Eigin lestir, ruv og Samherjaskjöl.

 Tuðarinn fylgist með þjóðfélagsumræðunni eins og honum er best kostur búinn hverju sinni. Langtímum saman utan allrar umræðu um málefni dagsins, dettur kvikyndið af og til inn í heitar umræður líðandi stundar og er oft orðið svo mál að láta heyra í sér, að ekki sér ávallt til sólar í bullinu sem upp úr honum vellur. Oft langar hann að öskra á ritvellinum, á fálesinni síðu sinni, um hin ýmsu málefni. Fyrr á tíð lét hann gamminn geysa og hefur eflaust oft á tíðum misstigið sig í blótsyrðum um menn og málefni. Hreytt ónotum í fólk og verið sannast sagna bölvaður ritsóði.  

Við þeim misgjörðum öllum gengst Tuðarinn algerlega og biður alla, sem hann hefur sært eða meitt með orðum sínum innilegrar fyrirgefningar, nema að sjálfsögðu þeim sem áttu það svo innilega skilið. Punktur.

 Fyrirgefningarkafla lokið. Mál að hefja annan, sem sennilega þarf að byðjast fyrirgefningar á síðar meir, en látum það liggja milli hlutar.

 ´´Samherjaskjölin´´ tröllríða nú flestallri umræðu og fram á rit og umræðuvöll pólitískrar vinsældaumræðu ösla nú misheppnaðir burtreiðarsveinar glataðra hugsjóna, steingeldir af heilbrigðri skynsemi eða svo miklu sem hinum minnsta skilningi á því hvernig kaupin gerast á Eyrinni um víða veröld. Veröld sem aldrei hefur snert þessa vinsældasæknu hugsjónageldinga svo mikið sem eina sekúndu fram að þessu.

 Nú rekur á fjörur þeirra vopn og í vandlætingu sinni og fordæmingu, koma þeir upp um eigin aumingjaskap og fákunnáttu. Samherja skal knésetja með öllum ráðum og helst koma því svo fyrir að namibíska þjóðin svelti, sökum misgjörða Samherja! Áttatíu prósent þjóðarinnar búi í bárujárnskofum, því Samherji veiðir hrossamakríl í landhelgi þeirra. Það er nefnilega það. Trauðla gerist ´´fréttasnápsmennska´´ömurlegri.

 Samherji er ekki óvinur namibísku þjóðarinnar. Versti óvinur namibísku þjóðarinnar eru Namibíumenn. Þeirra eigið fólk. Gerspilltir pólitíkusar sem svífast einskis, allt frá lægst setta kvikyndinu sem stimplar pappíra, upp til forseta landsins og öllu sem honum fylgir.

 SWAPO er hið eina sanna mein, enda sósalískt hugsandi stjórnmálasamtök, þar sem svínin eru ávallt ´´aðeins rétthærri´´ en hin dýrin. Hafa haft taglir og haldir frá því landið hlaut sjálfstæði. Grafið um sig hægt og bítandi. Það er hinsvegar ekki talin ástæða til að kanna það neitt frekar, því niðurgreiddir, ríkisreknir fréttasnápar frá Íslandi telja sig nú hafa fundið ástæðu eymdarinnar í Namibíu. Samherji skal sökudólgurinn vera og með niðurgreiddan ríkisfjölmiðil að vopni arka nú rúvískir fréttasnápar um auðnir efnahagslífs Namibíu og fá það út að fólk svelti og búi í bárujárnsskúrum, því íslenskt sjávarútvegsfyrirtæki sá sér leik á borði að nýta rándýr atvinnutæki sín til verðmætasköpunar. Nokkuð sem stríðöldu svínunum auðnaðist aldrei. Til að svo mætti verða, varð að fóðra elítuna. Ekkert nýtt við það. Þeir sem halda öðru fram, hafa hvergi verið, hvergi farið, ekkert markvert upplifað, eða séð út fyrir heimóttalegan túngarð  sinn og hugmyndasnauð steingeldra hugsjóna sinna. Svo ekki sé nú minnst á fullveldisafsalsdrauma sama slektis. Ömurlegri verður tæpast umræðan. 

