Kjóstu og þú kemst í partý!

 Skínandi gott framtak og vonandi til þess fallið, að fleiri yngri kjósendur noti atkvæðisrétt sinn. Átti sig á því að verið er að kjósa um framtíð þeirra, meðal annars. Ungt fólk getur nefnilega haft heilmikið að segja, um framtíð sína, ef það mætir á kjörstað.  

 Tuðarinn er hinsvegar hugsi yfir því, að ekki sé lengur hægt að koma kjósendum á kjörstað, nema með boði í partý. 

 Partýið er kosningin sjálf og ef fólk nennir ekki að mæta, nema fyrir gylliboð um veislu, fría drykki og "sjálfur", er illt í efni.

 Góðar stundir, með kveðju að sunnan.

Kjóstu til að komast í kosningapartý ársins

Uppskrift að Stjórnarskrárbreytingaferli?

 Eftir lestur þessarar fréttar, er ekki laust við að maður sé hálf orðlaus. Viðreisn vill ganga í esb. Viðreisn vill henda Krónunni og láta bjúrókrata og blýantsnagara í Brussel sjá um að stjórna Íslandi. Til þess þarf Stjórnarakrárbreytingu. 

 Hvernig Viðreisn tekur á sínum innri málum, í aðdraganda kosninga, ætti að upplýsa allan almenning um gagns og getuleysi þessa stjórnmálaafls. Stjórnarskráin fengi sennilega sömu útreið og þeirra eigið regluverk. Virðingar og svíðingshátturinn alger, þá er haga skal málum þannig, að henti tilteknum einstaklingum.

 Væri ekki vel til fundið, á þessari stundu, að Viðreisn og Samfylkingin sameinuðust í einn allsherjar fíaskóflokk? Þar gætu sameinast í eitt, ömurlegustu niðurrifsöfl landsins, gegn sjálfstæði Íslands og alþýðu landsins. Hinn fullkomni sjálfstæðisafsalsflokkur, tækifærissinna og fjölflokka fýlupúka.

 Góðar stundir, með kveðju að sunnan.

Breyttu samþykktum fyrir nýjan formann

Til hamingju Ísland!

 Sá sem séð hefur til þess, að seldar hafa verið flestar eignir almenns verkafólks, á kjörlendum hrægammanna, er enn í framboði. "Vinur" Íslenskrar  alþýðu, sem hafnaði meðlöndum sínum og bæði hafnaði og meðtók esb á korteri. Allt fyrir stól. Reyndar heilt sófasett. Gaf eignasöfn föllnu bankanna til hræætanna, er efstur á lista í norðaustur. Vei Íslenskri alþýðu, sem kýs þennan forpokaða þræl auðvaldsins yfir sig og telur hann málsvara sinn.

Leyndarhyggjudraug, sem lokar öll sín óhæfuverk undir hundrað ára leynd. Hvað hann hefur að fela, veit enginn, fyrr en eftir hundrað ár. Greinilega sama um hvort Íslandssagan setur hann með Hansakaupmennum eða öðrum óþjóðalýð, enda allir löngu dauðir þegar leyndarmálið verður upplýst. Brýnir fyrir sig fagurri konu í framsætinu, sem fáu svarar, öðruvísi en með brosi, bulli og andskotans þvælu, með dassi af populismarugli líðandi stundar og .......tja, ég veit ekki hvað. Sjötíu milljarða aukatekjum utan úr geimnum? Þvílík mannvitsbrekka.

 Allaherjarráðherrann fyrrum, mættur aftur, með þjóðfélagsniðurrifsöflin í bakpokanum, sem hann mun þó ekki taka upp úr, fyrr en eftir kosningar. Ömurlegasti stjórnmálamaður Íslandssögunnar (ásamt gránu) brosir, þá er hann gengur gegn hagsmunum þjóðarinnar á sínum tæplega fjörtíu ára ferli, á Alþingi. 

 Hverju hafa  Þistilfjarðarkúvendingurinn og hans meðreiðarsveinaar og prímadonnur áorkað, fyrir Íslenskt efnahagslíf, Íslenska alþýðu, frá því hann tók sæti á Alþingi, fyrir hartnær fjörtíu árum síðan? Jú, þúsundir heimila í rúst, olíuvinnsluleyfi norðaustur úr landinu, loftárásum á Lýbíu, og hriplekum göngum gegnum Vaðlaheiði, auk stóriðju á Bakka.

