Þúsund kjánar.

Gosh......

 

Lærði enginn neitt á Herbalife!?

 

Góðar stundir. 

Þúsund hlýddu á Alexander Osterwalder

Skoðanakannanir fyrir kosningar.

Þáttur fjölmiðla í skoðanakannananabananablablabla fyrir kosningar er hreint með ólíkindum.

Að sjálfsögðu taka fjölmiðlar ekki á þessari óværu, þar sem þeir (altso fjölmiðlarnir) eru aðal gerendur málsins. ALLAR skoðanakannanir fyrir kosningar voru ÓMARK! Þetta vissu allir fjölmiðlar og ábyrgðarmenn þeirra, en enginn sagði neitt fyrr en degi fyrir kosningar, að einhver ólánseyminginn innan raða íslenskrar "fréttamanaflóru, fánu eða innankviðar og neðanflóru" andaði því út úr sér að 67 ára og eldri væru marklaust plagg, sem tæki því ekki að kanna afstöðu hjá. Ákveðnum aldurshópi var haldið utan við allar skoðanakannanir! Ekki nema svona 30.0000 plús eða svo einstaklingar. Hálfdautt þetta lið hvort sem er eða hvað????

ERGO.: 

Góður Íslendingur.: Þegar þú ert orðinn 67 ára eða eldri, ertu ekkert! Ekki einu sinni þess verður að skoðun þín geti ratað í illa unnar og garspursfullar skoðanakannanir ömurlega illa upplýstra fjölmiðlamanna og kvenna, sem virðast vera auðkeypt erlendu valdi, æskudýrkun og Diet KÓK.

"STÓRT FRUSS" á íslenska fjölmiðla, í aðdraganda síðustu kosninga. Sjaldan hefur pressan staðið sig ver. Verst er þó að eftirmálar virðast öngvir ætla að verða, enda enginn fjölmiðill trúverðugur lengur og hver passar hvers annars rassgat.

 Hvernig í veröldinni stendur annars á þvi að hægt er að neyða mann til að borga fyrir RÚV.....

Af hverju skilur maður sumt, en annað alls ekki......... 

Góðar stundir. 

 

 

 

 

Með skegg eða án þess?

ÁPÁ er furðulegur stjórnmálamaður, svo ekki sé meira sagt. Það virðist algerlega fara eftir því hvort hann er nýrakaður eða órakaður, hvað hann segir eða gerir. Þar sem skegg karlmanna vex býsna hratt, er því óhætt að álykta sem svo, að meðan honum vex grön, fari það alveg eftir því hvað hann rakar sig oft, hverju hann lofar og síðan stendur við, ef hann þá man hvort hann er nýbúinn að raka sig, eður ei.

Að örlög þjóðar ráðist af rakstri, get ég einfaldur tuðari, engan veginn sætt mig við.

Med kjerlig hilsen að sunnan. 

Góðar stundir. 

Vilja bæta lífeyrisþegum skerðingu

"Hestanir, læknanir, menninir.........."

Það verður erfiðara og erfiðara fyrir Tuðarakvikyndið að hlusta á fréttir í ljósvakafjölmiðlum. Kröfurnar um frambærilegt málfar og réttan framburð á móðurmálinu, virðast nánast að engar vera orðnar. Málhelti og þvoglukenndur framburður sumra sem lesa fréttir er skelfilegur. Sagt er að "læknanir" hafi læknað, eða "hestanir" hlaupið svo tvennt sé nefnt. Ótal samskonar og annars lags dæmi væri hægt að nefna, sem fá hárin til að rísa, þegar setið er undir svona misþyrmingu á okkar ástkæru tungu. Með sama áframhaldandi metnaðarleysi þeirra sem starfa hjá fjölmiðlum, mun í framtíðinni verða hægt að stytta alla fréttatíma um helming, því þá nennir þetta "mállata" lið ekki lengur að bera fram nema helming þess sem á að lesa.

Prentmiðlarnir eru margir hverjir litlu skárri í stafsetningarvitleysum og oft á tíðum hroðvirknislegri framsetningu sinna frétta. Engu líkara en allt sé látið "gossa" án nokkurs eftirlits, yfirferðar eða metnaðar.

Þar með hef ég tuðað mitt fyrsta tuð á þessu ári.

Góðar stundir. 

 

Nýliðatiltuktun?

