Lausn á fjársveltinu fundin!

Ef hægt er að hala í sektarkassann sextán hraðasektum á einum klukkutíma, hvernig í áranum stendur þá á því að ekki er lögreglubíll á þessu svæði 24/7? Tuðarinn var tekinn á ólöglegum hraða fyrir skömmu og mér reiknast til að þessar sextán sektir skili um það bil fjögur hundruð og áttatíu þúsundum í kassann, nema greitt sé innan ákveðins tíma. Þá er veittur tuttugu og fimm prósenta afsláttur. Með afslætti ætti þessi klukkustund að gefa um þrjú hundruð og sextíu þúsund krónur. Það sinnum tuttugu og fjórir gera átta milljónir sexhundruð og fjörtíu þúsund á sólarhring. (Svo eru menn að þrátta um kostnað við bæjargæslu um nætur og helgar í Reykjavík og nágrenni!) Það sinnum þrjúhundruð sextíu og fimm dagar, gera þrjá milljarða eitt hundrað og tíu milljónir og fjögur hundruð þúsund, takk fyrir. Bara í Svínahrauni!

Það er deginum ljósara að dómsmálaráðherra, fjármálaráðherra, forsætisráðherra og aðrar óværur sem á okkur herja þessa dagana, eru engan veginn starfi sínu vaxnar. Heilbrigðisráðherraómyndin mætti  einnig fljóta með á þessum lista um vanhæfi og getuleysi.

Talandi um fjárskort....frusss!

 

Sextán teknir fyrir of hraðan akstur

Athugasemdir

[Fanney Björg Karlsdóttir, 17.7.2008 kl. 13:44]

ég frussa sko allveg í takt með þér í þessu...... algjört bull í gangi....... annars keyrði ég of hratt um daginn..... komst upp með það og græddi þar af leiðandi 30.000 kall..... er að spá í nota peninginn til að kaupa mér hjól....

[Ásdís Sigurðardóttir, 17.7.2008 kl. 14:39]

Bara sekta meira 

[Brattur, 17.7.2008 kl. 19:14]

... heyr....heyr... allar löggur í hraðamælingar, þá er hægt að bjarga ríkiskassanum og þá þarf ekki að taka neitt erlent lán... þetta liggur í augum úti...

[Marta Gunnarsdóttir, 17.7.2008 kl. 19:20]

Djöf... er ég sammála.

[Víðir Benediktsson, 17.7.2008 kl. 21:33]

Ertu ennþá á SAAB TURBO?