"Okurbollur" og bankaránsgræjur úr BYKO..

Þá er það bolludagurinn. Á maður ef til vill að kalla þetta "okurbolludag", ef maður nennir ekki, hefur ekki tíma, eða kann ekki að baka bollur og ætlar að kaupa herlegheitin tilbúin til átu? 2- 300 kall stykkið af þesum fjanda og barasta ekki á dagskránni að slafra þessu gumsi í sig á þessum prís, ónei. Fiskibollur í kvöld, enda sáralítil hætta á að sprauta á næsta mann innvolsinu úr þeim þegar tekinn er biti. Þessar frá Grími í Vestmannaeyjum eru alveg hreint ágætar, ojájá, það held ég nú.

Annars er óhætt að segja að dagurinn hafi byrjað frekar leiðinlega. Bankarán í Lækjargötunni og menn varla vaknaðir. Spurning hvort ræningjagreyin hafi ekki átt fyrir bollum og því gripið til þessara drastísku aðgerða. Ekki gott að segja. Hins vegar óhætt að segja að Lögreglan hafi verið snögg að hafa hendur í hári pörupiltanna og það sem meira er, rannsókn málsins er meira að segja komin það langt á veg að ljóst er orðið að vopnið sem notað var, var keypt í BYKO á Hringbraut snemma í morgun og meira að segja vitað hverrar tegundar það var. Þetta er sko að klára dæmið. Síðan er það spurning hvort þetta var EXI eða ÖXI sem var notuð við verknaðinn. Einhver sem getur sagt Tuðaranum það? 

Athugasemdir

[Ásdís Sigurðardóttir, 4.2.2008 kl. 15:12]

Að drepa bollur með exi er ein leið af mörgum, ég ætla að baka mínar.  Eigðlu góðan dag og ekki kaupa yfir þig af bollum.

[HP Foss, 4.2.2008 kl. 15:16]

Öxi. Öxi maður!

Nema að þetta hafi verið skarexi.

[Þorsteinn Valur Baldvinsson, 4.2.2008 kl. 15:58]

Bankarnir eiga að vera með fyrirbyggjandi aðgerðir og hafa rjómabollubakka í afgreiðslunni, þá er enginn að gera axarsköft með exi í axlarhæð.

Var þetta tilboðs exi eða öxi úr Byko.

[Ingibjörg Friðriksdóttir, 4.2.2008 kl. 19:55]

Er það ekki: öxi, öxi, öxi, axar ?  Það held ég allavega. 

[Brattur, 4.2.2008 kl. 19:57]

... var það ekki Öxar við ánna, ekki Exar við ánna... hmm... það minnir mig...

[Ingibjörg Friðriksdóttir, 4.2.2008 kl. 20:02]

XYZ

Exar hann við ánna.

fær sér svo í tánna.

sveiflar sér á ránna,

og röltir á kránna 

[Auður H Ingólfsdóttir (IP-tala skráð) 4.2.2008 kl. 20:11]

Hjá mér var þetta svona "ekkibolludagur". Ekki fyrr en ég fer að lesa blogg í kvöld sem ég fatta að í dag var bolludagur...

[Hrönn Sigurðardóttir, 4.2.2008 kl. 20:52]

Axaði hann öll trén í garðinum við tungurætur..........

[Edda Agnarsdóttir, 4.2.2008 kl. 23:54]

Bolla bolla Halldór minn og gleðilegan sprengidag og vonandi taka öskupokarnir við!

[Marta B Helgadóttir, 4.2.2008 kl. 23:55]

Leit bara við til að bolla þig