Bévítans auglýsingapésaflóð.

Hvernig er það eiginlega, er ekkert í lögum þessa lands sem hægt er að bera fyrir sig til að afþakka eða neita þessu hábölvaða, déskotans, árans auglýsingapésaflóði sem gubbast inn um lúguna hjá manni dag hvern? Þarf maður að leggja jarðsprengjur í innkeyrsluna eftir að moggaguttinn er farinn til að losna undan þessu? Djöfull sem þetta fer í pirrurnar á mér. Svo ef maður bregður sér af bæ í nokkra daga liggur við að það þurfi að fara á jeppanum gegnum útihurðina til að ryðja veginn inn í hús. Nokkra daga í burtu og 11 kíló af pappír í forstofunni, já 11 kíló, takk fyrir af auglýsingapésarusli, þar sem auglýst er akkúrat allt sem mig vantar ekki! Þetta er bara bilun! Ætli sé hægt að rukka þá sem troða þessu inn um lúguna hjá manni fyrir vinnuna sem það kostar að losa sig við þetta, ha? Meira að segja með Mogganum lauma þessir andskotar bæklingum og sneplum sem límdir eru á forsíðuna! Ekki nóg með að jólin valdi manni kvíða strax í október þegar IKEA heldur að við fíflin gætum kannski gleymt jólunum ef við erum ekki minnt á þau tímanlega. Ég skal aldrei inn í þá verslun stíga. Maður ræður ekki einu sinni hvaða hring maður labbar þar inni. Hlýtur að standa orðið "hálfviti" á enninu á okkur öllum. Ég segi það satt.

Jæja, ég ætla ekki að romsa eða tuða meira að sinni, en mátti til að kíkja hér aðeins inn og tilkynna að kvikyndið væri ennþá á lífi og ekki búinn að gleyma hvernig á að tuða. Jólin eftir mánuð og strax búinn að fá leið á þeim og fíflaganginum sem fylgir þeim. Mikið lifandis ógnar skelfing er þessi þjóð orðin biluð. Ég segi það nú bara og jamm og já.   

"Semi"-Bloggfrí

Farinn í "semi"-bloggfrí. Ferðalög, flutningar og vinna, vinna, vinna framundan. Hilsen til allra og gleðileg jól  

Þoli annars illa þetta jólastand og fari IKEA bara norður og niður með sitt þjófstart. Tók úr mér allan vind og sannfærði mig enn einn ganginn um hve þessi blessaða þjóð er orðin snarrugluð í neysulfylleríinu sínu og veruleikafyrringunni. Þeir seldu leikföng fyrir 70 milljónir í Toys R Us fyrstu helgina! Næstir á eftir Hong Kong á heimsvísu. Þetta er bara bilun og ágætt að komast frá þessu dómadags rugli öllu saman.  Gæti dottið inn annað veifið, ef kemst í tölvu, en þangað til ....SMJÚTS Á ALLA  og gangi ykkur vel í "jólaklikkuninni".... Farinn.

Dyrabjölluhnappur á milljón pund?

Hvað er þetta eiginlega með svona "grúppugæjatyppi" sem veldur því að þessi svokallaða frétt kemst í hámæli? Jedúdamía hvað vantar mikið "sparstl" í fjölmiðlana, ef þetta er frétt. Sjá þessa mömmudrengi á myndinni og það sem verra er, þurfa að fletta gegnum svona bévítans dellu. Sýna á sér typpið fyrir milljón pund! Ég myndi sýna á mér handarkrikann fyrir 250.000.- (Altso í close-up) Dómadags andskotans della að eyða bleki í svona þvælu. Hverjum er annars ekki sama um dyrabjölluhnappinn á þessu "no-name" fyrirbæri? ha? Sjæts

Kæmi nakinn fram fyrir væna fjárhæð

Tíminn

Ég ætla að gerast svo grófur að stela frá Bratti, vini mínum, fallegri færslu.:

"Tíminn.

... nú er dimmt og hvasst úti... við sitjum inni í hlýjunni... og hlustum á hvernig rigningin lemur rúðurnar... við ráðum engu um það hvaðan  og hvernig vindarnir blása... en við getum skýlt okkur fyrir þeim og kuldanum inni í hlýjum húsunum...

