Vandinn minni en af er látið?

Eftir lestur ritgerðar þeirra Gylfa og Jóns, hvarflar að manni að vandi sá sem hraunað hefur verið yfir okkur landslýð, sé kannski ekki á því kalíberi sem af er látið. Getur verið að lausn efnahagsvandans sé ef til vill ekki eins sársaukafull og af er látið? Að heimilin og almenningur allur þurfi ekki, eftir allt sem á undan er gengið, að sligast undan byrðunum? Hverjir hagnast á eymdinni? Hefur einhver hugað að því? Það er búið að koma frá slæmri stjórn, það eru flestir sammála um. Hvað tekur við? Í huga Tuðarans er tekin við stjórn sem veit ekki einu sinni hvað hún ætlar að gera , annað en að "dæla peningum í samhjálpina" (hvaðan svo sem í áranum það fjármagn á að koma)og það sem ennþá verra er, er ekki enn búin að átta sig á því að helmingur hennar sjálfrar tók sjálf þátt í hruninu og ætti því með réttu ekki að hafa leyfi til að koma að landsmálum framar. "Minn tími mun koma" er í Tuðarans  huga dautt og ómerkt orðagjálfur sem hljómar eins og lélegt "komment" við ennþá verri bloggfærslu.

Hægt að leysa jöklabréfavanda

Athugasemdir

[Birnuson, 10.2.2009 kl. 13:01]

Vandinn hefur verið ýktur, það er rétt. Ekki má heldur gleyma þeirri staðreynd að Íslendingar eru alltaf fljótir að vinna sig út úr vandræðum. Sú saga mun endurtaka sig núna.

[Brattur, 10.2.2009 kl. 23:09]

Vandinn er kannski ýktur... en engu að síður skuggalega tölur sem ég heyrði í dag að atvinnuleysið núna er það mesta í sögu landsins frá því að byrjað var að skrá það... það segir sína sögu.

Mér finnst bæði Jóhanna og Steingrímur vera að gera góða hluti... þetta fólk virkar miklu heiðarlegra á mig en þeir sem áður komu fram fyrir fyrrum ríkisstjórn og sögðu lítið annað en; að það væri verið að vinna í málinu...

Nýja ríkisstjórnin lætur verkin tala... það finnst mér nokkuð ljóst...

[Karl Tómasson, 12.2.2009 kl. 23:44]

Minn kæri Halldór.

Gefðu okkur séns og sjáum hvað setur.

Bestu kveðjur úr Tungunni frá Kalla Tomm.

[Halldór Egill Guðnason, 13.2.2009 kl. 02:19]

"Will do"