Kratavæðing Sjálfstæðisflokksins.

 Tuðarinn hefur haft ágætis mætur á Elliða Vignissyni, bæjarstjóra í Vestmannaeyjum. Hætt er við að það álit skolist aðeins til, eftir þessi ummæli hans.

 Elliða til ábendingar, er rétt að benda á það, að konur hafa jafnan rétt á við karla að bjóða sig fram. Konur hafa kosningarétt, til jafns við karla. Ef velja á fólk til starfa fyrir fólkið í landinu, á engu að skipta hvort æxlunarfærin eru innbyggð, eða utanáliggjandi. Það er nefnilega hausinn sem skiptir máli, en ekki kynið. 

 Þessi andskotans kratismi er gjörsamlega kominn út í skurð.

 Elliði þó.....!

 Góðar stundir, með kveðju að sunnan.

Prófkjör tryggi ekki næga fjölbreytni

Að snúa út úr.

 Núverandi borgarstjóri snýr öllu á hvolf. Rekstur borgarinnar þar með talinn. Sjálfumgleði og hroki er aðalsmerki hans og veruleikafirring er slík, að engu tali tekur.

 Hvernig væri að þessi mannvitsbrekka útlistaði fyrir atvinnurekendum sínum (kjósendum), hvur fjandinn þessi borgarlína eiginlega er? Hvað er verið að tala um, þegar talað er um borgarlínu? Er það lína til að hjóla og ganga eftir, almenningsvagnar, lestarsamgöngur, hestakerrur eða hvað?

 Hvað er borgarlína? Um hvað er verið að fjalla?

 Ömurlegt er að fylgjast með bæjarstjórnum nágrannasveitarfélaganna lepja andskotans delluna upp eftir miðbæjarrottunum í Reykjavík. 

 Á kosningaári gæti það reynst þeim skeinuhætt.

 Góðar stundir, með kveðju að sunnan.

 

Dagur: Við Sigmundur greinilega sammála

Hvað um einn bruna að auki, á sama tíma?

 

 Tuðarinn getur ekki annað en hryllt sig við tilhugsunina um það, að þriðji bruninn annarsstaðar á höfuðborgarsvæðinu, á svipuðum eða sama tíma, hefði kollvarpað getu slökkviliðsins til ásættanlegs viðbragðs, með ófyrirséðum afleiðingum. Ef til vill ætti maður ekki að velta "worst case senario" fyrir sér, en kemst hreinlega ekki hjá því, eftir atburði þessarar nætur. Það ætti jú ávallt að gera ráð fyrir "worst case senario" þegar öryggismál eru skipulögð.

 Þetta ætti að verða yfirvöldum magnþrungin ástæða til verulegra þanka um getu Slökkviliðs höfuðborgarsvæðisins og hvernig forgangsraðað er fjármagni til almannaheilla og öryggis. Það getur reynst dýrkeypt, að spara sér til dauða.

 Góðar stundir, með kveðju að sunnan.

„Þetta var alveg á ystu nöf“

Hvert átti tíkin að fara?

 Fáránleg "frétt".

 Átti tíkin að taka úr lás, trítla út úr íbúðinni og kalla á hjálp, eða "dial 911"?

 Mbl.is, koma svo! Þetta er ekkifrétt.

 Góðar stundir, með kveðju að sunnan.

Neitaði að yfirgefa látinn eiganda sinn

Og íslendingar kaupa í Torreveja.l

 Íslendingum er frjálst að versla húsnæði á Spáni og víðar. Því er vandséð hvað er fréttnæmt við það að spánverjar kaupi húsnæði á Íslandi.

 Góðar stundir, með kveðju að sunnan.

Spánverjar kaupa á Grandaveginum

Frosti hinn skynsami.

 Frosti Sigurjónsson er sennilega einhver mesti skynsemismaður, sem setið hefur Alþingi Íslendinga. Hvort heldur deilt er um fjármál eða almenna skynsemi, á Frosti ávallt skynsöm svör, sem duga.

 Synd að þessi maður skuli ekki í dag vera fjármálaráðherra og yfirstjórnandi peningastefnu ríkisins.

 Hvað olli því að hann hvarf af braut pólitíkurinnar, væri fróðlegt að heyra frá honum sjálfum.

 Klár karl og vanmetinn, umfram flesta.

 Já, enn og aftur gleðilegt ár, með kveðju að sunnan.

 

Vill frekar banna eitruð innihaldsefni

Smári, Smári, lukkudýrið yndislega.

