Lýðræðisaukning?

 Er það lýðræðisaukning að einungis þurfi þrjá fimmtu þingmanna og 25% þjóðarinnar, til að samþykkja Stjórnarskrárbreytingu? Allt á einu þingi?

 Góðar stundir, með kveðju að sunnan.

„Hótaði að taka þingið í gíslingu“

Örfáar raddir fólksins vilja nýja stjórnarskrá strax!

 Það ber að virða skoðanir allra. Þeir sem hæst tala um nýja stjórnarskrá, ættu af og til að útlista frekar, fyrir okkur hinum sem enga rödd virðumst hafa, hvað er svona slæmt við núverandi stjórnarskrá, að það þurfi hreinlega að henda henni allri. Nýja Stjórnarskrá, Nýja stjórnarskrá og það strax! 

 Eflaust er eitt og annað í Stjórnarskrá Lýðveldisins Íslands, sem má laga, en er það ekki eitthvað sem stjórnvöld á hverjum tíma ættu að skoða og meta, eftir þvi sem aðstæður krefjast?

 Hvað er það nákvæmlega, sem er svo aðkallandi á þessum tímapunkti, að umbylta þurfi, eða jafnvel láta hverfa, núverandi Stjórnarskrá Lýðveldisins Íslands?

 Væri fróðlegt að heyra frá "Röddum Fólksins" hvað það er nákvæmlega.

 Góðar stundir, með kveðju að sunnan.

„Raddir fólksins“ á Austurvelli

Tillaga að skilti, við Gullfoss.

 Á Íslensku.: "Ef þú fellur í fossinn, leitar enginn að þér. Það gefur auga leið"

 Á ensku.: "If you fall into the waterfall......fuck you! You went to close and no one gives a shit"

  Góðar stundir, með kveðju að sunnan.

Áhættusöm myndataka við Gullfoss

Hvar hefur Már verið?

 Hvernig Seðlabanki Íslands getur látið það fram hjá sér fara, að hann tapi fimm milljörðum, sökum óupplýstra upplýsinga um eigur sínar, er algerlega óskiljanlegt. Þetta er ekki í fyrsta sinn, sem þetta gerist og alveg örugglega ekki það síðasta, meðan Már Guðmundsson er Seðlabankastjóri. 

 Er ekki kominn tími á karlinn að taka pokann sinn, eða þarf tuttugu og fimm þúsund milljónir í viðbót, áður en nokkur vaknar og "fattar" hversu óhæfur hann er ?

 Allt sem "gránu og þistilfjarðarkúvendingsstjórnin" kom á og enn lifir, er og verður ávallt eitur, fyri Íslenskt samfélag.

 Undarlegur fjandi, hve langan tíma tekur að sjá þetta, eða hvað? Perraumræða og æruupreisn getur lengi gengið í umræðunni, til að fela svona afglöp, eða jafnvel fella ríkisstjórn, en einn góðan  veðurdag verður hulunni svipt af blekkingunni.  

 Þá mega kommarnir nú aldeilis fara að vara sig.

 Góðar stundir, með kveðju að sunnan.

Vissi ekki hver keypti

Dagur að kveldi komin?

 Sú ákvörðun borgarinnar, að aðeins tvær sundlaugar skuli lengja opnunartíma sinn, sýnir hvurslags bjálfar ráða Reykjavíkurborg. Hver er munurinn á Grafarvogsbúa og Breiðhyltingi, Vesturbæingi eða öðrum borgarbúum? 

 Það eru greinilega engin takmörk, fyrir heimsku borgarstjórnarmeirihlutans. Hvenær ætli dagur renni að kveldi, hjá þessu óútreiknanlegu liði?

 Góðar stundir, með kveðju að sunnan.

Íbúum verði ekki mismunað eftir hverfum

Dapur pólitíkus án afreka..

 Brjáluð dómgreind Össurar stefndi að því einu, á lokametrum póltísks ferils hans, að aflýðræðisvæða Ísland og henda stjórnun landsins til Brussel, með von um feita skattfrjálsa tékka og þægilegheit. Dæmigerður kratahugsunarháttur hans, kom honum aldrei neitt áleiðis, þrátt fyrir digurbarkalegar yfirlýsingar. Ef VG og Sjálfstæðisflokurinn koma sér saman um stjórnarsamstarf, er ekkert við það að athuga. Svona eiturpílur fúllyndra fallkandídata, úr pólitískri misheppnaðri fortíð, ætti fólk í lengstu lög að láta sér sem vind um eyru þjóta. 

