Stjórnarandstaðan situr hjá, en ekki hvað?

Þar sem stærstur hluti stjórnarandstöðunnar, ásamt helmingi, 50%,  NÚVERANDI ríkisstjórnar ÍSLANDS, setti hér allt til andskotans í umboði meirihluta þjóðarinnar á sínum tíma, "NOTA BENE", er vel við hæfi að þetta fólk sitji hjá. Varla við öðru að búast hjá þeim, sem vonandi hafa nú gert sér grein fyrir afleiðingum gjörða sinna. Ef hins vegar þetta sama fólk ætlast til þess seinna meir, að það geti hvítþvegið sig af ósómanum, skulu þau hin sömu hugsa sig tvisvar um. Þögn er sama og samþykki og þar með teljast þessi peningalög gild með 63 atkvæðum duglauss þings, hvort heldur talin er stjórn eða stjórnarandstaða, þeir sem mættu, eða mættu ekki.

Atkvæðin hefðu reyndar alltaf fallið eins, enda  "Fólk á þingi" bara kosið eins og samviskan bauð kjósendum en .....,  að ef einhver er í útlöndum úr mínum flokki, slærð þú einn af í þínum flokki, kusum við ekki um, en á móti hefði sennilega komið að Sif skipti út fyrir Helga Hjörvar og ..........til að "halda valdahlutföllum" og so videre og ICESAVE rúllaði í gegn á varaþingmönnum og öðru undanskotskjaftæði. Gallharðir andstæðingar urðu skyndilega mjög þreyttir. Atli Gíslason þó sýnu þreyttastur og annað fáránlega vitlaust var fram dregið, til að taka EKKI afstöðu, nema með flokkselítunni. FÓLKIÐ sem VIÐ kusum er í einni andrá orðið minna virði en hundakúkur undir skó. Það finnst varla sá pottur sem laminn hefur verið á AUSTURVELLI sem ekki er misboðið. 

Síðan ætlast þetta fólk að borin sé virðing fyrir þeim?

 Álfheiður Ingadóttir í glugganum, nú ráðherfa,  formaður Framsóknarflokksins eða Bjarni Ben í Makao? Er einhver munur á þessu fólki? Trauðla.

 Það býr ekki sama þenkjandi fólkið í þessu landi og gerði, meðan öllu var hér fleytt að feigðarósi á sínum tíma, vona ég. Ef þjóðin lærir ekki á þessum skollaleik öllum saman, á hún sennilega ekki betra skilið en að "þjást" á efnahagslegum grundvelli, eða eitthvað í þá veruna. "Margur verður af aurum api", en að heil þjóð verði alger apaköttur, hefur sett litla Ísland á kort mannkynssögunnar sem fordæmi, sem engin önnur þjóð ætti, EÐA VILL fylgja. Litla Ísland, sem varla nokkur maður hafði heyrt getið um hér áður fyrr, úti í heimi, er nú nefnt í öðru hverju orði um allan heim, er ræddar eru ófarir í efnahagsmálum. Hér hefur verið sett heimsmet í heimsku. Þar fer ekkert á milli mála. Meira að segja sá helmingur núverandi stjórnar, sem fram á daginn í dag taldi sig málsvara lítilmagnans og einn af máttarstólpum "skjaldborgar heimilanna" ætti að hafa hægt um sig næstu daga, mánuði og jafnvel ár.  Annar eins kúvendingur hefur tæpast sést í samtímasögunni. ALLIR þingmenn lands vors ættu að sjá sóma sinn í því að segja af sér, en ganga þannig frá málum, áður en riðið er úr söðli að þinglokum, að  tryggja að hér eftir sitji fólk ALDREI lengur en tvö til þrjú kjörtímabil á þingi, sem er um það bil sá tími sem meðaljóninn þarf til að gera líf sitt bærilegt, undir venjulegum kringumstæðum. Eignast heimili og allt það..........  Takist það ekki, eru aðrir settir inn á. Þannig er lífið og pólitíkina ætti ekki að undanskilja. Pólitík er ég og þú.! Flest það fólk er nú vermir stóla Ölþingis Íslendinga ætti að reka og ráða nýtt í staðinn. Þar kjósum við, ég og þú, um framtíð vora. Vandinn í fámenninu er hins vegar sá að varla finnst eitt einasta kvikyndi sem ekki á einhverra hagsmuna að gæta eða gjalda á einhvern hátt, frá einhverjum sem velst á þing og sennilega mun þetta vandamál loða við okkur um ókomin ár. Tímabundin ráðning stjórnmálamanna með hámarksviðveru á ALÞINGI ætti að festa í lög. Stjórnmálamenn sem setið hafa hvað lengst, eru þegar upp er staðið, undirrót allra okkar meina og settu okkur á hausinn.