 Þistilfjarðarkúvendingurinn hefur enn á ný, læðst úr læðingi, eins og refurinn á Ströndum. Kemur sjaldnast fram sjálfur, en notar fögur fljóð og bull sem hentar, sér til framgangs. Af og til, þegar hentar, næst í hann, en ekki nú um stundir. Flagðið verður helst að leynast, því annars er hætt við að skríllinn sjái gegnum innrætið.

 Þúsundir fjölskyldna misstu heimili sín og lífsviðurværi, eftir Hrun. Hrunið var orsök ístöðulausra stjórnmálamanna og lélegs eftirlitskerfis. Hrunið varð á vakt Sjálfstæðisflokksins og Samfylkingarinnar. Hugsandi menn, innan Sjálfstæðisflokksins forðuðu okkur frá algeru hruni, þegar staðan var ljós, en voru dæmdir fyrir, fyrir tilstilli enn ömurlegri stjórnmállamenna, sem sátu hjá og aðhöfðust fátt ef nokkuð, meðan á Hrunadansinum stóð.

 Það sem draga má saman af  þessu öllu, hefur ekki enn verið dregið saman, eða gert upp við. Annað hefur verið læst inni, næstu hundrað árin. Geir Haarde og hans fólk minnkaði skaðann með neyðarlögum og skynsamlegum aðgerðum, eftir að ljóst var hvernig komið var.

 Færustu efnahagssérfræðingar landsins, auk erlendra, höfðu teiknað línuna, hvernig best væri að sjá um framhaldið, úr því sem komið var. Frysta vísitöluna og fleira.

 Kosið og "snillingnum" úr Þistilfirðinum fengin öll völd, til að tortýma Íslenskri alþýðu á altari hrægammanna. Nánast allt gert gegn vitrari manna ráðum. Nú átti sósíalisminn heldur betur að sýna hvað í honum bjó!

 Í stuttu máli snérist "Skjaldborg heimilanna" upp í það að rústa heimilunum og afhenda eignasöfn föllnu bankanna til hrægammanna. Fengu söfnin á hrakvirði, sem þeir síðan innheimtu á hundrað prósent, með "gríðarlega "góðum"árangri.

 Megi þeim sem að því stóðu, með sína feitu bónusa, svelgjast einn daginn á upphefð sinni og vonandi kafna. Verði þeim að drullu og skít og helst ævarandi iðrakveisu og steinsmugu.

 Til hamingju Steingrímur Jóhann Sigfússon, með að vera enn á ný svo gersamlega veruleikafyrrtur, að taka sæti sem eggvopn fjármagnseiganda í Norðurlandskjördæmi Eystra.

 Nú má alþýða Íslands heldur betur vara sig!

 Góðar stundir, með kveðju að sunnan.

 

Steingrímur skipar efsta sætið

Hvar er Þistilfjarðarkúvendingurinn?

 VG er sennilega sá flokkur Íslenskur, sem á met í því að framselja atkvæði kjósenda sinna á lægsta "prís" sem sést hefur á pólitískum uppboðsmarkaði stjórnmálanna. Stofnandi flokksins, sem nánast barði í borðið, degi fyrir kosningar, þegar hann lagði áherslu á það, að Ísland væri ekki á leið í esb, undir hans stjórn, snérist hraðar en túrbína í bíl eða orkuveri, þegar hann kúventist og samþykkti að ganga í esb.

 Ástæðan.: Jú ráðherrastóll. Ráðherrastóll, þar sem honum tókst með óskiljanlegri heimsku og vanþekkingu, að koma málum þannig fyrir, að í stað þess að gæta hagsmuna almennings, tók hann sér forystusæti í hagsmunagæslu hrægamma og peningaafla. Hrægamma sem fengu eignasöfn föllnu bankanna á hrakvirði, með skotleyfi á almenning um að rukka kröfurnar á 100%. Þúsundir hérlendra fjölskyldna voru bornar út á Guð og gaddinn, undir stjórn allsherjarráðherrans úr Þistilfirðinum. Þess hins sama og heyrist ekki bofs frá, þessa dagana, því hann hefur fjarstýringuna á málflutningi flokksins síns og lætur aðra bera út fagnaðarerindið. Hefur tryggt það, að öll hans afglöp gegn Íslenskri alþýðu eru nú umlukin leyndarhjúp, í hundrað ára þöggunarskúffu, bak við luktar dyr. Ömurlegur leyndarhyggjupúki, enda löngu steingeldur í stólnum sínum. Mosavaxinn þurs, haldinn algerri blindu á neitt annað en eigið ágæti.

