Hvað eru margir veikir?

 Endalaust er staglast á fjölda greindra smita. Daginn út og daginn inn, nú í rúmt ár hefur að mestu verið sagt frá fjölda greindra smita. Samkvæmt fréttum, sem lítið fer fyrir, eru 97% þeirra sem nú greinast annað hvort með lítil og jafnvel engin einkenni. Hve margir eru alvarlega veikir er varla nefnt af hörmulegum fjölmiðlum, sem opinmynntir gleypa allt og smella á prent eða út í cosmóið, án svo mikils sem spyrja einnar einustu spurningar. 

 Fyrir rúmu ári síðan fullyrti útibússtjóri Amgen á Íslandi að það gæti tekið allt að sjö ár að þróa bóluefni gegn covid19. Sjö mánuðum síðar var farið að dæla tilraunalyfjumm í hundruði milljóna manna um allan heim. Almenningi hér á landi talin trú um að ef aðeins nógu margir létu dæla í sig óvissuglundrinu, væri möguleiki á því að hjarðónæmi kæmist á um eða uppúr miðju því sumri sem nú er brátt á enda. Búið er að bólusetja talsvert umfram það sem sagt var þurfa til hjarðónæmis, en hver er staðan í dag? Jú, nánast komin á byrjunarreit aftur. Fjallað er um þessa veiru, eins og um drepsótt sé að ræða, þegar fyrir liggur að yfir 95% þeirra sem fá veiruna, verður ekkert meint af, umfram venjulega flensu. Í hverjum einasta fréttatíma, nánast hvers einasta fjölmiðils heims hefur verið hamrað á hörmungunum sem fylgja þessari veiru, allan sólarhringinn í rúmlega ár! 

 Það létust fleiri úr berklum í fyrra, en úr covid19. Það létust fleiri úr hungri i fyrra, en úr covid19. Lækning er til fyrir hvoru tveggja, en er sennilega ekki eins fjárhagslega hagstæð og að geta gert stóran hluta mannkyns háðan stöðugri lyfjaglundursinngjöf, árið um kring næstu árin, án þess að bera nokkra ábyrgð. 

 Fyrir rúmu ári fullyrti sóttvarnarlæknir Íslands að andlitsgrímur veittu falskt öryggi og gerðu ekkert gagn. Nú eru þær enn og aftur orðin skilda. Hvað breyttist? Hver kippti í spottann og kom ljósinu fyrir sótta?

 Þessi geggjaða atburðarrás er langt komin með að gera almenning sturlaðan úr hræðslu. Þau sem mest bar á í upphafi og fengið hafa jafnvel orðu fyrir, verða minna og minna sannfærandi með hverjum deginum sem líður. 

 Í dag stendur varla steinn yfir steini af því sem lagt var upp með, en almenningur á bara að kyngja óhroðanum öllum og steinþegja og gegna?

 Ekki mikið lengur!

 Góðar stundir, með kveðju að sunnan.

 

„Ekki það gagn sem við höfðum vænst“

Athugasemdir

[Magnús Sigurðsson, 25.7.2021 kl. 06:11]

Stórgóð upprifjun Halldór, því má svo bæta við að í reynd hefur smitum ekki verið að fjölga hlutfallslega undanfana daga heldur skimunum sem eru komnar upp í fleiri þúsundir á dag með vafasömum prófum sem aldrei hafa verið notuð í þessum mæli fyrr í veraldarsögunni.

[Guðmundur Ásgeirsson, 25.7.2021 kl. 16:22]

Þetta með grímuskylduna er ekki alveg rétt.

Samkvæmt reglugerðinni sem tók gildi á miðnætti er aðeins kveðið á um grímunotkun þar sem húsnæði er illa loftræst eða ekki er unnt að tryggja 1m nálægðartakmörkun, svo sem í heilbrigðisþjónustu, verslunum, söfnum, innanlandsflugi og -ferjum, almenningssamgöngum, leigu­bifreiðum og hópbifreiðum, í verklegu ökunámi og flugnámi, starf­semi hárgreiðslustofa, snyrtistofa, nuddstofa, húðflúrstofa, hundasnyrtistofa, sólbaðsstofa og annarri sambærilegri starfsemi.

Fyrir þessu ákvæði er þó engin lagaheimild og hefur aldrei verið. Orðið gríma kemur einfaldlega hvergi fram í sóttvarnalögum.