Braggaúthlutun og barnaúthlutun.

 Fjörtíu milljóna salerni í uppgerðum bragga frá stríðsárunum vefst ekki fyrir burgermeisternum. Ekki frekar en tæpur hálfur MILLJARÐUR, í þá þvælu alla.

 Hvert ætli dagurinn telji þá umræðu vera komna? Byrjunarstig eða lokaumræðu? Nefnd eða starfshóp? Samráðshóp um stríðsmynjar, sem nýst geta borgarbúum til salernisferða og salaútleigu? Kostar ekki nema 500.000.000.- úr vösum samborgara hans. Á hvaða stigi ætli sú umræða sé?

 Aumingja Reykvíkingar að þurfa að líða þetta skoffín næstu árin, ásamt fylgifé, já og hellings glötuðu fé, í tóma þvælu.

 Góðar stundir, með kveðju að sunnan.

Sakar borgarstjóra um „hrútskýringar“

Allir vita, en enginn gerir neitt!

 Allir vita að þetta skammarlega ástand hefur varað árum saman. Hófst af fullum þunga með framkvæmdunum við Kárahnjúka og hefur í dag náð slíkum hæðum, að undrun sætir. Stjórnvöld þykjast ekkert vita, yppa öxlum og munu sennilega setja nefnd, eða jafnvel starfshóp í málið. Taka bara Dag á þetta. Svæfa eins og ómálga krakka og vona að þetta "feidi" út í umræðunni. Allt samfélagið veit af þessu og hefur vitað lengi. Duglausir og allt að því óhæfir bjálfar í stjórnmálamannastétt vita þetta jafnvel og allir aðrir og hafa vitað lengi. Allir vita, en enginn gerir neitt! Enginn! 

 Það vantar ekki reglugerðakjaftæðið og lagaþvæluna alla. Valdlausa og allt að því gagnslausa eftirlitsmenn valdlausra stofnana, sem eiga að koma í veg fyrir svona ósvinnu. Það vantar hinsvegar manndóm og dug til að stinga á kýlum sem þessum. Íslensk stjórnvöld og embættismannakraðakið, sem hugsar aðeins um að viðhalda sjálfu sér, verður sennilega síðast allra til að bregðast við þessu hneykslanlega máli.

 Ekki frekar en þegar þessum amlóðum, með ónefndan kúvending að norðan og afdankaða gránu gömlu, þóttust verja samlanda sína í eftirmála bankahrunsins, með vel þekktum afleiðingum.  

 Farandverkamenn komast tæplega á blað hjá þessu hyski, miðað við "trakteringarnar" gegn eigin þjóð. Með dansa síðan vafningar og lausgyrtar madömmur á útsölu, eins og útslitinar portkonur á götuhornum. 

 Kveikur hrærir vonandi upp í afturendanum á þessu liði og hrekur það upp úr stólum sínum, til sýnilegra gjörða, sem þau eru ráðin til, í stað slugsina alls og fullveldisafsalsdraumanna, með von um feitan tékka í ellinni.

 Skammist ykkar öll sem eitt, sem gerðuð og eruð enn að gera þetta mögulegt! Ömurlegra rusl hefur ekki dregið andann í vegferð Lýðveldisins Íslands!

 Góðar stundir, með kveðju að sunnan.

 

„Í sömu gildru og hundruð annarra“

Framsóknarmaddömmubullið.

 Samkvæmt samgönguáætlun er hrossahreðjaklippirinn að tala um tvöþúsund og þrjátíu! 

 Kaupir fólk virkilega þessa þvælu?

 Vandséð orðið, hvorir eru verri, fréttamenn sem ekkert geta, eða falsstjórnmálamenn sem lofa út um eyrun á sér, nánast að endilokum lífdaga sinna, eða þannig.

 Sennilega löngu komnir í "kósí"umhverfi feitra eftirlauna. "Smæla svo bara og ganga af fundi" og telja hann vel heppnaða samkomu, sér í hag. Fjölmiðlar fylgja, eins og hvert annað drasl, með myndatökum og halelúja. "Case closed".

