Pólitískir drullusokkar.

Thessi faersla er frá thví í fyrra, en sé ekki ad nokkur skapadur hlutur hafi breyst og laet hana bara goss aftur, hédan af hjara veraldar, sunnanmegin altso. 

 

Pólitískir drullusokkar og amlóðar eru til af ýmsum  gerðum og að upplagi. Flestir eiga það þó sameiginlegt að þeir virðast ekki í neinum vandræðum með að varpa hugsjónum sínum og markmiðum fyrir róða, ef það mætti verða til þess að fá að verma eins og einn þingmanns eða jafnvel ráðherrastól. Að maður tali nú ekki um ef hugsanlega mætti maka krókinn, sér og sínum einkavinum til handa. Gefandi skít í allar stefnur, hugsjónir og heill þjóðar sinnar hafa pólitískir drullusokkar og óværa þeim tengd vaðið uppi hér á landi undanfarin ár. Vinnustaður þeirra hefur verið við Austurvöll í Reykjavík, en baktjaldamakk, brask, gjafagjörningar á ríkiseignum til vina og vandamanna og annar miður góður gjörningur, hefur farið fram vítt og breitt um bæinn. Drullusokkum þessum hefur tekist að knésetja þjóðina á undraskömmum tíma með athæfi sínu, en því fer fjarri að þeir hafi mætt einhverri mótspyrnu, sem heitið geti, af amlóðum þeim, sem bæði unnu með þeim í niðurrifsstarfsseminni og andstöðuamlóðunum sem unnu í sama húsi við Austurvöll og áttu að veita þeim aðhald og mótspyrnu. Bæði drullusokkarnir og amlóðarnir virtust una þokkalega sáttir við sitt, með smá misklíð endrum og sinnum, enda flóði fyrirgreiðsla þeim og vinum þeirra til handa úr bönkum og sjóðum landsmanna sem aldrei fyrr, þar til einn góðan veðurdag, að veislan var skyndilega á enda og sjóðþurrð brostin á. Veisluhöldunum lauk nánast á einni helgi og nú situr þjóðin öll eftir í sárum, með allt niður um sig og mannorð sem er minna virði en víxill í Nígeríu. Þúsundir  manna og kvenna án atvinnu, bankakerfið hrunið, atvinnulífið á heljarþröm og fátt sem bendir til að verið sé að aðhafast mikið af viti til að forða okkur frá frekari skelfingu. Drullusokkarnir fengu hressilega á baukinn í nýafstöðnum kosningum og nú virðist sem boltinn sé hjá amlóðunum að láta til sín taka og hefja land og þjóð til vegs og virðingar á ný. Taka hressilega á þeim sem fóru yfir strikið, mylja undir atvinnuuppbyggingu á ný og koma hjólum efnahagslífsins í gang er verkefni dagsins og ljóst að þar er við ramman reip að draga, enda aðstæður skelfilegar. Þjóðin ól með sér von um að með brotthvarfi drullusokkanna myndu amlóðarnir loks bretta upp ermar og taka ærlega til verks, en eitthvað hefur sennilega skolast til hjá báðum, þ.e. amlóðum og þjóð. Amlóðarnir ætla nefnilega að láta það verða forgangsverkefni fram yfir gröf og dauða að koma okkur inn í samevrópskan skriffinskuklúbb, sem nú reyndar flýtur sjálfur að feigðarósi vegna efnahagsþrenginga sinna eigin meðlima. Vel má vera að í klúbb þennan sé hægt að sækja einhverja aura seinna meir, en það er ekki það sem land og þjóð þarf á að halda NÚNA! Ef amlóðarnir láta ekki af þessari vitleysu fljótlega og fara að taka til hendinni í því sem skiptir okkur mestu máli, verður ekki lengur þörf á að skipta starfsfólki OKKAR við Austurvöll í drullusokka og amlóða. Þar verða ekkert nema drullusokkar ef þetta heldur svona áfram. Það er nefnilega hægt að svívirða þjóðina á fleiri máta en bara stela af henni peningum.

Fimmtugur karl.

Jaeja tha er komid ad thvi.: Tudarakvikyndid er fimmtugt i dag!!!  Undarlegt hve likamshulstrid hefur haldist heilt i gegnum arin og skuli enn vera til flestra verka bruklegt, thratt fyrir otal beinbrot og annad hnjask, sem hver einasti medalskrokkur getur svosem att von a ad verda fyrir, thannig lagad sed. Thad er helst ef laga tharf hluti eda skipta um a heimilinu, sem einhver slaemska, stadbundinn skammtimaverkur og timabundin gleymska virdist hlaupa i kauda, en thess a milli bara spraekur, eins og laekur. Heilsan god og i raun fatt sem hrellir, annad en langar fjarvistir ad heiman thessa dagana. Straujad sudur til Argentinu 2. januar og thadan beint ut a sjo. Aaetlud heimkoma aftur um midjan mai, ef allt fer samkvaemt aaetlun.

