Besta fiskveiðistjórnunarkerfi í heimi?

 Er ástæða til að óska hafró, lobbýistum og leiðitamri og lítilshugsandi stjórnmálamannaelítu Íslands til hamingju með árangurinn af besta fiskveiðistjórnunarkerfi í heimi?

 Nú, tæpum fjörtíu árum eftir að hafró fann það út að besta leiðin væri að geyma fiskinn í sjónum og veiða hann seinna, þegar hann væri orðinn voða, voða stór, virðist eitthvað vera að klikka og hefur reyndar klikkað frá upphafi þessarar dellu. Nú bregður svo við að minnka þarf þorskkvótann um einhver sex prósent, þrátt fyrir tæplega fjögurra áratuga forskrift færustu vísindamanna í veiðiráðgjöf á Íslandsmiðum, sem pólitískir amlóðar hafa að mestu fylgt.

 Pólitík og vafasöm vísindi fara óþægilega illa saman. Nægir þar að nefna ömurlega eltistefnu málefnageldra stjórnmálamanna horfinna hugsjóna við hamfarahlýnun af mannavöldum og aðra dauðans dellu. Þingmenn og ráðherrar þurfa jú að halda sætum sínum, hvað svo sem líður hugsjónum, eða almannahag.

 Bændur slátra lömbum sínum á haustin og setja ærnar á garða um vetur, í samræmi við afrakstur túna sinna og haga.

 Samkvæmt reiknilíkani hafró, með áratuga aðstoð aulanna í sjávarútvegsráðuneytinu og bjálfanna á Alþingi er tekin þveröfug afstaða til fisksins í sjónum. Þar skal ánum slátrað og lömbin látin lifa, þó heyforði sé af takmörkuðum skammti. 

 Ef þetta er ekki heiladauði, þá heiti ég Kristján Þór Júlíusson, krati, Þistilfjarðarkúvendingur, svíðreisn, fullveldisafsalfylkingin, píratabjálfi í malbikunarjakka, eða annað þaðan af verra og réttast væri að einhver rassskellti mig út fyrir endimörk alheimsins og aftur til baka, þannig að ég lenti einhversstaðar þar sem enginn mundi finna mig. 

 Sjávarútvegsráðuneytið væri sennilega góður lendingarstaður, því þar hugsa fáir og enginn tekur eftir raðrassskelltum ráðherra, sama hvaða dauðans dellu hann hefur á ferilskránni, eða öðrum sem á undan honum réðu.

 Embættismennirnir halda jú ávallt velli og fá að launum feit eftirlaun, án tillits til árangurs í starfi. Pöpullinn borgar jú brúsann. Ekki það skipti embættismennina miklu.

 Andskotinn sjálfur að horfa upp á þessa óhæfu, meðan hagkerfi Íslands verður af hundruðum milljarða, sökum heimskunnar í fisveiðistjórnun.

 Góðar stundir, með kveðju að sunnan.

 

Farið að vísindalegri ráðgjöf

Allir vita og hafa vitað lengi.

 Það er alkunna og hefur verið árum saman að erlendum verkamönnum er hrúgað eins og skepnum í alls kyns húsnæði víða um borg og bí um land allt. Sorglega mikið af þessu húsnæði er tæpast mönnum bjóðandi og þó það sé það, er hrúgað það mörgum einstaklingum inn í eitt og sama rýmið að trauðla getur talist annað en hreinn og klár skepnuskapur. Ósvífnir kennitöluflakkandi byggingaverktakar bera af í þessari ósvífnu mannvonsku og ætti að taka laglega í durginn á þeim andskotum í eitt skipti fyrir öll.

 Allt stjórnkerfið, frá lítilsnýta blýantsnagandi kerfiskarlinum, borgarstjóraónefnuunni og ótöldum bæjarstjórum upp til ráðherra Íslands, skella hinsvegar skollaeyrum við þessu skammarlega ástandi sem þau öll vita af og hafa vitað af um árabil. Það lúkkar jú svo djöfull kúl að taka fyrstu skóflustungur, presentera glærusjó, klippa á borða í beinni og svo þarf jú að keyra upp hagvöxtinn og helst byggja helmingi meira en þörf eða geta er fyrir. Þess vegna er flutt inn ódýrt vinnuafl, sem sumir virðast telja að megi fara með eins og hvern annan búpening. 