... við kveikjum á kertum og hugsum til þeirra sem eiga ekkert skjól... hugsum til þeirra sem líður ekki vel... hugsum hvað við erum smá og lítil í eilífðinni... og hve tíminn er dýrmætur...

. 

 

 .

Tíminn.

Hann vekur þig
að morgni
deplar auga
og svæfir þig um kvöld

Tíminn gamall og reyndur
en samt ungur sem barn

Það eina sem þú átt
 

Hann vekur þig að morgni
deplar auga
og svæfir þig um kvöld"

----------------------------------------

Það er dásamlegt að hitta menn eins og Bratt, þó ekki sé nema einu sinni á lífsleiðinni. Mikið er ég ríkur. Vonandi lukkast mér að hitta hann og "hin" aftur.

 

 

Kalli Tomm leikurinn.

Tók áskorun. (Hvað er maður búinn að koma sér í) 

Hef hugsað mér mann.

Fjandans ruslpóstur!

Inn um bréfalúguna streyma nú alls kyns bæklingar með auglýsingum um hluti sem mig vantar ekki, eða langar í. Á samkvæmt venju, sennilega bara eftir að versna fram að jólum og magnið að aukast dag frá degi. Vægast sagt pirrandi sendingar og fer allt beina leið í endurvinnslutunnuna. Eyði ekki einni mínútu í að lesa þetta bölvaða bévítans rusl. Ekki er nóg með að þessi fjandi sé borinn í hús yfir hábjartan daginn, heldur er núna farið að bera á því að skuggalegar verur læðist um á nóttinni og troði þessu inn um póstlúguna hjá manni. Væri fróðlegt að vita hvort það samræmist góðum venjum, eða reglum í póstútburði. Djöfullinn danskur ef maður er nú farinn að rumska um miðjar nætur við það að póstlúgann skellur fram og til baka, trekk í trekk, eftir að búið er að troða bæklingarusli inn um hana. Lúgan mín er reyndar þeirrar gerðar að hún smellur frekar harkalega aftur, þannig að léttsofandi tuðari rumskar í hvert skipti sem heyrist í henni. Þó standi á henni að ég vilji ekki fjölpóst, rignir þessu inn sem aldrei fyrr. Hvern fjandann á maður eiginlega til bragðs að taka, ha? Þetta er jafnvel farið að fara meira í taugarnar á manni en óþolandi tölvuruslpóstur, þar sem boðin eru endalaus kíló af Viagra með afslætti og leiðbeiningum um bætt kynlíf og kvennafar. Eins og einhver hafi áhuga á því að vera með "bóner" í þrjár vikur samfleitt, eða fá það tíu sinnum á dag, allt árið. Ekki gott að segja, en þetta var nú bara svona smá útúrdúr. Þetta jólabæklingapappírsflóð gerir mann pirraðan og reiðan og er alveg örugg leið að fá tuðara og þverhaus til að versla alls ekki við þá sem senda þessa óværu inn um lúguna, daga sem nætur. Þvílík pappírssóun! Fussumsvei, barasta.... 

Hættiði nú alveg!

Stjörnuspá fyrir Steingeit í dag á MBL.:  

"Sköpunarorkan flæðir! Þú átt þína Mary Poppins stund þar sem "matskeið af sykri" mun virkilega hjálpa "meðalinu niður". Þetta er rétti andinn!"

Var búinn að lofa sjálfum mér því að lesa ekki stjörnuspána fyrr en seint í kvöld en stalst eins og lítið barn í kökustamp, til að kíkja í morgun. Hvers á maður eiginlega að gjalda frá MBL, ha? Er þýðingartölva sem snarar erlendum stjörnuspám yfir á okkar ástkæra, eða hvaðan í ósköpunum kemur þetta eiginlega? Í gær var manni ráðlagt að kútveltast um allar trissur með egg í körfum, eins og nóg væri til og svo þetta í dag. Egg, sykur, Mary Poppins og "dash" af meðali komið og þriðjudagur ekki á enda runninn. Það verður dálagleg uppskriftin sem maður verður kominn með undir helgi. Kannski það verði bara bakað úr öllu saman? Hver veit. Heimta hveiti, lyftiduft, flórsykur og kakó í þær stjörnuspár sem eftir eru vikunnar fyrir steingeitur. Öðruvísi verður þetta aldrei almennileg baka og hætt við að endi í tómri steypu.  

