Kenninafn í kyngreiningaróvissu.

 Þegar mjög fámennur hávær hópur er farinn að hafa slíkan slagkraft í allri opinberri umræðu, að ekki megi lengur kalla nýfædd lítil börn drengi eða stúlkur, er eitthvað mikið að. Kenninafn, hvað í ósköpunum er það? Á hvaða leið er samfélagið eiginlega? 

 Er ekki kominn tími til að spyrna aðeins við fótum í þessari blessuðu kynjaumræðu allri, eða verður manni legið á hálsi fyrir að voga sér að hafa orð á þessu? Vel má vera að sá er þetta ritar sé sá eini sem farið er að blöskra þessi endaleysa, en þegar ekki má einu sinni tala lengur um litla drengi og stúlkur, móður og föður, mann og konu, án þess að fá ákúrur fyrir, er fokið í flest skjól almennrar skynsemi.

 Það er einnig sorglegt að sjá hve fjölmiðlar og opinberar stofnanir dansa með, eins og vel sést á þessu nýjasta útspili Þjóðskrár. Enginn þorir lengur að andmæla neinu í þessum efnum og sá, séð eða sáð, sem vogar sér það, er umsvifalaust ataður, ötuð eða atað tjöru og fiðri stráð í umræðunni. 

 Góðar stundir, með kveðju að sunnan.

 

Ekki lengur nýskráð sem stúlka eða drengur

Athugasemdir

[Magnús Sigurðsson, 28.8.2021 kl. 08:15]

Ætli gamlir skarfar eins og við Halldór, verðum ekki að sætta okkur við að hann og hún eru á útleið, og blessuð börnin verði hán þar til þau hafa aldur og þroska til að ákveða sig sjálf. Mér þykir það ekki ólíklegt, miðað við hvernig fór fyrir Biblíusögunum í skólum.

[Ingólfur Sigurðsson, 28.8.2021 kl. 11:47]

Stalínisminn í sinni ýktustu mynd. Í fyrri tíma alræðisríkjum var líka alræðisfólk sem vildi ákveða fyrir börnin með það að yfirskyni að það væri þeim fyrir beztu. Nýfædd börn hafa ekki sjálfstæðan vilja, og fullorðið fólk hefur í mörgum tilfellum ekki sjálfstæðan vilja, er áhrifagjarnt. Mestar líkur eru á því að barn sem elst upp meðal foreldra sem hafa áhrif í einhverja svona átt verði fyrir áhrifum. Þetta er svipað og með galdravísindi Kára Stefánssonar, það er verið að hræra í sköpuninni.

[Sigurður Kristján Hjaltested, 28.8.2021 kl. 12:00]

Ótrúlegt hvernig minnihluta hópar fá að koma sínu fram og

ennþá ótrúlegra að sjá okkar stjórnmálamenn spila með eins

og hálvitar. Búið að taka Vinstri Galna 14 ár að koma þessu

í gegn. Hér eru spurningar frá Kolbrúnu Halldórsdóttur frá

árinu 5.des.2007 til heilbrigðisráðherra...

„1. Hvernig hefur sú hefð mótast á fæðingardeildum opinberra sjúkrastofnana að nýfædd stúlkubörn eru klædd í bleikt en drengir í blátt og þeir auðkenndir með bláum armböndum og stúlkur með bleikum?

„2. Telur ráðherra koma til greina að þeirri hefð verði breytt á þann veg að nýfædd börn verði ekki aðgreind eftir kyni með bleikum og bláum armböndum og að þau verði framvegis klædd í hvítt eða aðra kynhlutlausari liti?“

Svar ráðherra..

Allir þeir sem rætt var við varðandi þessa fyrirspurn vöruðu sterklega við því að taka miðstýrða ákvörðun um hvaða litir ættu að vera á fötum nýfæddra barna. Það ætti fyrst og fremst að vera ákvörðun foreldra hvaða litur væri á klæðnaði nýfædds barns. Enginn viðmælenda kannaðist við að foreldrar væru óánægðir með fyrirkomulag á fötum nýfæddra barna, þvert á móti væru foreldrar ánægðir með fjölbreytnina

Þurfum við eitthvað meira að halda á Vintri Gölnum í pólitík þegar

aðaláherslan hjá forsetisráðherra eru fóstureyðingar fram að

fæðingu og kynlaus börn..??

Heitir þetta ekki með réttu "ÚRKYNJUN"

[Guðmundur Ásgeirsson, 28.8.2021 kl. 19:51]

Ég er ekki að skilja hvernig það að sleppa því að kalla nýbura "stúlka" eða "drengur" en halda samt áfram að kalla þau "-dóttir" eða "-sonur" eigi að breyta því að þar með sé barnið kyngreint.

Kannski er ég bara svona einfaldur.