Undirlægjan kostar sitt!

 Það er ekkert minna en ömurlegt að horfa upp á hérlenda ráðamenn líta út eins og algera bjálfa, þá tilskipun kemur frá Brussel um lokun Schengen svæðisins. Aldrei nokkurn tíma í lýðveldissögunni hefur ríkisstjórn litið eins illa út. Í ástandi sem hún hélt sig ráða einhverju í og hefði átt að ráða, væri hún sjálfstæð. Skömmin er alger og svívirðileg. Öll á kostnað stjórnvalda og þeirra sem sjá ávallt grasið grænna,  hinum megin girðingar. Í viðtölum við barnunga og algerlega reynslulausa ráðherra, eiga þeir engin svör sem von er. Sömu ráðherrar og hafa unnið að því öllum árum undanfarið að færa meira vald til Brussel og treysta á að allt sem þaðan kemur sé okkur ávallt til góða. Nú hittir reynsluleysið, undirlægjuhátturinn og valdagræðgin þessa krakkabjálfa illa fyrir og sennilega færi þeim betur að lækka aðeins rostann og sjálfhverfuna í samtali sínu við þjóðina.

 Ríkisstjórnarfundur Ríkisstjórnar Íslands um þetta mál skiptir engu máli, hvern svosem tíma sólarhringsins haldinn. Ríkisstjórn Íslands hefur ekkert lengur um þetta mál að segja. Er þetta almennt talið í lagi, eða er ekki kominn tími til að hamra á sjálfstæði lands okkar?

 Brussel er búið að ákveða! Hvaða svo sem geltir úr unglingabarka Ríkisstjórnar Íslands, skiptir ekki nokkru einasta máli. 

 Brussel er búið að loka Íslandi! Til hamingju fullveldisafsalssinnar Íslands.

 Sorgarstundir, með kveðju að sunnan.

Hafa hingað til talið bann hafa litla þýðingu

Örskammtar í krísuástandi.

 Niðurfelling tryggingargjalds, niðurfelling gistináttagjalds......

 Er þetta fólk ekki í sambandi? 

 Þrjúhundruðkall kall á hvern ferðamann?

 Niðurfelling af gjöldum ferðamanna sem eru  EKKI AÐ KOMA!

 Niðurfelling tryggingagjalds af hverju? Engum rekstri?

 Er þetta lið á sýru, eða svona algerlega úr takti við þjóðfélagið sem það lifir í?

 Maður verður svo að gjöra sér svo vel að spyrja! 

 Næturfundir, með þessar niðurstöður, benda til þess eins að þetta lið er búið að drulla upp á bak og verður varla skeint óþverranum úr þessu.

 Ef þetta heldur áfram sem horfir, greiða engin fyrirtæki eitt eða neitt í Ríkissjóð því þau verða ekki til lengur!

 Þarf virkilega næturfundi þessara mannvitsbrekkna um allt og ekkert og niðurstaðan þessi?

 Ísland hefur aldrei haft það eins slæmt og núna, segja sumir aular. Mestmegnis aular sem dreymir um erlend yfirráð landsins okkar. Þeirra draumur er maðkað mjöl að utan og ormétnir pólitíkusar og amlóðar í samskiptum við eigið fólk. Því pakki er einmitt að takast að gera tilvistina óbærilega undir fávitastjórnun og fíflagangi, með snuð ESB í munninum.

 Veirur hafa enn ekki gengið af þjóð okkar dauðri og þessari mun heldur ekki takast það. 

 KÍNA....Þar er uppruni alls ills, sem mun yfir heimsbyggðina hvolfast á næstu árum í veirum, skít, óþrifnaði og græðgi. Kína kann sér engin takmörk í skítsælni sinni, enda einn sorarpollur frá suðri til norðurs, austurs og vesturs, étandi rottur, eðlur og leðurblökur, skeinandi sér á fingrum eigin handa eða annara, hvort heldur hentar betur, það og það skiptið.

 Of margt fólk og vandanum verður einungis útrýmt með færra fólki. Þeir kunna þetta kvikyndin at tarna í Kína. Of margir munnar.......fækkum þeim þá bara. Úps, fór aðeins of langt, en “what the heck” 50.000.000 more.....in other countries?

 “We will survive”

 Góðar stundir, með kveðju að sunnan.

Skoða tímabundna niðurfellingu tryggingagjalds

Trump, Trump, Trump.

 Þessi nýja og óvænta tilkynning Trumps kom öllum svo sannarlega á óvart. Einnig þeim þremur samlöndum okkar, sem nýkomnir eru frá BNA og smituðust þar. Í BNA eru sennilega tíu þúsund  sinnum fleiri smitaðir nú þegar, en opinberar tölur segja til um. Skimun kostar þar stórfé, tekur marga daga og hinn almenni borgari stendur ekki í slíku, hvaðan svo sem hann er að koma.