Eggjahræra?

"Hættu að telja eggn(orðrétt) í körfunni þinni og pæla í hvaða egg ætti að flytja í aðra körfu. Hagaðu þér eins og ef þú vissir að til væru endalausar körfur og egg."

Ég veit eiginlega ekki hvað er til bragðs að taka, eftir að hafa lesið stjörnuspána mína í dag, sem sést hér að ofan. Þakka bara fyrir þegar dagur verður að kveldi kominn. Má teljast heppinn ef maður endar barasta ekki daginn samanvöðlaður ofan í körfu með ommelettu samkvæmt þessu. Hvaðan þessi spá er fengin, er ekki gott að segja og er að spá í að lesa hér eftir stjörnuspána bara á kvöldin, rétt áður en maður skríður í skúffuna. Maður brýtur andskotinn hafi það engin egg á því.

"Tuh",  "Hagaðu þér eins og ef þú vissir að til væru endalausar körfur og egg."....ég skal barasta segjykkur það.

Sænskar konur latar?

Um allan fjárann er nú hægt að krukkast með og skilgreina eins og það að eyða tíma í svona skýrslugerð. Hefur fólk ekkert annað merkilegra að gera, ha? Samkvæmt þessari skýrslu erum við karlmenn óalandi, óferjandi eyðslu og bruðlseggir og á stundum, að því er virðist, ógeðslegar mengunarpöddur sem ekkert eiga skilið nema skít og skömm. Við mengum of mikið, við borðum of mikið kjöt, borðum sennilega of mikið af öllu, ef því er að skipta. Fretum sennilega meira fyrir vikið, sem aftur mengar meira en hja konum og þannig mætti áfram telja einhverja tugi dálksentímetra í viðbót. Í skýrslunni kemur einnig fram að sænskir karlmenn aki um 75% af öllu því sem ekið er í Svíþjóð.

Ég dreg því þá einu ályktun af þessari skýrslu að sænskar konur séu latar að keyra. "Thats it"

Karlar menga meira en konur

Björgunarvesti í flugvélum-Fallhlífar í skip?

Það er hálfundarlegt að hugsa til þess, að á hverjum degi er flogið með mörg hundruð þúsund björgunarvesti milli landa. Fyrir þá sem ekki vita, eru björgunarvesti ætluð til brúks fyrir þá sem lenda, af einhverra hluta sökum í sjónum og vilja, vegna lífsþorsta, halda sér á floti. Öll þessi vesti hljóta, eðli málsins samkvæmt, að vega einhverjar hundruðir eða þúsundir tonna og kostnaður við að halda þessu annars ágæta björgunartæki fljúgandi um allan heim, hlýtur að hlaupa á milljónum króna hvern einasta dag ársins og í raun alger vitleysa. Hvern fjandann hefur maður með björgunarvesti að gera í flugvél? Hversu oft hefur björgunarvesti bjargað mannslífum í flugslysum? Þetta er einhver mesta vitleysa sem hægt er að hugsa sér. Með því að henda björgunarvestum úr öllum flugvélum heimsins, mætti spara þvílíkar fúlgur, að engu tali tekur. Að auki myndi fáránleg sýnikennsla flugfreyja og þjóna um borð í hverri vél hætta og kannski að maður fengi frið til að koma sér almennilega fyrir, áður en flugið hefst. Á stuttum flugferðum er varla hægt að halla orðið .haus að kodda fyrir alls konar öryggiskjaftæði og vitleysu eða auglýsingum orðið. Já, það er eitt og annað sem flýgur gegnum einfaldan haus sem bíður eftir flugi heim í erlendri flugstöð. Fallhlífar í skip....er það kannsi það næsta sem mönnum dettur í hug? Bara spyr