 

 

 

 

 

 

Steingrímur: Vel sloppið

Herbragð fullveldisafsalssinna.

Það skal með kjafti og klóm, keyra þessa þjóð í Evrópubandalagið. Að þynna út þau ráðuneyti sem hafa með helstu atvinnuvegi landsins að gera, er einn liður í þessari baráttu þeirra, sem ekkert sjá annað en inngöngu í Brusselklúbbinn. Er það ef til vill svo, að nú þegar sé búið að ganga frá inngöngu á bak við tjöldin af hálfu þeirra sem nú sitja í stjórn og engin leið að bakka með það? Kæmi ekki á óvart, ef miðað er við ummæli Ögmundar Jónassonar um Icesafe málið.

Mótmæla sameiningu ráðuneyta

Fjárfestingabanki Atvinnulífsins-endurtekið efni!

Saga FBA endurspeglast í þessari "syndaaflausn" Bjarna Ármannssonar. Fyrir þá sem EKKI MUNA, lánaði Bjarni sjálfum sér, þá sem nýsettur bankastjóri FBA,  ómældar fúlgur fjár til hlutabréfakaupa í FBA á sínum tíma, á lágmarks eða/og upprunalegu verði. Tæpast keypti hann þau bréf á undirverði, enda undirverð óþekkt fyrirbæri á þeim tíma á Íslandi og markaðurinn hér eins og hvert annað opið sár, sem bara beið eftir sýkingu. Hann vann síðan að því með kjafti og klóm að hífa, rífa,neyða og keyra upp markaðsverðmæti bankans, eftir því sem tímar liðu, hvað sem það kostaði og seldi síðan bréfin sem hann "átti" (keyptum með fengnum lánum til sjálfs sín úr bankanum) þegar virðið hafði stigið það mikið að stórhagnaður varð af, án þess að hann legði svo mikið sem eina krónu í púkkið. Um leið og aðrir áttuðu sig á því að þetta væri hægt, vegna aumingjaskapar ríkisvaldsins og einkavinavæðingar ríkisfyrirtækja, hófst einn ógurlegasti gjörningur Íslandssögunnar.Uppgangur efnahagslífs Íslands snérist síðan að mestu leyti um að haga sér svona næstu árin, með afleiðingum, sem ég og þú, skattgreiðandi góður, súpum nú seyðið af. Með réttu ætti að keyra eignasafn Bjarna til núvirðis eigna hans og miða við þann tímapunkt, er hann "tók að sér" bankastjórastöðu Fjárfestingabanka Atvinnulífsins, áður en hann lánaði sjálfum sér fúlgur fjár í nafni stöðu sinnar og sekta hann síðan, ásamt öllum er fylgdu fordæmi hans, UM ALLT SEM ÞEIR EIGA!. 

Bjarni endurgreiðir Glitni

Verðlaun fyrir að standa frammi fyrir vanda?

