Þvílíkt andsk..... rugl!

Að hækkun brennivíns og tóbaks skuli hækka skuldir almennings er svo vitlaust, að engu tali tekur. Er virkilega ennþá hægt að finna tréhausa í þjóðfélaginu sem vilja ekki afnema þessa bölvuðu verðtryggingu? Tuðarinn er þverhaus og veit af því, en fjandinn hafi það að hægt sé að fá hann til að fylgja verðtryggingarósómanum.  

Kær kveðja úr suðurhöfum, þar sem verð á áfengi hefur þau einu áhrif, að manni líður bara vel og slakar á, án þess að skuldirnar aukist. Verðtrygging.....frusssss!  

Vínhækkun eykur skuldir heimila

Athugasemdir

[Brattur, 30.11.2008 kl. 11:05]

... sammála þessu með verðtrygginuna... allir vilja hana í burtu nema þeir sem ráða... veit ekki hvurn andsk... það er eins og stjórnvöld vilji að almenningur missi eignir sínar til ríkisins... (bankanna - Íbúðalánasjóðs) og hvað erum við bættari með það huh?

... hvernig er annars að vera á veiðum í suðurhöfum... er það bara stuttbuxur, sólbað og nice?

[Anna Einarsdóttir, 30.11.2008 kl. 11:44]

Sammála þér þverhaus.  Ef verðtryggingin væri eins góð og af er látið, af hverju er hún þá ekki í þeim löndum sem við berum okkur saman við ?  Ha ? 

Ég vona samt að þeir taki ekki Breezerinn sem ég keypti mér á bar nýlega og miði verðtrygginguna við hann.    Breezer kostar þrjúhundruðogeitthvað kall í ríkinu en mér var gert að greiða fyrir hann EITTÞÚSUND kall á barnum.    Það rann alveg af mér.