Sturluð forgangsröðun.

 Á tímum faraldurs og einhverrar verstu fjárhagsstöðu sem höfuðborg Íslands hefur séð, skal skipta um utanhússklæðningu á Grófarhúsi. Sturlaðri verður trauðla forgangsröðun bjálfanna sem stjórna borginni. Sveimhugar, sem svífa um á bleiku skýi, á reiðhjóli, eða í stræ-dó, hafa toppað sig í ruglinu.

 Góðar stundir, með kveðju að sunnan.

Grófarhús fært nær upprunalegu útliti

Kenninafn í kyngreiningaróvissu.

 Þegar mjög fámennur hávær hópur er farinn að hafa slíkan slagkraft í allri opinberri umræðu, að ekki megi lengur kalla nýfædd lítil börn drengi eða stúlkur, er eitthvað mikið að. Kenninafn, hvað í ósköpunum er það? Á hvaða leið er samfélagið eiginlega? 

 Er ekki kominn tími til að spyrna aðeins við fótum í þessari blessuðu kynjaumræðu allri, eða verður manni legið á hálsi fyrir að voga sér að hafa orð á þessu? Vel má vera að sá er þetta ritar sé sá eini sem farið er að blöskra þessi endaleysa, en þegar ekki má einu sinni tala lengur um litla drengi og stúlkur, móður og föður, mann og konu, án þess að fá ákúrur fyrir, er fokið í flest skjól almennrar skynsemi.

 Það er einnig sorglegt að sjá hve fjölmiðlar og opinberar stofnanir dansa með, eins og vel sést á þessu nýjasta útspili Þjóðskrár. Enginn þorir lengur að andmæla neinu í þessum efnum og sá, séð eða sáð, sem vogar sér það, er umsvifalaust ataður, ötuð eða atað tjöru og fiðri stráð í umræðunni. 

 Góðar stundir, með kveðju að sunnan.

 

Ekki lengur nýskráð sem stúlka eða drengur

Misjafnlega léleg tilraunaefni.

  Þá er það komið á hreint. Tilraunaefnin sem verið er að dæla í heimsbyggðina, eins og enginn sé morgundagurinn, eru misjafnlega léleg að mati utibús Amgen á Íslandi. Ágætt að fá þetta frá fyrstu hendi, sé þetta orðrétt haft eftir þeim sótta og útibússtjóranum.

 Svona í framhjáhlaupi, hvenær má búast við að hin árlega Asíuflensa fari að gera vart við sig?

 Góðar stundir, með kveðju að sunnan.

Janssen verst, AstraZeneca litlu skárra

Þetta eru ekki bóluefni!

 Bóluefni sem búið er að fullreyna og þróa, jafnvel árum saman, koma í veg fyrir að fólk sýkist. Þau efni sem verið er að sprauta í fólk vegna covid 19 geta því með engu móti talist bóluefni, í skilningi þess orðs. Hér er um mismunandi tilraunakokteila að ræða, sem enginn getur enn sagt fyrir um hvaða fullnaðaráhrif muni hafa til lengri tíma.

 Það er óskiljanlegt með öllu að eini vottur hjarðónæmis sem náðst hefur í þessu veirufári skuli vera hugsunarónæmi hjá opinmynntum fréttasnápum og fjölmiðlum, sem lepja upp hvert einasta orð sem mokað er í þá af yfirvöldum og embættismönnum, með dassi af athugasemdum frá útibússtjóra lyfjarisanna hér á landi. Varla einnar einustu spurningar spurt í öllu ferlinu.

 Nú á síðan að fara að fikra sig niður aldurshópana með þessu tilraunaglundri, sem enginn getur sannað eða afsannað að geri eitthvað gagn. Hver á að njóta vafans, ábyrgðarlausir lyfjarisar, eða fólkið í landinu? 

 Er ekki rétt að stíga aðeins niður fæti og doka við um stund, áður en farið er að dæla í ungviðið óræðum lyfjakokteilum? Er fólk orðið algerlega sturlað?

 Góðar stundir, með áhyggjum að sunnan.

Samþykkir bólusetningu barna

Heiðarlegt svar.

 Það skal Páli til tekna talið, að greina satt og rétt frá.

 Það vantar mannskap, en ekki tæki eða tól, til að sinna því sem sinna þarf á þjóðarsjúkrahúsinu í Fossvogi.

 Í ofanverðri Vatnsmýrinni, neðan við gamla Landspítalann rís nú mannvirki mikið. Svo mikið, að hægt væri að pakka sjúkrahúsinu í Fossvogi tvisvar sinnum inn i það, í fermetrum talið.

 Aðeins ein spurning.: Hverjir eiga að vinna þarna? Spyr nú barasta svona að rælni. Það virðist nefnilega ekki vera hægt að manna helmingi minni vinnustað í dag. 

 Eitthvað sem ekki er komið fram um reksturinn, eða er Amgen búið að taka hluta húsnæðisins á leigu og fjármagna svona pínulítið fyrirfram, með Kára klára í forsvari?

 Spyr sá sem ekki veit.

 Góðar stundir, með kveðju að sunnan.

Álagið á LSH ekki vegna kórónuveiru

Enginn skaði af því.

 Ekki verður með góðu móti séð að viðvera dofinna, ríkisstyrktra fjölmiðla hafi haft mikið að segja á þessum upplýsingafundum. Lítið spurt og flestöllu sem sérfræðingarnir segja meira og minna skellt orðréttu út í cosmóið.

 Það er hinsvegar blússandi gangur í að fylgjast með töskukaupum hálfberrassaðra svokallaðra áhrifavalda í útlöndum, hinum og þessum að opna sig um allan fjáran og öðru einskisnýtu þvaðri og blaðri.

 Góðar stundir, með kveðju að sunnan.