 Þrjátíu daga ferðabann í BNA,  til og frá Evrópu, fyrir utan þá sem ætla til og frá Bretlandi er svo geggjað dæmi, að að baki svona tilkynningu getur trauðla verið nokkur skynsemi, eða hvað? Getur verið að Trump sé búinn að teikna einhverskonar viðskiptadæmi út úr þessu öllu saman? Skítt með dánartölur og þá mannlegu eymd og vanlíðan, sem fylgir vírusnum, ef hægt er að græða pínulítið í leiðinni?

 Vísitölur á verðbréfamörkuðum taka nánast jafnmikið pláss í fréttum og fréttir af útbreiðslu veirunnar. Hvað ætli valdi því? 

 Icelandair og önnur félög lækka og hækka um milljarða króna, eftir því hvernig vindar blása á hlutabréfamarkaði. Í eðlilegu og stöðugu árferði fara efnahagsfréttamenn hamförum, ef einhver á markaðnum hækkar eða lækkar um hitt eða þetta. Hvað segja þessar hækkanir og lækkanir? Jú, þær segja okkur það, að ef einhver kaupir hlut í félagi á genginu 4, sem skráð er á 5, hafi verðmæti fyrirtækisins lækkað um 2o%. Það fylgir hinsvegar sjaldnast sögunni hvað verslað var fyrir mikið og þó það sé tekið fram, fá fáráðir efnahagsfréttamenn og talnarýnar það út að fyrirtæki sem eru tug og jafnvel hundraða milljarða virði, bara í eignum einum saman og án ofmetinna viðskiptavilda, hafi lækkað um milljarðatugi, í tuttugu milljóna króna viðskiptum.

 Fyrsta skref sem ætti að taka núna um allan heim er að loka öllum kauphöllum og skikka fyrirtæki heimsins til eðlilegra viðskiptahátta, í stað rússneskrar rúllettu eða Las Vegas spilafíknar í fáránleika kauphallakjaftæðisins!

 Það eru ekki margir dagar í að Trump endurmeti stöðuna og stytti farbannið um að minnsta kosti helming, ef ekki meir. Hlutabréfamarkaðurinn nær með því móti vopnum sínum á ný og þeir sem eiga megnið af peningum heimsins ná þeim endanlega að öllum hluta undir sig í ódýrum hlutabréfum “verðlausra” fyrirtækja um allan heim.

 Karlfíflið veit alveg upp á hár(appelsínugult eins og á úlfalda, hvort sem horft framan í eða í hnakkann) hvað hann er að gera.

 Góðar stundir, með kveðju að sunnan.

Ekki nægur tími til að láta vita af ferðabanni

Örfáar loðnur rekur á land.

 Af þessum myndum getur hver sá sem eitthvert vit hefur á loðnu, dregið þá ályktun að stofninn er við það að þurrkast út. Hefði hrygning tekist vel og stofninn farið framhjá öllum mælingum, mætti vaða dauða loðnu upp að hnjám á þessum slóðum um þessar mundir. Þessi dreif um Reynisfjöru boðar ekkert gott. Þvert á móti. Þarna liggja bara nokkur eintök af fiski sem getur þétt sig svo mjög, að á innnan við einni fersjómílu leynast jafnvel tíu þúsund tonn eða meira!

 Hvarflar ekki að neinum að hvala og þorskstofninn séu orðnir of stórir og jafnvægið komið til helvítis? Á bara að taka stelpubjálfann túrberg og gorið á þetta? Hamfarahlýnunina eins og hún leggur sig, eða hvað? Jafnvel gefa það út að hafró viti minna en ekki neitt og afgreiða það með hlýnun sjávar, þegar vitað er að sjórinn hefur kólnað mörg undanfarin ár? Það má sjá á heimasíðu hafró, sem ber fyrir sig hlýnun! Hverjum á að trúa? 

 Hinum örfáu sílum í fjörunni eða exelskjölunum frá bulluseli? Hvar í gervallri Evrópu hefur bullusel aukið hagvöxt og stækkað fiskistofna? 

 Hvorki loðna né þorskur fara að ráðum Hafró og æsis eða hvað þetta exelkjaftæði nú heitir þarna suður í bulluseli, sem Hafró liggur fyrir eins og ódýr portkona á útsölu? Er hægt að verða minna marktækur en ódýr og á útsölu í ofanálag?

 Um að gera að byggja 5000 fermetra á fjórum hæðum við Hafnafjarðarhöfn undir þessa sleikjukenndu varðhunda kvótans og undirlægjur boða frá esb. Ríkisstjórnin og fiskifræðingar hjá hafró eiga, að því er virðist meira sameiginlegt en margan grunar. Veðsettur kvóti í ríkisbönkunum sameinar þessi óbermi á alla kanta.

