"Eftiráspeki" og gagnrýni.

 Er ekki öll gagnrýni eftiráspeki? Það er trauðla hægt að gagnrýna eitthvað fyrirfram, eða hvað? Sjálfsagt hægt ef allt liggur ljóst fyrir, en íþessu söluferli var ekki svo. Vonandi lætur almenningur ekki glepjast af svona "útboðsdellu" þar sem elítan fær að kaupa fyrst, undir áætluðu gengi, en mylsnan er síðan seld á hærra verði til almennings. Þó hlutirnir séu "óseljanlegir" í einhvern tíma, vita allir að þetta tekur að ganga kaupum og sölum um allan bæ, upp á væntanlegan gróða. 2007 virðist tútna út á ný og flestum finnst það baraata í lagi. Við erum ekki lengur hnýpin þjóð í vanda. Við erum galin þjóð með fármálamarkaðsfjanda!

 Göðar stundir, með kveðju að sunnan.

Segir gagnrýni vera „eftiráspeki“

Hvursu mörg mistök þarf til svo BNA læri eitthvað?

 Bandaríkjamenn studdu og gerðu Saddam Husseins að því sem hann varð, með stuðningi sínum við hann í stríðinu við Íran. Í því stríði einu er talið að um ein milljón manna hafi verið drepin. Bandaríkjamenn bjuggu einnig til Talibana, með stuðningi sínum við þá, er sovétmenn réðust inn í Afganistan. Bandaríkjamenn og bandamenn þeirra hófu og síðar slátruðu arabíska vorinu. Bandaríkjamenn bjuggu til ISIS með vopnaflutningum til þeirra, auk fjárhagsaðstoðar. Hörmungarsaga Bandaríkjanna í Austurlöndum er svo "absúrd", að það er hreint með ólíkindum að loks nú skuli þeir vera að ranka við sér og átta sig á því að sennilega sé nú ekkert voðalega sniðugt að búa til og styrkja fleiri uppreisnarmenn. Uppreisnarmenn gegn hverjum? "Í reykfylltum bakherbergjum" reykja á sama tíma Sádarnir sína gullslegnu vindla og kynda undir bálinu öllu, í nafni Islam. Bandaríkjamenn virðast ekki hafa neitt vit á neinu, ef það tengist ekki byssum. Þeir eru meira að segja svo iðnir við að drepa hvorn annan, heima fyrir, að maður nennir varla að lesa um það lengur. Það er ekkert að ganga upp hjá þessari alheimslöggu. Tala látinna í þessu rugli þeirra í austurlöndum og um allan heim reyndar, er sennilega einhversstaðar milli tvær og hálf til þrjár milljónir manna, ef allt er talið, síðustu þrjá áratugi! Er ekki kominn tími til að völdin séu tekin af vopnaframleiðendum! Það eru jú þeir sem stjórna. Það væri galið að álykta öðruvísi. "Frændur" okkar svíar, eru þar með stórtækari aðilum, en þeir bandarísku bera að sjálfsögðu höfuð og herðar yfir allan pakkann. Rockefellarnir og aðrar ættarblokkir, geta hreinlega sett af stað stríð þegar þeim hentar. Lagerinn orðinn nógu bústinn og kominn tími á smá "action". Það er ferlega fúl staðreynd.

Góðar stundir, með kveðju að sunnan. 

Þjálfun nýrra uppreisnarmanna sett á bið

"Erfidrykkjur"

 Erfidrykkjur eru dulítið sérstakt fyrirbæri í íslenskri menningu. Að lokinni athöfn, þar sem ríkisstarfsmaður kastar rekunum og holdgerir um leið hinn látna til móður jarðar, strunsa kirkjugestir á eftir boxinu og taka síðan til áts. Erfidrykkjan er hafin. Enginn, eða í það minnsta fáir, taka til máls. Þó er ef til vill sumum þungt um hjarta og nægir ekki í sálinni að láta einhvern prest eiga síðasta orðið. Það er étið í hljóði og helst ekki haft hátt.  Þegar síðan nánustu ættingjarnir loks koma til baka, úr hinni raunverulegu jarðarför, eru flestir gestir farnir, eða að fara og lítið annað eftir á boðsstólum en ristað brauð og núðlur. Það er mitt álit að í hverri einustu erfidrykkju ætti kistan að standa sem miðja veislunnar og jafnvel þjóna sem bar. Það er svívirðileg skömm við þann látna að leyfa honum/henni ekki að taka þátt í gleðskapnum. Veislugestir ættu að hafa aðgang að "míkrófón" og þeir eða þær, sem þekktu, störfuðu með, eða tengdust hinum látna á einhvern hátt, auk fjölskyldunnar, ættu þannig síðustu orðin um þann dauða. Dulítið klikkuð pæling, en erfðaskráin mín leyfir ekkert déskotans kjaftæði. Ef það verður veisla að mér gengnum, sem nú nálgast óðum, heimta ég að fá að vera með! Stoltastur væri ég náttúrulega ef kistan mín væri gerð að bar, en geri það ekki endilega að skilyrði. Þeir sem þekktu mig í raun myndu skilja djókið. Við deyjum öll. Þegar að því kemur, ætti að vera búið að skipuleggja "erfidrykkjuna" í samstarfi við hinn látna, ef því verður við komið. Þetta á að sjálfsögðu einungis við um fyrirséðan dauða...svo enginn misskilji mig.

