Valt Disney, eða var honum hrint?

Undarlegt að atvinnubílstjórar skuli ekki geta gert greinarmun á vondu veðri og því, að það sé yfir höfuð ekki nokkur einasta vitglóra í því að vera yfirleitt á ferðinni á svona skrímsli? Halda menn ef til vill að "Meirapróf" heimili þeim blindflug, já eða akstur? Aulalegt, en gott að heyra að ökumaðurinn skaðaðist ekki alvarlega af eigin heimsku. Það eru borgaðar hundruðir þúsunda fyrir að fá leyfi til að aka svona ferlíkjum. Er ekki eitthvað bogið við þetta? Fyrir hvað eru menn að borga og hvernig er kennsluháttum hagað í meiraprófinu? Hvað ef Yaris, Mini, eða aðrar niðursuðudósir hefðu nú lent undir þessu ferlíki? 40 feta gámur, fullur af síld, vegur a.m.k. nálægt 20 tonnum, plús ökutæki og tengivagn..............Mikil mildi að bifreiðin valt útaf, en ekki yfir einhvern annan. Góðar stundir. 

Síldarflutningabíll valt

Baðferð-Bæjarferð....

Í Hafnarfirði byrja mörg orð á B. Ekki að furða að blessaður Hafnfirðingurinn skuli hafa ruglast á þessu. Baðferð- Bæjarferð. Þetta er jú dulítið snúið. Byrja hvoru tveggja á B. Nú hefur hins vegar bæst við eitt orð enn, í orðasafn Hafnarfjarðar.: "Blautt."  (Vonandi býr enginn í kjallaranum) Góðar stundir.

Mislukkuð baðferð í Hafnarfirði

Jólagjöfin í ár?

Það er Tuðaranum með öllu óskiljanlegt,  hvers vegna stjórnvöld afhenda einfaldlega Niðurlendingum og Tjöllum ekki þrotabú Landsbankans með öllu sem því tilheyrir. Þessar þjóðir leyfðu Icesave og ber því að taka afleiðingunum af því. Þeir sem í asnaskap trúa "Nígeríusvindli", eiga skilið að tapa á því. Flóknara er þetta nú ekki. Að Þistilfjarðarkúvendingurinn óski sér þess helst að þessi della renni í gegn eins og steinsmuga og þar að auki sem jólagjöf, er ótvírætt merki um það að fólki er ekki hollt að sitja of lengi á þingi. Góðar stundir. 

Góð gjöf að sameinast um málið

"Sterkt og gott fyrir Ísland"?

Eitthvað hefur Kristni Hrafnssyni yfirsést í hérlendri pólitík, ef hann heldur að orð af vörum fiskafræðingsins Össurar Skarphéðinssonar, núverandi utanríkisráðherra Íslands, sem situr í ríkisstjórn flugfreyju og jarðfræðings, án þess að ég sé að gera lítið úr þeim starfsstéttum, hafi einhverja merkingu á alþjóðavettvangi?. Er Kristinn ekki með öllum mjalla? Hélt hann væri talsmaður opinnar umræðu, en ekki fíflagangs og niðurlægingar eigin þjóðar. Góðar stundir.  

Skorar á Össur

Viljayfirlýsing eða raunverulegur samningur?

Það mun eflaust skýrast "á næstu dögum" hvort hér er um raunverulegan samning að ræða, eða einfalda viljayfirlýsingu um að viðkomandi aðilar muni reyna að útfæra þetta á þann hátt sem stjórnvöld óska. Atburðarrás undanfarinna daga í viðræðum stjórnvalda, lífeyrissjóða og annara sem að þessu koma hefur nefnilega verið þannig, að varla er hægt að verjast öðru en leyfa sér að efast um að þessi björgunaraðgerð sé litið annað en hálfkveðin vísa og enn sé talsvert í land með endanlegar lausnir, því miður. Góðar stundir.

60 þúsund heimili njóta góðs af

Frétt, eða ekki frétt?

Það er náttúrulega ekki frétt lengur að ófært sé í Landeyjahöfn. Það sjá það flestir að fréttir um ekki-siglingar í Landeyjahöfn, eru engar fréttir lengur. Nú er það hins vegar frétt ef sigla á til Þorlákshafnar. Fer þetta allsherjarklúður ekki senn að skipa þann sess að ekkert sé fjallað um það lengur eða er Morgunblaðið orðið að einhverskonar samgönguupplýsingapésa? Af hverju er þá ekki getið síðustu ferða í Þorlákshöfn með rútu, eða næstu ferðar á Hornafjörð....með rútu?

Herjólfur siglir til Þorlákshafnar

Frábærir tónleikar!

Tuðarinn brá sér á tónleika með Gildrunni, í Austurbæ á föstudagskvöldi þessarar helgar. Hef alltaf haft gaman af að hlusta á þessa kraftmiklu sveit, en aldrei orðið þess heiðurs aðnjótandi að hlusta á hana svona beint í æð. Það er skemst frá því að segja, að þessir tónleikar voru að stærstum hluta ein allsherjar hrollköld gæsahúð fyrir þann er unnir þéttu rokki, frábærum söng og góðum hljóðfæraleik. Hörkukeyrsla, þétt spil og lagavalið gott yfirlit yfir það helsta sem sveitin hefur áorkað gegnum tíðina. Birgir, söngvari sveitarinnar er án efa kraftmesta rödd sem kvatt hefur sér hljóðs í hérlendu tónlistarlífi og þegar drengurinn sá þenur barkann, er ekki annað hægt en að hrífast með. Þvílíkur Fídonskraftur! Þessi mikli slagkraftur söngvarans og frábær gítar, bassi, hljómborð og dúndrandi trymbill gerðu kvöldið að fimm stjörnu upplifun. Til hamingju Gildran! Góðar stundir.