 Niðurrifsraddir, álíkar Össurar, munu glymja á þjóðinni fram að kosningum. Látum ekki glepjast af misheppnuðum, fyrrum stjórnmálamönnum, þó þeir gaspri á viðbjóðsmiðlinum Facebook, bloggi eða öðrum miðlum, hvort heldur er undir nafninu Skeggi einhversson, eða Össur Skarphéðinsson.

 Þingvallaurriðinn bíður, Össur. Þar er þinn heimavöllur og skínandi góð frammistaða þín þar, mun örugglega fleyta þér yfir á ellistyrkinn. Ráðherraeftirlífeyrir og annað sem fylgir þeim forréttindum að komast á þing, mun verða reglulega greitt út, mánaðarlega, úr sjóðum alþýðunnar, án nokkurs tillits til árangurs þíns í starfi. Verði þér að góðu, ásamt allraflokkakvikyndum, sem samþykktu viðbjóðinn og viðhalda honum, meðan alþýðan er skert um krónu á móti krónu.

 Láttu fortíðina og eigin afglöp ekki trufla framtíðina. Þú fékkst þitt tækifæri. Nú eru aðrir á sviðinu. "Get lost"

 Góðar stundir, með kveðju að sunnan.

Segir dómgreind Katrínar hafa brjálast

Uppreisn æru.

 Það er sanngjarnt að menn og konur, sem misstigið hafa sig á lífsins leið, tekið út dóma sína og horfið af braut villu sinnar, fái uppreisn æru. Það þarf þó að setja einhver mörk um þetta og skilgreina brot, eftir alvarleika þeirra. Kynferðisafbrotafólk á enga samúð eða uppreisn æru skilda. Ekki frekar en morðingjar. Á Íslandi hefur morðingja verið veitt uppreisn æru! Morðingja! Smákrimmar og fólk sem braut af sér í eitt eða tvö skipti, án þess að skaða neinn, nema þá helst sjálfan sig, eiga að geta endurvakið mannorð sitt, hagi þau sér óaðfinnanlega, að afplánun lokinni. 

 Næstkomandi mánudag verður gerður opinber listi yfir alla sem hlotið hafa uppreisn æru, heil tuttugu ár aftur í tímann! Meðmælendur þeirra einnig og umsögn þeirra. Hvurs konar andskotans nornaveiðar og mannorðsbresti er verið að boða hér? Þetta nálgast það að geta kallast fasismi andskotans, sem keyrður er áfram af ömurlegum fjölmiðlum, sem dansa eins og fávitar í takt við undirspil fávísra og oft á tíðum andþjóðfélagssinnaðra pólitískra fífla, á Alþingi. Tækifærissinna og anarkista.

 Amlóða sem eru svo gersamlega úr takt við allt annað en rassgatið á sjálfum sér, að þau telja stjórnarskrárbreytingu nauðsynlega til breyta reglum um uppreisn æru, þegar einföld lagabreyting nægir! Breyting sem þessir sömu siðferðispostular og æsingamenn og konur hafa haft yfirgengilega nægan tíma til að leggja fram, en.....ekkert. Ekki heyrst múkk frá þeim, fyrr en núna!  Eru þessir bjálfar á ólöglegum lyfjum, eða eru þetta samantekin ráð, til þess eins fallin að skapa sem mestan glundroða og óöryggi meðal borgaranna? Skipulagt og djöfullega úthugsað plott stjórnleysingja og tækifærissinna? Spyr sá sem ekki veit. 

 Hefur einhver leitt hugann að því hvað opinberun allra nafna, sem hlotið hafa uppreisn æru, undanfarin tuttugu ár, getur haft í för með sér? Ekki aðeins fyrir þá sem æruna endurheimtu, heldur einnig í þeim tilfellum þar sem fórnarlömb eiga í hlut? Höfum í huga að í mörgum tilfellum var aðeins um geranda að ræða, en ekkert fórnarlamb, annað en lagabókstafinn sjálfan!