 Nei takk! Sauðsvartur almúginn er vaknaður! Gætið ykkar, fagurgalar!

 Góðar stundir, með kveðju að sunnan.

 

Ráðherra ræðir göng um Reynisfjall

Íslensk "fréttamennska".

 "Fréttamenn" á Íslandi virðast trauðla starfi sínu vaxnir, að allt of stórum hluta.  Lepja upp fréttatilkynningar fyrirtækja og taka trúanlegar, eins og nýju neti, án nokkurrar viðleitni til gagnrýninnar fréttamennsku, eða gagnrýninnar athugunar, eða spurninga. Allt kokgleypt eins og hjá gráðugum urriða. Jafnvel kyngt ofan í rassgat, ef því er að skipta, svo öngullinn gægist meira að segja út um boruna. 

 Hver miðillinn af öðrum nýttur til auglýsinga til handa tveggja eignalausra ferðaskrifstofa, sem reist hafa sér slíkan hurðarás um öxl, að einungis banksterarnir í aðdraganda hrunsins standast samanburð. Í þetta sinn hafa stjórnvöld hinsvegar haldið sig til hlés í mærun á þessum loftbólufyrirtækjum og er það vel. A.m.k. eitthvað hefur lærst á þeim bænum. 

 Ferðaskrifstofa sem á enga flugvél, getur varla talist flugfélag. Skjátlist aumum tuðara um þessa fullyrðingu, beiðist hann leiðréttingar þeirra sem betur vita. Aldrei skilið þetta "módel" enda í anda Icesave að mínu mati. Loforð um eitthvað sem flestir hugsandi menn sjá í hendi sér að stenst ekki nokkra skoðun og gengur ekki upp. Ef það of gott til að vera satt, þá er það yfirleytt haugalygi. Það er nú ekki flóknara en það.

 Icaland Express reið á vaðið og fyrrum eigandi þess lifir nú í vellystingum í útlöndum, ásamt öðrum samfélagsskaðvöldum, leynt og ljóst. Ef til vill þóknast eigendum þessara tveggja glötuðu "flugfélaga" svo lífsstíll hans, að þeir kusu að feta sama stigið. Hver veit? 

 Að endaleysan hafi náð svona langt, er með ólíkindum. Fjölmiðlar og þeir sem þar starfa eiga þó sennilega stærstu hreingerninguna fyrir sínum dyrum. Að losna við fréttatilkynninga"fréttamenn" sína eða deyja ella.

 Þrifið, skrúbbað, "steríleserað" og mokað út, ætti að vera "mottó" dagsins á Íslenskum fjölmiðlum, hvaða nafni sem þeir nefnast. Skammist ykkar bara, fjölmiðlafólk Íslands!

 Strandaglópum óska ég góðrar heimferðar og fyrirframpönturum á  netinu samúðar.

 Góðar stundir, með kveðju að sunnan.

Vitum ekki hvenær við komumst heim

Ekkert auðlindagjald?

 Það er óneitanlega dulítið kómískt að einkafyrirtæki geti nýtt sér sameiginlegar auðlindir þjóðarinnar á landi, án endurgjalds, meðan sjávarútvegsfyrirtækjum er gert að greiða skatt af sinni nýtingu í hafinu. Það er greinilega ekki sama Jón og séra Jón í þessum málum. 

 Góðar stundir, með kveðju að sunnan.

Hafa breytt kísli í hundruð milljóna

Að tala niður til almennings.

 Þessi fréttatilkynning er gott dæmi um svívirðilega fyrirlitningu "klára og góða" fólksins til alþýðunnar. Orðagjálfur andskotans, sem er svo hástemmt og ruglingslegt, að meðalJóninn svitnar við lestur þvælunnar. Bla bla bla, um nákvæmlega ekki nokkurn skapaðan hlut, annan en þann að þóknast "gúddí"liðinu. 