 Sveiattan í heitasta að horfa upp á ömurlegt báknið þykjast ekki hafa vitað af þessu og embættismennina benda hver á annan í algerri afneitun eigin lasta, kæruleysis og rósrauðra drauma um labbahjólastrætóborgarlínuþvælur og annað lítilsvert prjál.

 Öll líf skipta máli!

 Góðar stundir, með kveðju að sunnan.

Lögðu blóm við Bræðraborgarstíg

Það er ekki sama..

.....hver snýr skónum með skítlegum hætti af andstæðingum sínum. Farið hefur fé betra og oft hefur kjaftur betur hæft skel, eins og Gudda sagði forðum í niðurgreiddum klæðum á vegum hins opinbera. Eftisjáin af sunnunni er engin.

 Verst að við tekur malbikunarjakki í fasískum hefnigír.

 Guð blessi stjórnskipunar og eftirlitskerfi ríkisins, með hefnigjörnu tjörufroðuna í forsæti.

  Alþingi og nefndir þess og ráð hafa sett svo niður að meira að segja almenningssalerni njóta meiri virðingar en þau, nú til dags. Skelfilegur sannleikur, en sár og sannur. Kerfinu til  vorkunnar, finnast engin almennileg almenningssalerni og því heldur andskotans endaleysan áfram.

 Góðar stundir, með kveðju að sunnan.

„Enginn gengið jafn aggresíft fram“ og Þórhildur

Borgaróstjórnarþvæla.

 “Grjóthrúgur sem kallast á við fjörugrjótið” heitir þetta víst samkvæmt “talsmanni” borgarinnar. Borgaróstjórn Reykjavíkur er samansett algerum bjálfum. Það ætti hverjum manni að vera orðið ljóst. Það er alveg kominn tími á það að láta fíkniefnadeild lögreglunnar mæta í Ráðhús Reykjavíkur með hunda sína og helst hafa þar viðveru allan sólarhringinn. Þetta lið hlýtur að nærast á einhverju allt öðru en venjulegu viðbiti.

 Góðar stundir, með kveðju að sunnan.

 

Íbúar eru ósáttir við hrúgurnar

Óviðjafnanlegur gisti og skemmtimöguleiki.

 Tuðarinn og spúsan dvöldu að Hótel Grímsborgum um síðustu helgi. Fullkomin þjónusta, gjörsamlega yndislegar veitingar, glaðværð og einstök gestrisni einkenndi dvölina alla. "Thumbs up" á báðum höndum. Fagmennskan fram í fungurgóma.

 Hendið tjaldvögnunum og hjólhýsunum. Versta "fjárfesting" sem til er. Gistið frekar hjá fólki eins og Ólafi Laufdal og co um land allt.

 Góðar stundir, með kveðju að sunnan.

  

„Sumarið meira og minna úti“

Elliglöp eða sturlun?

 Það er ekki fagur matseðillinn fyrir næstu forsetakosningar í BNA. Tveir réttir í boði. Annar sturlaður og hinn elliær. Stefnir í að dauðsföll Covit-19 verði orðin a.m.k. þrefaldur fjöldi þeirra ungmenna sem létu lífið í Víetnamstríðinu og ef demókratar ná að rústa trumpinu, man sigurvegarinn ekki lengur hvað eigin tunga blaðraði í gær. Gjörsamlega galið ástand og einhver mesta niðurlæging sem BNA hafa nokkurn tíma orðið fyrir. Veröldin allt að því fyrirlítur BNA þessa dagana.

 Í þessari KAOS stekkur Kínverski kommúnistaflokkurinn inn í umræðuna, með ódauðlegum foringja sínum og læsir klónum í allt, sem á kló og tönn á festir. 5G komið í umferð og allir ofsakátir. Kínverski kommúnistaflokkurinn fylgist með. Með öðrum orðum, 5G og Maó er vaknaður til lífsins á ný. 

 Það er ekkert minna en sorglegt að horfa upp á þetta. 

 Hella ætti klór og bleikiefnum  upp í rassgatið a Donald Trump og Joe Biden ætti að senda á umönnunarstofnun fyrir löngu útbrunnin skör, með elliglöp og ennþá eigandi börn. Þvílíkur matseðill! Ekki einu sinni boðið upp á eftirrétt, hvað þá forrétt, enda báðir algerar mannleysur!.

 “God bless America”

 ”These two guys are sure as hell not going to do that, no matter who “win´s.”