 Múgsefjun hefur heltekið samfélagið og öll umræða ber það með sér að ill öfl og andþjóðfélagsleg, hafi yfirtekið hana. Skynsemin virðist hafa verið rekin út í hafsauga og dómstóll götunnar látinn taka við. Það eru ekki spennandi tímar framundan, eins og sumir hafa haft á orði. Það eru vandrataðir tímar framundan. Nánast einstigi. Á því einstigi má enginn misstíga sig, eða láta glepjast af afvegaleiddri umræðu og umfjöllun. Nú þurfa Íslendingar aðeins að taka sig saman í andlitinu og hugsa sjálfstætt, hver fyrir sig, án truflunar frá niðurrifsöflum og populistabjálfum. Mannorð rúmlega þrjátíu einstaklinga liggja undir, sem veð fyrir vandaðri umræðu. Það skilur upplausnar og populistaskríllinn ekki, að því er virðist. Íslendingar eiga ekki að þurfa að vera flóttamenn í eigin landi!

 Ísland er gott land, þrátt fyrir allt. Látum ekki telja okkur trú um annað. Hér má margt laga, en það má líka í Sómalíu.

 Góðar stundir, með kveðju að sunnan.

  

Þrjú þúsund krónur, fyrir á.

 Bændur fá greiddar þrjú þúsund krónur fyrir eina gamla kind. Gömul og úr sér gengin ær hefur alið af sér ótal lömb, sem betur hefur verið borgað fyrir. Skilað sínu, en að endingu gengur ærin úr sér og er seld á slikk frá bónda. Keypt fyrir slikk af sláturleyfishafa, sem selur aðeins örlítinn hluta af henni á tíföldu verði, sem bóndinn fékk, fyrir gömlu rolluna alla!

 Það er magnaður andskoti, að fylgjast með niðurlægingarherferð þeirri, sem nú á sér stað, gegn Íslenskum bændum. Afurðastöðvar og sláturleyfishafar, sem ávallt skila hagnaði, sé þeim rétt stjórnað, þrengja nú um stundir harðast að Íslenskum bændum. Fyrirtæki sem mergsjúga bændur og bera fyrir sig kostnaði af markaðssetningu og auglýsingarkostnaði, sem helstu orsakavöldum lágs verðs til bænda. Að ekki sé nú talað um ónýtu andskotans Íslensku krónuna, sem sveiflast hefur minna en sú norska, undanfarin ár. Minni neysla, minna verð. Léleg og oft á tíðum fáránleg markaðssetning, með sömu mönnunum gengur ekki. Það vilja ekki allir kaupa heilan hrygg, eða læri, því það hentar einfaldlega ekki öllum! Árið er 2017, en markaðssetningin er aðeins Baldvin og 1990.

 Þegar Mörlandinn ferðast til útlanda vill hann kynnast þarlendri menningu. Matarmenning innifalin. Á Íslndi er túrhestum mokað í gin auðvirðilegs ruslfæðis og nánast engin áherzla lögð á innlendan mat, eða matarmenningu. Skíthopparar og svínakjöt eiga nákvæmlega EKKERT sameiginlegt með Íslenskri matarhefð. Tvær andstyggilegustu plágur undanfarinna ára eiga rætur sínar að rekja til hvíts kjöts. (Fyrir utan Ebólu) Svínaflensa og fuglaflensa gerðu lyfjafyrirtæki nánast að stjarnfræðilega ríkum dónum. Enn hefur enginn faraldur mannlegrar sýkingar verið rakinn til sauðkindarinnar. Hinnar Íslensku allra síst.

 Fæðuöryggi er mönnum tíðrætt um. Á Íslandi er eitthvert mesta fæðuöryggi veraldar. Íslenska sauðkindin og flest sem hún gefur okkur, tryggir býsna gott öryggi, fyrir okkur flest. Grænmetisætur undanskildar. Fiskurinn minnkar ekki öryggið heldur. Við erum vel sett, stórt séð. 

 Ömurleg markaðssetning sláturleyfishafa og úrelt hugsun þeirra, er mesta og versta mein Íslensks landbúnaðar. Kominn tími til að kippa þessum amlóðum út úr forréttindum sínum og áskrift að launum hagnaði og fá það öðrum. Baldvin og co eru "history" og tími kominn á nýja hugsun!

