Prófarkalestur Morgunblaðsins.

"Íslenskar konur frá frekar lungnateppu en karlar"  !!!!!!

Þetta var á forsíðu Morgunblaðsins í gærmorgun 5.júní 2007. Ekki laust við að manni svelgdist á morgunkaffinu og þurfti reyndar að lesa þetta nokkrum sinnum til að fullvissa mig um að þetta gæti verið rétt lesið. Þetta var jú efst á forsíðunni og slegið upp í allstóru letri. Er búið að reka alla prófarkalesarana, eða eru leikskólabörn í starfsþjálfun á Morgunblaðinu þessa dagana? Ég geri margar villur í mínum aumu skrifum, en það kemur tæpast að sök, þar sem svo fáir lesa þau, en Morgunblaðinu leyfist ekki svona klúður og það efst á forsíðunni hjá sér. Ekki nóg með að blaðið sé orðið mun rýrara en áður, heldur virðist málfari og prófarkalestri hafa hrakað mikið. Synd og skömm.

Athugasemdir

[Karl Tómasson, 7.6.2007 kl. 16:50]

Heill og sæll Halldór.

Prófarkarlestur er mikið mál, það þekki ég úr blaðamenskunni eftir all nokkur ár. Ég er ekki sá besti stafsetningu og verð oft uppvís af hræðilegum stafsetningarvillum. Ég var alltaf með góðann prófarkarlesara á blaðinu enda stóð ekki á viðbrögðum lesenda ef eitthvað misfórst .

 Einu sinni var gefið út kosningablað hjá Framsókn í Mosó, þá voru þeir í stjórn. Á forsíðu blaðsins sem fór inn á öll heimili í Mosó stóð.

Mosfellsbær, blómastrandi bær

Það var gert mikið grín af þessu hjá aumingja Frömmurunum.

Kær kveðja frá Kalla Tomm.

[Halldór Egill Guðnason, 7.6.2007 kl. 21:48]

Sæll félagi.

Það vantar "í" á eftir besti.....hjá þér... Nei..bara grín! Já það vandaverk að gefa út lesefni sem fólk nennir að lesa. Lágmarkskrafa er að lesefnið sé rétt stafsett og viðfangsefnið athyglisvert. Ég puðra alls kyns dellu á bloggið í fljótheitum og sé ekki fyrr en eftir á hvers lags árans della það er, en þar er ég bara einn á ferð. Eitt stykki MJÖG stórt "Morgunblað" lætur ekki "nappa sig á prentvillu í forystugrein, nema eitthvað mikið sé að. Sammála? Það er lágmarkskrafa að geta kyngt morgunkaffinu án þess að svelgjast á fyrirsögnum blaðanna sem fleiri "frá" en vilja. "Frá Frekar"...hvað þýðir það?

P.s.:Erlan flaug til Vigo eins og hetja!

Kveðja úr Leirutanganum.  

[Halldór Egill Guðnason, 7.6.2007 kl. 21:50]

Það vantar "er" á eftir það hjá mér í upphafi tuðsins, en svona er að vera tuðari og hafa engan til að lesa yfir steypuna.(Eflaust margt annað að, en nenni ekki að spá í það. það les þetta hvort eð er enginn, eða a.m.k. mjög fáir og skaðinn því vart mælanlegur)

[Karl Tómasson, 8.6.2007 kl. 01:23]

Já Halldór minn Erlan er flogin og í þessum töluðu orðum er sonur minn með símann minn að tala við hana.

Ég og við hjónin verðum í sambandi við ykkur fljótlega vegna Danmerkurferðar.

Bestu kveðjur frá Kalla Tomm.

P.s. Hlustaðu á David Byron á síðunni minni.