Stjórnmálafræðingurinn og fréttamenn.

 Það er hábölvað, að á Íslandi virðist einungis einn stjórnmálafræðingur vera til. Hann kemur ofan úr Bifröst. Eftir tungutaki hans og tilvitnunum, dansa síðan fláráðir frétta og blaðasnápar, með opinmyntan túlann og skrifa sínar greinar og pistla. Ekki samkvæmt fréttunum, heldur áliti mannvitsbrekunnar af Bifröst. 

 Sjaldan, ef nokkurn tímann, hefur blaða og fréttamannastétt þessa lands, lotið jafn djúpt, í eigin getuleysi. Lélegir diktarar, eftir skríbent úr Borgarfirðinum. 

 Fréttamenn....nei ekki aldeilis. Geta ekki einu sinni endursagt neitt, á hlutlausan hátt, án álits frá Bifröst.

 Svei þessari stétt, sem telur sig þess umkomna, að kalla sig fjölmiðlastétt. 

 Stórt FRUSS á þetta lið.

 Góðar stundir, með kveðju að sunnan.

Meiri líkur en minni á að þetta náist

Að snúa öllu á hvolf, með von um stól.

 Fyrir utan að lofa öllum paradís á jörð, í aðdraganda kosninganna, hefur formaðurinn nú snúið öllu á hvolf, þá er kemur að hugsjónum hans, í stjórnarmyndunarviðræðum. Þær má auðveldlega "díla" og "gambla" með, ef fæst stóll. Hvað varð um ónýtu Krónuna og allt fyrir alla, hvað sem það kostar og ónýta Stjórnarskrá?

 Steingrímur J. endurfæddur, nema núna í bláum jakka, með tösku um öxl og hendurnar eins og Jesú Kristur og ber sig að eins og hinn eilífi sannleikur sé á ferð. (Fyrir utan von um stól)

 Flensur og allskyns pestir hafa farið af stað, fyrir minna en þetta. Jafnvel plágur!

 Vonandi finnst mótefni, í tæka tíð.

(Meðan ég man, hvar er Steingrímur og eilífðarfýlupúkinn Svandís? Er VG ein manneskja, eða stjórna henni óræð öfl, sem dúkka ekki upp á yfirborðið, fyrr en senditíkin hefur unnið skítverkin?)

 Góðar stundir, með kveðju að sunnan.

Atkvæðagreiðsla um ESB ekki skilyrði

Hvar er umræðan um innflytjendur, flóttafólk og hælisleitendur?

 Af einhverjum óskiljanlegum ástæðum var ekki rætt svo mikið sem eina mínútu um "óþægilegasta" málið, fyrir kosningar. Hvað ætli valdi? Þöggun þeirra, sem þykir óþægilegt að ræða þessi mál, eða sú ömurlega staðreynd, að hver sá sem leggur til einharða stefnu, í þessum málum, er jafnharðan kveðinn í kútinn, af fávísu fjölmiðlafólki. Fjölmiðlafólki, sem getur í krafti útbreiðslu sinna miðla, tekið nánast hvern sem er af lífi, eftir því sem þeim þóknast, á augabragði, án nokkurra skýringa. Nægir að opinbera fullyrðinguna og viðkomandi á ekki möguleika, á að reisa hönd fyrir höfuðs sér. 

 Ein af kostulegustu kollsteypum síðastliðinnar kosningabaráttu, átti Flokkur Fólksins. Flokkurinn mældist með himinskautum, þar til hann gaf eftir í "innflytjandamálum". Fylgið snarféll í næstu "könnunum". Flokkurinn sættist á meðalmennskuna, sem gilt hefur í þessum málum og tapaði feitt,í "skoðanakönnunum". Taldist varla þingtækur. Það var ekki fyrr en formaðurinn grét í beinni, að hann náði styrk sínum á ný og er nú kominn á þing.

 Öll, eða réttara sagt engin umræða um innflæði fólks til Íslands, á sér lengur stað. Allir kjósa að feta einstigi meðalmennskunnar, þar sem á engan er hallað. Þetta gerir fólk svo lengi, að einn daginn hallar á alla.

 Það er dagurinn, sem fyrsta sprengjan springur, í sjálfsmorðsvesti fávita, eða ómálga barns, sem stjórnað er af handklæðahausum, sem ávallt halda sig utan seilingar, en setja þess í stað pening í "málstaðinn".