Fjölmiðlar mæta ekki á upplýsingafund

Hvað eru margir veikir?

 Endalaust er staglast á fjölda greindra smita. Daginn út og daginn inn, nú í rúmt ár hefur að mestu verið sagt frá fjölda greindra smita. Samkvæmt fréttum, sem lítið fer fyrir, eru 97% þeirra sem nú greinast annað hvort með lítil og jafnvel engin einkenni. Hve margir eru alvarlega veikir er varla nefnt af hörmulegum fjölmiðlum, sem opinmynntir gleypa allt og smella á prent eða út í cosmóið, án svo mikils sem spyrja einnar einustu spurningar. 

 Fyrir rúmu ári síðan fullyrti útibússtjóri Amgen á Íslandi að það gæti tekið allt að sjö ár að þróa bóluefni gegn covid19. Sjö mánuðum síðar var farið að dæla tilraunalyfjumm í hundruði milljóna manna um allan heim. Almenningi hér á landi talin trú um að ef aðeins nógu margir létu dæla í sig óvissuglundrinu, væri möguleiki á því að hjarðónæmi kæmist á um eða uppúr miðju því sumri sem nú er brátt á enda. Búið er að bólusetja talsvert umfram það sem sagt var þurfa til hjarðónæmis, en hver er staðan í dag? Jú, nánast komin á byrjunarreit aftur. Fjallað er um þessa veiru, eins og um drepsótt sé að ræða, þegar fyrir liggur að yfir 95% þeirra sem fá veiruna, verður ekkert meint af, umfram venjulega flensu. Í hverjum einasta fréttatíma, nánast hvers einasta fjölmiðils heims hefur verið hamrað á hörmungunum sem fylgja þessari veiru, allan sólarhringinn í rúmlega ár! 

 Það létust fleiri úr berklum í fyrra, en úr covid19. Það létust fleiri úr hungri i fyrra, en úr covid19. Lækning er til fyrir hvoru tveggja, en er sennilega ekki eins fjárhagslega hagstæð og að geta gert stóran hluta mannkyns háðan stöðugri lyfjaglundursinngjöf, árið um kring næstu árin, án þess að bera nokkra ábyrgð. 

 Fyrir rúmu ári fullyrti sóttvarnarlæknir Íslands að andlitsgrímur veittu falskt öryggi og gerðu ekkert gagn. Nú eru þær enn og aftur orðin skilda. Hvað breyttist? Hver kippti í spottann og kom ljósinu fyrir sótta?

 Þessi geggjaða atburðarrás er langt komin með að gera almenning sturlaðan úr hræðslu. Þau sem mest bar á í upphafi og fengið hafa jafnvel orðu fyrir, verða minna og minna sannfærandi með hverjum deginum sem líður. 

 Í dag stendur varla steinn yfir steini af því sem lagt var upp með, en almenningur á bara að kyngja óhroðanum öllum og steinþegja og gegna?

 Ekki mikið lengur!

 Góðar stundir, með kveðju að sunnan.

 

„Ekki það gagn sem við höfðum vænst“

Þorólfur, Kàri og co.

 Hvað er hjarðónæmi?

 Er því náð við 60% eða 80%  þjóðarinnar bólustt?

 Bólusett með hvaða sulli sem er? Tvisvar, þrisvar eða oftar?

 Hvar eru fjölmiðlar og aumingjarnir sem þar starfa?

 Góðar stundir, með kveðju að sunnan.

 

 

Þórólfur vildi tveggja metra reglu

Hraðpróf á landamærunum.

 Mér er það með öllu óskiljanlegt, hvers vegna ekki er tekið strax upp á því að hraðprófa alla sem fara gegnum Leiffstöð inn í landið. Niðurstaða getur legið fyrir innan hálfrar klukkustundar. Einhverjir kunna að segja að það tefji svo fyrir, en þá verður einfaldlega að setja á fjöldatakmarkanir, sem miðast við afkastagetu hraðprófanana. Vel getur verið að þessi hraðpróf séu ekki eins nákvæm og pcr prófin, en varla munar svo miklu að ekkert mark sé á þeim takandi, eða hvað?

 Undirritaður er nýlega kominn til Argentínu og þar fer hver einasti farþegi í hraðpróf í flugstöðinni og er ekki hleypt út úr henni fyrr en niðurstaða liggur fyrir. Hér er búið að setja á fjöldatakmörkun flugfarþega til landsins sem miðast við afkastagetu þessara hraðprófana og ekki gefin tomma eftir í því. 

 Hvers vegna ekki er gripið til þessa úrræðis þegar í stað, í stað þess að fara fram á pcr próf eftir viku, er óskiljanlegt heimskum tuðara. Þar til pcr prófanna verður krafist, getur enginn sagt til um hve margir eru sýktir, eða heilir, af þeim sem hingað koma.

 Skil barasta ekkert í þessu, en það er svosem ekkert nýtt af minni hálfu með þetta frekar en annað.

 Góðar stundir, með kveðju að sunnan.

Biður íslenska ferðalanga um að fara í skimun

Hvað kostar að endurnýja vegabréf, eða ökuskírteini?

 Það kostar pening að endurnýja vegabréfið sitt. Það kostar pening að fá, eða endurnýja ökuskírteini. Flest allt kostar eitthvað.

 Ef einhver telur sig hinsvegar knúinn, í nafni frjálsrar kyngreiningar að breyta sér úr karli í konu, eða öfugt, kostar það ekkert.

 Veit ekki með ykkur gott fólk, en þverhaus og tuðari eins og ég, skil eiginlega ekki tilganginn með þessu. Þið verðið bara að afsaka fávitann mig.

 Góðar stundir, með kveðju að sunnan.

Frítt að breyta um nafn og kyn