Tuðarinn flytur á átakasvæði.

Jæja, þá styttist í að Tuðarinn flytji á eitt alræmdasta átakasvæði íslandssögunnar hin seinni ár. Nú skal flytja í jaðar Álafosskvosarinnar og hreiðra þar um sig í vinalegu húsi. Verið að mála og gera klárt fyrir flutninginn og enn sem komið er ekki borið á neinum stórróstum fylgjenda eða andstæðinga tengibrautar þeirrar sem koma á nýju og glæsilegu hverfi í landi Helgafells í samband við umheiminn, já eða bara Vesturlandsveginn. Kannski kuldinn haldi stríðandi fylkingum innandyra, eða hörðustu andstæðingar tengibrautarinnar búnir að finna sér ný hús á Spáni, þar sem engar finnast ódýrar "amerískar þjóðvegasjoppur" og þurfi því ekkert að spá í einhverjar tengibrautir lengur. Ekki gott að segja.

Fallegur staður Álafosskvosin og mikil saga sem henni tengist. Iðnbyltingin á Íslandi átti þarna sína dýrðardaga á árum áður, en nú er þarna fátt sem minnir á þá tíma, fyrir utan áletrunina  "Álafossföt bezt" á einum húsgafli og gamli vatnstankurinn ofan við  verksmiðjuhúsið. Gömlu verksmiðjuhúsin og allt sem þeim tengdist, orðin að híbýlum manna á öllum hæðum og Varmáin liðast hjá, ónýtt til nokkur brúks annars en að dást að henni. Ekki einu sinni hægt að busla í henni lengur, því hún er ísköld orðin eins og hver önnur á eða spræna. Synti og buslaði í þessari á sem krakkaormur og man að þá var hún volg og fín og Tuðaranum fannst að þetta væri besta á í heimi. Nú er Tuðarinn mættur aftur í Álafosskvosina rúmum fjörtíu árum seinna og eitt af því sem á döfinni er með hækkandi sól og sumri í lofti er að busla pínupons í Varmánni, þó köld sé orðin og kanna hvort hann upplifi"Dejavou". 

Athugasemdir

[Anna Einarsdóttir, 3.2.2008 kl. 00:00]

Jæja.  Nú hefurðu enga afsökun fyrir að koma ekki í heimsókn hingað með hele familien.  Örstutt á milli.  Ég var hvort sem er búin að hella á kaffi fyrir Ragnheiði.  Nú bíð ég bara. 

[Brattur, 3.2.2008 kl. 00:03]

... er svo bara ekki næsta verkefnið að "hita" Varmánna upp og gera hana að vinsælum baðstað... treysti því að þú farir í það verkefni...

[Þorsteinn Valur Baldvinsson, 3.2.2008 kl. 01:13]

Er ekki bara hægt að virkja þessa Varmá

[Hrönn Sigurðardóttir, 3.2.2008 kl. 07:46]

Vertu allavega í lopasokkum þegar þú testar ána. Gangi þér vel í flutningum ;)

[Edda Agnarsdóttir, 3.2.2008 kl. 11:36]

Æ en spennandi, það er fallegt í kvosinni. Ef þú skellir þér til Önnu þá er upplagt að taka hriginn kringum fjallið sem kennt er við akrana sem blómstruðu hér á öldum áður og taka einn kaffi þar!

Velkomin!

[halkatla, 3.2.2008 kl. 12:03]

frábært, þetta er alveg einn af mínum uppáhaldsstöðum, þótt átökin setji vissulega strik í reikninginn hvað varðar heimsóknir á svæðið - ég vil ekki verða keyrð niður af brjáluðum gröfum sko

[Marta B Helgadóttir, 3.2.2008 kl. 12:38]

Til hamingju með flutningana. Staðurinn er frábær.

[Ásdís Sigurðardóttir, 3.2.2008 kl. 15:36]

Innilega til hamingju með yfirvofandi flutninga, örugglega rosalega spennandi  Hafið það gott á nýjum stað.

[Halldór Egill Guðnason, 3.2.2008 kl. 21:46]

Kærar þakkir öll sömul, fyrir góðar óskir. Þó flutningar séu hundleiðinlegir, vegur nýji staðurinn það upp svo um munar.

[kloi, 3.2.2008 kl. 22:24]

Er góð aðstaða fyrir kisur í kvosinni...... ég meina nóg af músum og fuglum......   . Bara fimmaur Dóri minn ... ég veiði ekki neitt nema læður...

[Halldór Egill Guðnason, 3.2.2008 kl. 22:26]

Klói minn, það fylgdi meira að segja kassi fyrir kisu! svo þú ert velkominn hvenær sem er kallinn minn Held meira að segja að leynist mús í kjallaranum, svo það er spurning hvort ekki er hægt að ráða þig tímabundið í smá verkefni.

[Guðrún Jóna Gunnarsdóttir, 3.2.2008 kl. 22:34]

Er ekki gamla góða Álafossúlpan við hæfi við þessi tímamót, svona smá viðbót við lopasökkana

Flottur staður og örugglega frábært að búa í kvosinni

[Karl Tómasson, 3.2.2008 kl. 22:59]

Kæri Halldór, Erla og fjölsklylda ykkar öll. Hjartanlega velkomin.

Þið eruð heppinn að vera á vesturbakkanum eins og ég og mín fjölskylda, það er minna um óeirðir þeim megin.

Ég grét mig máttlausann eina ferðina en við lestur á skrifum þínum og að þessu sinni varð Erla yngri vitni af hlátrasköllunum.

Bestu kveðjur frá aðal glæpamanninum úr Kvosinni kyrrlátu. Kalli Tomm.  

[HP Foss, 3.2.2008 kl. 23:45]

Blessaður gættu þín  á þessum kónum. Hinkraðu með að setja niður girðinguna,  láttu ekki plata þig í þessa hænsnarækt sem tröllríður öllu sem lætur sjá sig í Hvilftinni, læstu traktorinn þinn inni í skúr, þarna flæðir allt í hefndarverkum.

Hef komið í Hvilftina, fór eitt sinn á ball í Þrúðvangi, Gildran spilaði. Fullmikið að kalla þessa sprænu á, lækur væri nær lagi.

Hvilftina fylla illa farin hús og víst er að fallegri yrði hún væri þau rifin og þá gætu Kaldalækjarsamtökin tjaldað þar og boðið til sín kratakrakkaskaranum sem ráfar á eftir hverri vinnuvélinni sem sést.

Lifðu heill.

[Halldór Egill Guðnason, 5.2.2008 kl. 23:02]

Kæri Kalli, takk fyrir góðar óskir. Það fer ekkert á milli mála að í álafosskvosinni er  og verður gott að búa. 

HP Foss.: Engin girðing hér á bæ, ekki hæna í augsýn og Farmallinn geymdur austur í Flóa. Fínt fólk hérna. Láttekkisona