Það er hálf undarlegt, þegar fólk fær viðurkenningar, hvaða nafni svo sem þær nefnast, fyrir það eitt að standa frammi fyrir vandamálum. Hingað til hefur fólki yfirleitt verið veitt viðurkenning fyrir að leysa vandamál eða erfiðar þrautir og það verður að segjast eins og er, að þar á Jóhanna langt í land, þó hún njóti fulltyngis kúvendings úr Þistilfirði. Hver ætli eigi annars Nýtt Líf?

Jóhanna valin kona ársins

31 þingmann!

Það getur varla velkst fyrir neinum lengur að á Ölþingi Íslands sitja orðið tómar landeyður og eftirgefanlegt sjálfshagsmunalið, sem gegnir ÖLLU sem Jóhanna "MINN TÍMI MUN KOMA" og "KÚVENDINGURINN ÚR ÞISTILFIRÐINUM", leggja fyrir þau. Meira að segja Atli Gíslason, sem hinn eitilharði  sjálfstæðismaður Tuðarinn, hefur borið mikla virðingu fyrir hingað til, er orðinn ómerkur orða sinna og tæpast meira virði sem pólitíkus, en skítur undir skó. Þar fór góður biti í hundskjaft. Íslendingar eiga að bera ábyrgð á ICESAVE, en aðeins að þeim hluta sem lög og reglur kveða á um. Skuldaklafinn sem núverandi ríkisstjórn virðist svo óskaplega tilbúin að leggja á almúgan, auk afsals fullveldisins, með inngöngu í EB virðist ekki hrjá einn einasta þingmann stjórnarinnar lengur. Var virkilega ekki nóg að þurfa að horfa uppá Davíð, Hrein Lofts ( Skil ekki af hverju hann er ekki á forsíðunni í Köben), Geir Haarde ( oft sagður Liinke) og allt þeirra lið drulla hér yfir allt og alla, árum saman? Þarf síðan að taka þjóðina AFTUR í hinn endann með því að þeir sem mitt í pottaglamrinu lofuðu lausn og betrun, ef þeir kæmust til valda, taki síðan þjóðina TVÖFALT..........hinum megin frá?

Bið ekki lengur um þjóðstjórn. Það er ENGINN eftir á þingi sem hægt er að treysta. Leggjum niður ALÞINGI! um stundarsakir. Fáum erlenda, óháða reiknimeistara til að reikna út hvað þjóðarbúið þolir. Verst að það er engum lengur treystandi til að finna neinn til neins. Greiðum það sem við getum, ekki krónu meir og losum okkur við helming þingmanna er að kosningum kemur. Landið eitt kjördæmi, einn kjósandi-eitt atkvæði, þrjátíu og einn þingmann!

 Fari þetta fjandans volaða flokkafyrirkomulag fjandans til og helst lengra ef hægt er.  

Ágreiningurinn leystur

Ekki sama Jón eða Jón Ásgeir.

Ef skuldir Tuðarans næmu 58 földum nettóárstekjum hans, væri búið að knésetja kvikyndið og gera hann gjaldþrota. Fengi ekki undir neinum kringumstæðum aðra úrlausn minna mála. 365 er gjaldþrota fyrirtæki og hefur verið um árabil. Það er ekki fræðilegur möguleiki að hægt sé að rétta þetta óbermi af. Það er greinilega ekki sama hvor er, Jón eða Jón Ásgeir. 

Hátt skuldahlutfall hjá 365

Ég tárast..fyrir hönd Bratts.

Kom að því að strákarnir stæðu sig!. Vona bara að fagnaðarlætin í Borgarnesi nái lágmarki fyrir morguninn, sem senn mun renna upp. Þessir Manjú menn eru nú ekkert slor að leika sér að!

Ferguson: Frábær afgreiðsla hjá Gibson

Rödd skynseminnar.

