Drottning, eða skipper?

Birgitta er semsagt búin að ákveða þetta?! Það eina sem eftir er, er að þingflokkurinn, grúppan, hópurinn, söfnuðurinn, eða hvað svo sem drottningin telur best við eiga, eigi "bara eftir að samþykkja". Lýðræðið í sinni tærustu mynd?! Völdin til fólksins og annað "jaríjarí". Enginn þeirra flokka, sem nú ræða saman um stjórnarmyndun, hefur gefið neitt út um störf sín eða verkaskiptingu, ef af stjórnarsamstarfi verður. Frumhlaup Pírata, óábyrgar yfirlýsingar og annað blaður, fyrir og eftir kosningar, er skilgreint í læknisfræðinni sem fullsnemmt og á stundum vandræðlega snöggt sáðlát, en sjáum hvað setur. Rekkjunautarnir munu a.m.k. ekki njóta bólfaranna, svo mikið er víst.

 Góðar stundir, með kveðju að sunnan. 

Þyrftu að segja af sér þingmennsku

"Stóri fundurinn"?

 Lækjarbrekkufundurinn, fyrir kosningar, var líka "stór". Út úr honum kom ekki nokkur skapaður hlutur, annað en bla, bla, bla. Viðreisn vill ganga í esb, píratar vilja bara eitthvað, til að mótmæla og hakka sig inn í netheima, stúta Stjórnarskránni og höfundarrétti, afþvíbara. Björt Framtíð er orðin taglhnýtingur Viðreisnar, í uppþvottahönskum. VG leiðir umræðuna, nú um stundir. VG klauf sjálft sig í herðar niður, með undirlægju, fyrir ráðherrastóla, í þarsíðustu ríkisstjórn. Ætlar Katrín að fara aftur gegn yfirlýstri stefnu flokksins? "Það virkuðu allir mjög jákvæðir" er ekki nóg. Það hlýtur að koma sú stund að þetta rennur út í sandinn. Hvað við tekur, kemur í ljós. Fimm flokka ríkisstjórn, með svo gisið og óútreiknanlegt bakland gengur einfaldlega ekki upp. Verst er að horfa uppá stjórnmálamenn, sem telja ábyrga ríkisstjórnun snúast um vinsældir síns sjálfs. Á meðan liggur Þistilfjarðarkúvendingurinn í leyni, ásamt kjölturakka sínum og segir ekki orð. Ekki eitt einasta orð, í hartnær þrjá mánuði! Gersamlega horfinn af yfirborði jarðar, ásamt skósveini sínum. Fjölmiðlar að standa sig? Trauðla.

 Góðar stundir, með kveðju að sunnan.

„Það virkuðu allir mjög jákvæðir“

Há laun sökum ábyrgðar?

 Hver sá sem les þessa frétt, sér í hendi sér að háum launum fylgir sáralítil ábyrgð. Burt með bankastjórann! Ekki seinna en strax, án abyrgðarálags, sökum vanrækslu.

 Góðar atundir, með kveðju að sunnan.

Handvömm Landsbankans

Fleygurinn, Viðreisn.

 Upp er sprottinn fleygur, eða fleygildi, í hérlendri pólitík. Viðreisn, sem stofnað var til af aðeins einum ásetningi.: Að ganga í esb, henda krónunni og aftengja lýðræðið á Íslandi, með flutningi allra ákvarðana okkar málefna til brusselvaldsins, blýantsnagara og reglugerðarbjálfa þess. Viðreisn virðist hafa öll tögl og hagldir í stjórnarmyndunarviðræðum, þessa dagana. Viðreisn er hin nýja og nútímalega Framsókn, opin í báða enda, nema kaupfélagið, stafað ESB, er grunnurinn. Ef ekki á að halda áfram delluumsókn, með útsýnisferð í pakkann, sem ekket þarf að skoða, því allt liggur fyrir, verður þetta fleygildi ekki með í ríkisstjórn. Punktur. Kallað fjárkúgun í flestum löndum, öðrum en á Íslandi, enda Viðreisn samsett kúlulánasleppurum og silfurskeiðungum. Hvað svo sem segja má um forystu VG, er harla ólíklegt að þau taki saman við esb sinna, annað sinnið, eða hvað? Eru katan og Þistilfjarðarkúvendingurinn tilbúin í annan snúning, að fengnum ráðherrastólum? 

 Góðar stundir, með kveðju að sunnan.

Blasir við að Katrín fái umboðið

Gott að heyra.

 Mikið er gott að heyra ábendingu Gríms um það að þeim sem enn eru ungir megi ekki gleyma því að þeir sem eldri eru voru einu sinni ungir. Flottur vinkill og vel tímabær. Iceland Airways tónlistarhátíðin er glæsileg í alla staði og orðin heimsþekkt. Virkilega gaman og þakkarvert að heyra frá einni driffjöður þessa viðburðar, að gamalt fólk sé líka fólk. Gangi þessi hátíð sem best. Við erum öll fólk og höfum upplifað ýmislegt. Þegar kemur að tónlist er hreint með ólíkindum hve hægt er að tengja kynslóðirnar saman. Áfram Airways!

 Góðar stundir, með kveðju að sunnan.

Hipsterar innan um heimilismenn á Grund

Ofurlaun?