 

 Góðar stundir, með kveðju að sunnan.

 

Ódýrasta og umhverfisvænasta rafmagn í heimi?

 Á Íslandi er rafmagn hvorki umhverfisvænt framleitt, né ódýrt, að stærstum hluta. Sé svo einhversstaðar, er "umframkolefnislosunarkvótinn" framseldur, á góðu verði, eins og óveiddur fiskur í sjónum, til umhverfissóða, annars staðar í heiminum. Hvert gróðinn af "sjálfbærninni" rennur, virðast hins vegar fáir vita, eða vilja tjá sig um. Samkvæmt öllum opinberum alþjóðlegum skýrslum framleiða Íslendingar meira að segja rafmagn með kjarnorku, þó ekkert finnist kjarnorkuverið hér á landi. Gott ef ekki kolum einnig! Hvert rennur mengunarkvótagróðinn?

 Öll umræða er komin út í skurð, en á einhvern óskiljanlegan hátt, er ávallt hægt að selja misvitrum og oft á tíðum fávísum og jafnvel greindarskertum stjórnmála og embættismönnum þvæluna. Nægir þar að nefna fjörtíuþúsundfíflaráðstefnuna í París.

 Til að tengja eitt stykki tvöhundruðþúsundtonna skemmtiferðaskip við landrafmagn þarf háspennulínu á kajann! Þegar þrjú liggja þar, sama daginn, þarf næstumþví Búrfellslínu! Flestöll skemmtiferðaskip, sem til landsins koma, stoppa hér innan við sólarhring. Það tekur þvi ekki einu sinni að ræða þetta, svo fáránleg er þessi umræða.

 Mikið djöfull er orðið þreytandi og á stundum svekkjandi að lesa svona andskotans þvælu. 

 Að öðru, úr því téður Gísli Hafnarstjóri hefur orðið.:

 Gísli hafnarstjóri og Spalarkarl.: Taktu þér helgarferð til Noregs eða Færeyja og sjáðu hve ljúft sjálfrennireiðar þessara landa renna gegnum hver göngin af öðrum, án þess að svo mikið sem slá af, nema rétt á meðan tölvukerfið les bílnúmerið. Hvalfjarðargöngin eru reginhneyksli, þá komið er upp úr þeim, eða ekið niður í þau að norðanverðu. Ef Spölur ætlar að halda áfram að selja tíu miða kort, þar sem hver miði er afhentur í lúgu, fargjaldið greitt með seðlum, kortum eða áskrift, er tilgangur Spalar einungis einn.: Teppum þetta helvítis rör undir fjörðinn nógu helvíti lengi og mikið, á álagstímum, með löngu úreltum innheimtuaðgerðum og þá leyfa þeir okkur að bora önnur, sem tvö eða þrefalda gróðann! Sér virkilega enginn í gegnum helvítis þvæluna? Hvalfjarðargöngin eru ekki sprungin, fyrir fimm aur. Þau geta hæglega annað tvöföldu því sem þau anna í dag, ef þau væru rekin eins og hjá mönnum!

 Andskotans della, sem þetta er allt að verða. Þeir síðustu til að sjá það eru að sjálfsögðu kampavínssötrararnir af Parísarfylleríinu og ömurleg frétta og blaðamannastétt, sem getur ekki einu sinni lengur sagt fréttir, heldu framleiðir þær frekar, eða snarar af Google Translate, því það er svo þægilegt og hentar eigendum "fjölmiðlanna" svo vel.

 Al Gore fitnar hinsvegar hraðar en nýgotinn grís, enda einn af stærstu hluthöfum í einu arðvænlegasta "mengunarkvótasölufyrirtæki" í heiminum. Fyllti Háskólabíó af þúsund fíflum og síðan fjörtíu þúsundum til viðbótar í París.

 Góðar stundir, með kveðju að sunnan.

 

Stærstu skipin nota rafmagn á við bæjarfélag

Þegar þú ert kýldur í klessu.......

 Gunnar mætti ofjarli sínum, punktur, komma, skelfilegt srik. Gunnar afgreiddur á innan við tveimur mínútum.. það er niðurstaða kvöldsins. Punktur.

 

 Góðar stundir meö kveðju að sunnan.

Potaði í augað á Gunnari Nelson - mynd