundir, með kveðju að sunnan.

Hrun í gistinóttum Þjóðverja

Ríkið borgar.

 Borgarstjórinn í Reykjavík er furðulegur fugl. 

 Fyrir kosningar klæddist hann tvennskonar bolum með áletrunum. Meira var nú hugmyndaflugið ekki. Á öðrum stóð "Borgarlína" og á hinum stóð "Miklabraut í stokk". Enn hefur engin skýring verið gefin á því hvað Borgarlína er og enn síður hvernig framkvæma eigi eða fjármagna delluna. Svíðreisn gefur grænt ljós á Kringluþvæluna, en enginn virðist hafa spáð í fjármögnun annar en mannvitsbrekkan borgarstjórinn í Reykjavík. Ríkissjóður borgar samkvæmt snillingnum, þó ekkert sé fast í hendi varðandi það og Ríkið hafi ekki einu sinni gert ráð fyrir sóun fjármuna í þetta brjálæði.

 "Í sáttmálanum sé talað um að lokið verði samkomulagi við ríkið um lykilaðgerðir til að létta á umferð"

 Hvort öllu kjörtímabilinu sé ætlað að verja í þessar viðræður, eða skemmri tíma, kemur hvergi fram í allt að því þvælukenndu rugli Dags Bergþórusonar.

 Á sama tíma ætlar burgermeisterinn að þrengja svo að bílaumferð, að fá dæmi eru um slíkan fíflagang í nokkurri borg á byggðu bóli. 

 Áfram halda glórulausar glærusýningar um skýjaborgir veruleikafirrts borgarstjórnarmeirihluta, í boði Svíðreisnaróánægjuklúbbs fýlupúka úr Sjálfstæðisflokknum með kúlulánaívafi sem aldrei þarf að standa skil á, eða gera grein fyrir.

 Er virkilega þörf á stærri Kringlu, meðan börn eru vannærð á undirmönnuðum leikskólum borgarinnar og borgaryfirvöld svívirða öryrkja með því að hundsa niðurstöður dómstóla?

 Spyr sá sem ekki veit og frábiður sér brímun.

 Góðar stundir, með kveðju að sunnan.

Engar áhyggjur af stokknum

Hámarkinu náð?

 Undarlegt að alltaf skuli vera til þeir úrtölumenn í samfélaginu, sem vilja gera lítið úr góðum hlutum. Tala niður stemmingu og stolt og reyna að telja okkur trú um að nú liggi leiðin aðeins niður á við. Toppnum sé náð og því enga fleiri tinda að klífa. Aumkunnarvert viðhorf og fjandsamlegt þjóðarstolti. Stolti sem ótrúlega margir virðast vilja merja mélinu smærra. Gæti ástæðan verið sú að viðkomandi sjái roðann í austri streyma frá Bulluseli og kerfisóbermunum, sem þar þrútna út of ofáti og skattfrjálsum greiðslum, á kostnð samlanda sinna?

 Spyr sá sem ekki veit. 

 Góðar stundir, með kveðju að sunnan.

Gullöld íslenskra íþrótta lokið?

"Manngæskan" holdi klædd.

 Að moka sextán manns, sennilega allt karlmönnum af ólíkum uppruna, eins fjarlægum okkur og hugsast getur, í handónýtt hús við íbúagötu er ekki merki mikils hyggjuvits. Nær örugg leið til að gera alla í húsinu geggjaða, svo ekki sé nú talað um íbúana í götunni. Víkingasveit Lögreglunnar og almennir þjónar hennar margbúnir að þurfa að grípa inn í aðstæður. Íbúum nánast haldið í gíslingu af ótta við hvað gerist næst. Allt í nafni "mannúðar".

 Hver ber ábyrgð á svona déskotans vinnubrögðum og því þegja fjölmiðlar? Er búið að gegnsýra þá af rétttrúnaðarhugsunarliðinu, eða er fólk á fjölmiðlum ekki meiri bógar en þetta af ótta við eigendur þeirra? Aulagangurinn alger, hvað svo sem veldur.