 Fróðlegt væri að taka saman hvar fréttasnápar kveiks voru, árin 2009 til 2011, þegar þúsundir fjölskyldna í þeirra eigin heimalandi, voru bornar út á götu og settar í ígildi namibískra bárujárnsskúra, í nafni hinnar fyrstu tæru vinstristjórnar Gránu  gömlu og Þistilfjarðarkúvendingsins?

 Hvar var seljanið þá, eða kveikurinn? Hvursu margir þættir hafa verið framleiddir af RÚV um framsal tæru vinstri stjórnarinnar á skuldbindingum húsnæðiseigenda, eða hvernig lánasöfnin voru nánast gefin hrægömmunum á brotabrotsverði, til þess eins að þeir gætu rukkað inn skuldina að fullu, með tilheyrandi hörmungum, en bónusum fyrir þá sem innheimtu? Hvar var skítseiðið seljanlega þá? Hvar var seljan-legið þegar bjálfinn Árni Páll fann upp 110prósentin? Hvers vegna er Þistilfjarðarkúvendingurinn Forseti Alþingis í dag?! Hver gerði Gerði greiða um árið, hver gerði Gerði bommsíbomsíboms? Hver bjargaði Sjóva sjóvá sjóvá? Hver geldur greiða í dag fyrir gamla greiða. Hvar liggja mörkin spillingar? Namibía, Ísland, Argentína.......sami grautur í sitthvorum pottinum.

 Tuðaranum liggur við uppsölum af lestri fyrirsagna og fullyrðinga fólks, sem minna veit en ekki neitt og eins hinna sem telja sig allt vita, en vita í raun minna en ekkert annað en það sem snýr að eigin rassgati. Það er nú ekki merkilegur sjóndeildarhringur, en sósíalismanum og fullveldisafsalssinnunum samkvæmur.

 Góðar stundir, með kveðju að sunnan.

 

 

 

 

 

 

 

Birtingarmynd öfgavinstrisins.

 Í tilefni þess að senn er áratugur liðinn frá því að hin ´´eina sanna vinstri stjórn´´ var skipuð, væri ekki úr vegi að efna til ´´málstofu´´ um þann ófögnuð. 

 Ríkisstjórnar núverandi heilbrigðisráðherra, sem miskunnarlaust laug að kjósendum sínum allt fram að kjördegi að hún ætlaði að standa vörð um hagsmuni heimilanna í landinu.

 ´´Skjaldborg heimilanna´´ var það kallað. 

 Hræsnin, hrokinn og ótrúlegt illmennsku og hefnigenið virðist erfast í pólitík. 

 Ef aumkunnar og óafsakanlegt, hljóðritað fyllerísröfl stjórnmálamanna þykir tilefni til ´´málstofu´´ á hverju ári, hlýtur að vera grundvöllur til að halda samskonar og sennilega mun fjölsóttari málstofur um framferði hérlendra kommúnista gegn alþýðu þessa lands. Alþýðu, sem þúsundum saman send var á vergang, því hinir fyrstu tæru vinstri menn snérust á sveif með hrægömmunum og peningaeigendunum, áður en haninn svo mikið sem gól eitt sinn, því stólar voru í boði.

 Hræsni kommúnista virðast engin takmörk sett, undir árvökulu auga þistilfjarðarkúvendingsins, sem engu, ekki nokkrum sköpuðum hlut hefur áorkað öðru en safna mosa í þingsölum.

 Svei þessu liði öllu saman.

 Góðar stundir, með kveðju að sunnan.

Klausturmálið „birtingarmynd öfgahægris“

RÚV og spillingin.

 Árum saman hefur RÚV ekki farið að lögum og komist upp með það!. Á sama tíma hefur RÚV djöflast eins og naut í flagi út um allar koppagrundir í leit að spillingu hjá öðrum, bæði fyrirtækjum sem einstaklingum. Hræsnin og tvífeldnin verður trauðla meiri.

 RÚV er fjárhagsleg byrði á þjóðinni. Í stað þess að halda áfram með endalausan fjáraustur í þetta ohf fyrirtæki og jafnvel væntanleg undirfyrirtæki þess, væri þá ekki nær að minnka umsvif þess til muna, eða jafnvel leggja niður með öllu?.

