Fjárfestingabanki Atvinnulífsins-endurtekið efni!

Saga FBA endurspeglast í þessari "syndaaflausn" Bjarna Ármannssonar. Fyrir þá sem EKKI MUNA, lánaði Bjarni sjálfum sér, þá sem nýsettur bankastjóri FBA,  ómældar fúlgur fjár til hlutabréfakaupa í FBA á sínum tíma, á lágmarks eða/og upprunalegu verði. Tæpast keypti hann þau bréf á undirverði, enda undirverð óþekkt fyrirbæri á þeim tíma á Íslandi og markaðurinn hér eins og hvert annað opið sár, sem bara beið eftir sýkingu. Hann vann síðan að því með kjafti og klóm að hífa, rífa,neyða og keyra upp markaðsverðmæti bankans, eftir því sem tímar liðu, hvað sem það kostaði og seldi síðan bréfin sem hann "átti" (keyptum með fengnum lánum til sjálfs sín úr bankanum) þegar virðið hafði stigið það mikið að stórhagnaður varð af, án þess að hann legði svo mikið sem eina krónu í púkkið. Um leið og aðrir áttuðu sig á því að þetta væri hægt, vegna aumingjaskapar ríkisvaldsins og einkavinavæðingar ríkisfyrirtækja, hófst einn ógurlegasti gjörningur Íslandssögunnar.Uppgangur efnahagslífs Íslands snérist síðan að mestu leyti um að haga sér svona næstu árin, með afleiðingum, sem ég og þú, skattgreiðandi góður, súpum nú seyðið af. Með réttu ætti að keyra eignasafn Bjarna til núvirðis eigna hans og miða við þann tímapunkt, er hann "tók að sér" bankastjórastöðu Fjárfestingabanka Atvinnulífsins, áður en hann lánaði sjálfum sér fúlgur fjár í nafni stöðu sinnar og sekta hann síðan, ásamt öllum er fylgdu fordæmi hans, UM ALLT SEM ÞEIR EIGA!. 

Bjarni endurgreiðir Glitni

Athugasemdir

[Sigurður Haraldsson, 11.12.2009 kl. 01:20]

Sjáum til sérstakur saksóknari vinnur í málinu gott að Bjarni borgar eitthvað af upphæðinni, ekki borga hinir skúrkarnir né biðjast afsökunar á þátt sýnum í hruninu.

[Halldór Egill Guðnason, 11.12.2009 kl. 01:41]

Satt sigurður, en betur má ef duga skal.