Kynjafræða........? Úff!

Alls konar vangaveltur eiga sér nú stað um kynjafræði og hvernig best sé að gera okkur öll kynlaus, að því er mér virðist. Helst alls ekki að hafa möguleika á að sjá hvort "karlógeð" eða kona er á ferðinni. Gera alla eins og óaðgreinanlega. Hverskonar eiginlega della er þetta að verða? Jafnrétti kynjanna á fullan stuðning minn, bara svo það komi fram, en ég hef engan áhuga á því að allir verði eins og nánast kynlausir. Virðist vera eins og það sé vilji hörðustu feminista, sem sjá orðið ekkert annað en dauðan og djöfulinn, ef karlkvikyndi bregður einhversstaðar fyrir. Vissulega gengur of hægt á allt of mörgum sviðum að bæta rétt kvenna, um það held ég að flestir geti verið sammála, en málflutningur hörðustu feministanna er orðinn slíkur, að ég leyfi mér að efast um að það hjálpi til við að bæta hag kvenna. Umræðan um bleikt og blátt á fæðingarstofnunum er vissulega umhugsunarefni, en hvers vegna í fjáranum skreyta þá hörðustu feministavalkyrjurnar sig með bleika litnum á heimasíðum og annars staðar? Hvað eru þær að gefa í skyn með því? Veit ekki betur en foreldrar hafi enn rétt á að klæða börn sín fyrstu árin, eða á kannski að ríkisvæða það eftir feminiskum stöðlum og láta öll börn ganga í lit ríkisins eða þeim lit sem lögleiddur er? Hvaða litur hentar hverjum og hver er dómbær á það? Á kannski að litgreina ungviðið strax við fæðingu? Senda alla í litgreiningu eins og vinsælt var hér um árið. Fólki raðað niður í sumar, vetur, vor og haust. (Sjálfur var ég greindur sem einhversstaðar milli jóla og nýárs, en það er önnur saga.) Öll umræða er góð, en einhvernveginn hef ég það á tilfinningunni að nú sé komið aðeins yfir strikið á sumum sviðum í umræðunni um jafnrétti kynjanna og mál að snúa sér að málum sem skipta máli.     

Athugasemdir

[Hrönn Sigurðardóttir, 29.11.2007 kl. 17:45]

...hvaða lit ættum við að hafa sem ríkislit?

[Anna Einarsdóttir, 29.11.2007 kl. 19:13]

Alveg er þetta þrusugóður pistill Halldór.  Spurning um að greindarvísitölumæla þingmenn líka því þeir virðast oft ekki hafa hugmynd um hvað virkilega skiptir máli,  fyrir sauðsvartan almúgann að ég tali nú ekki um karlógeðin sem búa í þessu landi. 

Sjáumst síðar og þú passar að mæta í bleiku. 

[Marta B Helgadóttir, 29.11.2007 kl. 20:16]

Rautt er fallegast .....eða hvítt.

[Guðrún Erla Sumarliðadóttir, 30.11.2007 kl. 15:36]

Er Alþingi ekki barnaheimili ? Flest allir blautir á bak við eyrun. Hugsandi fólk hlustar varla á þetta. Verst þykir mér að skattpeningum okkar sé eytt í svona barnaskap þegar það ætti að taka á þarfari málum. 

[Marta B Helgadóttir, 30.11.2007 kl. 18:56]

Bleikar slaufur, bleikar upplýstar kirkjur, ráðhús, Landsspítali, bleikar skyrtur og bleik bindi á karla. Þetta vilja "rétthugsandi" feministakonur hafa,

en bleikt á pínulítil nýfædd stelpukríli ... nneeeeeeiiii!! það gengur ekki.

[Fanney Björg Karlsdóttir, 1.12.2007 kl. 13:26]

Allveg er ég hjartanlega sammála þér, við fæðumst ólík, menn og konur...... er eitthvað að því...konur eru fallegar/ljótar á sinn hátt og karlar á sinn hátt...en að annaðhvort þurfi að fá betri kjör vegna þess er svo allt önnur Ella........ .. en ég spyr eins og Hrönn.... hvaða litur væri heillavænlegastur til að þjóna hlutverki ríkislit