 Spyr sá sem ekkert veit.

 Góðar stundir, með kveðju að sunnan.

Skýr vilji til að stofna dótturfélag RÚV

´´Kauphöll Íslands´´...í alvöru eða gríni?.

 Kauphöll Íslands er eitthvert hlægilegasta fyrirbæri ´´viðskiptaheimssins´´.

 Viðskiptin þar eru svo smá, að varla tekur að nefna þau. Örfárra milljóna ´´viðskipti´´ með bréf í félögum, sem metin eru á tugi milljarða, geta lækkað eða hækkað ´´markaðsvirði´´ viðkomandi fyrirtækja um milljarða.

 Fréttir af þessum ´´æsispennandi viðskiptum´´ ríða síðan viðskiptasíðum fjölmiðla og allir stara opnmynntir á hamfarirnar á ´´markaði´´.

 Markaði sem er svo fáránlega lítill að kauphöllin er í því sem samsvarar fimm herbergja íbúð, í leiguhúsnæði og verðmætasti hluturinn í íbúðinni er bjalla, sem slegið er í þegar íbúum íbúðarinnar og vinum þeirra þykir eitthvað voðalega spennandi. Reyndar svo spennandi að tilefni þykir að kalla til fjölmiðla, sem flestir gleypa gleðina eða sorgina og eiga varla orð yfir ´´hamförum á markaði´´. Ekki frekar en ´´hamfarahlýnuninni´´.

 Þeim sem búa á hinum hæðunum og jafnvel næsta nágrenni, hverfinu öllu, eða jafnvel öllu landinu, er hinsvegar andskotans sama, enda hafa þeir aldrei fengið að vita hverjir búa í þessari ómerkilegu leiguíbúð, eða sækja þangað samkomur, hagnað eða tap.  Það eina sem glumið hefur í eyrum nágrannanna hefur aldrei verið annað en marklaust bull, illheyrður bjölluhljómur, suð og partíhljómar, já eða jafnvel sorgarmarsinn. Þegar síðan ágangur fávísra fjölmiðlamanna eykur enn á ónæðið af þessari ómerkilegu íbúð er flestum nóg boðið.

 Heyrst hefur að til lítils nýtrar starfsemi þesarar ómerkilegu íbúðar, hafi verið boðið ódýrara húsnæði, þar sem mun minna ónæði hlýst af þessari óværu. Þá hafi hinsvegar svo brugðið við að bjölluhringjararnir hafi hangið á bjöllunni eins og hundar á roði.

 Þekki það af eigin raun að hundur sleppir ekki roðinu fyrr en í fulla hnefana, eða fullétnu. Í þeirri viðureign er mikil hætta á að missa putta. Vona ég að skaðræðið i íbúðinni fimmherbergja, eigi lífdaga stutta, því mér þykir svo fjandi vænt....

...um hvutta.

 Góðar stundir, með kveðju að sunnan.

 

Nasdaq verðbréfamiðstöð ætlar aftur að birta hluthafalista

Gagnrýnislaus skýrsla um eigin hugðarefni.

 Það eitt, að núverandi utanríkisráðherra Íslands, Guðlaugur Þór, skuli hafa falið einum svarnasta stuðningsmanni EES samningsins yfirumsjón með að gera skýrslu um hag íslensku þjóðarinnar af EES, var andvana fædd hugmynd og afleit með öllu. Dómgreindarleysi ráðherrans hlýtur að teljast algert. Niðurstaða nefndarinnar var ótrúverðug frá upphafi. Það vissu allir, nema þeir sem fengu greitt fyrir. Eins og eftirlaunin hefðu nú ekki verið næg.

 Tæpar tuttugu og sex milljónum sturtað niður í ekki neitt. Þessi skýrsla var, er og verður ávallt ótrúverðug með öllu og ekki bætir úr skák að nú setur hið opinbera á netið teiknimyndir fyrir fávita, um ágæti þess að vera innan EES!. Nánast göbbelskur áróður!.

 Mikið lifandis skelfing hljóta þessir kónar halda að Íslendingar séu mikil fífl!.

 Góðar stundir, með kveðju að sunnan.