Thar sem eg verd ad heiman i dag, er theim sem hugdust heidra mig med naerveru sinni bent a ad thad verdur ekkert kruderi i Brekkulandinu i thetta sinn, enda afmaelisbarnid ekki heima. Hafi einhver haft i hyggju ad faera mer gjafir, er thad von min ad thad hafi helst att ad vera eitthvad dyrt og veglegt. Helst innflutt. Thar sem eg hef ekki not fyrir nokkurn hlut, sem stendur, vil eg beina thvi til theirra er hugdust gledja mig med gjofum, ad lata frekar andvirdid renna oskipt til sofnunarataks Rauda Krossins, vegna hormunganna a Haiti. Thar er thorf a allri theirri adstod sem hugsast getur. Hafi hinsvegar einhver haft i hyggju ad faera mer raudvin, skal a thad bent ad tekid er a moti thvi i allan dag og langt fram a kvold i Brekkulandinu.

Thakka yndislegri fjolskyldu minni og ollu samferdafolki gegnum tidina, innilega fyrir tha halfu old, sem nu er ad baki og oska ollum, naer og fjaer, ars og fridar.

Bestu kvedjur hedan ad sunnan til allra,

Tudarinn.

(Kemst ekki i tolvu med islenskum stofum og thvi verdur vist ad para thetta svona)   

Spurning um " prinsip" ?

Icesave er spurning um prinsip. VG og their sem sitja a Althingi fyrir thann flokk hafa flestallir varpad ollum sinum prinsipum fyrir roda og ef einhver er ekki sammala, er oll umraeda a "villigotum". Undarleg syn sem folk faer a lifid og tilveruna, er thad naer ad fletja ut afturendann a stolum thingsins. Fruss a thetta lid. Thad er svo sannarlega a villigotum. 

Björn Valur: Umræðan á villigötum

Er ekki nóg gert?

Er ekki rétt að útiloka Ölþingi Íslands frá öllum meiriháttar ákvörðunum fram í júní árið 2010? Varla á milli séð hvort sé betra (eða verra), að hér ríki algert stjórnleysi, eða EKKERT! SVEI þingheimi, undirlægjum EB sem og öðrum fyrir frammistöðuna. Vonandi að sem flestir þingmenn sem greiddu ICESLAVE brautargengi í kvöld, kíki í "köku" á gamlárskvöld. Það verður þá ekki hægt að útskýra hlutina öðruvísi en með gegnsæi og "allt upp á borðið" umræðu.

Hlé á þingstörfum til 26. janúar

Ögmundur Jónasson.

Hvað svo sem segja má um Ögmund Jónasson, hans "attitude", pólitísku skoðanir eða framgöngu í hinum "ýmsustu" málefnum hingað til, skal honum reiknað til ævarandi tekna, hvernig hann stóð sig á Alþingi í kvöld. Ekki beygður af flokknum, ekki sáttur við stöðuna, ekki sáttur við frumvarpið sagði hann NEI. Hvort þetta var allt fyrirfram ákveðið og um samið, getur enginn sagt til um, en hann kom einna best út úr kvöldinu ásamt Pétri Blöndal, sem af veikum mætti reyndi að leiða fólk í sannleikann, með tölur einar að vopni. Bleyðuklúbburinn í ríkisstjórn Íslands heyrði hvoruga röddina, hvorki nú né sem fyrr.

Þar fór það!

Lítið lagðist fyrir drenginn þann. Eins og hann bar nú af sér góðan þokka og virtist vera heilsteyptur og fastur fyrir, á sínum skoðunum. Tuðarinn bloggaði meira að segja um það, hve vel honum litist á þennan unga pólitíkus. Í kvöld skeit hann upp á bak og verður sennilega best geymdur í sveitinni innan um sauðfé og skít hér eftir. Þingmenn sem flokksmaskínur ná að snúa gegn samvisku sinni, eru best geymdir heima og eiga ekki að koma að landsmálum. Gildir þá einu um hvar í flokki þeir standa.

Ásmundur Einar samþykkti

Hvurs konar endaleysa er þetta eiginlega?