 Góðar stundir, með kveðju að sunnan.

Láta "fréttamenn" panta tíma!

 Ef maður ætlar til tannlæknis, þarf að panta tíma. Ef maður ætlar til sérfræðings, þarf að panta tíma. Ef maður æskir viðtals við forseta Íslands, þarf að panta tíma. 

 Ef maður vill hjóla í þingmann, setur maður upp boxhanskana og lætur vaða. 

 Skítt með útkomuna. "Miðillinn" selst.

 Þingmenn og aðrar opinberar manneskjur eiga ekki að leggjast svo lágt, að gefa ömurlegum fjölmiðlum eilíflega tækifæri á að taka sig af lífi, eða hefja til vegs og virðingar, jafnvel fyrir ekki neitt.

 "Fréttamenn" á Íslandi.:  Pantið tíma, eins og aðrir!

  Þið eruð ekkert merkilegri en hver annar. Sá sem heldur því fram, í ykkar röðum, hefur fyrirgert rétti sínum til fréttamennsku. 

  Góðar stundir, með kveðju að sunnan.

Ásmundur biðst afsökunar

Hvað er að?

 Það er eitthvað mikið að, þegar þekktur ofbeldismaður getur dvalið frjáls hér á landi, mánuðum saman, hlotið vernd, húsnæði og annað, sem hlotnast ekki öllum Íslendingum. Meðan þessu fer fram, fremur hann hvert afbrotið af öðru og gerir í rauninni allt, sem slæmt getur talist, honum til handa. Í janúar s.l. var ljóst hvurslags vitleysingur var hér á ferð. Undirmönnuð lögreglan hefur ítrekað haft afskipti af þessum óþverra, en það er ekki fyrr en í september sem hann er lokaður inni. Meira að segja þar, heldur hann áfram áróðri, fyrir hönd mannleysa.

 Er ekki kominn tími til að stjórnvöld girði sig í brók, eða er beðið eftir fyrstu sprengjunni, að springa á fjölförnum stað á Íslandi, rétt áður en einhver fávitinn gargar setninguna frægu?

 Góðar stundir, með kveðju að sunnan.

Sagðist vera liðsmaður Ríkis íslams

Ömurlegur þáttur.

 Það er hreint út sagt pínlegt að horfa á þennan þátt. Spyrlarnir drulluðu í buxurnar í þáttarbyrjun og síðan varð þátturinn að þvaðri, blaðri og frammíköllum. 

 Er þetta þáttur sem átti að auðvelda kjósendum að gera upp hug sinn, í kjörklefunum á morgunn?

 Andskotinn bara, að horfa upp á þetta!!!

 Góðar stundir, með kveðju að sunnan.

Leiðtogarnir tregir til handauppréttinga

Trúfélög, stjórnmálaflokkar og opinberir styrkir.

 Það er ekki laust við að sjóði á manni, við að lesa um svona sóun á almannafé, sem þessi rúmlega fimmtíu milljóna greiðsla er, til þessa skrípasafnaðar. Hvaða jólasveinn sem er, getur samkvæmt þessu, ef hann fær nógu marga vitorðsmenn með sér, lagst á spena alþýðu þessa lands, sem snýkjudýr. Fengið að launum milljónatugi, sem aldrei verða til úr öðru en vinnu launafólks og þeim gjöldum sem á það er lagt, til hins opinbera. Fjármunasóunin innan ríkisgeirans er sennilega svo mikil, að duga mundi fyrir hátæknisjúkrahúsum í öllum landsfjórðungum. Milljarðatugir leka um allt í alls kyns þvælu, eins og þessa. Kerfið er farið að éta sig innan frá, í óskiljanlegu ruglregluverksbulli og embættismannafrumskógi, þar sem smákóngar og kerfissérfræðingar þræða þrönga stigu regluverksins og finna ávallt leiðir framhjá, eða kringum.

 Þetta á ekki eingöngu við um þetta zúzú kjaftæði, eða önnur svokölluð trúfélög, heldur stjórnmálaflokka einnig. Hvers vegna á alþýða þessa lands, að fjármagna rekstur stjórnmálaflokka, í sveita síns andlits? Hvaða endemis rugl er þetta eiginlega? Hvers vegna í ósköpunum á almenningur, með sköttum sínum, að fjármagna stjórnmálaflokka?

