"Efnahagshægðir"

Hér í Argentínu fór þjóðin í gegnum svipaðar hremmingar og almenningur og fyrirtæki þurfa nú að kljást við heima á Íslandi. Í raun er það sem gerðist á Íslandi nánast endurtekning á því sem gerðist hér og orsökin að stórum hluta sú sama. Gjörspillt ríkisvald og óheft frelsi "viðskiptamógúla" sem engu eyrðu og fengu að vaða uppi eftirlitslaust. Í Argentínu varð ástandið þó aldrei svo svart að verkalýðsfélög eða aðrir aðilar færu að niðurgreiða iðrafruss. Það er mat Tuðarans að varla sé hægt að komast neðar í nokkurri efnahagslægð en þegar orðið "efnahagshægðir" bætist í orðabókina. Hefði haldið að fjármunum verkalýðsfélaga væri betur varið til brýnni verkefna en þessa. Þegar ég reyndi að útskýra þetta fyrir Edgardo öðrum stýrimanni, stökk honum ekki bros á vör. Hann hallaði sér hins vegar upp að mér og sagði ofurhljótt og grafalvarlegur.: "Djir master Dori. Jor neisjon is in díííp shit. Æ did not ríalæs ðis vas so seríus". Að því mæltu gekk hann niður stigann úr brúnni, hristandi hausinn, muldrandi "Dávnpeid shit. Æ must tell ðe gæs. Nóvon vill belív ðis"  

Niðurgreiðir Detox meðferð

Athugasemdir

[Hrönn Sigurðardóttir, 22.5.2009 kl. 12:55]

hahahha Ég er að verða soldið skotin í öðrum stýrimanni!

[Ingibjörg Friðriksdóttir, 23.5.2009 kl. 19:54]

Kæri Tuði, ekki í fyrsta sinn sem við erum ósammála, en ef ég væri Hrönn, þá ætti hún að sjá þig áður en hún fer að verða skotin í 2. stýrimanni.

Við erum í djúpum skít og veitti ekki af örlítilli hreinsun og best væri ef hún væri niðurgreidd eitthvað, mikið borgum við í félagsgjöld.

[Anna Einarsdóttir, 25.5.2009 kl. 00:28]

Mér fannst merkilegast við frétt sjónvarpsins um þetta efni, hvað stólpípumaðurinn virtist vera áhugasamur um starfið sitt.