 Ef gerðar eru kröfur um vitsmuni, menntun og ég veit ekki hvað, þegar sótt er um starf á almennum markaði, er undarlegt að á þjóðþing komist hvaða bægsli sem er. Eitt hundrað milljónir eru árslaun um það bil hvursu margra Íslendinga? Smáaurar í huga píratabjálfa, en hellingspeningur í augum þeirra, sem þeirra afla. 

 Gott fordæmi.... "up my ars!"

 Snáfaðu Smári og allt þitt fylgifé.

Vill laga „frekjukast forsetans“

"Sjálfseignarstofnun". Hvað er nú það?

 Jú, sjálfseignarstofnun er stofnun sem á sig sjálf, eins og liggur í orðanna hljóðan. Um hana gilda engin skynsamleg lög og þeir sem komast á stjórnunarspena í slíkri stofnun, geta hagað sér nánast að vild, eins og mýmörg dæmi sanna.

 Það er engin stjórn, það eru engir hluthafar, það er nánast ekkert til, sem kemur böndum yfir stjórnendur sjálfseignarstofnana. Þeir geta setið í sínum stöðum eins lengi og þeir vilja og makað krókinn að eigin listisemdum og losta. Ósnertanlegir með öllu, að því er virðist, svo ótrúlegt sem það hljómar.

 Eitt ömurlegasta dæmi, sem tengist sjálfseignarstofnun á Íslandi, er hörmungarfyrirbærið Eir. Þar var öldruðu fólki lofað áhyggjulitlu ævikvöldi, gegn vænni greiðslu. Öllum ævisparnaði og elju, áratuga strits. Það loforð var svikið illilega og fjölmargir eldri borgarar sem báru þar verulega skertan hlut frá borði. Þegar rýnt var nánar í stjórnunarhætti stjórnendanna, kom margur daunillur sannleikurinn í ljós. Gjálífi, stöðum og munaði var úthlutað til vina og vandamanna, með óheyrilegum kostnaði. Reksturinn virtist litlu máli skipta og ákvarðanir og aðhald ekkert, því sporslurnar runnu sjálfkrafa inn á einkareikninga stjórnenda, í ýmsu formi.  Allt á kostnað þeirra heldri borgara, sem töldu sig hafa klofið það og séð út við sjóndeildarhringinn að geta eytt síðustu árum ævi sinnar í tryggu og vinsamlegu umhverfi.

 Að ekki hafi verið tekið á þessu fáránlega fyrirbæri, sem sjálfseignarstofnun er, er algerlega óskiljanlegt. Jón og Gunna væru löngu komin bak við lás og slá, ef þau dirfðust að eiga sig sjálf svona mikið. 

 Hvaða rök er hægt að færa fyrir því, að ekki hafi verið tekið á þessum óþverra? 

 Hver er að vernda hvern?

 Eru hérlendir pólitíkusar svo innmúraðir í viðbjóðinn, að þeir hafi sammælst um að hreyfa ekki við þessari óværu?

 Spyr sá sem ekki veit, en grunar margt.

 Góðar stundir og sprengið ykkur ekki í tætlur um áramótin, með kveðju að sunnan.

Ráðherra taki á skilaskussum

"Örugg" svæði fyrir gerendur?

 Skiljanlega eru ekki allir sáttir við þessa ráðstöfun. En að halda því fram, eða fara fram á, að nær væri að taka á gerendum, er undarlegur málflutningur, í meira lagi. 

 Það verður enginn gerandi, fyrr en eftir gerninginn, ekki satt?

 Ef þú gerir ekkert, ertu ekki gerandi.

 Með þessum ruglrökum mætti allt eins fara fram á að komið yrði upp öruggum svæðum fyrir gerendur.

 Það vita flestir hverjir þessir gerendur hafa verið, undanfarið í Þýskalandi, en ekki ætla ég að hætta mér inn á braut þeirrar umræðu, svo mikið er víst. 

 Þökkum fyrir að á Íslandi hefur enn ekki komið til þess að grípa þurfi til svona óyndisúrræða. Hve lengi það varir, veit enginn, en gleðjumst og fögnum nýju ári á einhverju öruggasta svæði sem nú finnst á Móður Jörð, Íslandi.

 Góðar stundir, með áramótakveðju að sunnan.

„Örugg svæði“ fyrir konur

VSK á upplýsingar?

 Óli og Pálli Magg eru augljóslega ekki vel nettengdir.

 Greinilegt að hausinn á þeim vill engan skatt greiða, nema þegar henta þykir.

 Góðar stundir, með sprengikrafti að sunnan.

Fagna hugsanlegri undanþágu frá VSK