Er biðtími náttúrulögmál?

 Furðuleg eru rök forstjóra spítalans. Manneskja sem þarf í augnsteinaskipti og ætlar sér í röðina í opinbera kerfinu í dag, er sennilega númer tvö þúsund og eitthvað á biðlistanum. Hægt er að kaupa sig framhjá biðröðinni í dag, fyrir þá sem geta, á einkareknum stofum, en það er engin óskastaða. Framfarir sem forstjórinn segir felast í því að biðin eftir mjaðmaliðsskiptum hafi styst úr sextán í átta mánuði er skandall, út af fyrir sig. Greinilegt að þar mælir heill maður, með mikla reynslu í Exel, en litla þekkingu á raunum fólks í biðröð, sárþjakað og kvalið upp á hvern dag, bíðandi í röð eftir líkn sinna meina. Hver dagur skiptir máli, þegar heilsa og lífsgæði eiga í hlut. Grunnur heilbrigðisþjónustunnar á Íslandi er góður að mestu, en hagræðing og sjúklingavæn niðurstaða næst aðeins með því að hið opinbera kerfi þurfi að standa á pari við einkarekið kerfi, sem vinnur samhliða því. Aðeins þannig fæst "heilbrigður samanburður" á þessum tveimur kerfum og hvati hjá báðum að gera sitt besta. Það er ekkert náttúrulögmál að biðlistar séu eilíflega svona langir, eða jafnvel nokkrir. Öll óþörf bið er slæm. Svo einfalt er það. Að hreykja sér af því að sárkvalið fólk þurfi núna "aðeins" að bíða í átta mánuði, ber ekki vott um mikinn metnað.

 Góðar stundir, með kveðju að sunnan.

„Skammsýni“ að semja við Klíníkina

Ömurlegar almenningssamgöngur.

 Síðasti vagn úr Mosó fer klukkan 2320 áleiðis til Reykjavíkur. Þeir sem taka hann rétt ná tengingu áfram, innar í borgina. Bæði byrjar þjónusta StræDó allt of seint á morgnana og einnig lýkur henni of snemma á kvöldin. Næturþjónusta er engin og hefur aldrei verið. Hvers vegna er verið að aka um á fjörtíu farþega vögnum, eða jafnvel stærri, þegar tölfræðin segir að tíu til tuttugu farþega vagnar dugi? Hvar er umhverfisástin? Er aðeins til ein stærð af strætisvögnum? Þjónustustig StræDó á höfuðborgarsvæðinu er hreint og klárt grín og hefur verið í of langan tíma. Hvort StræDó fer upp og niður Hverfisgötu, eða fram og aftur eftir Skúlagötu, bætir akkúrat engu við þjónustu við þá sem búa utan við hundrað og einn. Meðan skipulag almenningssamgangna í Reykjavík og nærliggjandi byggða er í höndum hundraðogeinsliðsins lagast þær ekkert, eins og kýrskírt er orðið. Borgarlína ......þið hljótið að vera að grínast! "Látum helvítin taka StræDó eða hjóla í vinnuna" er ekki að virka, meðan StræDó er með allt upp á bak, svo mikið er víst.

 Góðar stundir, með kveðju að sunnan.

Skoða kostnað við kvöld- og næturstrætó

Refsivert að gefa út rangar fullyrðingar?

 Hreint ágætur bloggari, Sigurður nokkur Sigurðsson, vakti athygli á því fyrir skemmstu, að einn af máttarstólpum Pírata, hefði gefið það út í fúlustu alvöru, að hann hygðist kæra úrskurð Kjararáðs, varðandi launahækkanir. Enn bólar ekkert á kærunni og pírataskömmin sennilega fengið útborgað nú þegar a.m.k. einu sinni, ef ekki oftar, samkvæmt úrskurði Kjararáðs. Er ekki rétt að setja einhverskonar lög um tilhæfulausar og illa ígrundaðar yfirlýsingar stjórnmálamanna, um leið og þingmönnum og ráðherrum verði gert það refsivert að ljúga að þingi og þjóð?

 Góðar stundir, með kveðju að sunnan.

Refsivert að gefa rangar upplýsingar

Góð hugmynd, en.........

 Þetta er góð hugmynd og gefur yfirvöldum aukinn rétt, utan tólf mílnanna. Hinsvegar eru ummælin um að þetta veiti okkur aukinn rétt, án aukinnar ábyrgðar ansi mikið vanhugsuð. Í afgreiðslu þessa máls mega menn ekki taka aðeins réttinn sér til handa, heldur verður þeim rétti að fylgja alger ábyrgð á viðkomandi svæði. Annað lítur illa út og er í raun klaufalegt að setja fram, á frumstigi málsins. Það fær enginn allt fyrir ekkert. Með fjársvelta Lanhelgisgæslu Íslands er þetta fjarlægur draumur, en ef tekst með einhverjum hætti að laga þá stöðu, er hugmyndin býsna góð. Þetta snýst um um að byrja á réttum enda. Eitthvað sem of mörgum stjórnmálamönnum yfirsést, allt of oft.

 Góðar stundir, með kveðju að sunnan.

Ísland fái aukið vald utan landhelginnar

Gáfulegt, eða hitt þó heldur.

 Kostnaður við múrinn verður innheimtur með 20% tolli á allar innfluttar vörur frá Mexico. Þetta mun væntanlega hækka útsöluverð til bandarískra neytenda og fyrirtækja, sem kaupa íhluti, sem og fullunna vöru frá Mexico, um hátt í 20%. Það verður með öðrum orðum bandarískur almenningur og fyrirtæki sem greiða fyrir múrinn! Er hægt að vera öllu vitlausari?

 Góðar stundir, með kveðju að sunnan.