 Vinirnir fá að njóta.

 Góðar stundir, með kveðju að sunnan.

Loðnu rekur á land

Nammiborð, júróvisjón og vírusinn.

 Í gærkvöldi valdi einhver hluti þjóðarinnar skásta lagið, til að verða okkur að athlægi í Hollandi í vor. Í keppni sem margir hafa gaman af, en árangurinn því miður frekar dapur, fyrir utan eitt eða tvö skipti fram að þessu.  Hlustaði á sigurlagið í gærkvöldi og fannst það bara nokkuð “hipp og kúl”. Það floppar hinsvegar í keppninni og kemst ekki áfram, því miður, en það er jú bara álit aumkunnarverðs tuðara um allt og ekkert.

 Fyrir úrslitastundina í gærkvöldi fóru eflaust margir á nammibarinn í Hagkaup og álíka verslunum og fylltu á poka sína krossmenguðu sælgætisógeði, yfirfullu af saurgerlum og ég veit ekki hvað, til að naga í, glápandi á þennan viðburð júróvisjón.

 Vírusinn er kominn til landsins og hvað gerir landinn?

 Jú, hann fjölmennir með skítugar krumlur á nammibari verslananna á afslætti og þjappar sér síðan þúsundum saman á samkomu sem engu skilar. 

 Ó þessi þjóð!

 Góðar stundir, með kveðju að sunnan.

 

Alþingi og Landsbankinn...nýbyggingapistill að sunnan.

 Þistilfjarðarkúvendingurinn tók nýlega, í nafni núverandi embættis sín, fyrstu skóflustunguna að enn einum hörmungarkassanum í miðborg Reykjavíkur. Kassa sem hannaður er af “færustu” arkitektum landsins og á að hýsa sjálfumglatt embættisfólk, sem telur að undir það dugi ekkert minna en Kvosin öll. Svo merkilegt telur þetta hyski sig vera.

 Áður en forseti Alþingis hóf rekuna á loft, vissi hann að allar kostnaðartölur við byggingu þá, er hann þann daginn stakk úr jörð, með splunkunýrri skóflu, voru brostnar, en hann gróf samt. Alveg eins og göngin fyrir norðan og undanlitið, þá er þúsundir hans eigin landsmanna voru bornar út á götu, því fjármagnið þurfti jú að fóðra!

 Það er rétt búið að taka grunn að tveimur byggingum almennings í miðborg Reykjavíkur, þegar það liggur kristalskýrt fyrir að báðar munu fara langt fram úr öllum áætlunum og að sjálfsögðu skal  sækja umframkeyrsluna í vasa almennings! 

 Bankinn okkar  og þingmannaaðstaða þeirra sem minnst hugsa um umbjóðendur sína, á minn kostnað, langt umfram skynsemismörk......NEI TAKK!

 Góðar stundir, með kveðju að sunnan.

 

Hættumat, kerfismat, kerfisrottur.

 Allir vita að Reynisfjara er hættuleg. Sérstaklega er hún hættuleg fólki sem hefur ekki nokkurn einasta skilning á krafti hafsins. Í þeim flokki eru sennilega 99% allra sem heimsækja þennan mikilfenglega stað. 

 Ekki fær fólk að sulla í Niagarafossunum, eða fara þar í fótabað? Ekki hvarflar að nokkrum manni að leyfa túristum að vafra um Igazu fossana, á landamærum Argentínu og Brasilíu, eftirlitslausum og út um allt!

 Að það skuli taka mánuði og jafnvel ár, að gera áhættumat fyrir Reynisfjöru, er ömurlegur vitnisburður um handónýta stjórnmálamenn og ennþá ónýtari reglugerðarsnusara bjúrókratsins. 

 Það borgar jú ekkert betur, en þvæla einföldustu hlutum nógu lengi innan regluverksins og fylgdarsveina þess. Niðurstöðuna skal treina til helvítis, því þegar húnliggur fyrir, er verkefninu lokið og þá þarf jafnvel að finna eitthvað annað að gera! Það sér það hvert kerfismöppudýr að við svo má ekki búa.

 Á meðan drukkna óræðar kennitölur í flæðarmáli skriffinskunnar.

 Góðar stundir, með kveðju að sunnan.

Hættumat fyrir Reynisfjöru klárt á næstu mánuðum

Undarlega lágar bætur.

 Það hlýtur að teljast í meira lagi undarlegt, að bæturnar skuli ekki hafa verið ákvarðaðar hærri í þessu hörmulega máli.

 Það eru nefnilega ekki nema nokkrir dagar síðan ónefndri konu voru dæmdar tuttugu milljónir (20.000.000.- kr.) í bætur, fyrir það eitt að fá ekki starf sem hún sótti um. 