Heiðarleg "geimvera".

Hvort Gnarrinn er geimvera eður ei, verður þó að virða honum þess til viðlits að hann er að minnsta kosti heiðarlegur. Hann er að gera nákvæmlega það sem hann lofaði kjósendum sínum fyrir kosningar. Að standa ekki við nein kosningaloforð. Ísbjörn í húsdýragarðinn, eitthvað fyrir róna, annað fyrir aumingja og fleira í þeim dúr. Jón Gnarr er einhver heiðarlegasti stjórnmálamaður sem hefur komið fram á Íslandi í mörg ár. Hefði nú reyndar viljað sjá hann svíkja þetta með ísbjörninn, altso standa við það, en svona er þetta bara. Geimverur vita sennilega ekkert um skipulagningu almenningsgarða. Skil ekki þennan æsing yfir frammistöðu Gnarrsins. Getur verið að margir af þeim sem kusu hann séu farnir að finna fyrir asnaeyrunum þrengja sér leið í gegnum höfuðleðrið eða er þetta bara partur af öllu bévítans bullinu sem nú ríður yfir þessa guðsvoluðu þjóð? Góðar stundir.  

Geimvera í íslenskum stjórnmálum

56°27´ Sudur, 67°00´Vestur.

Stadsetningin hér ad ofan hljómar ef til vill ekki sem mjög sunnarlega á hnettinum, en er engu ad sídur um 30 sjómílum sunnan vid Cape Horn, eda Hornhöfda, sydsta odda veraldar, ádur en Antarktika tekur vid, í um 470 sjómílna fjarlaegd í sudri. Á thessum stad erum vid staddir thessa stundina í haeglaetis vedri en mjög thungum sjó, med tilheyrandi veltingi. Hér er meiningin ad eyda eins og tveimur dögum vid veidar ef eitthvad faest, eda thar til fer ad hvessa, en thá er eins gott ad hundskast hédan i hvelli á "fullu kani" nordur eftir aftur. Cape Horn er reyndar eyja, um tvaer sjómílur a breidd og um fimm á lengdina, eda adeins staerri en Heimaey, ad ég held og eins og á Heimaey gnaefir Hornhöfdi med svipudum haetti og Stórhöfdi haest, a sydsta hlutanum. Thad sem helst gerir thetta hafsvaedi svona vidsjárvert er mikid grunnsaevi og straumar sudur af Cape Horn og eyjunum nordan hans og eins maetast hér Atlants og Kyrrahaf á frekar thröngu svaedi. Thad er magnad ad finna hve allar hreyfingar skipsins breytast eftir thví sem sunnar dregur og thung undiralda Kyrrahafsins fer ad hafa sín ahrif. Atlantshafsmegin er sjólagid mikid sléttara og ekki laust vid ad sumir menn hér um bord hafi komist ad thvi dýrkeyptu, hvert vid erum komnir, thegar hlutir sem ekki hafa haggast á bordum og í hillum vikum saman, fara skyndilega ad hrynja fram á gólf og menn jafnvel ad velta fram úr kojum sínum í fastasvefni. Manolo adstodarkokkur er svo smávaxinn ad hann sefur thversum í sinni koju, slapp reyndar alveg vid ad detta framúr, en their voru nokkrir sem fengu skell í dag. Sumir kvarta svo mikid yfir veltingnum ad their alverstu telja sig vera farna ad horfa út um rassgatid á sér, hvernig svo sem their fara nú ad thví. Thad sem Tudarinn veltir helst fyrir sér thessa stundina er hins vegar thad, hvar Atlantshafinu sleppir og Kyrrahafid tekur vid, svona formlega, á thessum slódum. Verid ad reyna ad Googla thad og Yahooast og vonandi faest einhver nidurstada í thetta fljótlega. Thad er nefnilega afspyrnu slaemt afspurnar ad vita ekki í hvoru hafinu madur er staddur og er nú unnid hördum höndum ad thví ad reyna ad fá botn í thetta. Thar til thad er á hreinu, sendi ég bara mínar bestu kvedjur hédan úr sudurhöfum. Gódar stundir.     

Að hátíð fari að höndum?

Fara hátídir ad höndum? Bera hátídir ekki ad höndum? Thad leidréttir mig ef til vill einhver sem betur veit um thetta. Hef reyndar oft heyrt ad hátídir fari úr böndum og sennilega er jólahátídin ein af theim, thegar farid er ad hrúga upp jólaskrauti í október.  Ekki veitir af ad fá kúnna í stóra, ljóta, bláa kassan med gulu, stóru stöfunum á göflunum. Ad thetta skraut lýsi og lífgi upp á tilveruna hjá einhverjum, má vel vera, en ef thad er eitthvad sem gerir Tudaran afhuga öllu jólabrölti, er thad svona della sídsumars. Litli drengurinn á myndinni, med skrautkúluna í hendi sér, er hins vegar klókur, thví hann er sennilega sá eini á Íslandi sem faer eitthvad endurgreitt frá eigendunum. Gódar stundir.  

Jólaskreytingarnar eru komnar upp í IKEA