"B'AKNIÐ BURT"!!

Þegar núverandi forstjóri Landsvirkjunar var á sínum tíma kosinnn formaður FUS, Félags Ungra Sjálfstæðismanna, var helsta slagorð þess félagsskapar "Báknið Burt".  Slagorðið beitt og hugur í mönnum og konum að láta kné fylgja kviði. Sem óharðnaður unglingur flaut ég með og taldi hag mínum og skoðunum best borgið innan vébanda þessara samtaka, sem ég taldi á þeim tíma "The state of the art" í pólitik. Pólitík er hins vegar slæm tík og vegna þess, nagar maður hendur sínar upp að öxlum í dag. Friðrik, Davíð, Hreinn Lofts., Hannes H. og fleiri. Gott ef ekki Jón Magnússon, sem nú er "Frjálslyndur" þingmaður í 5. tilraun, bauð sig ekki fram á móti Friðrik. Efnilegir kandidatar framtíðarinnar og allir sem einn sammála slagorðinu. FS, HHH og DO fara hins vegar mikinn í dag, en bara á öðrum pól og búnir að gefa skít í gömlu hugsjónina, enda gulltryggðir á spena "Báknsins" sem þeir eitt sinn fordæmdu svo hart, fyrir lífstíð, allir þrír. Hreinn hins vegar, vonandi þokkalega tryggður á hinum endanum, sem berst við "Báknið", en það er önnur saga sem ekki verður tuðað um hér. Fyrrum boðberar "Báknið Burt" grýta nú sauðsvartan almúgann með frjálshyggjukjaftæði og blaðri um hagkvæmni stærðarinnar, álverum á hverja vík og fjörð, en gleyma að það var og er einstaklingurinn sem skiptir máli og það er hann sem í dag hefur, sem betur fer, fleiri vopn sér til varnar, en tíðkaðist á tímum "Baknið Burt" daganna. Þessir herrar hafa akkúrat engar áhyggjur af eigin afkomu, enda "Báknsmenn" og því alveg sama hvaða skandal þeir hrista fram úr erminni, þeir fá alltaf sitt. Setja sér meira að segja sín eigin eftirlaunalög hvað þá meir. Komnir heilan hring í "hugsjónagrautnum" og telja sig geta hraunað yfir allt og alla, alltaf. Ætlast síðan til að borin sé virðing fyrir þeim og því sem þeir leggja á borð??!! Vel klæddir, hafa greiðan aðgang að fjölmiðlum, vel máli farnir og kunna réttu klisjurnar. Vildi sem sagt sagt hafa að nú sé tími til að staldra aðeins við og fara í smá naflaskoðun varðandi virkjana og vaxtamál. Þessir herrar, sem eitt sinn fordæmdu "Báknið" eru sjálfir orðnir "Bákn" og rétt að spyrna við þeirra poti með öllum tiltækum ráðum. VIÐ eigum orkuna. VIÐ viljum hafa eitthvað að segja um í hvað hún er nýtt. Það er "Báknið Burt"!

Athugasemdir

[Hlynur Þór Magnússon, 12.7.2007 kl. 08:54]

Klukk, ágæti Halldór. Segi líkt og þú gerir í athugasemdunum hjá mér - ég veit ekkert um hvað málið snýst! Á ég kannski að klukka einhvern annan? Athugasemdir eru ekki leyfðar hjá Birni Bjarnasyni ...

[Auður H Ingólfsdóttir (IP-tala skráð) 12.7.2007 kl. 13:32]

Skil ekki klukkleikinn?? Er ég að missa af einhverju

[Halldór Egill Guðnason, 13.7.2007 kl. 00:04]

Skil ekki klukkið heldur og biðst velvirðingar á kjánagangnum í mér.