Loðna-Gulldepla?

Á sama tíma og menn þjarka um hvort hefja eigi loðnuveiðar eður ei,  dásama þeir samtímis "hálfs milljarðs aflaverðmæti af Gulldeplu" þó sölt sé í mjölinu. Á sama, "sama tíma", er íslenskur "auðmaður" sem hingað til hefur fengið allt lánað, en ekkert borgað til baka,  að setja íbúðina sína á sölu í New York og verðmiðinn .....þrír milljarðar! Hvaða andskotans gagn er af þessum sjávarútvegi eiginlega...? Hvað eru menn að gera hér út heilan flota af skipum og helling af mannskap, ef þetta er "trikkið"? Er nema von að umheimurinn hlægi sig máttlausan að okkur, andskotans vitleysingjunum, auðtrúa og opinmynntum aumingjunum fyrir öllu sem þriggja milljarða íbúðareigandinn matreiddi ofan í okkur árum saman í gegnum fjölmiðla sína? Keypti meira að segja einn forseta í leiðinni og lét hann dansa eins og fjarstýrðan hurðaopnara, framleiddan í Kína. Það má vel vera að Tuðarinn sé vitlaus, sem hann eflaust er, en Tuðarinn er orðinn svo þverpólitískur í öllu bullinu að hann mun ENGAN núverandi flokka kjósa í næstu kosningum, svo mikið er víst. Er ekki einhver "game" í nýjan flokk?  Bara spyr.

Vilja hefja loðnuveiðar strax

Athugasemdir

[Hafsteinn Viðar Ásgeirsson, 15.2.2009 kl. 08:53]

Það er ekkert undarlegt við það Halldór, að þó sért kominn með uppí kok af bullinu. Svo halda þessir snillingar því fram að gúanóveiðar eigi eftir að draga okkur uppúr skítnum. Ótrúlegt þvaður. Þetta rugl gerir varla í blóðið sitt og borgar örugglega ekki vextina af kvótalánaruglinu, hvað þá meir.

[Högni Jóhann Sigurjónsson, 15.2.2009 kl. 10:55]

Mig vantar loðnumjöl strákar, það vantar fiskeldisfóður í landinu.

Að öðru leyti er ég sammála og dreymir um hóp ungs fólks með tóttækar hugmyndir fyrir eyríkið Ísland sem þarf ekki að apa upp eftir öðrum heldur koma með hugmyndir sem sniðið er eftir okkar auði bæði mann og veraldlegum sem nógur er til að við getum lifað gósen lífi hér í sátt og samlyndi.

[Karl Tómasson, 16.2.2009 kl. 00:30]

Tuðarinn hefur oftast heilmikið til síns máls, það er nokkuð og í raun löngu orðið ljóst.

Það er einnig nokkuð ljóst að Óli vinur okkar á Bessó fór full geyst í yfirlýsingagleðinni. Ég verð t.d. að viðurkenna það.

Bestu kveðjur til þín og þinna úr Tungunni frá Kalla Tomm.