 “God bless America”

 Hopefully “something better” comes along, that can push these idiots into space, before voting day. It does not have to be much, but everything is better than these two arsholes.

 “God bless America”.

 Góðar stundir, með kveðju að sunnan.

Svartir „ekki svartir“ ef þeir kjósa Trump

Hvers er að sjá um “skipulag vinnumarkaðarins”?

 Þegar verkalýðsforystan er komin í þá stöðu að fyrirtæki standa eða falla með aðgerðum hennar er vandséð hvernig nokkurt fyrirtæki getur þrifist með neinni vissu. Menn og konur fara í rekstur til að hafa af því tekjur og öll fyrirtæki eru rekin með það að markmiði að skila hagnaði. Ef hagnaðurinn er enginn, er ekkert vit í að halda úti rekstri. Þetta er mjög einfalt. 

 Reikningsdæmi sem annaðhvort gengur upp eða ekki. Það fólk sem ekki skilur þessa skilgreiningu á ekkert erindi upp á dekk. 

 Engin eða sem minnst vinna virðist vera orðið helsta keppikefli “forystunnar”. Það sem við tekur eru atvinnuleysisbætur. Hvaðan ætli þær nú komi kann einhver að spyrja. “Forystan” spyr þess hinsvegar ekki, enda vel launuð á kostnað umbjóðenda sinna.

 Er ekki lífið dásamlegt?

 Góðar stundir, með kveðju að sunnan.

 

 

 

„Ógn við skipulag vinnumarkaðarins“

Eru ekki fleiri með þyrlur?

 Það er nóg til af þyrlum á Íslandi að því er virðist í hin ýmsustu verkefni.

 Göngustíga á Esjuna og annað. Er nokkuð úr vegi að nýta þær í svona verkefni, í stað þess að bera vatnið í fötum til slökkvistarfa úr alfaraleið, þar sem nánast engum vörnum verður við komið nema úr lofti? Ef Gæslan hrekkur úr skaftinu eru þá engin ráð önnur en láta landið brenna?

 Hvar er plan B? 

 Góðar stundir, með kveðju að sunnan.

„Erum að berjast í þessu enn þá“

Trúir þessu einhver?

 Í Kína býr hartnær einn og hálfur milljarður manna. 1.500.000.000.-

 Eitt dauðsfall í upphafslandi veirunnar á þremur vikum? Þetta er svo ´´absúrd´´ að furðu gegnir að nokkur fjölmiðill skuli gleypa við þessari endemis dellu átölulaust og ekki spyrja neins, en kemur svosem ekkert á óvart. Fjölmiðlafólk er orðið numb og latt og vinnur flest á google translate, copy paste skalanum. Þessi tala undirstrikar, ef eitthvað er, hve lítið er að marka kínverska kommúnistaflokkinn og bullið sem þaðan vellur. 

 Svei fjölmiðlum, að henda svona andskotans dellu út í loftið, kinnroðalaust og án nokkurar eftirfylgni eða spurninga. Skammist ykkar bara svokölluðu blaða eða fréttamenn fyrir aumingjaganginn. Ekki að furða að þetta sé ekki lögvernduð stétt. Þvílíkur fjandans fíflagangur!

 Er Davíð í fríi ásamt prófarkalesurunum, eða er honum drullusama líka um svona bévítans þvælu á síðum mbl.is?

 Góðar stundir, með kveðju að sunnan.

 

Eitt dauðsfall í Kína af völdum veirunnar síðustu þrjár vikur

Vangaveltur um skítseiði.

 Að veröldin skuli vera að missa sig yfir ástandi þessa skítseiðis, er með hreinum ólíkindum. Því fyrr sem þessi ódámur hverfur af yfirborði jarðar, því betra. 

 Vestrænir “fjölmiðlar” og talsmenn hvíta hússins ættu frekar að huga að rauðhausnum í  “the oval office”, í stað þess að beina athyglinni að geðsjúkum leiðtoga norður kóreu.

 Ærin eru verkefnin heimafyrir og vandséð að greindarvísitalan rísi neitt að ráði þeim bænum á, næstu misserin. 

 “God bless America”.

 Kosningar framundan um nýjan forseta USA .....”slap me”

 Einn snarruglaður og hinn man varla að hann er í framboði. 

 “The greatest country in the world”??.??

 “Slap me again”.

 Góðar stundir, með kveðju að sunnan.

Kim Jong Un sést loks opinberlega