 Myndin af húsinu, ein og sér, er dæmigerð fyrir aumingjaskap hins opinbera og sýnir í hverslags skötulíki öll þessi mál eru hjá yfirvöldum og öllum "miskunnsömu samverjunum". Alger niðurníðsla á öllum sviðum. Fátt ef nokkurt hugsað til enda.

 Þetta hús er táknrænt merki um fíflaganginn í þessum málum öllum. 

 Góðar stundir, með kveðju að sunnan.

Barði blóðugur að dyrum í Stigahlíð

Sjö hundruð milljónir út um gluggann.

 Fjármála og skipulagsvit borgarstjórnarmeirihlutans virðist síst hafa batnað, þó Svíðreisn hafi stokkið á vagninn í stað óræðrar framtíðar, sem reyndar er orðin að súrri fortíð.

 Verslunarhúsnæði í borginni dugar nú þegar hátt í hálfri milljón íbúa, en nú skal bæta um betur. "Lífleg starfssemi á svæðinu"? Er þetta fólk ekki að grínast? Síðasta "líflega" starfsemin sem tuðarakvikyndið man eftir á þessum slóðum var skotárás og þar á undan Iðnaðarbankaránið með lambhúshettunni landsfrægu sem við það er kennd. 

 Sjö hundruð milljónir detta skyndilega á borðið úr galtómum fjárhyrslum Reykjavíkurborgar, sem sífellt kvartar undan blankheitum.

 Áfram skulu börn koma vannærð af undirmönnuðum leikskólum og öryrkjar sviknir af greiðslum frá borginni, sem þeim hafa verið dæmdar af dómstólum. Nostalgíuþvældum sveimhugum í borgarstjórn hefur verið gert mögulegt að halda uppteknum hætti í rugli og óráðsíu. Allt í boði Svíðreisnar. Hafi sú reisn litlar þakkir fyrir.

 Til hamingju Reykvíkingar með nýjan borgarstjórnarmeirihluta. Þvílíkt og annað eins samansafn af alltumliggjandi hug og hyggjuviti fyrir hönd borgaranna hefur trauðla sést í yfir tvö hundruð ára sögu borgarinnar. 

 Góðar stundir, með kveðju að sunnan.

Borgin kaupir fasteignir í Breiðholti

Það er hollt að hjóla, en hættulegt að ganga.

 Það eru sennilega flestir sammála um ágæti þess að hreyfa sig. Hjólreiðar eru bæði hollar og góðar, hverjum þeim er þá iðju stundar og hin besta hreyfing. Venjulegt fólk setur vonandi á sig góðan og viðurkenndan hjálm áður rennt er af stað á reiðhjólinu. Það er jú skynsamlegt til að verja toppstykkið skemmdum, ef svo illa færi að óhapp henti í túrnum. Alveg hreint með ólíkindum að ekki skuli fyrir löngu hafa verið sett af stað herferð um að synda í vinnuna. Allir árekstar í sundi eru minniháttar og það eina sem þarf til ferðarinnar er skýla, bikini eða bolur. "Safest way to travel, ever invented" (If you know how to swim)

 Mikið hefur verið "agiterað" fyrir því að ganga, hjóla, eða taka stræ-dó undanfarin ár. Afraksturinn virðist helst skila sér í spantexklæddum miðaldra körlum og kerlingum, sem halda að þau eldist hægar en annað fólk, ef þau hjóla. Klædd eins og allsberar geimverur með egg á hausnum. Með púls, blóðþrýstings og kílómetersmæla á úlnliðnum, á fimmhundruðþúsundkróna hjólum, sextíu kílómetra hraða á gang og hjólastígum höfuðborgarsvæðisins getur varla verið að nokkur eldist neitt að ráði. Hollustan er jú svo yfirgengilega mikil og græjurnar af bestu gerð. Verst hvað allir þessir andskotans gangandi vegfarendur eru sífellt að þvælast fyrir á gang og hjólastéttunum. Að ekki sé nú talað um helvítis ökumennina sem sjá þessar verur ekki fyrr en allt í einu, þvert á akstursleið sína, utan úr engu.

 Óska konunni sem ekin var niður af einu þessara fyrirbæra góðs bata og hvet hana til málssóknar á hendur gerningsmanninum/konunni. Þetta fólk er að verða helst til mikið fyrir venjulegu gangandi fólki og á skilið ærlega hirtingu fyrir.

