On, off, Oh, eða OO?

 Það er rafmagnaður andskoti, að hér í landi þrjú hundruð og eitthvað þúsunda sálna, skuli þurfa að vera til staðar milliliðakerfi, sem rukki fyrir notkun á orkunni, sem þetta dásamlega land á svo mikið af. Framleðandinn má ekki rukka beint, því viðbjóðsleg möppudýr suður í Bulluseli  hafa komist að þeirri niðurstöðu að framleiðendur megi ekki selja afurð sína beint til neytenda. Aðeins spurning hvenær bannað verður að selja beint frá býli, ef "sombíarnir" á Alþingi halda áfram að afgreiða þvæluna frá Bulluseli, með sama andvaraleysi og aumingjaskap, sem þeir hafa gert fram að þessu.

 Hvaða déskotans della er þetta eiginlega orðin? 

 Ef hægt er að selja okkur, eigendum orkunnar, á sem hagkvæmastu verði, hvers vegna er það þá ekki gert beint frá framleiðandanum?. Hvur fjandinn er eiginlega í gangi? 

 Getur verið að verið sé að safna í sjóð, svo leggja megi sæstreng, sem á endanum afsalaði okkur yfirráðum yfir Orkunni Okkar? OO er fínt nafn á raforkusölufyrirtæki, sem við öll gætum átt, því það stendur fyrir Orkuna Okkar! Við eigum Landsvirkjun með húð og hári, en því miður virðist sem það fyrirtæki sé farið að haga sér sem ríki í ríkinu, í skjóli hryðjuverkaskeyta Bullusels til hérlendra ráðamanna, sem tæpast geta talist ráðamenn lengur. Meira svona einhverskonar jáaraaular og amlóðar, sem lítið virðast hugsa um þjóðarhag. Meira svona eitthvað fyrir sjálfa sig og bestu vinina. Það er svo djöfulli gott að þurfa að gera lítið í vinnunni. Feitur eftirlaunatjékkinn bíður, algerlega óháður afkastagetu eða framlagi, til Íslensks samfélags.

 Jakkafataklæddir heildsalar á raforku virka illa á mann eins og mig. Mér finnst ávallt betra að fá hlutina frá fyrstu hendi, en það má ekki lengur, þökk sé Bulluseli og aumkunnarverðum fylgifiskum þess déskotans ófagnaðar.

 Sé þessi frétt aprílgabb, dreg ég ekki eitt einasta orð mitt til baka, í þessu tuði mínu.

 Góðar stundir, með kveðju að sunnan.

Hrista upp í samkeppni á orkumarkaði

Athugasemdir

[Gunnar Heiðarsson, 1.4.2018 kl. 02:53]

Þetta, ásamt þeirri stór undarlegu reglu að selja megi kvóta af hreinni orku milli landa, sem þó eru ekki samtengd, kom með samþykkt annars hluta orkumálapakka ESB.

Og nú skal þriðji hlutinn samþykktur, þar sem öllum yfirráðum yfir orkunni verður fórnað, alla leið suður til Slóveníu!

Sá misskilningur sumra ráðamanna, m.a. fjármálaráðherra, að slík samþykkt muni litlu breyta hér, nema sæstrengur verði lagður, er hættulegur, stór hættulegur. Staðreyndin er að jafn skjótt og tilskipunin hefur verið samþykkt, mun ACER taka yfir stjórn allra orkumála hér á landi, þar með talið hvenær byrjað verði á sæstreng!

ICElink er ofarlega á forgangslista ACER og víst að innan árs frá samþykkt tilskipunarinnar muni framkvæmdir við strenginn hefjast!

[Halldór Egill Guðnason, 1.4.2018 kl. 05:50]

 Þakka innlitið, Gunnar. Við erum sennilega á sömu síðunni í þessum málum. Fjármálaráðherra Íslands hefur opinberað vanhæfni sína, bæði sem slíkur og ekki síst sem forsvarsmaður eins stærsta stjórnmálaafls á Íslandi. Að voga sér að segja að þetta skipti nánast engu máli, gjaldfellir hann í ruslflokk, á alla kanta. Vonandi getur einhver frændinn hnykkt honum til í skynsemi, sem ég tel þó ólíklegt. Frændgarðurinn virðist vera að sligast yfir í viðreisnarkjaftæðið og formaðurinn taglhnýtist eins og eftirdráttur með familíunni. Ekki heyrst mikið frá þessum "fróma" sveini undanfarið. Hvað ætli valdi?.