Þvælusamkoma allsherjarruglsins........

 Söngvakeppni evrópskra sjónvarpsstöðva er orðin að þvælukeppni Andskotans. Glimmerskreyttur andveruleiki í landi, þar sem geysar styrjöld, verður aldrei annað en glassúr og lélegt drasl. Nægir að hlusta á framlag Íslands. Algerlega steindautt "visual effect"um ekki neitt. Svala fín og flott, en tilgangsleysið algert. Íslendingar munu aldrei vinna þessa keppni, í heppni, út á það að við séum eitthvað "spes". "Sorry" kæru landsmenn, því innar sem þessi keppni fjarlægist sjálfa sig, eigum við minni möguleika. Vonandi gengur frammistaða Íslands fram af okkur "for life". Semsagt hætta að taka þátt í þessari þvælu. 

Hægt er að nota þær hundrað milljónir, sem þessi della kostar, í svo margt annað. Eins og til dæmis hjólreiðastíga eða aðrar samgönguhamlandi aðgerðir. Allt fyrir dag og hjól, þar sem hjálmar sleikja rassinn á degi.....hverjum.

 Góðar stundir, með kveðju að sunnan.

Gleði og glimmer í skugga stríðs

Atvinnuleysi á manneklutímum?

 Alveg er það magnaður andskoti, að svo mikið sem eitt einasta prósent "atvinnuleysis" skuli "mælast", á sama tíma og flytja þarf inn vinnuafl. Tuðarinn er býsna ánægður með yfirlýsingu forstjóra Vinnumálastofnunar. Skilaboðin eru afdráttarlaus.: Það er næg atvinna og þar af leiðandi á atvinnuleysi ekki að vera mælanlegt.

 Góðar stundir, með kveðju að sunnan.

Allir geta fengið vinnu í sumar

Að kaupa banka, eða fara á sjó.

 Samkvæmt lögum, skulu einungis til þess bærir einstaklingar fá skipsrúm. Þessu er strangt fylgt eftir. Samkvæmt lögum getur hvaða andskotans hálfviti eignast banka. Undarlegur fjandi.

 Góðar stundir, með kveðju að sunnan.

Tugir veiðimanna óskráðir á báta

Maður með meiningu.

 Kratar geta eflaust að eilífu þráttað um hvað fór úrskeiðis. Enginn krati, sem verið hefur í forystu fyrir sinn flokk mun hinsvegar viðurkenna mistök sín. Þar er kratismanum best lýst. Bullaðu og þvaðraðu, en láttu síðan aðra taka afleiðingunum. Sighvatur á heiður skilinn, fyrir einlægni sína og raunsanna greiningu á vandanum. Flottur karl, Sighvatur.

 Góðar stundir, með kveðju að sunnan.

„Dómur almennings liggur fyrir“

Tyrkland í esb?

Ef esb er enn á því að Tyrkland gerist aðili, er það samband endanlega dauðadæmt. Ekki það að það hafi ekki verið það fyrir, en aðeins það að sá möguleiki sé enn fyrir hendi, að Tyrkland gerist aðili er hrein og klár geggjun. Fróðlegt væri að heyra frá þeim, hér á landi, sem enn aðhyllast inngöngu í skrifræðis og embættismannaviðbjóðinn, hvað þeim þyki um inngöngu Tyrklands í forina. Tyrkland hefur hafið grafargröft síns fátæklega lýðræðis, með því að veita þessum nýja Hitler algert alræði. Ætli þorgerður Katrín og EngeyjarBenni tryllist af kæti, við inngöngu Tyrklands í draumalandið þeirra?

 Góðar stundir, með kveðju að sunnan.

Segir stofnunum að skipta sér ekki af

Nýr kafli afturábak.

Undarlegt verður að teljast að heil þjóð, sem hefur það þokkalegt, svona á almenna vísu, miðað við allt, kýs yfir sig afturhvarf til fortíðar og kreddna fáránlegra trúarbragðaöfgasinna. Nýr Adolf Hitler hefur litið dagsins ljós og fyrir tyrkjum liggur ekkert annað en hrörnun, niðurlæging og mæða, meðan þessi brjálæðingur verður við völd. Hann gæti ríkt allt til ársins tvöþúsundtuttuguog níu, ef honum endist aldur til. Haldi hann það út, verður Tyrkland á pari við Sómalíu, en Kaninn sennilega enn "með aðstöðu". Er virkilega enginn að kveikja á perunni?

 Góðar stundir, með kveðju að sunnan.

Nýr kafli að hefjast í Tyrklandi

Enn logar skært á Eiffel turninum.

 Hræsni vesturlanda virðast engin takmörk sett. Ólánsbjálfi ekur inn í verslunarmiðstöð í Svíþjóð og veröldin fer á hvolf. Slökkt er á Eiffel turninum í minningu þeirra fjögurra sem fórust í þeirri árás. Hátt í hundrað börn eru skömmu síðar myrt í sprengjutilræði í Sýrlandi, en Eiffel turninn logar áfram af ljósum og gleði sem aldrei fyrr. Djöfulsins hræsni sem þetta er. Afsakið orðbragðið, en hvað getur maður sagt? Djöfulsins andskotans fokking fokk, fer ekki einu sinni hálfa leið með að fyrirlíta hræsnina.

 Góðar stundir, með kveðju að sunnan.

Heyrði grát og óp alls staðar

Hringrásin.

 Hringrásin í Landeyjarhöfn heldur áfram. Enn er það frétt, ef Herjólfur kemst þangað. Sér enginn neitt bogið við þetta? Ekki einu sinni bæjarstjórinn í Vestmannaeyjum? Það stöðvar ekkert mannlegt afl sandinn, í eilífri leit sinni vestur með suðurströnd Íslands. Hvað ætli mörg þúsund milljónum af almannafé þurfi að kasta á glæ, áður en þessari þvælu, sem höfnin er, verður leyft að fyllast af sandi og menn viðurkenni mistökin? 

 Góðar stundir, með kveðju að sunnan.

Dýpkun gengur vel við Landeyjahöfn

Er þang ekki sjávarafurð?

 Ef þang er sjávarafurð, hlýtur það að vera sameign þjóðarinnar. Það hlýtur því að þurfa að greiða af því auðlindagjald. Samkvæmt lögum mega útlendingar ekki eiga meirihluta í sjávarútvegsfyrirtækjum á Íslandi. 

Hálendið, náttúruperlur og annað sem gert er að féþúfu hlýtur einnig að teljast til sameignar þjóðarinnar, en er fénýtt án nokkurra teljandi gjalda. Ekki einu sinni virðisaukaskatts.

 Mjólk, brauð, bleyjur og dömubindi bera hinsvegar fullan skatt.

 Er ekki Ísland dásamlega galið?

 

 Góðar stundir, með kveðju að sunnan.

Eignast meirihluta í Þörungaverksmiðjunni

Fríblaðaflopparinn gerist sósíalisti.

 Fríblaðafloppari, handlangari og fyrrum senditík auðvaldsins, reynir þessa dagana að telja landsmönnum trú um að hann sé orðinn sósíalisti. Sennilega hefur sósíalismanum aldrei fyrr hlotnast sá mikli vafasami heiður, að svona mannvitsbrekka skuli telja sig til hans. Þ.e.a.s sósíalismans. Húmorisminn hefur hinsvegar náð nýjum hæðum.

 Góðar stundir, með kveðju að sunnan.

Sósíalistaflokkur verði stofnaður 1. maí