Múrinn greiddur með vöruskatti

Auðlindagjald af útsýni?

 Ef Tuðarinn mætti leggja orð í belg, til framdráttar hérlendri túrhestauppvöðslu, væri mitt fyrsta ráð til þessarar gullfallegu konu að leggja auðlindagjald, með fullum virðisaukaskatti á útsýnisferðir. Útsýni er nefnilega sameiginleg auðlind. Fólk kemur til Íslnds til að sjá  landið! Útsýni ber því að auðlindaskattsvæða. Til afsláttar mætti hinsvegar færa óþægilegar útsýnisferðir, sökum hörmulegs vegakerfis og skorts á kömrum og göngustígum. Allt í allt, sökum arfaslakra innviða, má hugsnleg gefa afslátt.  Auðlindaskatt á allar útsýnisferðir, með 20% virðisaukaskatti, vegna ónýtu veganna og engin rúta fengi að yfirgefa höfuðborgarsvæðið, án talningar farþega. Til þess yrðu skipaðar að minnsta kosti þrjátíu og fjórar nefndir, auk aðstoðarliðs og farþegateljara. Kostnaður móti innkomu, er nokkuð ljós, en mun að endingu skipta engu máli. Það mun ekki sjást ein einasta rúta meir, ofan Ártúnsbrekku, frekar en laxeldiskvíar á Vestfjörðum, eða fólk sem þar einu sinni bjó. Kvótakerfið hið seinna, verður í boði bjartrar framtíðar.

 Góðar stundir, með kveðju að sunnan.

Framsýni, forvarnir og friðun

Konur eru konum verstar.

 Þarf að segja eitthvað meira um það? Kvenréttindakonur og menn sjást afar sjaldan gagnrýna steypurugl frá "tískudrottningum" eða tónlistarkonum, sem nánast bjóða almenningi í útsýnisferð í klofið á sér, gegn greiðslu, við hvert tækifæri sem býðst. Madonna, Lady GAGa, Myles Qruis eða hvað þær heita allar. Ef karlmaður hagaði sér svona, væri hann umsvifalaust handtekinn fyrir ósiðlegt athæfi. Ef karlmður"niðurlægir" ímynd kvenna, er hann fordæmdur. Tala nú ekki um ef hann er í framboði til forseta Bandaríkjanna. Konum virðist hinsvegar algerlega frjálst að gera lítið úr sér sjálfum, án nokkurra afleiðinga og síðan fordæma karla fyrir kvenfyrirlitningu, sem ekki líkar klobbaboðsferðin. Geirvörtur eru ekki bannaðar á almannafæri, enda engin ástæða til. Umræðan er komin út í tómt rugl og konur orðnar konum verstar. Hverjum er ekki sama um þessa blessuðu stúlku, eða hvað hún kýs að sýna af líkama sínum? Varla meira en 40 kíló og því lítið að sýna annað en bein og skinn. Kjóllinn sennilega ekki dýr. Allavegana ekki mikið efni. Er þetta frétt?  Er þetta fréttamiðill, eða glamúrsykraður glassúrþvæluvefur, um ekki neitt?

 Góðar stundir, með kveðju að sunnan.

Skildi ekkert eftir fyrir ímyndunaraflið

Snöggt/skjótt skipast veður í lofti.

 Ekki man Tuðarinn eftir að hafa heyrt Sigmund upplýsa fyrirfram um nákvæmar útfærslur á því sem ríkisstjórnin hugðist gera, annað en almenns eðlis, í stjórnartíð hans. Lái honum hver sem vill. Þegar Sigmundur stígur í pontu og lýgur fyrir framan alþjóð, ekki í viðtalinu fræga, heldur í Eldhúsdagsumræðum á Alþingi, brennir hann síðasta brúarstólpann undan sér. Fjárlög eru afgreidd einu sinni á ári. Það er rétt hjá honum. Fjármálastefna til lengri tíma en eins árs í senn, hefur aldrei verið rædd á Alþingi fyrr. Þetta veit Sigmundur, en brennir sjálfan sig a ógætilegu orðavali. Þarna fer ekki heill maður. Þarna fer maður í hefndarhug. Slíkur maður ætti að taka sér hlé frá þingstörfum og skoða sinn innri rann. Þó illa hafi verið að honum veist, með forkastanlegri fyrirsát, verður hann að hemja sjálfan sig, ef hann vill endurvekja traust á sér. Það tókst honum svo sannarlega illa í kvöld og nánast pínlegt að sitja undir ræðu hans. Framsóknarflokkurinn er greinilega ríkur af bakstunguhnífasettum. Gildir þar einu, hvort um er rætt borgar eða landspólitík.

 Góðar stundir, með kveðju að sunnan.

„Ekkert nýtt, engin stefna, engin sýn“

Hjólastígur á Geirsgötu og Kaplaskjólsvegi?

 Annaðhvort þarf borgarráð í lyfjapróf, eða blaðamaður mbl.is að taka pokann sinn vegna vankunnáttu sinnar og aulaháttar í vinnslu þessarar fréttar. Hvort heldur sem verður, að sjálfsögðu aldrei, er grátlegt að lesa svona dómadags, árans dellu. 

(Í fréttinni stendur, í upptalningu framkvæmdanna, að hjólastígar verði meðfram Geirsgötu og Kaplaskjólsvegi. Hjá hverjum dellan liggur, Borgarráði eða blaðamanni, kemur aldrei í ljós)

 Að maður skuli nenna að tuða yfir þessu.

 Kveðja að sunnan.

Gatnamótin opna aftur í september

Sorglegt.

 Varla annað um þetta að segja, en fyrirsögnin segir.

 Kveðja að sunnan.

Mikill fjöldi vildi fylgjast með