Ein af hetjunum.

Margrét Pála er ein af þessum yndislegu hetjum sem við eigum. Vildi óska að hún hefði verið ráðherra menntamála á Íslandi síðastliðin tuttugu ár, með algert einræði yfir öllu er héti menntun yngstu kynslóðarinnar, óháð sitjandi ríkisstjórnum. Barasta alger einvaldur í í sínum flokki.
Margrét Pála er að mínu mati ein af þessum mannbætandi manneskjum, sem þrátt fyrir mótbyr á köflum, heldur dampi og missir aldrei sjónar á markmiðum sínum. Austurland verður "pís of cake" fyrir mannesjku eins og hana.

Til hamingju Vestfirðingar!

Góðar stundir.

„Austurland hlýtur að vera næst“

Fáránleg kauphöll!

Fátt er dapurlegra, nú um stundir, á botni allsherjarafhroðs efnahagslífs Íslands, en að lesa daglegar fréttir af fáránlegum viðskiptum í Kauphöll (Hrunhöll) Íslands.
2,8 milljónir voru notaðar í þessum svokölluðu "kauphallarviðskiptum" í dag. Duga 2,8 milljóna viðskipti virkilega til þess að verðleggja fyrirtæki sem að "viturra" manna sögn, séu milljarða virði?
Er nema von að illa fari fyrir hagkerfum, sem horfa til kauphallarviðskipta sem grunns alls efnahagslífs?
Hvurs konar rugl er þetta eiginlega? Skelfing er einhver svona 2005 fnykur af svona fréttum og þar fyrir utan....."Who gives a shit!' ( Afsakið orðbragðið.)

Já og góðar stundir, hér eftir sem hingað til kæru landsmenn.

Lítil viðskipti og lækkanir

Snilldarútspil á lokadegi fyrir forsetakosningu.

Davíð Þór Jónsson er líklega einn öflugasti stuðningsmaður sitjandi forseta.

Góðar stundir.

Barátta byggð á „ósannindum og níðrógi“

Undarlegur "utanríkisráðherra".

Það er með hreinum ólíkindum hvað þessum ENDALAUST BLAÐRANDI RÁÐHERRA  tekst að hrauna yfir bæði meðreiðarsveina, sem andstæðinga. Bullið sem vellur upp úr þessari ESB dollu verður seint toppað í hérlendri pólitík.

Angela Merkel fer í fylkingarbrjósti fyrir helstu stofnunum þriðja ríkisins, semí dag kýs að kalla sig ESB. Jóhanna og Þistilfjarðarkúvendingurinn bakka síðan upp þetta þvaður, með aðstoð Ögmundar, sem samt sver af sér stuðninginn.. (Traustverðugt lið eða hitt þó heldur) ....

 Er nema von að alþýða Íslands treysti þessum amlóðum ekki, frekar en arkitektum hrunsins á hægri vængnum? Norræn velferðarstjórn....my ...! 

Góðar stundir.

Liggur samningsafstaðan fyrir?

Fimm stjörnu Vesalingarnir!

Það verður ekki annað sagt um söngleik Þjóðleikshússins Vesalingana, en að hér hlýtur að vera á ferðinni eitt glæsilegasta verk sem nokkru sinni hefur verið sett á fjalirnar á Íslandi. Söngurinn, tónlistin, að ógleymdri sviðsmyndinni! Maður lifandi! Stórkostleg sýning og ekki laust við að maður fyllist stolti, auk hinnar miklu ánægju af að sjá verkið. Þvílíkt og annað eins! Hvet alla til að láta verða af því að sjá þetta stórbrotna meistaraverk. Það verður enginn svikinn af því. Til hamingju, allir þeir sem standa að Vesalingunum.

Góðar stundir. 

"Þistilfjarðarkúvendingurinn."

"
"Annars er lærdómurinn einfaldur og hægt að setja hann fram á mannamáli. Menn geta ekki eytt meira en þeir afla, óháð mynt. Ef þú gerir það kemur það í bakið á þér og skiptir ekki máli hvort það er í dollar, evru eða krónum".

sagði Steingrímur.

Þetta er maðurinn og kosningasvikarinn Steingrímur J. Sigfússon sem hér talar. Hann sótti örvæntingafullur umboð sitt til kjósenda íslenska lýðveldisins í Alþingiskosningum vorið 2009, eftir áratuga höfnun kjósenda. Umboðið sem hann fór fram á að fá hjá kjósendum landsins var að vera alger ESB andstaða við allt það sem hann er og hefur verið að gera og er að pína aðra til að gera sem umboðslausir fulltrúar kjósenda sem veittu honum heldur ekki neitt slíkt umboð. Umboðið sem hann aflaði sér sveik hann út úr kjósendum. Það er öllum ljóst.

Hann eyddi ekki bara öllu því sem hann aflaði sér, heldur eyddi hann einnig því sem hann aflaði sér ekki. Pólitískur plattsmiður sem tekur atkvæði og selur þau til að snúa þeim upp í andhverfu sína. Þessi maður og flokkur hans hefðu annars ekki komist til valda. Hefðu ekki fengið svona mörg atkvæði nema með þeim loforðum sem gefin voru til þess aðeins að svíkja þau.