Vilhjálmur Bjarnason á heiður skilinn fyrir trúverðugar og réttmætar aðfinnslur, um margt af því sem miður hefur farið í fjármálahruni lýðveldisins. Einfaldar aðfinnslur hans í gegnum góðærisfyllerí þjóðarinnar voru einatt kveðnar í kútinn, því það hentaði ekki að heyra þær. Aðallega fyrir þá sem hér réðu öllu og sáu til þess að allur gróði, hvernig svo sem hann var tilkominn, rynni óskiptur í gírug gin sín, en létu síðan mér og þér, aumkunnarverðum meðaljónunum eftir að borga fyrir allt sem hét tap. Í góðærisbrjálæðinu borgaði þessi þjóð milljarða vegna taps hjá "Heimsins mestu fjármálasnillingum". Þjóðin vissi hins vegar lítið af þessu, enda séð til þess að hún væri  "mötuð" á "réttum" upplýsingum, sem hentuðu eigendum best á hverjum tíma. Kauphallar Íslands verður í sögunni sennilega skipað á stól með þeirri nígerísku og allt þetta djöfulsins kjaftæði um "hagkvæmni stærðarinnar", í þjóðfélagi sem telur rétt rúmlega þrjú hundruð þúsund einstaklinga, sennilega getið í sögubókum sem einhvers barnalegasta bulls, sem nokkurn tímann leit dagsins ljós á fjármálamörkuðum heimsins.

Við þurfum fleiri menn eins og Vilhjálm. Við þurfum ENGAN kauphallartrúð. 

Kauphöllin leysir ekki vandann

Þingsköp Andskotans?

Það er ofboðsleg huggun harmi gegn, að vita til þess, að í öllu ruglinu sem nú hellist yfir landslýð, skuli rifrildi um niðurröðun umræðu, vald fundarstjóru, forsetu Ölþingis (án Zetu), eða önnur, akkúrat einskis nýt umræða, skipa stærstan sessinn á Ölþingi Íslands. Þar sem þingmenn, með litlum staf, fullir eða edrú, skuli leyfa sér að eyða tímanum í bull og þvætting, skot og skæting, þú gerðir, nei þú gerðir, þú varst í stjórn, þegar þú gerðir ver en ég, svo vertu ekkert að bulla um minn auma skítaárangur, því þinn er ekkert betri........... ER EITTHVERT ÞESSARA 63 KVIKYNDA SEM GETUR STÆRT SIG AF EINHVERJU?

Bara spyr og krefst ÞJÓÐSTJÓRNAR, eða bara einhvers annars en þessara KJÁNA.

Deildu um þingsköp

Takmarkalaus endaleysa?

