Jansen v.s. Phfeizer “bóluefnin”.

 Sá er þetta ritar hefur í þrígang ekki haft tök á því að mæta í bólusetningar þær sem honum voru ætlaðar, samkvæmt skipulagi heilbrigðisyfirvalda. Ég vil þakka umhyggjuna fyrir velferð minni, af hendi sérfræðinganna, en ég komst einfaldlega ekki á staðinn í tvö skipti og í eitt skiptið hugnaðist mér ekki efnið sem átti að dæla í mig. Semsagt einn skammtur A.Z. og tvisvar Phfeizer.

 Hef reynt að koma þeim skilaboðum í kerfið að ég hafi ekki tíma til að bíða eftir seinni skammtinum og ef ég ætli að láta bólusetja mig, mun Jansen vera það eina sem kemur til greina því það felur í sér aðeins eina bólustningu. Ég er jú á leið út í heim til vinnu minnar og kem sennilega ekki heim aftur fyrr en undir jól, eða jafnvel í byrjun næsta árs. Ég þarf semsagt eina sprautu.

 Fór á netspjall á Heilsuveru.is og sendi fyrirspurn á heilsugæslustöðina mína og útskýrði aðstæður mínar. Heilsuvera benti mér á að senda póst á Landlækni, til að útskýra stöðu mína og heilsugæslan mín ráðlagði mér að taka fyrri skammtinn af Phfeizer, því hann væri jafngagnlegur og ein sprauta af Jansen!

 Lái mér það hver sem vill, en ekki laust við að fávís tuðari sé dulítið utangátta þessa dagana.

 Ef Jansen er viðurkennt bóluefni, til fullnustu gegn veirunni, hvers vegna fæ ég svona svar?

 Er verið að viðurkenna bara hvað sem er og ef svo er, hverjum er það til hagsbóta?

 Ríkisstjórn Íslands er búin að skrifa undir það, að hverjar svo sem afleiðingar bólusetningarinnar verða, er framleiðandinn ekki ábyrgur, heldur Íslenska Ríkið! Það er staðreynd, undirrituð og staðfest af ríkisstjórn Íslands.

 Að öðrum kosti hefðum við ekki fengið einn einasta dropa af bóluefni.

 Góðar stundir, með kveðju að sunnan.

 

Delta 40% meira smitandi

Á að bjarga fávitum, eða leita að þeim?

 Það er sorglegt að horfa upp á svona lagað. Svipað atvik átti sér stað á gosstöðvunum, þegar einhver fáráðurinn steig upp á logandi hraunbrúnina til að láta ná góðri mynd af sér.

 Liðsmenn björgunarsveitanna hafa innt af hendi ómetanlegt starf að undanförnu við gosstöðvarnar í Geldingadölum. Ekki beiðst nokkurs í staðinn annars en þess að fólk hagi sér skynsamlega og sé ekki að láta eins og hálfvitar. 

 Það ætti að afhenda hverjum einasta túrhesti sem til landsins kemur upplýsingum um það, að ef einhver fer að haga sér eins og fáviti, geti sá hinn sami ekki með neinu móti átt von á björgun, eða leit að líkamsleyfum hans. Íslendingum ætti einnig að gera grein fyrir þessu.

 Líf og limir björgunarsveitafólks okkar á aldrei að leggja í hættu fyrir fávita. Fávitar í náttúru Islands, innlendir sem erlendir, eru ekki björgunarinnar virði, hvað þá að leitað sé að hræjum þeirra, þegar illa fer í fíflaganginum.

 Góðar stundir, með kveðju að sunnan.

Glæfraleikur við Dettifoss

Niðurrifsverkalýðsforysta?

 Það er dulítið undarlegt að fylgjast með framgöngu forsetu ASÍ. Sem verkalýðsforingi, væri þá ekki betra að bíða eftir fyrstu launaseðlunum og sjá hvað þeir segja, eða telur hún sig geta staðið við fullyrðingar sínar fyrirfram? Fyrirtækið er ekki einu sinni farið að borga út laun, svo neinu nemi. Fullyrðingar um starfsfólk og félög, sem ekki falla í ASÍ hýtina, sem hvað hatrammast hefur t.a.m. barist gegn afnámi verðtryggingar á lánum til almennings? Væri ekki nær að konan liti sér nær og kryfði frammistöðu báknsins síns, síðustu áratugi, í stað þess að leggja stein í götu fyrirtækja sem nú reyna að létta lífið m.a. hjá hennar vinnuveitendum, með lægri fargjöldum?