 Góðar stundir, með kveðju að sunnan.

Déskotans endalausar breytingar.

 Hvers vegna er eilíflega verið að breyta þessu blessaða einkunnakerfi, svo ekki sé nú talað um kennsluaðferðir og framsetningu námsefnis? Tuðarinn tilheyrir fyrsta árgangi mengjakerfisins í menntakerfinu. Mengjakerfið gengur í fáum orðum út á það að gera kornungum börnum eins erfitt fyrir og mögulegt er, að leggja saman tvo og tvo. Áður en mengjadellunni var hraunað yfir undirritaðan, upp úr miðjum sjöunda áratugnum, hafði einföld og auðlærð kennslufræði skilað hreint ágætum árangri. Flest börn landsins, sem lærðu t.a.m. margföldunartöfluna utanað, kunnu flest og mundu hana með hreinum ágætum, áratugum seinna og jafnvel ævina alla. Á seinni hluta sjöunda áratugarins fóru hins vegar fleiri og fleiri að hallast að einhverju sem hét "sænska leiðin". Með sænsku leiðinni spruttu fram "sérfræðingar" sem töldu sig þess umkomna að flækja og erfiðleikagera menntakerfið eins mikið og kostur var. Fólk tók að nema alls kyns fræði sem talin voru "inni" og áður en varði spruttu upp allskonar erfiðleikaaukningarspesíalistar sem töldu nauðsynlegt í skjóli " menntunar Sinnar" að umbylta og breyta því sem alveg hreint þokkalega hafði gengið, áður en þessir sjálfskipuðu " sérfræðingar" litu dagsins ljós. Það er bara ein útkoma í samlagningu talna. Það þarf ekki að tengja saman mengi eða hnit, sammengi og hvað þetta bévítans drasl hét nú allt saman. Tveir plús tveir eru fjórir. Það á ekki að þurfa að rökræða það neitt frekar. Tölustafir sem einkunn, er hinn eini rétti mælikvarði á getu námsmanna. Gildir einu hve gamlir þeir eru. 

Góðar stundir, með kveðju að sunnan.

(Stafsetningarvillur eru sverum fingrum um að kenna, en ekki slæmri menntun( skrifað í iPad))

Hvaða þýða bókstafseinkunnir

Ólöfu sem formann!

 Sem eins mesta fylgjanda stefnu Sjálfstæðisflokksins, skorar undirritaður á Ólöfu Nordal að sætta sig ekki við annað sætið, heldur setja stefnuna á formannssætið í Sjálfstæðisflokknum! Þeð er yfirdrifið nóg til af fólki sem sækist eftir öðru sætinu. Sakna þess sárlega að sjá ekki Óla Björn á neinum listum yfir frambjóðendur, sem sækjast eftir forystu innan flokksins. Það er því hér með skorað á þessa tvo einstklinga, að taka slaginn og láta vaða á súðum á næsta landsfundi. Sjálfstæðisstefnan er stefna sem sameinar stéttir, sé henni fylgt. Að þynna út stefnuna og leita eilíflega málamiðlana, gerir allar stefnur litlausar og bitlausar. Það sýna okkur dæmin undanfarna áratugi. Sem almennum fylgjanda stefnu Sjálfstæðisflokksins, tel ég tímabært að hræra ærlega til í valdakrukkunni og fer fram á að forystan sé mönnuð samnefnurum meirihlutans. Það er hið eina sanna lýðræði og í anda Sjálfstæðisstefnunnar. Sama hverjir víkja. Það er enginn ómissandi í pólitík.

 Góðar atundir, með kveðju að sunnan.

Greinir frá ákvörðuninni á morgun

Ekki búið að redda fjármagni?

 Er það frétt að einherjir draumhugar hafi uppi mikil áform, en eigi ekki nægan pening fyrir draumum sínum, enn sem komið er? S8? Hljómar þetta ekki kunnuglega ? Hvað ætli félögin frá S1 til S7 eigi mikið í S8, sem á siðan félögin S9 til S129? Blaða og fréttamenn, ásamt fjölmiðlunum sem þeir starfa hjá, eru ekki lengur trúverðugir. Svona þvæla endar með stórri efnahagslegri bombu! Ætla fjölmiðlar að drulla upp í sig á nyjan leik, eða fara að vinna vinnuna sína? Ég lýsi hér með allsherjar frati í fjölmiðla. "Copy paste" og "Google translate" er ekkifréttamennska.

 Góðar stundir, með kveðju að sunnan.

Byggja stærsta hótel landsins

Í "yfirgefnum" pappakassa?

Skelfilegt að fólk skuli gera svona lagað. Þetta er hins vegar í fyrsta sinn sem ég heyri talað um yfirgefinn pappakassa. Vonandi tekst lögreglunni að finna hina íbúa kassans.