Það kemur sífellt betur og betur í ljós hverslags óöld þessi ömurlegasta, allra ömurlegra ríkisstjórna, virðist staðráðin í að koma þjóðinni í á næstu mánuðum, árum og áratugum. Engu er líkara en þessu fólki hafi verið byrluð einhver ólyfjan, sem hefur þá verkun eina, að slátra samfélaginu með öllum tiltækum ráðum, undir vökulum augum ríkisins. Undirlægjuháttur, aumingjaskapur og innanflokkaterrorismi stjórnarflokkanna gegn heilsteyptum stjórnarflokkameðlimum sem vilja standa á meiningu og sannfæringu sinni, er svo skelfilegur, að einna helst er hægt að líkja vinnubrögðunum við einræðis og skelfingarstjórnir lengst til hægri og vinstri. Þekking á hagfræði og skynsamlegum kreppumeðulum er eitthvað sem enginn virðist vera að velta neitt sérlega mikið fyrir sér á stjórnarheimilinu. Það er einfaldlega ekki heil brú í neinu sem þetta fólk er að boða að muni leysa úr eða létta á því ástandi sem nú ríkir. Öll þjóðin skal með góðu eða illu gerð að meðalaumingjum undir handleiðslu ríkisins og þegar þar að kemur, algjörum aumingjum undir stjórn skrifræðisskrímslis í Brussel. Kúvendingnum úr Þistilfirðinum og Jóku "minn tími mun koma" munu í sögubókum verða talin einhver ótrúlegustu ólíkindatól sem vermt hafa stóla Ölþingis við Austurvöll. Hvað ætli núverandi fjármálaráðherra hafi tekið við miklum styrkjum og sporslum frá ríkinu sem bóndi? Varla verið settur niður einn andskotans girðingarstaur án styrkja, sem einhver hefur greitt, annar en sá sem girti. Það má vel vera að einhver undrist þennan útblástur Tuðarans gegn þessum blessuðu manneskjum, en það er ástæða fyrir því að kvikyndinu er heitt í hamsi. Sem sjómaður frá árinu 1977 og fram á þessa öld, greiddi ég mína skatta og skyldur til samfélagsins. Fékk notið smá skattfríðinda í formi sjómannaafsláttar. Sjómannaafsláttur hefur verið þyrnir í augum margra gegnum árin og það var ekki spurning um hvort, heldur hvenær, hann yrði afnuminn, eftir að ljóst var hvaða óbermi veldust til stjórnar ríkisins eftir síðustu kosningar. Tuðarinn er á engan hátt hlynntur skattaafslætti, þannig lagað séð, EN.: Það er eitt sem gleymist algerlega í umræðunni um sjómannaafsláttinn. Af hverjum fjórum fiskum sem sjómaður á þátt í að veiða, fær hann ekki greitt nema fyrir þrjá. Ástæðan.: Jú, fjórðungur af hlut sjómanna er dreginn af þeim og engin laun greidd fyrir, því einn fiskur af fjórum fer í að greiða fyrir eldsneytið á skipið. Áður en hlutur er reiknaður til áhafnar, er semsagt um fjórðungur tekinn frá skiptum, til að dekka kostnað útgerðarinnar. Þetta er svona svipað og flugmenn fengju bara þrjá tíma greidda fyrir fjögurra stunda flug til að greiða fyrir steinolíuna á flugvélina, eða kassadaman í Hagkaup, Bónus eða Krónunni fengi þrjá tíma af fjórum greidda, því kassin notaði svo mikið rafmagn og eigandanum þyrfti því að hjálpa til að láta enda ná saman. Tuðarinn tók þátt í því á sínum tíma að af honum voru dregin laun frá óskiptum afla, til að greiða í Verðjöfnunarsjóð Sjávarútvegarins. Sjóði sem ætlað var, eins og nafnið benti til, að jafna út sveiflur á verði afurða og tryggja þeim sem greiddu í sjóðinn, mannsæmandi laun og rekstrarafkomu í harðæri. Sjóði þessum var STOLIÐ eins og hann lagði sig, á sínum tíma og úr honum búið til fyrirbæri sem kallað var "Fjárfestingabanki Atvinnulífsins". Yfir þennan banka var síðan settur strákbjálfi sem gjarnan saumar út í fristundum og átti, er fram liðu stundir, eftir að verða einn helsti arkitektinn að hruni Íslands, þrátt fyrir barnslega góðlegt útlit og skítsæmilega söngrödd. Sú stjórn er nú situr er verndari þessa strákbjálfa og annara hans líka, en það eru ég og þú, skattgreiðandi góður, sem borgum brúsann.  

Fari þessi ríkisstjórn Norður og niður. ( Með þessu er ég ekki á nokkurn hátt að gera lítið úr þeirri átt) Megi bölvun hvíla á þeim sem á undan henni ríktu, en megi ÍSLAND og þjóðin sem hér býr komast úr hremmingum þessum ÁN svona andskotans vitleysinga.

ÞJÓÐSTJÓRN STRAX..........eða bara eitthvað annað en þetta lið, sem nú á dögum telst heita ríkisstjórn. Eru virkilega engir pottar til, sem virka gegn þessari óáran?       

Boðar afnám sjómannaafsláttar