Saklaus, uns sekt er sönnuð......eða?

 Hvað er að gerast, meðal fjölmiðlafólks á Íslandi?. Hefur fólk sem nú starfar á fjölmiðlum algerlega misst glóruna?. Ótal manneskjur eru boðaðar í alls kyns yfirheyrslur, ár hvert. Hvar á að draga mörkin um nafnaopinberanir?. Ekki ætlar Tuðarinn að hvítþvo afbrotamenn af misgjörðum sínum, eða jafnvel áður sönnuðum glæpum, þeim á hendur. Það er enginn sekur, fyrr en sekt er sönnuð!. Framsetning fjölmiðla og miskunnarleysi, er kemur að opinberun nafna þeirra sem kallaðir eru til yfirheyrslu, er ógnvekjandi. Fjölmiðlar ættu að stíga varlega til jarðar í umfjöllun sinni um þetta mál. Nú þegar virðast nógu margir hafa verið teknir af lífsleið sinni, sökum þess og því sem dómsvaldið að endingu ákvað, illu heilli byggt á vafasömum staðreyndum. Ákvað, sökum þrýstings, sem fjölmiðlar þess tíma settu á illa undirbúna Lögreglu, allt í nafni sölumennsku á ómerkilegum dagblaðasneplum, sem stjórnað var af misæstum ritstjórum og fréttasnauðum blaðamönnum, sem átu upp nánast allar kjaftasögur bæjarins, á þessum tíma og settu á prent. Ómar Ragnarsson lýsir vel skiljanlegum, blendnum tilfinningum, íbloggfærslu, þá er hann las sitt hvora útgáfuna í sjónvarpi allra landsmanna, á sínum tíma, með talsverðu millibili. Man hreinlega ekki, hvort Óli Blaðasali stóð enn á horninu, fyrir framan Reykjavíkurapótek á þessum tíma, en hafi hann gert það, hefur enginn fjölmiðill fullyrt fleiri útgáfur á harmleiknum. Hann seldi jú allt sem fékkst prentað. Fyrirsagnir selja, en fréttin á að fylgja sem frétt, en ekki fullyrðing. Þar falla nánast alli hérlendir "fréttasnápar"á prófinu. Gleyma sér í "sínu" og eru þar með "persona non grada" í fréttamennsku. Ódýr fréttamaður er verri en enginn. Enginn fréttamaður verður betri en allt. Fréttamenn eiga að flytja fréttir, en ekki búa þær ril.

 Góðar stundir, með kveðju að sunnan.

 

 

Stefán og Þórður hinir handteknu

Opna hvað, í hverju?

 Til hamingju Jón Margeir! Sérdeilis glæsilegt afrek. Blaðamaðurinn sem skrifaði greinina hefði hinsvegar mátt skilgreina ögn betur hverjir voru að keppa og einnig útskýra hvað S14 flokkurinn stendur fyrir. Burt séð frá því er alltaf gaman að sjá þegar okkar fólki gengur vel. Gleði Jóns Margeirs er algerlega ósvikin á myndinni, enda full innistæða fyrir brosinu. Enn á ný.: Til hamingju, Jón Margeir!.

 Góðar stundir, með kveðju að sunnan.

Jón Margeir setti nýtt heimsmet

Enn þá?

 Mikið hefur orðið ennþá tekið miklum breytingum. Skyndilega orðið að tveimur orðum. Er einhver önnur orðabók í notkun í Hádegismóum, en meðal almennings, eða finnst þar engin orðabók lengur, frekar en prófarkalesarar?.

 Góðar stundir, með kveðju að sunnan.

Enn þá til sæti til Frakklands

Hringja engar bjöllur?

 Til stendur að opna þetta glæsilega hótel, árið 2018. Í dag er maímánuður langt genginn og árið er 2016. Í kynningu um hótelið segir að endanlegt útlit liggi ekki alveg fyrir, en samt kynnir majorinn yfir höfuðstaðnum þessa framkvæmd, eins og hún sé orðin að veruleika. Fjármögnun er ekki einu sinni lokið! Majorinn yfir höfuðstaðnum veit ekki, frekar en aðrir, hverjir eru að fara að byggja þetta hótel. Einn stærsti og mest lesni fjölmiðill landsins, fullyrðir með stríðsletri á forsíðu sinni, að einn ríkasti maður heims sé þátttakandi í þessu ævintýri. Enginn virðist samt geta sagt til um, með vissu, hver sé í raun að fara að byggja þetta hótel. Hótel, sem hefur enn ekki verið fullhannað, né fjármagnað. Er ekki nóg að hafa eina Hörpu við höfnina í höfuðstaðnum? Á að henda öðru mannvirki í hausinn á almenningi, til borgunar, við hliðina á hinu skaðræðinu, sem aldrei hefur og aldrei mun, standa undir sér. Harpan er vissulega glæsileg bygging, en á sama tíma ljúfsár minnisvarði um fáránleikann sem grasseraði í upphafi aldarinnar. 