 Hvurskonar eiginleg framkoma er þetta?

 Getur verið að ástæða fyrirframhatursins sé sú, að starfsfólk PLAY tileyrir ekki hennar veldi og hún telji sig því knúna til að drulla yfir fyrirtækið fyrirfram, því iðgjöld og aðrar álögur báknsins hennar munu ekki njóta gjalda frá launþegum PLAY? 

 Eru allir launþegar hjá fyrirtækjum í sama geira á sömu launum?

 Meiri óskaplega einfeldingsþvælan sem vellur úr þeim sem trúa því enn að öll dýrin í skóginum séu vinir.

 Sósíalismi andskotans tekur á sig ýmsar slæmar myndir og mynd forseta ASÍ er með þeim verri.

 Það sem verra er, er það að þetta er ekki einsdæmi í hérlendri verkalýðsforystu.

 Þeir sem bjóða sig fram til forystu í verkalýðsfélögum, ættu aldrei að hafa hærri laun en umbjóðendur sínir og vinnuveitendur.

 Góðar stundir, með kveðju að sunnan.

 

„Nei við Play!“

Engin einkaleyfi....engin veira?

 Verði einkaleyfin afnumin, hverfur þessi veira hraðar en rönd fær við reist, enda ekkert upp úr henni að hafa lengur. Veira sem ekki hefur enn verið sýnt fram á að hafi verið einangruð, hverfur í hyldýpi markaðsspekúlasjóna og hlutbréfamarkaðaspekúlasjóna...púffff... horfin.. á no time.

 Hvarflar ekki að mér að efast um alvarleika veirunnar fyrir þá sem hana fá og eru veikir fyrir. Að sprauta hraðsoðnu tilraunaefni sem á í raun ekki nokkurn skapaðan hlut skylt við bóluefni, gegn veirunni, i milljarða fólks, meikar einfaldlega engan sens!

 Ástæða áhyggna minna.: Jú, veiran hefur enn ekki verið einangruð, sem er lykillinn að öllum bóluefnum og hefur ávallt verið!

 Það er ekki verið að sprauta bóluefni í fólk, það er verið að hræra í tilraunapotti og ráðherrar og jafnvel forsetar lýðvelda láta eins og þeir séu staddir á rokkkonsert!

 Sorglegt. 

 Góðar stundir að sunnan.

 

Einkaleyfi bóluefna verði afnumin

Hverjum er ekki andskotans sama?

 Engin þörf á einu einasta orði. Að “ frumsýna kærustuna” er jú svo asskoti hipp og svo kúl! Újééé..............   ælir maður eða bara kyngir viðbjóðnum? 

Benedikt frumsýndi kærustuna í Þjóðleikhúsinu

Ríkissjóður tæmist, ef huga skal að öldruðum?

 Orð heilbrigðisráðherfu, í viðtali við meinvörp allra landsmanna RUV, lýsa svo ekki verður um villst geggjuðum hugmyndum hennar um heilbrigðiskerfið. Að ætla öldruðum áhyggjulaust ævikvöld er of dýrt og kemur ekki til greina. Kommadruslan vogar sér að láta þetta út úr sér og enginn mun væntanlega segja neitt á steingeldum fjölmiðlum fáráðlinganna? Hún kemst upp með að fullyrða að umönnun foreldra okkar muni kosta Ríkissjóð alla sína fjármuni!

 Sjaldan hefur kommúnísk kreddukerling komist upp með önnur eins gífuryrði, án svo mikils sem andvarps úr ranni steingeldra fjölmiðla, ef undan eru skilin orð núverandi forsætisráðherfu, hvar hún lýsti því yfir að fóstureyðingar ættu rétt á sér fram að hríðum.

 Þokkalegur andskoti, sem þrýfst innan VG.

 Góðar stundir, með kveðju að sunnan.

 

Má Kári allt?