 Hér er eitthvað mikið að, svo ekki sé meira sagt.

 Góðar stundir, med kveðju ad sunnan.

Hjón fá fimm milljónir í bætur

Lífsstílsblogg.

 Á blogginu má lesa marga pistla frá lífsstílsráðgjöfum allskonar, sem virðast hafa nánast allar lausnir sem þarf, við hinum ýmsustu vandamálum líkamshulstursins og handa sálartetrinu sem þar hýrist innanhúðar. Af nógu er að taka, hvort heldur fjallað er um hreyfingu, mataræði, slökun, hugarró eða annað tengt daglegu lífi nútímamanneskjunnar.

 Einn ráðgjafi leggur til að allir sleppi morgunmatnum, meðan annar telur málsverð þann hinn mikilvægasta fyrir komandi dag og síðan eru allskyns ráðleggingar um matmálstíma, tíðni máltíða, hollustu, hreyfingu, keto, vegan og hvað þetta nú allt saman heitir. Hvernig maður á að hugsa jákvætt og láta gott af sér leiða og jari jarí jarí. Semsagt allskyns ráðleggingar um allt milli himins og jarðar, sem leiða á til betra lífs.

 Tuðarinn hefur svosem ekkert út á þessar ráðleggingar að setja, þannig lagað séð, en þegar hann rak augun í þá ráðleggingu að maður ætti að kúka minnst tvisvar til þrisvar á dag var honum öllum lokið. Þetta grey sem hefur bara kúkað þegar honum er mál, er eiginlega bara alveg neðar sér yfir þessu. Samkvæmt flestöllum öðrum ráðleggingum  á maður að vera duglegur að hreyfa sig, stilla matarneyslu sinni í hóf, en síðan er ofsaskita ráðlögð í kjölfarið!

 Nú steinhætti ég að lesa lífsstílsblogg. Það er alveg kristalklárt.

 Held mig bara áfram við að borða það sem mig langar í þegar ég er svangur og kúka þegar mér er mál. Ég þarf engan “owners manual” um það.

 Góðar stundir, með kveðju að sunnan.

Þvælujöfnun Orkusölunnar.

 Orkusalan framleiðir ekkert rafmagn. Ekki eitt einasta volt. Nema ef vera kynni 12 volt í “alternator” forstjórabílsins. Þar af leiðandi ættu frorsvarsmenn fyrirtækisins ekki að gera sig fleðulega og breiða, flaggandi einhverri kolefnisjöfnun á móti framleiðslu sinni, sem engin er. Halda þessir menn að allur almenningur sé algerlega heiladauður? Þvílík og önnur eins déskotans vitleysa og ófyrirleitni.

 Orkusalan er ómerkilegt heildsölufyrirtæki, sem selur rafmagn sem aðrir framleiða. Orkasalan er eitt þeirra fyrirtækja sem varð til við innleiðingu orkupakka eitt og tvö, sem áttu að koma af stað “eðlilegri samkeppni” á raforkumarkaði, sem sér rúmlega þrjú hundruð þúsund sálum fyrir rafmagni. Markaði sem sjálfur hafði byggt upp framleiðslu og dreifikerfi síns rafmagns í áratugi og notið góðs af einföldu innheimtukerfi og hreinum línum um það hverjir áttu staurana, línurnar og virkjanirnar. Stofnun Orkusölunnar og annara svipaðra heildsölufyrirtækja í raforkugeiranum hefur haft eitt og aðeins eitt í för með sér.: Hærra rafmagnsverð til neytenda og hinna einu sönnu eigenda orkunnar! 

 Orkusalan og önnur svipuð fyrirbæri eru ömurlegir og algerlga óþarfir milliliður sem kosta sitt. Það þarf forstjóra, fjármálastjóra, ritara, og móttökuritara og skrifstofur og bíla undir mannskapinn og svo þarf náttúrulega að auglýsa eigið ágæti út um rassgatið á sér, helst oft á dag, svo það fari nú ekkert á milli mála hversu ómissandi þjóðþrifafyrirtæki þessi óþarfnaðaróskapnaður er. 

 Það skal jú eltast við reglugerðafarganið frá Brussel út í hið óendanlega, sama hvað tautar og rausar og alveg sama hvað það kostar almenning og hérlend fyrirtæki. Hérlendir stjórnmálamenn eru orðnir að steinrunnum hugsjónageldum skjalastimplurum evrópusambandsins og Orkusalan og annar ámóta ófögnuður ein af afleiðingum þess.

 “Orkusalan kolefnisjafnar eigin raforkuframleiðslu”.......þvílíkt og annað eins andskotans kjaftæði og hananú og það held ég.

 Góðar stundir, með kveðju að sunnan.

Orkusalan kolefnisjafnar eigin raforkuvinnslu