 Stjórnmálaflokkar og trúfélög eiga að vera fjármögnuð af þeim, sem vilja fylgja þeim. 

 Ef fólk vill fylgja politískum stefnum, eða trúarskoðunum, á það að taka þátt í rekstrinum, hugsjónum sínum til framdráttar. Ef ekki, getur varla verið um mikla hugsjón að ræða.

 Ef hugsjónin stoppar í buddunni, er lítið varið í málstaðinn. Ef þú tímir ekki að vera kommi eða krati, zúzúzú, kristinn, múslimi eða hvað sem er, ertu hræsnari, því með því hefur þú gefið það út, að það sem þú aðhyllist, viltu að aðrir greiði fyrir. 

 Einnig þeir, sem eru ekki á sömu skoðun og þú.

 Hræsni andskotans og auðvirðileg lífssýn.

 Svona svipað og nauðbeygð áskrift að rúv.

 Góðar stundir, með kveðju að sunnan.

Zuistar gáfu Barnaspítala milljón

Reiknivél Þorsteins er röng!

 Það er undarlegt, hve menn geta farið hratt úr einu í annað. Þorsteinn Víglundsson, sem fyrir skömmu var talsmaður atvinnulífsins, er nú orðinn kerfiskerling helsta dragbýts þess, sem hann "ageteraði" eitt sinn fyrir. Þorgerður Katrín orðin krati, eftir áratuga (einarða) veru í Sjálfstæðisflokknum og stofnandi Viðreisnar kominn út í kuldann. Sjaldan hefur náðst mynd af viðtakendunum meira brosandi, en eftir að Benna var skúbbað á hliðarlínuna, eins og sést jafnvel enn betur á þessari mynd, þar sem hann rétt sést, lengst til vinstri á myndinni, brosandi en greinilega grátandi, að innan. Þetta er nú ekki beysið lið. Hælbýtar og bakstungulið sem notar hvert tækifæri sem býðst, til að níða skóinn, hvert af öðru og skara eld að eigin köku, frama og frægðar. "Tobba best" Hver ætli verði í miðsætinu að viku liðinni? Þorsteinn "meðfærilegi", eða Þorgerður "útumalltdrottningin"?.

 Reiknivél Þorsteins "meðfærilega" er röng. Ástæðan er einföld.:  Það tekur minnst tíu ár að nálgast þessa dellu, ef af yrði. Nú virðist ekkert benda til þess að Íslendingar vilji ganga í esb. Þar af leiðandi er þetta rugl og það veit Þorsteinn, en í aðdraganda kosninga, má að því er virðist ljúga, bulla og láta frá sér fara, hvaða dauðans dellu sem er. Fjölmiðlar sjá síðan um að dæla þessu út, hvaða nafni svosem það nefnist. 

 Frétta og blaðasnápar fjölmiðla þessa lands, eru lélegustu miðlarar frétta sem um getur, frá því orðið "fréttamaður" var fundið upp og starfsskyldur hans skilgreindar. 

 Fréttamenn eiga að segja fréttir. Fréttamenn eiga hvorki að búa til fréttir, sem samrýmast þeirra persónulegu skoðunum, eða taka við ómerkilegum fréttatilkynningum og gera þær að sínum. (Afkomutölur banka þar með taldar) 

 Þegar fréttamenn falla í þessa gryfju, eru þeir ekki lengur fréttamenn. Þeir verða að enn einum bloggaranum, eins og aulanum mér, sem fáir taka mark á lengur, enda lítið annað en tuðari og þverhaus, gasprandi á hliðarlínunni í eilífðar óánægju, um allan fjandann. Hjáróma rödd í einskismannslandi.

 Góðar stundir, með kveðju að sunnan.

 

Viðreisn sýnir spilin

Auðlindir og auðlindagjald.

 Sjávarútvegurinn er eina atvinnugrein Íslands, sem greiðir auðlindagjald af starfsemi sinni. Hvorki ferðaþjónustuaðilar, norðurljósaseljendur, málmverksmiðjur, eða aðrir, sem gera sér sameign þjóðarinnar að féþúfu, er gert að greiða auðlindagjald.