Góðar stundir, með kveðju að sunnan.

Barn fannst í pappakassa

Skattpíning hins opinbera.

Tryggingargjald, það sem atvinnurekendur greiða, er í dag 7,49 prósent. Var 5,34 prósent fyrir hrun. Munurinn 2,15prósentustig, en íraun nálægt 40 prósenta hækkun! Hvað eru 2,15prósent stór hluti af  7,49 prósentum? Burséð frá öllu atvinnuleysi, er tryggingargjaldið orðið þvílíkur baggi á fyrirtækjum í dag, að ef ekki kemur til veruleg leiðrétting á þessum skatti, hið fyrsta, er ljóst að holskefla gjaldþrota minni og meðalstórra fyrirtækja blasir við. Það er ekkert annað en hörmulegt að hafa troðið marvaðan gegnum efnahagsþrenginar undanfarinna ára, en þurfa að pakka saman og hætta rekstri, nú loks er sést til sólar, sökum óbærilegrar skattheimtu hins opinbera. Þessi ríkisstjórn er engan veginn að standa sig í stykkinu, er kemur að aðhlynningu smárra og meðalstórra fyrirtækja, sem þó höfðu burði og getu fram að bjargabrúninni, að standa af sér storminn, en greiða jafnframt sinn skatt, meðan ástandið var að jafna sig út. Sennilega sér ríkisstjórnin smá og meðalstór fyrirtæki í sama ljósi og aldraða og öryrkja.: Það er alltaf hægt að klípa af þeim, það koma einfaldlega aðrir í staðinn.

Goðar stundir, með kveðju að sunnan.

Vilja sjá tryggingargjaldið lækka

Myndir sem blekkja.

Thegar myndir af fyrirhugadri hótelbyggingu eru skodadar, sama hvada hugmynd um raedir, kemur í ljós ad allar sýna thaer 4-5 haeda byggingar sem eru jafnháar gamla idnskólanum vid hlidina. Hvernig má thetta vera? Jú, hér er vísvitandi verid ad blekkja fólk og reyna ad gera minna úr staerd thessara húsa en raunin er. Fyrsta haedin á öllum myndunum er med mjög gódri lofthaed, enda móttakan thar, svo ef haedirnar fjórar thar fyrir ofan eru fjórar, hver er thá lofthaedin á hverri haed? Verdur eingöngu haegt ad éta thar pizzur, liggjandi á gólfinu svo fólk reki sig ekki upp í loft.? Thessar myndir standast enga skodun og eru svívirdileg brella til ad villa um fyrir fólki. Hótelid og gamli idnskólinn eru greinilega ekki höfd í réttum hlutföllum hvort vid annad. Sennilega verdur thetta allt saman samthykkt thegjandi og hljódalaust af meirihlutanum í Reykjavík, sem ad thví er virdist á sér thann draum heitastan ad rústa gjörsamlega gamla midbaenum, med fuglabjörgum úr steypu og gleri. Gamli midbaerinn og hafnarsvaedid er ódum ad breytast í Skuggahverfi hid nýja. Allt er thetta í bodi reidhjóla, fuglahúsa, gatnaskelfa og  göngustígadraumóranostalgíulattelepjaranna.

 

Gódar stundir, med kvedju ad sunnan. 

Hóteláform taka breytingum

Vöruverd birgja til smáverslana.

Eitt staersta vandamál vid rekstur smaerri verslana, vítt og breitt um landid, er thad ad verd frá birgjum er í nánast öllum tilfellum mun haerra en haegt er ad fá sömu vöru á, í Bónus eda Krónunni. Med ödrum ordum, greidir öll smáverslun í landinu nidur vöruverdid í Bónus og Krónunni. Thetta gerir thad ad verkum ad nánast ógerningur er ad reka smaerri verslanir, vítt og breitt um landid, jafnt sem í höfudborginni. Thad er algerlega galid ad eigendur smaerri verslana skuli thurfa ad horfa upp á thad ad yfirleitt er vöruverd í Bónus og Krónunni miklu mun laegra en theim er bodid sem heildsöluverd frá birgjum. Thetta er ekki adeins ergilegt, heldur beinlínis skadlegt "edlilegri samkeppni" eins og eigendur staerstu fyrirtaekjanna kjósa ad kalla thetta. Thetta á ekkert skylt vid samkeppni. Thetta er ósvífin fákeppni af verstu gerd og undarlegt ad samkeppnisyfirvöld skuli ekki hafa nein rád í hendi sér til ad sporna vid thessum óthverravinnubrögdum. Hversu oft er ekki munurinn adeins ein til tvaer krónur á milli Bónus og Krónunnar, á sömu vöru? Hvers vegna munar sjaldan, eda jafnvel aldrei meiru? Er thad ekki umhugsunarefni fyrir neytendur? "Frjáls samkeppni".....frussss..........

Gódar stundir, med kvedju ad sunnan. 

Júllabúð gjaldþrota