 

Björn fékk 7,2 milljónir fyrir skýrsluna

Þrefalt minna gagnsæi hjá Isavia!

 Eitt versta opinbera fyrirtæki (OHF),  í eigu almennings, sem er að hverfa inn í enn meira ógagnsæi, er Isavia. Nú skal skipta ruglinu upp í enn fleiri ´´svið´´ og rökin fyrir því eru svo loðin að það þarf hérumbil að fara inn á ´´Google translate´´ til að skilja delluna, sem vellur upp úr nýkringdum forstjóra þessa skaðræðisfyrirtækis og talar hann þó Íslensku!

 Útskýringar hans eru, ef rétt er eftir haft, svo yfirgengilega ruglings og heimskulegar að varla nokkur maður skilur bullið í honum. 

 Keflavíkurflugvöllur er að verða einn dýrasti flugvöllur veraldar fyrir flugfarþega, ef frá eru skildir einhverjir ruglvellir í handklæðahausalöndunum. 

 Ef nýráðinn forstjóri þessa fyrirtækis, þar sem ég er einhver þrjúhundraðasti og þrjátíu þúsundasti parts hluthafi í, heldur að hann geti bullað svona dellu ofan í hálsmálið á mér, skjátlast honum hrapalega. 

 Spurning hvort nú eigi að byggja undir ´´playmates´´ með svona rugli. 

 Yfirlýsingagleði og niðurbrotið í ógagnsæar einingar Isavia er áhyggjuefni og full ástæða til að láta þetta fyrirtæki okkar allra gera grein fyrir stöðu sinni á vikufresti. 

 Að öðrum kosti dettur annað ´´skúlaskeið´´ í fang skattgreiðenda áður en nokkur nær að fara með fyrsta erindið í ´´stebbi tróð strí á ströndum´´.

 OHF og Sjálfseignastofnanir ætti að banna á Íslandi. Hörmulegastu rekstrarform sem til eru, eins og dæmin sanna. Vörðuð spillingu og viðbjóði. Íslenska þjóðin er Namibísk gagnvart þessum andskotans óhroða, svo gjarnan mætti skoða sér nær, áður en farið er út fyrir landsteinana og hérlent athafnafólk hengt í beinni á niðurgreiddum ríkisfjölmiðli. 

 Undarlegur andskoti annars hve ddRÚVið sér litla ástæðu til að horfa inn á við. Og þó, rotnara verður varla nokkurt OHF.

 Góðar stundir, með hveðju að sunnan.

 

Góður tími fyrir breytingar í rekstri Isavia

Hringtorg er ekki hringtorg, þó það liggi í hring.

 Það er dulítið skondið að lesa útskýringar upplýsingafulltrúans.

 ´´Þetta er vissulega torg, en ekki endilega hringtorg þó það liggi í hring´´.

 Þá vitum við það, góðir hálsar. Hringur er ekki hringur, þó hann sé hringur.

 Var einhver að tala um hringavitleysu borgarstjórnarmeirihlutans?

 Góðar stundir, með kveðju að sunnan.

 

Ekki hringtorg þó að ekið sé í hring

Leyfum þeim að fara alla leið!

 Ef varnaðarskilti og lokunarborðar koma ekki skilaboðunum nógu skýrt til túrhestafábjána, mega þeir drepast fyrir mér. 

 Hálfviti er alltaf hálfviti, hvort heldur í Reynisfjöru eða annarsstaðar. Hálfvitinn drepur sig með einum eða öðrum hætti, hvar sem er, ef hann skilur ekki skiltin. Gulur grænn eða fjólublár, hálfviti er alltaf hálfviti. 

 Ekki nokkur einasta ástæða til að hérlendir  björgunarsveitarmenn eða konur setji sig í hættu við að bjarga hálfvitum. 

 Leyfum þessum bjálfum að drukkna í eigin fíflaskap. 

 “There is plenty where they came from”

  Góðar stundir, með kveðju að sunnan.

„Hann náði að bjarga sér“

Umhverfis og skipulagsleysissvið Reykjavíkurborgar.

