Bandið hans Bubba....?

Hef í gegnum tíðina haft ágætis ánægju af að hlusta á lögin hans Bubba. Horfði í fyrsta skipti í kvöld á þátt sem heitir Bandið hans Bubba. Nenni sennilega ekki að hlusta á Bubba framar. Þvílíkt argasens flopp sem þessi þáttarómynd er og Bubbi eins og einhverskonar gúrú eða í "Simon Caldwell gír". Ekki laust við að ég fengi steinsmugu af bévítans dellunni á skjánum. Er ekki nóg að þurfa að borga, hvort sem manni líkar betur eða verr fyrir RÚV, en eiga svo sjálfviljugur að borga fyrir svona dellu líka?Öll mánudagskvöld undirlögð í amerískri idoldrullu og þurfa svo að horfa upp á þetta á föstudögum sem " Made in Iceland"

Segi upp stöð tvö á morgun.

Athugasemdir

[Hrönn Sigurðardóttir, 15.3.2008 kl. 00:32]

Gott hjá þér! Tvö ár síðan ég sagði henni upp og hef ekki saknað neins.....

[Guðrún Fanney Einarsdóttir, 15.3.2008 kl. 02:06]

mér finnst bara gaman að hlusta á krakkana syngja en Bubbi finnst mér alveg orðin glataður, hvernig hann drullar yfir aðra og heldur að hann sé guð, sorry lögin hans eru góð en hann er ekki góð sál ,......sorry:(

[Högni Jóhann Sigurjónsson, 15.3.2008 kl. 13:32]

Ég er utan þjónustusvæðis stöðvar 2 svo ég hef ekki áhyggjur af þessu, af nógu öðru er að taka.

[Marta B Helgadóttir, 16.3.2008 kl. 12:41]

Áskriftarstöðvar eru tímaskekkja, menn eiga að senda út frítt fyrir áhorfendur og fjármagna með auglýsingum því fyrirtækin vilja borga, svipað og Skjár einn hefur gert. En Stöð 2 gerir hvorutveggja! og þar að auki kaupa þeir ódýrt sjónvarpsefni sem framleitt er í USA.

Ég gafst upp á lágkúrunni hjá þeim í haust því ég var hætt að finna nokkuð áhugavert í dagskránni hjá þeim. Nota peningana í annað.

[Fanney Björg Karlsdóttir, 16.3.2008 kl. 21:08]

Allveg sammála...mér fannst komið allveg yfirdrifið nóg af lélegum raunveruleikaþáttum... sagði upp Stöð 2 hér um árið....... sakna einskis og nota peningana í annað....

[Kolbrún Stefánsdóttir, 22.3.2008 kl. 09:50]

Sæll. Ég er sammála þér með þennan þátt hans Bubba og reyndar var ég að blogga um hegðun Bubba og þáttinn hans á síðunni minni. Ég asnaðist til að gera árssamning um stöð 2 og bíð eftir að hann renni út. Í nokkur ár horfði ég aldrei á RÚV en nú kemur það oftar og oftar fyrir að ég geri það, enda verður að segjast að dagskráin á stöð 2 er undarlega léleg. Eins er með Sýn. Ef eitthvað er áhugavert þá er bara búin til ný rás ( extra eða plús  ) þannig að maður verður að kaupa það líka. kveðja Kolbrún.