Fjarstýringafælni.

Nú finnst Tuðaranum að komið sé út fyrir öll skynsemismörk í tækninni. Fyrir fjarstýringarfælinn ræfil eins og hann, yrði ekki með nokkru móti hægt að treysta á þessa græju. Yfirleitt í basli við að skipta milli sjónvarpsrása og því skrautlegt að eiga að fara að eiga við sáðrásina líka og það með fjarstýringu. Tuðarinn sér ekki alveg að hann geti ráðið við tvö "joystikk" í einu . Hvert á síðan að stýra þessum ræfilsfrumum? Ætli menn hafi ekki um nóg annað að hugsa í hita leiksins en að basla við að stýra þessum greyjum út um allar trissur. Vantar reyndar alveg í fréttina hversu lengi þeim er stýrt eftir að þær leggja í sundferðina miklu. Heppilegt annars að geta ekki gengið með börn. Gæti átt á hættu að barna sjálfan sig, ef tekin er vitlaus beygja einhversstaðar. Það væri rosalegt. Alveg klár á því að hér hjá Tuðaranum myndi þetta enda með því að bílskúrinn væri alltaf opinn, bílnum stolið, sjónvarpið ónýtt og búið að slá undir nýjum króga. Nei, það verður ekki spáð í þetta á þessum bæ! Svo gleymir maður að kaupa rafhlöður, einhver stelur fjarstýringunni og so videre.....þetta gengur engan veginn. Það held ég nú.  

Fjarstýrðar sáðfrumur

Athugasemdir

[Ásdís Sigurðardóttir, 13.2.2008 kl. 17:04]

Þú ert nú alveg milljón "gæti átt á hættu að barna sjálfan sig" alveg nýr vinkill í tengslum við þessa frétt. Væri ekki hægt að stýra þessum ræflum þá tóma dellu?  Nei þetta gengur ekki alveg sammála þér.

[Fanney Björg Karlsdóttir, 13.2.2008 kl. 19:06]

Oh shit.... enn ein fjarstýringin....... frétti um daginn af svona sjarstýrðu "happy-eggi" fyrir konur...... og þar var sérstaklega mælt með því að karlinn tæki að sér að sjá um fjarstýringuna......... geturu ímyndað þér hvar það dæmi endar...o m g..... 

[Huld S. Ringsted, 13.2.2008 kl. 20:09]

"Gæti átt á hættu að barna sjálfan sig, ef tekin er vitlaus beygja einhversstaðar."   hahahaha þú ert ágætur! en ég hélt að allir karlmenn væri með fjarstýringardellu???

[Björg F (IP-tala skráð) 15.2.2008 kl. 00:50]

Þú ert alveg miljón