 Kjararáði er ætlað að úrskurða um þessi laun, samkvæmt lögum. Það hefur nú gert það. Tímasetningin er afleit, en tæpast er þetta niðustaða sem komist var að á kosningavökum flokkanna, nú um helgina. Hækkunin er veruleg og í miklu ósamræmi við hækkanir annara þjóðfélagshópa. Upphæðirnar sem launin eru hækkuð um eru nánast stjarnfræðilega háar, að sumra mati og vel skiljanlegt að þetta veki reiði og pirring, víða í samfélaginu. Þessar hækkanir eru þó sem betur fer ekki afturvirkar, eins og var hjá mörgum öðrum yfirstressuðum og síáreittum embættismönnum, að eigin sögn, fyrr á árinu. Það læðist að Tuðaranum að þessar hækkanir hafi legið fyrir, fyrir kjördag, en það er nú einungis hugboð. Hætt er við að þessar upplýsingar hefðu hrært upp í úrslitunum, hefðu þær verið gerðar kunnar, fyrir kjördag, þó þær komi öllum þingmönnum til góða, hvar í flokki svosem standa. Gott að vita til þess að þingmenn og æðstu stjórnendur landsins geti einbeitt sér að því að vinna þjóðinni gagn, án þess að kveljast fjárhagslega. Þeim er líka eins gott að standa sig og mæta í vinnuna. Tuðarinn heimtar stimpilklukku á Alþingi á næsta kjörtímabili og krefst þess að almannahagsmunir séu teknir fram yfir persónulegt pot og brölt, í eigin þágu, eða vandamanna. Eins og kom í ljós í þessum síðustu kosningum er það brottrekstrarsök að standa sig ekki í stykkinu.

 Góðar stundir, með kveðju að sunnan.

Laun forseta hækka um hálfa milljón

Síðasti kjósandi Samfylkingarinnar?

 Svolítið sérstök mynd, af síðasta kjósandanum, utankjörstaðar. Kjósandi sinn flokk, eins og vera ber, en dulítil tragedía í gangi. Hef ég það, eða hef ég það ekki? Síðustustundarpíslarvætti dugar Samfylkingunni ekki hætis hót. Allir alvöru stjórnmálamenn greiða atkvæði á kjördegi. "Úr því ég átti leið hjá" er sérdeilis undarleg útskýring á síðasta kjósandanum í Öskjuhlíð.

 Góðar stundir, með kveðju að sunnan.

Árni Páll síðastur að kjósa í Perlunni

Stórgott spjall við forystumenn.

 RÚV hefur ekki verið í miklu uppáhaldi hjá tuðaranum að undanförnu, en skoraði bara nokkuð vel í kvöld. Þáttarstjórnendur ákveðnir og spurningar hnitmiðaðar og beint jafnt að forystumönnum og konum allra flokka. Tuðarinn kýs að sjálfsögðu rétt, eins og allir landsmenn. Allir þátttakendur í kvöld voru sigurvegarar, sökum þess að þeir komu fram fyrir hugsjónir sínar. Þáttarstjórnunin til fyrirmyndar, sem trauðla hefur verið hægt að segja lengi. Til hamingju RÚV, með eitt besta "kvöldið fyrir kosningar" þátt í áraraðir.

 Góðar stundir, með kveðju að sunnan.

„Fjallið tók jóðsótt“

Mennt er ekki máttur, samkvæmt Pírötum.

Hvað í ósköpunum er þessi unga þingkona eiginlega að tala um? Eiga veðurfræðingar að hætta að tala um veðrið, stjórnmálafræðingar um pólitík, verkfræðingar að byggja hús á sandi, sökum þess að allir sem mennta sig verði að hverfa af braut "trúarlegra hugmynda sinna" um rétta útkomu, eða annað menntað fólk yfir höfuð að ræða það sem það hefur menntað sig til? Undarlegur málflutningur, svo ekki sé meira sagt. Samkvæmt þessu gefa Píratar skít í menntun, sem ekki hentar þeirra sjónarmiðum. Hreinlega sorglegt, ef rétt er eftir haft. Alger anarkismi og boðberi stjórnleysis. Mennt er máttur. Píratar gefa sig út fyrir að vera boðberar þess boðskapar. Hræsni þeirra hefur náð nýjum hæðum. Megi allar góðar vættir, lærðar sem leikar, forða þjóðinni frá framgangi þeirra á löggjafarsamkundunni okkar, hinu háa Alþingi.

 Góðar stundir, með kveðju að sunnan.

Segir hagfræðingum að stunda alvöru stærðfræði

Mikil er listin og virðing fyrir konum hjá VG.

 Ragnar er mikill listamaður og vel þekktur. Ég er samt svo gamall og leiðinlega sinnaður, að sjá ekki tilganginn með kafloðinni naktri konu, með hross eða asnahaus, klína rauðri málningu á vegg, rymjandi eins og bjálfa, í samhengi myndbandsins. Konan ein og sér og gerningurinn ágætur, sem slíkur, en jakkafataklæddur Ragnar algert stílbrot. Var ekki verið að halda kvennafrídaginn hátíðlegan, eða er ég einnig farinn að rugla saman dagatalinu? Kæmi mér ekki á óvart, eins leiðinlegur og skilningssljór ég er á svona pólitíska kynningu, þessa helsta talsflokks jafnréttis kynjanna, að þeirra eigin sögn. Listin er góðra gjalda verð, en hversu langt vilja frambjóðendur og meðframbjóðendur þeirra ganga, til að koma boðskapnum á framfæri?. Velti fyrir mér hvort asna eða hrosshausinn var fenginn úr Þistilfirði, eða einungis hugarfóstur níunda sætisins, til að ná frama á stjórnmálasviðinu. Ragnar hefur jú blómstrað sem aldrei fyrr, hin síðustu rúm þrjú ár, svo varla hefur honum verið lagður steinn í götu af núverandi stjórnvöldum, frekar en öðrum listamönnum þessa lands. Ef þetta myndband er ekki kvenfyrirlitning af alverstu gerð, þá veit gamall og brátt úr sér genginn tuðari ekki neitt. Allt er komið á hvolf.

 Góðar stundir, með kveðju að sunnan.

Myndband VG fjarlægt vegna nektar