 Góðar stundir, með kveðju að sunnan.

 

 

 

 

Varð fyrir hjóli og höfuðkúpubrotnaði

Vargur í véum.

 Sjálfstæðisflokkurinn á víst að vera sá flokkur hérlendur, sem samkvæmt stefnuskrá sinni hefur það að markmiði sínu umfram aðra flokka að standa vörð um sjálfstæði þjóðarinnar og þá einstaklinga sem landið byggja, óháð stétt og stöðu. Stétt með stétt. Frelsi einstaklingsins til athafna, dáða og sjálfsbjargar. Stefna sem hugnaðist mér snemma og hef aðhyllst í áratugi og mun gera þar til borinn til grafar, svo þver sem ég er. Enginn hefur knúið mig til fylgis við stefnu Sjálfstæðisflokksins. Þó deila megi um marga forystumenn hans og þeirra gjörðir í einstökum málum hafa þeir flestallir bara verið déskoti fínir þegar allt er dregið upp og saman tekið. En nú er orðin breyting á.

 Meginstoð stefnu Sjálfstæðisflokksins hefur verið mulin niður af aðilum sem flestir hefðu talið hvað ólíklegasta til þess verknaðar. Sjálf forysta flokksins og helstu forkólfar hafa svívirt stefnuna og samlanda sína með þeim hætti að vandséð er hvort þessum svikurum sé stætt lengur í stöðum sínum! Að svikarar helstir við stefnu Sjálfstæðisflokksins skuli vera núverandi formaður og meðreiðarsveinar hans er grátlegt upp á að horfa og Sjálfstæðisflokknum til háðungar og skammar.

 Krata"kríp" hafa laumast á lymskulegan hátt með fagurgala og orðagjálfri í helstu stöður flokksins og auli eins og ég og fleiri höfum látið glepjast. Kosið þennan ófögnuð kosningar eftir kosningar en nú er eðli þessara óberma orðið opinbert mér til sárrar raunar.

 Það er vargur í véum og tími til kominn að sannir Sjálfstæðismenn veiti þessum Trojuhestsfarþegum kratismans inn í Valhöll ærlega ráðningu. Valhöll var ekki byggð fyrir krata eða fullveldisafsalssinna. Hún bar byggð fyrir sjálfstæðismenn.

 Burt með þetta hyski úr forystu Sjálfstæðisflokksins. Taki það ekki staf sinn og hatt hlýtur að vera jarðvegur til stofnunar sanns Sjálfstæðisflokks. Það ætti að vera auðvelt. Stefnan er skýr og löngu fram sett. Núverandi forysta er samsuða reglugerðaraðdáenda og undanlátssamra aula einhvers versta fyrirbæris sem fyrirfinnst í Evrópu þessi dægrin. Sjálfu Evrópusambandinu. Hvað veldur er erfitt að ímynda sér en sennilega voru kúlulánsdrottningarnar og prinsarnir fleiri en eitt eða tvö og nú skal endurgjalda eftirhrunsgreiðana sem veittir voru af Þistilfjarðarkúvendingnum og Gránu gömlu í reykfylltum herbergjum fárra manna funda. Húseignin Valhöll er eign Sjálfstæðisflokksins. Sjálfstæðisflokkurinn er ekki eign formannsins og hans slektis.

 Hræddur um að bylti sér nú í gröf undangengnir forystumenn flokksins sökum brygsla núverandi forystu við land og þjóð. Forysta flokksins er komin í ruslflokk hjá sönnum sjálfstæðismönnum og því ætti þverrandi fylgi ekki að koma á óvart. Fylgi sem enn mun þverra og að lokum tortíma flokknum sökum aumingjaskapar þeirrar forystu sem nú situr. Burt með hana alla eins og hún leggur sig. Að öðrum kosti mun flokkurinn hverfa eins og dögg fyrir sólu, eða björt framtíð.

 Stórt fruss á núverndi forystu Sjálfstæðisflokksins en ekki stefnuna, sem er skýr. 

 Áfram Ísland!

 Góðar stundir, með kveðju að sunnan.

 

„Þetta skapar afleitt fordæmi“