 Heldur Kata sæta virkilega að almúginn muni þyrpast á öldur ljósvakans og taka þátt í þessu andskotans bulli? 

 Hvers vegna er ekki lengur hægt að tala Íslensku, án málalenginga, útúrsnúninga eða orðagjálfurs, við almenning á Íslandi?

 Þetta og "barnaþing"...... 

 Kímnigáfan er greinilega grá í VG og hamborgararnir smakkast dásamlega á flugmóðurskipi.

 "Ísland úr NATO og herinn burt!" ;-)

 Góðar stundir, með kveju að sunnan.

Almenningur hvattur til að taka þátt

Hrein orka?

 Úr hverju er hjólið? Hvar er rafhlaðan framleidd og úr hverju? Hverjir framleiddu rafhlöðuna og á hvaða kjörum? Hvers vegna þarf hann bíl í aðstoð? Þarf hann aðstoð við að hjóla það sem mörg hundruð manns hafa áður gert, algerlega á eigin spýtur, án rafmagns eða hjálparmiðla?

 Hver er ávinningurinn og hvaða andskotans afrek er þetta eiginlega að einhver rafhjólaframleiðandi með bíl í fylgdardrægi og allskonar fréttamiðlara nái að hjóla hringinn um Íslnd? Sjálfbært? "You tell me"

 Ekki tók hann familíuna með, því það hefði sennilega kostað tólf hjóla trukk með svefnklefum.

 Maður getur ekki varist "púffi". Orkuskipti hvað?

 Góðar stundir, með kveðju að sunnan.

Fór hringinn um Ísland á rafhjóli

Eru menn ekki að grínast?

 Suðurskautið er ekki einhver stærð á jörðinni sem er ávallt eins. Hefur aldrei verið og verður aldrei. Ekki frekar en rennslið í Hvítá, sumarúrkoma í Reykjavík eða annað sem er síbreytilegt og mannskepnan hefur ekkert um að segja og verður einfaldlega að kyngja.

 Að ætla sér að byggja mannvirki á sjávarbotni til að hindra eðlilegan skriðþunga íssins á Suðurskautinu er þvílík geggjun, að vonandi fer einhver að sjá ljósið.  Ljósið sem felst í því að mannskepnan hefur sáralítið með loftslagsbreytingar að gera. Hitastig jarðar er að breytast. Um það verður trauðla deilt. Að ætla að snúa þeirri þróun við með aukinni skattheimtu er bilun. Bilun sem ístöðulausir stjórnmálamenn nútímans og fávitar á fjölmiðlum virðast trúa eins og nýju neti og nýta sér til fulls í ömurlegri sölumennsku sinni, fyrir eigin ágæti, sem er lítið "by the way".

 Fjörtíu þúsund fávitaráðstefnan í París, þar sem allir drukku frítt og gistu í vellystingum á kostnað samborgara sinna, eina helgi, ræður engu um það hvert Suðurskautið skilar af sér ísnum sínum. Þeir sem eru svo illa staddir að búa neðarlega verða einfaldlega að flytja sig hærra. Eða hvað? Gufar ekki ísvatnið upp með sama hætti í suðrinu og hér norður frá?

 Tólf metra hækkun sjávar stenst ekkert vitrænt viðmið. Hætt við að nýbyggðar monthæðir á hafnarsvæði Reykjavíkurborgar verði lítils virði þá, er ég hræddur um. Eins gott að eiga góð stígvél eða vöðlur í það minnsta. Danmörk, Holland?

 Það stoppar ekkert mannlegt afl krafta Suðurskautsins, eða náttúruna í því sem henni þóknast. Þeir sem telja sig geta snúið á krafta náttúrunnar, vel "hífaðir" í París eina helgi, eru ekki vel til þess fallnir að fara með mannaforráð, hvað þá stjórnun borga eða þjóðríkja. 