 Enn á ný varpar núverandi borgarstjóri ábyrgð af höndum sér til hinna ýmsu sviða borgarinnar. Fiflagangur og skipulagsleysi, auk skorts á samráði við rekstraraðila í miðborg Reykjavíkur undanfarin kjörtímabil, hafa slátrað allnokkrum fyrirtækjum sem lagt hafa upp laupana, auk þess sem sum þeirra hafa flúið miðborgina til að halda velli. Miðborgin er dauð í boði núverandi meirihluta. 

 Eitt ömurlegasta dæmið og það auðvirðilegasta um fíflaganginn, er sennilega það þegar Hverfisgatan var grafin í tætlur, til að skipta um og endurnýja lagnir. Það gleymdist hinsvegar að panta nýju lagnirnar áður en framkvæmdir hófust og því lak skólp og skítur um skurði götunnar vikum saman, meðan lagnirnar voru á leiðinni.

 “Ég á von á því að hinir eða þessir muni taka á þessum málum” er orðið staðlað svar borgarstjórans. Ábyrgðarlaus með öllu, eins og álfur út úr hól. 

 Hann getur þó vel við unað sjálfur, með sitt eigið nærumhverfi, hvar milljónatugum hefur verið varið í að fegra og bæta hans næsta nágrenni, á kostnað samborgara sinna. 

 Í útópískri draumóraveröld sinni hefur borgarstjórnarmeirihlutanum í Reykjavík ekki einungis tekist að gera miðbæinn að steingeldu og forljótu steinsteypu og glerbjargi, heldur er honum hægt og bítandi að takast að drepa niður allan rekstur, með fáheyrðum fíflagangi sínum. 

 Góðar stundir, með kveðju að sunnan.

Í samræmi við skilaboð umhverfissviðs

´´ Viðskiptavit´´meirihlutans.

 ´´Tja´´, okkur þótti öruggara að geyma fjárfestingu upp á svona skítlega upphæð, sem við í meirihlutanum teljum tíu til fimmtán milljónir vera af almannafé, í bílageymslum almennra borgara. Neðanjarðar ef einhvern tíma í framtíðinni gætu fundist not fyrir þá. Gamlir bílar gætu jú átt það til að rjúka upp í verðgildi....... ´´ Ó já, eins og að það gerist....

 Helvíti gott annars að einhver benti okkur á þessar sjálfrennireiðar, því það hafði allur embættismannapakkinn og ´´burgermeisterinn´´ gleymt því að þær væru til. Þessi  óþolandi hnýsni borgarans leiddi til þess að borgarsjóður taldi sig hafa endurheimt glatað fé, sem duglausir embættismenn nostalgíumeirihlutans höfðu sólundað í vitleysu. Óþekktur embættismaður fenginn til að moppa yfir klúðrið, með rakalausri þvælu, í beinni.

 Í stað þess að gangast við mistökum, vellur þvælan, sem hor úr nös á vanræktu krakkagreyi, á köldum vetrardegi og ekkert ´´tissjú´´ í kotinu til að þerra burt slímið.

 Hefur einhver heyrt aðra eins andskotans dellu vella af vörum kerfisrotta, sem fyrir utan að viðhalda og bæta í ófögnuðinn undir eigið einskisvert starf, sjá um að fjármunum samborgara sinna sé á ´´hjálmarsdegi´´ hverjum skipulega sóað út um afturendann, í algera andskotans vitleysu?!

 Hvers vegna heyrist ekkert frá íbúum Reykjavíkur? Ekki það komi mér aumlegum þverhausnum og hálf eða algerum afglapanum við, enda ekki íbúi Reykjavíkur.

 Ætla íbúar Reykjavíkur barasta að þegja? Ef svo er, er þeim lítil vorkunn, en trauðla trúi ég því að meirihluti íbúa höfuðstaðarins sé svo skini skroppinn, að hann taki það að sér að geyma sóun og bruðl sveimhuganna í borgarstjórn, í bílakjallörum sínum, án þess að segja eitt einasta orð?!

 Er nema von að höfuðstaðurinn tapi 250 - 400 hundruð þúsund krónum á hverri klukkustund, allan ársins hring, ár eftir ár, eftir ár, eftir ár, eftir ár............

 Góðar stundir, með kveðju að sunnan.

Þótti rétt að geyma nýjustu bílana