Þessi maður situr nú eins og elítær klessa ofan á kjósendum á miklum fullum launum við að svíkja allt og meira en það sem hann hafði aldrei fengið umboð til. Það eru svona menn sem rústa lýðræði, eyðileggja lönd og sundra þjóðum. Þetta er Evrópumaðurinn hinn margfaldi. Kosningasvikarinn og líklega huglausastur maður íslenskra stjórnmála nokkru sinni; Hinn gamli fulltrúi Sovétríkja og hinn nýji fulltrúi Evróputortímingarsambandsins. Tvífarinn Steingímur J. Sigfússon sem nú predikar brussleska þvælu í þingsal við Austurvöll. Styrktarfélagi vangefins Evrópusambands.

Hvaðan kemur þessi stjórnlausa pólitíska græðgi? Hversu ömurlegra getur þetta orðið, ég spyr.

Mig langar að gráta."

Geri þessi orð Gunnars Rögnvaldssonar að mínum og óska þjóðnni góðra stunda, hér eftir sem hingað til.

Lestir Alþingis.

Lestir Alþingis eru allnokkrir. Einn sá alversti er að einstaka forsetar þingsins hafa þá leiðu tilhneigingu að vera seinir að "fatta". Að þingmaður skuli komast upp með að þvæla rallhálfur í pontu, eða annar að saka annan um fyllerí, framhjáhald eða barasta "what ever" í þingsölum, skuli taka Forseta Alþingis allt að 2 daga að "fatta" sýnir eindemis áhugaleysi í vinnunni!
Forseti Alþingis á öllum stundum að hlusta og ekki sjást plokka gemsann sinn eða skella skollaeyrum við því sem ræðumenn þingsins láta sér af vörum hnjóta. "Þetta er vítavert" ætti að hljóma mun oftar í þingsölum og eftir tvær þrjár slíka áminningar ætti að vísa fólki úr þingsal og halda því þaðan, tiltekinn tíma í refsingarskyni, líkt og gert er í íþróttum.

Er nema von að stór hluti þjóðarinnar virði þessa helstu stofnun landsins ekki meir en hundaskít á skósóla?

Góðar stundir.

Telur ummælin vítaverð

Snörun óskast.

Getur einhver útskýrt fyrir mér, hvað þessi setning inniheldur? Bara hreinlega næ því ekki hvað verið er að fjalla um, nema að lesa alla greinina, en það er torsótt, þegar upphafið "meikar engan sens".

"Bæjarfulltrúar Samfylkingarinnar í Reykjanesbæ greiddu á bæjarstjórnarfundi í gær atkvæði gegn drögum að samningi milli Fasteignar og Reykjanesbæjar hluti eigna Eignarhaldsfélagsins Fasteignar hf. verður seldur samkvæmt samkomulagi á milli félagsins og kröfuhafa þess um fjárhagslega endurskipulagningu."

Góðar stundir.

Enn ein flugferðin í boði Fasteignar

Glæsileg leikkona.

Án efa ein eftirminnislegasta manneskjan á skjánum í áratugi.  

Finnst Hollywood óspennandi

Mávaskrattar, mannanna sorp, holur, hólar og útsýni.

Búinn að skola af bílnum a.m.k. þrisvar í dag! Fljúgandi, drullandi, rottur í mikilli hæð hafa hér drullað reglulega yfir planið hjá okkur frá því í gærkveldi. Já, mávaskrattar sem sækja enn lengra inn til landsins með ári hverju. Ekki einu sinni hægt að bóna bílinn, hér lengst inn til fjalla, án þess að eiga á hættu að hann sé útdrullaður af þessari bévítans pest, sem þessi lánlausi fugl er, þ.e.a.s mávurinn. Sennilega mannskeppnunni að mestu um að kenna, sem sífellt grefur drulluna úr sjálfri sér lengra inn til landsins, eða þar sem hún heldur að enginn taki eftir.
Hér í Mosfellsbænum hafa bæjarbúar sætt sig við "urðun" sorps í Álfsnesi í allmörg ár. Það hefði sennilega átt að útskýra orðið "URÐUN" betur í því samkomulagi sem sveitarfélögin gerðu sín í milli varðandi losun úrgangs af öllu höfuðborgarsvæðinu, áður en samþykkt var að "URÐA" það allt í Álfsnesi, norðan Mosfellsbæjar.
Urðun telst vera samkvæmt ÖLLUM orðabókum, hola sem síðan er mokað yfir. Urðun í þessu samkomulagi virðist hins vegar vera "STÖFLUN" þar sem síðan er mokað "OFAN Á" allt gumsið.
Nú þegar fnykinn leggur yfir Mosfellsbæ í norðanáttinni, er það sennilega ekki það alversta sem gerst hefur. Það hefur nefnilega komið í ljós að "ÚTSÝNI" hefur minnkað til norðurs og þar sem húseigendur áður sáu Kjalarnesið langt og sætt og Snæfellsjökul í baksýn, blasir í dag við HÓLL eða HRYGGUR!
Sorp er ekki lengur og hefur ekki í langan tíma verið urðað í Álfsnesi að neinu viti. Því hefur verið STAFLAÐ OFAN á jarðveg og síðan mokað yfir herlegheitin, með þeim árangri að pabbi og mamma mín sjá ekki lengur upp á Skaga, þó það útsýni hafi sérstaklega verið tiltekið í söluyfirlitinu á húsinu þeirra, þá er þau keyptu.

Semsagt, án þess að bollaleggja frekar um þetta tiltekna málefni.: Nýr staður óskast fyrir sorp af Höfuðborgarsvæðinu. Áhugasamir viðtakendur sendi tölvupóst á nánast öll sveitarfélög á Höfuðborgarsvæðinu.

Góðar stundir.