Góðar stundir, með kveðju að sunnan.

Birti teikningar af Marriot hótelinu

Hefur opinberum starfsmönnum fækkað, í sama hlutfalli?

Góðar fréttir, að stofnunum ríkisins hafi fækkað, svo um munar. Það væri ekki síður fróðlegt að fá það upplýst, hve hátt hlutfall vinnubærra landsmanna vinnur hjá hinu opinbera í dag, miðað við hlutfallið árið nítján hundruð níutíu og tvö. Það er nefnilega ekki nóg að fækka einungis stofnunum.

Góðar stundir, með kveðju að sunnan.

178 færri ríkisstofnanir

Um hvað er þessi frétt?

Útlaginn í náttúrunni er ekki við Rauðavatn. Blaðamaður bullar. Um hvern fjáran er þessi frétt? Er þetta frétt, eða uppfyllingarefni? Er þetta algert blaður? Sennilega.

Góðar stundir, með kveðju að sunnan.

„Guðni er fallegur maður“

Með fráhneppt í Hvíta Húsinu?

Er enginn innan stjórnsýslunnar, sem tuktar til og kennir hérlendum diplómötum, hvernig haga skuli sér og búast, í samskiptum við erlenda þjóðhöfðingja? Það eina sem vantar á þessa mynd, er að forsætisráðherra Íslands, sé með uppbrettan jakkavoðung sinn. Þetta er bara skandall og ekki orð um það meir.

Góðar stundir, með kveðju að sunnan. 

Góðar móttökur í Hvíta húsinu

Glæsilega að orði komist.

Skúli og Ingvar eiga heiður skilinn, fyrir að orða þetta nákvæmlega eins og þetta er og var. Hafi þeir þökk og heiður fyrir. Kominn tími til að stinga út flórinn, þó sumum svíði. Ádrepa þeirra á stjórnvöld á einnig fullkominn rétt a sér. Það getur varla talist eðlilegt, að þessir aflandsgjörningar, sem blasað hafa við, árum saman, skuli liggja hjá garði eins og einhverskonar hismi, sem þurrka megi burt seinna meir, þegar enginn sér eða nennir að fetta fingur út í. Blekkingarvefur "snillinganna" sem nú ganga jafnvel með ökklabönd Fangelsismálastofnunar í hagsmunagæslu sinni, yfir erlendum fjárfestingum dagsins í dag, verður vonandi tættur í sundur á næstunni og þeir látnir ganga plankann. Í dag eru þessum kónum verðlaunuð undanskotin, með bónusgreiðslum frá Seðlabanka Íslands, ef þeim allranáðugsamlegast sýnist svo, að koma undanskotunum aftur inn í íslenskt hagkerfi og gleypa þar allt, bæði naglfast og laust. Aumur launþegi sem vill skipta dollar í krónur fær hundrað og tuttugu kall fyrir, en ef aflandsreikningseigandi samskonar dollars skiptir honum í Seðlabanka Íslands, fær hann 20% meira! Þeir sem stóðu af sér efnahagsstorminn og héldu sjó, til dagsins í dag, líða nú fyrir afsláttarfjármagnið sem vellur inn í hagkerfið ásamt einni komma sjö milljón skítandi og mýgandi túristum, sem hvergi finna salerni. Allt í boði Seðlabanka Íslands og stjórnvalda.

Nú er vor í lofti og á árum áður gerðu Íslendingar hreint fyrir sínum dyrum á þessum árstíma. Í ár er flórinn kominn upp að útidyrahurð og þörf allra krafta, að taka saman höndum í hreingerningunni. Hreinsiefnið sem þarf, er hugsandi fólk, sem lætur ekki drulla yfir sig, nema í besta falli....einu sinni.

 Góðar stundir, með kveðju að sunnan.

 

Harðorður um „aflandsbælin“

Hámark fáránleikans!

Haegt er ad hefja kosningu um forseta Íslands, ádur en frambodsfrestur rennur út! Ekki einu sinni ljóst hvort their sem thegar eru í frambodi verdi thad áfram, eda hvort fleiri baetist vid. Algerlega galid fyrirkomulag og hrópandi daemi um thad hve mikilvaegt er ad endurskoda lög og reglur um kosningu Forseta Íslands.

Gódar stundir, med kvedju ad sunnan.

Kosning erlendis má hefjast á morgun

Brennivínshugsjónin verdur ad bída.

Varla er svo mkilvaegt ad keyra brennivínsfrumvarpid í gegn, ad thad megi ekki bída naestu ríkisstjórnar, hvada flokkum hún sídan verdur samsett úr. Naeg eru víst verkefnin sem tharf ad klára fram ad kosningum, sem hafa mun meira vaegi. Auk thess eru svo mörg mál sem rifist er um thessa dagana, ad varla er á thad baetandi ad hella brennivíninu yfir allt heila klabbid í ofanálag.

Gódar stundir, med kvedju ad sunnan. 

Óvíst með áfengisfrumvarp