 Það má vel vera að Kata sé sæt, en meðan henni er fjarstýrt af Þistifjarðarkúvendingnum, virkar hún illa. Innihaldslaust blaður um aukin útgjöld, án skýringa um hvernig eigi að fjármagna þau, eru einhver ömurlegustu populistatrix í pólitík. Það er ekkert til sem heitir frí máltíð eða súpa. Einhver borgar að lokum. Skattahækkanir og auknar álögur eru hagstjórnartæki sósíalista. Ekkert annað kemst að. Nái þessi hugsun eyrum kjósenda, erum við í djúpum skít og innan fárra ára ekki lengur sjálfstæð.

 Þúsundir fjölskyldna voru tættar í spað, sökum undirlægjuháttar Þistilfjarðarkúvendingsins við peningaöflin.  Sá sami kúvendingur leynist nú sem refur í bið eftir bráð og lætur lítið á sér kræla. Segir ekki múkk, en lætur fjarstýringuna um sjónarspilið. 

 Góðar stundir, með kveðju að sunnan.

 

Stóra verkefnið alvöru stöðugleiki

Rugl.

 Það leikur sér enginn skipstjórnarmaður að því að tapa veiðarfærum. Það er nokkuð ljóst. Sum svæði á Íslandsmiðum eru erfið, en í dag eru þau sennilega flest orðin vel þekkt og því auðveldara en áður að forðast veiðarfæratap. Hver tilgangurinn ætti að vera með því að hafa veiðarfæri merkt, skil ég ekki alveg. Á að koma á fót eftirlitsstofnun, með tilheyrandi mannskap og bjúrókrati, til að sekta þá sem töpuðu veiðarfærum? Er ekki skaðinn nægur fyrir þann sem tapaði veiðarfærunum? 

 Eflaust má hvetja menn til að tilkynna veiðarfæratap á Íslandsmiðum og gefa upp staðsetningu. Að skikka alla til að merkja veiðarfærin í bak og fyrir, er algerlega galið.

 Góðar stundir, með kveðju að sunnan.

Merkja þurfi veiðarfæri betur

Stórkostlegur liðsauki !

 Hið mikla pólitíska stórmenni, rónavinur með meiru, Jón Gnarr, hefur ákveðið að helga Samfylkingunni krafta sína, í komandi kosningum. Má með sanni segja að þar hafi aldeilis hvalreki dregist að ströndum Samfylkingarinnar. Landsfrægt er orðið hve stórkostlega Jóni Gnarr tókst til, sem "burgermeister" höfuðstaðarins, þar sem stjórnviska hans og ótrúleg þekking blómstraði, borgarbúum til mikilla heilla og framfara. Meira að segja smáfuglar borgarinnar fengu afdrep í sérhönnuðum fuglahúsum, sem komið var fyrir meðfram Hofsvallagötunni, svo eilítið dæmi um stórfengleik þessa mikla stjórnviskusnillings sé getið. 

 Ekki er að efa, að þessi stórkostlega viðbót í fótgöngulið Samfylkingarinnar, muni hefja fylgi hennar til hæstu hæða. Eina spurningin er, hve lengi þessi nýja viðbót nenni að standa í þessu og leiti á önnur mið.

 Góðar stundir, með kveðju að sunnan.

Jón Gnarr genginn í Samfylkinguna

Er þetta mbl.is?

?

10 staðir sem þú þarft að stunda kynlíf á

Arfleið Þorgerðar.

 Hin eitt sinn glæsilega stjórnmálakona, hefur lagst eins lágt sem hugsast getur, í því ferli að skilja sem mesta eyðileggingu eftir sig. "If I can not make it, no one will."

 Aðgerðin "Sviðin Jörð" skal ræst, þar sem hún sér sæng sína útbreidda í pólitík. Viðreisn er dauð. Heill Landsfundur snökraði og grét með henni í fyrri afsögninni, en nú hefur hún ígildi þrefalds Landsfundar, sem hugsar henni illt eitt. Þvílíkt afrekskvenndi.

 Góðar stundir, með kveðju að sunnan.

„Ráðstöfunin lyktar af pólitísku makki“

Hvers vegna að grípa inn í atburðarrásina?

 Tuðarinn getur ekki orða bundist yfir heimsku og vitleysisgangi mannanna. Hvalur lendir í ógöngum og það eru kallaðar út björgunarsveitir og allir hugsanlegir viðbragðsaðilar, til að "bjarga" honum. Er ekki í lagi með fólk?! Menn og konur leggja sig í lífshættu við að "bjarga" dýrinu, en árangurinn er verri en enginn. Dýrið er dautt. Sennileg drepist, hvort eð er, en hvað veit einhver um það?