 Hvað ætli valdi því?

 Sennilega er öfund og málefnaþurrð öfundarafla, kratískra og sósíalískra, sem dreymir um jafnaðaraumingjagang til handa alls landslýðs, undir sívakandi og alltumlykjandi yfirstjórn embættismanna og ríkisvalds, helsta skýringin, að mínu mati. Ef þér gengur vel, skaltu fá að blæða fyrir, andskotinn þinn. Allir skulu hafa það jafnskítt, á meðan "elítan" fitnar og dafnar á endalausum áróðri um meðalmennskuþjóðfélag, þar sem frumkvæði og dugnaður er dauðasök og skal skattlögð til andskotans. 

 "Allur fiskur á markað" er einn frasinn, sem bylur á samfélaginu í umræðu um fiskveiðistjórnun og "þjófnað kvótagreifanna" á "sameign þjóðarinnar". Frasi sem notaður er jafnoft orðið og "innviðir" í þeirri ömurlegu kosningabaráttu, sem nú ríður röftum, næstum þremur árum fyrr en hefði átt að vera, því dúkkulísur úr ranni gnarrsins fannst að sér vegið og fóru í fýlu. Gjörsamlega ótækt afl vælukjóa og kverúlanta sjálfselskunnar. Kvótakerfið er fjarri því fullkomið og margt sem þar má betur fara. Það má nánast endalaust gera betur, en það má ekki draga úr löngun manna og kvenna, að gera betur. Þeir sem ætla sér hinsvegar að starfa þar, þurfa öryggi. Hvaða vit er í því að fjárfesta eitt ár fram í tímann? Það gerir ekki ein einasta viti borin manneskja. "Allur fiskur á markað", er rugl. Til að veiða fisk, þarf skip. Skip eru ekki ódýr. Það kaupir enginn skip, eða leggur fjármuni sína í fiskvinnslu, með eins árs plan í farteskinu, því allt skal ávallt "á markað". Er ekki frjáls markaður eitur í beinum krata og komma? Hvers vegna í ósköpunum er fiskurinn það eina sem skal á markað? Er náttúra og víðlendur Íslnds ekki sameign þjóðarinnar? Helsti vaxtarbroddurinn í uppgangnum, ásamt makrílnum. Hvers vegna í ósköpunum eru náttúrusölumönnum ekki gert að greiða auðlindaskatt af sinni starfsemi og það strax? 

 Þetta skilja ekki sósíalistar og kratar, enda skilja þeir ekki hagfræði 101. Hagfræði 101 er nefnilega það sem vantar í kratískan og sósíalískan hugsunarhátt og gerir krata og komma að krötum og kommum. Til að geta eytt peningum, þarf fyrst að afla þeirra. Er hægt að orða þetta skýrar? Af einhverjum ástæðum skilja kratar og kommar þetta aldrei og það gerir þá að því sem þeir eru. Vilja allt, án þess avo mikið sem hugsa til þess, hvaðan allt kemur.

 Þegar fjármagn þrýtur, verður ekki endalaust hægt að prenta peningaseðla. Það kerfi fellur að lokum inn í vakúm, sem endar á sama hátt og kommúnisminn og nú síðast, kratisminn, í ömurlegu embættis og valdsmannskerfi Evræpusambandsins, sem eru á sama "level"og Sovétríkin og Venezúela.

 Að á Íslandi skuli enn finnast fólk, sem dreymir um fullveldisafsal til blýantsnagara í Brussel, því draumur þeirra eru feitir bitlingar og skattfrjáls laun, við blýantsnag, er ömurlegt. Aumustu drullusokkar lýðveldisins, sem sumir hverjir fengu jafnvel afskrifaðar skuldir, sem námu árslaunum þrjú hundruð verkamanna, þykjast nú þess umkomin að ætla að "redda" málunum, með annara manna peningum.........aftur.

 Góðar stundir, með kveðju að sunnan.

Vel skiljanleg ráðstöfun.

 Það er vel skiljanlegt að veitingahús taki upp þetta fyrirkomulag. Það felst ótrúlegt virðingarleysi í því að panta borð á veitingastað og mæta síðan ekki, jafnvel án þess að afbóka tímanlega. 

 Góðar stundir, með kveðju að sunnan.

 

Ekki hægt að bóka borð og mæta ekki