 Vinsældir stöðva ekki ísinn frá því að bráðna. Sama hvar í flokki menn og konur standa. Hann mun halda áfram að bráðna, sama hve margir pólitískir kjánar koma saman, skála á annara kostnað og sammælast um að láta hann hætta því. Lausnin sé skattlagning á almenning, sem síðan gufar upp út í himinbláma óráðsíu og sjálftöku sömu Parísarfífla.

 Stórt fruss á þessa kjána sem sjá ekki út fyrir eigin hringvöðva.

 Góðar stundir, með kveðju að sunnan.

Vilja sporna við bráðnun

Áfram heldur klúðrið.

 Ekki er nóg með að höfnin á sandinum sé algert rugl, heldur virðist einnig stefna í að þessi ferjuómynd verði það líka. Ef miðað er við hlutföllin milli mannsins fremst á myndinni og skipsins, virðist sem hér sé verið að smíða ferju sem ganga muni milli Skarfabakka og Viðeyjar. Eru menn gjörsamlega búnir að tapa glórunni í þessu máli?

Fyrst reynist fleytan ekki nógu löng og er því samþykkt að lengja, svo hún fljóti inn í dauðagildruna. Síðan dettur þessum "snillingum" í hug að hægt sé að minnka mengun í heiminum, með því að láta hana ganga fyrir rafhlöðum, þegar smíðin er við það að vera hálfnuð!

 Eftir að þetta fyrirbæri verður tekið í notkun, verður öruggast að synda milli lands og Eyja, með góðan kút. Furðulegur fjandi hve langt er hægt að leiða þessa endemis vitleysu, án þess að svo mikið sem nokkur spyrni við fæti og segi hingað og ekki lengra. Lokareikningurinn á eftir að svíða ofan í rassgat og alveg öruggt að allir þeir og þá sérstaklega sumir, sem ábyrgir eru fyrir þessari þvælu allri, munu enga ábyrgð bera og sleikja sína feitu eftirlaunatékka, langt umfram aðra. Óþolandi afglöp vanhæfra opinberra starfsmanna virðast geta horfið út í buskann í ómældum upphæðum, án ábyrgðar nokkurs manns, enda borgar alþýðan ávallt klúðrið, sama hve stórt það er.

 Þetta er ekkert minna en svívirðilegt hneyksli, á kostnað almennings. Þingheimur situr hjá og gapir að vanda, en alþýðu landsins blæðir í klikkaðri skattheimtu og sóun hins opinbera. Svei þessu liði öllu saman, sem lætur svona rugl viðgangast.  

 Góðar stundir, með kveðju að sunnan.  

Afhending frestast frekar

Styrmir ansi góður.

 Mikið getur tuðarinn tekið undir orð Styrmis Gunnarssonar, fyrrverandi ritstjóra Morgunblaðsins. Utanríkis"þjónustan" kostar ekki einungis of mikið, heldur er stór hluti hennar algerlega óþarfur. Milljörðum er sóað í þessa vitleysu ár hvert og kostnaðurinn virðist aukast, eftir því sem tækninni fleygir fram! Hvernig má þetta vera? Jú, embættismennirnir hafa yfirtekið ráðuneytin og ráðherraómyndirnar. "Já, Ráðherra" sjónvarpsþáttaröðin er ekki lengur grín, heldur rándýr staðreynd og hérlendir ráðherrar helsta aðhlátursefnið, án þess að "fatta" það.

 Íslenskir ráðherrar eru strengjastýrðir sprelligosar ráðuneytisstjóra og embættismannaklíku, sem á þann draum blautastan, að gerast bjúró, bjúró í bulluseli, undir seiðandi klámmyndamúsik og skattlausu "heaven".

 Vel til fundið hjá Styrmi að vekja máls á þessu. Maður sem hlustað er á. Ekki það að forysta sjálfstæðisflokksins hlusti, enda svínbeygð á spena svokallaðra "samstarfsmanna" sinna.

 Svei þessum dúkkulísum, en húrra fyrir Styrmi.

 Góðar stundir, með kveðju að sunnan.

Vill loka íslenskum sendiráðum