Sú veika von almennings, að rannsóknarnefnd Alþingis leggi fram óháð mat um hrunið, aðdraganda þess og aðkomu stjórnmálamanna, ásamt fleirum, virðist eiga að drepa niður með níu manna nefnd, sem sennilega mun hafa það hlutverk helst að þurrka út skítabletti og sópa öðru óþægilegu undir teppi, áður en´endanleg skýrsla verður birt. Allsherjarnefnd samþykkir einróma að hafa þennan háttinn á. Það hefur greinilega EKKERT breyst á ölþingi Íslands. Samtrygging þingmanna úr ÖLLUM flokkum er alger, þegar kemur að innri skoðun þessarar fylleríssamkundu.  Þriggja ára fyrning! Þetta er móðgun við Ísland og þjóðina alla! Kæmi ekki á óvart, þó skipuð yrði 27 manna nefnd til að fjalla um nefndarstörf 9 manna nefndarinnar og síðan yrði fengin 81 manna nefnd til að fjalla um þá nefnd og svo koll af kolli. Endanleg skýrsla verður sjálfsagt varla meiri umfangs, en lélegur auglýsingabæklingur frá Dododo pizzum, eða öðru slíku rusli og ef að líkum lætur, varla birt fyrr en að þremur árum liðnum!  Fussumsvei barasta, að horfa upp á þetta!!! Er búið að henda öllum pottum á Íslandi?

Fyrningarfrestur þrjú ár

Vanhæft fólk!

Það er engu líkara en að ríkisstjórn Íslands og stjórnarandstaðan séu kominn í keppni, um hvor aðilinn geti nú skaðað þjóðina sem allra mest. Það er varla að maður trúi orðið dellunni sem fram fer í sölum þingsins. Þessi frétt af birtingu álits lögmannsstofunnar, er ekkert annað en sárgrætileg og undirstrikar enn á ný, að á Alþingi Íslands situr nú að allt of stórum hluta, vanhæft fólk, bæði í stjórn sem og í stjórnarandstöðu.   

Vöruðu við því að birta álitið

Útrásarhugsunargangurinn endurtekinn af sósíalistum!

Það er undarlegt að lesa þessi ummæli Þistilfjarðarbóndans og sósíalistans, Steingríms J. Sigfússonar. Nákvæmlega þessi þankagangur setti hér allt til fjandans. Ekki nema 10% líkur á að allt fari í kaldakol, en "What the heck," tökum samt sénsinn. 10% líkur á að fara á hausinn og komast í þrot, er þegar allt kemur til alls, ekki svo slæm tilhugsun fyrir fararstjóra núverandi ríkisstjórnar. Þokkaleg sending, svona rétt fyrir jólin, eða hitt þó heldur. Ef "Djóku" og "Denna" þykja 10% léttvæg, er ekki að undra að standi á gegnsæi, heiðarleika, samvinnu og skynsemi í þeim Hrunadansi sem Íslandi er nú dröslað í, með góðu eða illu. Gleðileg jól, landsmenn allir og til hamingju með "Skjaldborg Heimilanna". 

Forsendur IFS-álits svartsýnar

Íslenskt stjórnkerfi í hnotskurn?

Rannsóknarnefnd Alþingis er að vinna skýrslu þessa fyrir okkur, þegnana sem höfum fólk í vinnu á Alþingi. Það erum við sem komum til með að bera hitann og þungan af misgjörðum, afglöpum, stjórnleysi, spillingu og öllu því sem "tilbehörer"í einu stykki efnahagshruni. Ef þingheimur svo mikið sem lætur sér detta í hug, eina einustu mínútu, að hægt sé að læðast með veggjum, með niðurstöðu nefndarinnar, er hætt við að "búsáhaldabyltingin" blikni í samanburði við þau viðbrögð sem hætt er við að þjóðin sýni, við þess lags háttalagi. Það er lýðum ljóst hvað olli þessari óáran sem yfir okkur gengur nú um stundir. Pukur og tilraunir til að halda niðurstöðu nefndarinnar frá sjónum almennings gæti ekki á nokurn hátt verið túlkuð öðruvísi en samsæri gegn þjóðinni. Þar sem tæpast er hægt að ætla, að þingmenn séu allir kjánar, er rétt að ætla sem svo, að jafnsjálfsögð krafa og sú, að við fáum að berja skýrsluna augum jafnharðan og hún kemur fyrir augu starfsfólks okkar á Alþingi, sé nú ekki til of mikils ætlast. Fróðlegt verður að sjá og fylgjast með framvindu þessa eldfima máls næstu dægur, vikur og jafnvel mánuði. Okkur hefur þegar verið tilkynnt að hluta niðurstöðunnar muni verða erfitt að kyngja, en við getum kyngt orðið flestu sem matreitt er ofan í okkur. Spurningin er aðeins hvort við náum að halda því niðri  og til að koma í veg fyrir varanlegt iðrafruss og ælupest, er óskandi að þingheimur ALLUR geri sér grein fyrir að þjóðinni er þegar orðið flökurt, svo það má lítið út af bera, svo ekki bresti hér á almenn flensa og þá mun svínflensan blikna í samanburði, er Tuðarinn hræddur um.

Fjölluðu um rannsóknarskýrslu