Alltaf gaman að sjá nýtt blóð á Alþingi. Ekki síst þegar það kemur ferskt og hart inn í umræðuna.

"Eftir ræðu Birnu gerði Ragnheiður Ríkharðsdóttir, varaforseti Alþingis, stutt hlé á þingfundi. Umræður um frumvarpið héldu síðan áfram."

Ekkert hefur heyrst til Birnu Lárusdóttur síðan.

Góðar stundir.

Sakar þingmenn um „skrílslæti“

Orð að sönnu.

"Það hefðu fáir trúað því að ráðherra efnahagsmála og velferðarmála sem hefur þurft að takast á við þau verkefni sem ég hef gert sem ráðherra, bæði hvað varðar atvinnuúrræði og skuldavanda heimilanna, ætti kost á endurkjöri."

Þetta eru svo sannarlega orð að sönnu. Það er með hreinum ólíkindum að annar eins klúðurráðherra skuli svo mikið sem mælast með fylgi, hvað þá ná fyrsta sæti í prófkjöri, nýrakaður eða fullskeggjaður.

Útför Samfylkingarinnar er hafin. Sena sem endar sennilega með klofningi. Ef ekki tveimur tveimur eða þremur framboðum. Jóka gráa ruggar sér hins vegar í gullslegnum eftirlaunaruggustólnum.

Góðar stundir.

Skilur þá sem vilja konu í forystu

Er þetta nú nauðsyn?

Er gúrkutíðin virkilega búin að leika fréttamiðla landsins svo grátt, að einungis sé tímaspursmál hvenær verður hægt að fylgjast með "LIVE" innan úr sjúkrabílum?
Ömurleg fréttamennska, svo ekki sé meira sagt.

Góðar stundir.

Eldur í bílum á Hringbraut

Hótun eða áróður?

Það er undarlegt að "allsherjarráðherra Íslands" skilji ekki muninn á hótun og áróðri. Það er hins vegar aðdáunarvert, en um leið sorglegt (allsherjarráðherrans vegna), að deildarstjóri innan Færeyska stjórnkerfisins skuli skilja muninn og láta heyra í sér samkvæmt því. Undirlægjuháttur þeirra sem fátt annað skilja, en eigin valdaþörf hér á landi, er aumkunnarverður. Kæmi manni ekki á óvart, miðað við það sem á undan er gengið, en að hótelstjórinn á Grímsstöðum bæri nafnið Steingrímur og að töskuberinn héti Ögmundur.

Góðar stundir.

Færeyingar gagnrýna hótanir

Einskis nýt frétt.

Hvað var selt?
Hvert var fermetraverðið?
Hefur það hækkað eða lækkað?
Er aukning í sölu sérbýlis í fermetrum eða minnkun?
Eru skiptisamningar uppistaðan, eða er um hreina sölu að ræða?
Ef ekki, hvert er hlutfallið?

Þó svo tekið sé fram í fréttinni um hve marga samninga um íbúðir eða atvinnuhúsnæði var um að ræða, er fréttin engin frétt, heldur upptalning og í hana þarf ekki blaðamenn, heldur metnaðarlitla "endurtakara".

Hvurs konar eiginlega fréttamennska er þetta?

Trúi því trauðla að hægt sé að svæfa þjóðina aftur með talnaflaumi, sem ekkert segir.

Geri þá kröfu hins vegar, að fréttamiðlar landsins detti ekki aftur í dáleiðslugírinn og prenti opinmynntir og fullir aðdáunar, allt sem fyrir þá er lagt. Þann aumingjaskap í fréttamennsku, er alveg nóg að upplifa einu sinni. Fréttafnykur af fjármálamarkaði hérlendis, þessa dagana, bendir hins vegar til þess að þeir sem telja sig "ráða" umræðunni, séu komnir í gírinn á ný.

Góðar stundir.

91 fasteign seld á 2,7 milljarða

Einfalt mál.

Ef þorskur frá Íslandi syndir til Írlands, fá þá Íslendingar 350.000 tonna kvóta í írskri lögsögu?

Utankvótaveiðar og svindl íra sjálfra, svo árum skipti, gerir alla umræðu um fisk í OKKAR lögsögu, á vettvangi kjánasambands evrópu hlægilega.

Góðar stundir.

Aukin harka í makrílstríðinu