 Útibússtjóri Amgen lyfjarisans á Íslandi, sem nýlega tók við útflutningsverðalaunum forseta Íslands, fyrir útflutning á erfðaupplýsingum Íslendinga virðist vera eina mannveran, sem aumkunnarverð blaða og fréttamannastétt þessa lands dettur í hug að ræða við, um kóvidið, fyrir utan þríeykið.

 Karlinn flotti er kjaftfor að vanda, enda farinn að finna til sín í þessu standi öllu saman. Hann virðist jú ómissandi í allri umræðunni, að mati hans sjálfs og steingeldra fréttasnápanna. Það er nefnilega svo déskoti gott að þurfa ekki að hafa allt of mikið fyrir því að búa til fréttir. Hringja bara í þrjú, fjögur símanúmer og skúbbið er klárt. Að segja fréttir, er ekki það sama og búa þær til. Til að hrista í góðan æsing er hringt í Kára og allt verður vitlaust af kæti. Pöpullinn heldur varla vatni yfir snilli þessa manns og dásamar ummæli hans.

 Get ekki annað en tekið undir orð Sigríðar Andersen. Kári Trump er staðreynd.

 Góðar stundir, með kveðju að sunnan.

Sigríður sendir Kára pillu vegna Trump-samlíkingar

Î marki Liechtenstein?

 Ömurlegasta atvik leiksins var markið, sem skorað var beint úr hornspyrnu! 

 Þetta á ekki að vera hægt!

 Hannes í markið aftur og burt með þennan gutta! Hann er einfaldlega ekki nógu góður.

 Feis it!

 Viðar Örn inn aftur. 

 Góðar stundir, með kveðju að aunnan.

Ótrúlegur vandræðagangur í marki Liechtenstein

Í alvöru?

 Hversu langt á þessi geggjun að ganga? 

 Af engri, ekki nokkurri einustu manneskju, er hægt að ætlast til þess að standa undir þessari geggjun!

 Forsætisráðherrar, sem pöpullinn allur er komínn að þolmörkum, því veiran sem allt á  víst að drepa, hefur ekki enn verið einangruð!  Engin hafa líkin á götum enn fundist.

 Endalaus afbrigði og hættan mögnuð í skjóli eilífs ótta og fávita á enn fávitalegri fréttastofum, sem nærast á æsingi einum saman.

 Endalaust er talað um hin ýmsu afbrigði, en á sama tíma talað um nauðsyn þess að láta SPRAUTA sig með.....með hálf, eða jafnvel algerlega óreyndu sulli.

Það eru komin “ bóluefni” og við eigum bara að láta sprauta því í okkur. Ekki einu sinni rotturnar fengu að finna fyrir þessum tilraunalyfjum, en í það skal okkur mannfólkið, sama hvað tautar og raular!.....  

 Hugsar enginn neitt lengur?

 Góðar stundir, með kveðju að sunnan. 

Solberg formlega grunuð

“Rakst á Elliðaey” ?

 Oft verður maður hvumsa við lestur frétta og verður þessi að teljast til einnar af þeim allra skrautlegustu. Blaðamaður hefur greinilega ekki minnstu hugmynd um hvað hann er að fjalla. 

 Skip verða ekki fyrir því óláni að skella á eyjum sem eru yfir hundrað metra háar og sjást í margra sjómílna fjarlægð með berum augum að degi og ratsjá í myrkri. Skip sem skellur utan í eyju er stjórnlaust skip. Brúin gæti hafa verið mannlaus, sá sem var á vakt sofandi eða svo illa á sig kominn af einhverjum ástæðum, að skipið siglir á eyjuna. Þetta er ekki flókið.

 Rannsóknarnefndin skilar sennilega skýrslu um málið í ársbyrjun 2024, ef rösklega verður á málum haldið á þeim bænum.

 “Dala-Rafn varð fyrir því óláni að rekast/skella á Elliðaey” hlýtur að vera heimskulegasta fyrirsögn sem nokkru sinni hefur komið fyrir sjónir manna, í umfjöllun um sjávarútveg.

 Góðar stundir, með kveðju að sunnan.

 

Einn hlaut meiðsl er Dala-Rafn rakst á Elliðaey