 Hvalurinn er þannig byggður, að það er ekki gert ráð fyrir því að hann syndi afturábak. Straumfræðileg lögun hans gerir ráð fyrir sundi áfram. Þegar hvalur er dreginn afturábak, riðlast þetta og straumfræðileg lögmál fara að virka öfugt. Dýrið dregst í kaf og kemst ekki upp til að anda. Hvalir þurfa jú að anda, hafi það farið framhjá einhverjum.

 Illa og því miður, heimskuleg ákvörðun um "björgun" endaði með dauða, þess sem bjarga átti, sökum fákunnáttu og vitleysisgangs. Legg til að Landsbjörg haldi sig við björgun mannslífa. Í versta falli björgun landdýra.

 Þessi "björgun" fer í sama flokk og fíflagangurinn þegar sjómenn á bát frá Bolungarvík ætluðu að "bjarga" ísbirni á sundi, forðum daga.

 Alger heimska.

 Góðar stundir, með kveðju að sunnan.

Dýrið drapst í björgunaraðgerðum

Eitt þúsund og tvöhundruð milljarða klúður!

 Frá því eftir Hrun, hefur stjórnendum Seðlabanka Íslands tekist að sjá á eftir um það bil eitt þúsund, til eitt þúsund og tvöhundruð milljörðum króna, út í buskann, með illskiljanlegum hætti. Í tölustöfum lítur þetta einhverveginn svona út.: 1.200.000.000.000. 00/100, ef gefin væri út ávísun fyrir þessari upphæð. Læt betri stærðfræðingum en bjálfanum mér, eftir að reikna út hve upphæðin er há á hvert mannsbarn á Íslandi. Gæti jafnvel verið að ég kunni ekki að skrifa upphæðina rétt í tölustöfum, svo há er hún. Lái mér það hver sem vill.

 Stærstur hluti þessa taps, er sala á dönskum banka, sem tekinn var sem veð í stórláni til Kaupþings, rétt fyrir Hrun, en síðar alls kyns klúðri með minni upphæðir, sökum allt að því er virðist, algers grandvara eða hugsunarleysis fyrir hagsmunum Íslensku þjóðarinnar. Gæti verið meira, gæti verið eitthvað minna, en hvað veit almenningur?  Ekki nokkur einasti maður virðist ábyrgur fyrir þessu. Eitt þúsund og tvöhundruð milljarðar, sem annars hefðu komið inn í Íslenskt hagkerfi, var varpað fyrir róða, með arfaslæmum ákvörðunum yfirstjórnar Seðlabanka Íslands og fávísum stjórnmálamönnum, með núverandi seðlabankastjóra í fararbroddi.

 Hvernig í veröldinni stóð á því að núverandi seðlabankastjóri fékk áframhaldandi starfssamning, eftir að hafa "afrekað" annað eins, er dularfullt í meira lagi og fæstum hugsandi mönnum skiljanlegt. 

 Fyrir þær upphæðir, sem tapast hafa undir stjórn núverandi seðlabankastjóra, væri hægt að leggja að minnsta kosti fjórfaldan hringveg, með rafhleðslustöðvum á kílómetersfresti, auk hátæknisjúkrahúsa í hverjum landsfjórðungi. Að auki hefði verið hægt að hlúa vel að eldri borgurum, sjúkum, verkafólki, menningu, menntafólki, námsmönnum og nánast öllum Íslendingum, með mun betri hætti en nú er gert.

 Hvar eru fjölmiðlar, þegar kemur að því að gera upp þennan "skandal"?

 Hvernig stendur á því að Seðlabanki Íslands er kominn í viðskipti við Tortola, árið 2017?!!

 Fyrir utan augljósa sök stjórnar Seðlabanka Íslands, eru fjölmiðlar landsins og alltof margir sem þar starfa, ömurlegustu aumingjarnir í þessu andþjóðfélagslega klúðri. Þar á bæ er engum treystandi lengur, enda amlóðar flestir innandyra, sem gera aðeins það sem þeim er sagt að gera, eða það sem verra er.: Það sem þeim sýnist. Ríkisfjölmiðillinn þar fremstur í flokki.

 Góðar stundir, með kveðju að sunnan.

 

 

Tortólafélag keypti af SÍ